| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
10. госамб̣агагканд̇хаго
10. Kosambakakkhandhako
госамб̣агавиваад̣̇агат̇ааван̣н̣анаа
Kosambakavivādakathāvaṇṇanā
451. госамб̣агагканд̇хагз сажз ход̇и, д̣̇зсзссаамийд̇и винаяад̇харасса важанзна аабад̇д̇ид̣̇идтим̣ бадилабхид̇ваа звамааха. д̇знзва баал̣ияам̣ ‘‘со д̇ассаа аабад̇д̇ияаа анаабад̇д̇ид̣̇идти ход̇ий’’д̇и вуд̇д̇ам̣. над̇т̇и аабад̇д̇ийд̇и уд̣̇агасса табанабхаавам̣ аж̇аанид̇ваа ваа табид̇ам̣ чад̣д̣зд̇ваа виссарид̇ваа ваа г̇аманз асан̃жижжа асад̇ияаа анаабад̇д̇ибагкоби самбхавад̇ийд̇и винаяад̇харо д̇ад̇т̇а анаабад̇д̇ид̣̇идтим̣ бадилабхид̇ваа звамааха. д̇знзва баал̣ияам̣ ‘‘ан̃н̃з бхигкуу д̇асса аабад̇д̇ияаа анаабад̇д̇ид̣̇идтино хонд̇ий’’д̇и вуд̇д̇ам̣. барисааяабисса анаабад̇д̇ид̣̇идтияаа уббаннад̇д̇аа ‘‘ан̃н̃з’’д̇и б̣ахуважанам̣ гад̇ам̣. анаабад̇д̇ид̣̇идти ахосийд̇и суд̇д̇анд̇игад̇т̇зрасса винаяз абагад̇ан̃н̃уд̇ааяа винаяад̇харасса важанамад̇д̇зна со звамахоси, саа банасса аабад̇д̇и зва уд̣̇агаавасзсасса табанабхаавам̣ н̃ад̇ваа табид̇ад̇д̇аа. вад̇т̇умад̇д̇аж̇аананз зва хи сзкияаа сажид̇д̇агаа, на бан̣н̣ад̇д̇ивиж̇аананз. д̇знзва баал̣ияам̣ ‘‘д̇ассаа аабад̇д̇ияаа анаабад̇д̇ид̣̇идти ход̇ий’’д̇и саб̣б̣ад̇т̇а аабад̇д̇и ижжзва вуд̇д̇ам̣. ‘‘аабад̇д̇им̣ аабаж̇ж̇амаано’’д̇и ид̣̇ам̣ винаяад̇харад̇т̇зро ‘‘д̇аяаа ид̣̇ам̣ уд̣̇агам̣ табид̇а’’нд̇и ад̇д̇анаа будтзна суд̇д̇анд̇игад̇т̇зрзна ‘‘аамаавусо’’д̇и вуд̇д̇аважанам̣ сарид̇ваа бан̣н̣ад̇д̇иаговид̣̇ад̇ааяа сан̃жижжзва агаасийд̇и аабад̇д̇ид̣̇идти худ̇ваава авожа. д̇знзва баал̣ияам̣ ‘‘ан̃н̃з бхигкуу д̇ассаа аабад̇д̇ияаа аабад̇д̇ид̣̇идтино хонд̇ий’’д̇и вуд̇д̇ам̣.
451. Kosambakakkhandhake sace hoti, desessāmīti vinayadharassa vacanena āpattidiṭṭhiṃ paṭilabhitvā evamāha. Teneva pāḷiyaṃ ‘‘so tassā āpattiyā anāpattidiṭṭhi hotī’’ti vuttaṃ. Natthi āpattīti udakassa ṭhapanabhāvaṃ ajānitvā vā ṭhapitaṃ chaḍḍetvā vissaritvā vā gamane asañcicca asatiyā anāpattipakkhopi sambhavatīti vinayadharo tattha anāpattidiṭṭhiṃ paṭilabhitvā evamāha. Teneva pāḷiyaṃ ‘‘aññe bhikkhū tassa āpattiyā anāpattidiṭṭhino hontī’’ti vuttaṃ. Parisāyapissa anāpattidiṭṭhiyā uppannattā ‘‘aññe’’ti bahuvacanaṃ kataṃ. Anāpattidiṭṭhi ahosīti suttantikattherassa vinaye apakataññutāya vinayadharassa vacanamattena so evamahosi, sā panassa āpatti eva udakāvasesassa ṭhapanabhāvaṃ ñatvā ṭhapitattā. Vatthumattajānane eva hi sekhiyā sacittakā, na paṇṇattivijānane. Teneva pāḷiyaṃ ‘‘tassā āpattiyā anāpattidiṭṭhi hotī’’ti sabbattha āpatti icceva vuttaṃ. ‘‘Āpattiṃ āpajjamāno’’ti idaṃ vinayadharatthero ‘‘tayā idaṃ udakaṃ ṭhapita’’nti attanā puṭṭhena suttantikattherena ‘‘āmāvuso’’ti vuttavacanaṃ saritvā paṇṇattiakovidatāya sañcicceva akāsīti āpattidiṭṭhi hutvāva avoca. Teneva pāḷiyaṃ ‘‘aññe bhikkhū tassā āpattiyā āpattidiṭṭhino hontī’’ti vuttaṃ.
453. ‘‘на д̇аава бхинно’’д̇и ид̣̇ам̣ угкибанад̇ад̣̇анувад̇д̇анамад̇д̇зна сан̇гхо бхинно наама на ход̇и, д̇ам̣ ниссааяа бана убхаяабагкигаанам̣ багкам̣ бариязсид̇ваа ан̃н̃аман̃н̃ам̣ год̇хавасзна гааяаважийгалахавад̣дханзнзва ход̇ийд̇и имамад̇т̇ам̣ санд̇хааяа вуд̇д̇ам̣. д̇знааха ‘‘со жа ко галахавасзнаа’’д̇и. самбхамаад̇т̇авасзнаад̇и д̇урид̇ад̇т̇авасзна.
453.‘‘Na tāva bhinno’’ti idaṃ ukkhipanatadanuvattanamattena saṅgho bhinno nāma na hoti, taṃ nissāya pana ubhayapakkhikānaṃ pakkhaṃ pariyesitvā aññamaññaṃ kodhavasena kāyavacīkalahavaḍḍhaneneva hotīti imamatthaṃ sandhāya vuttaṃ. Tenāha ‘‘so ca kho kalahavasenā’’ti. Sambhamaatthavasenāti turitatthavasena.
454. агааран̣зд̇иаад̣̇и анугкибид̇ваава убааязна сан̃н̃аабзд̇ваа хид̇зсид̇ааяа аабад̇д̇ид̇о можзд̇ум̣ яуд̇д̇адтаанз год̇хажид̇д̇авасзна вихзтанад̇т̇ааяа гад̇абхаавам̣ санд̇хааяа вуд̇д̇ам̣, на бана гамман̇г̇асса абхаавам̣ санд̇хааяа. д̇знзва баал̣ияам̣ ‘‘аабад̇д̇и зсаа, бхигкавз, нзсаа анаабад̇д̇и…бз… угкид̇д̇о зсо бхигкуу’’д̇иаад̣̇и вуд̇д̇ам̣.
454.Akāraṇetiādi anukkhipitvāva upāyena saññāpetvā hitesitāya āpattito mocetuṃ yuttaṭṭhāne kodhacittavasena viheṭhanatthāya katabhāvaṃ sandhāya vuttaṃ, na pana kammaṅgassa abhāvaṃ sandhāya. Teneva pāḷiyaṃ ‘‘āpatti esā, bhikkhave, nesā anāpatti…pe… ukkhitto eso bhikkhū’’tiādi vuttaṃ.
455. ‘‘ад̇хаммаваад̣̇ийнам̣ багкз нисинно’’д̇и ид̣̇ам̣ убалагкан̣амад̇д̇ам̣, д̇хаммаваад̣̇ийнам̣ багкз нисийд̣̇ид̇ваа ад̇хаммаваад̣̇ийнам̣ лад̣̇д̇хим̣ г̇ан̣ханд̇оби д̇хаммаваад̣̇ийнам̣ наанаасам̣ваасаго ход̇и зва. гаммам̣ гобзд̇ийд̇и д̇ам̣ винаа г̇ан̣асса абууран̣абагкам̣ санд̇хааяа вуд̇д̇ам̣. яад̇т̇а ваа д̇ад̇т̇а ваад̇и д̇хаммаваад̣̇ийнам̣ багкз ваа ад̇хаммаваад̣̇ийнам̣ багкз ваад̇и ад̇т̇о. имз д̇хаммаваад̣̇инод̇и г̇ан̣хаад̇ийд̇и д̇ам̣д̇ам̣багкаг̇ад̇з бхигкуу яаат̇аавад̇о ваа аяаат̇аавад̇о ваа ‘‘имз д̇хаммаваад̣̇ино’’д̇и г̇ан̣хаад̇и, аяам̣ д̇ам̣д̇ам̣багкаг̇ад̇аанам̣ ад̇д̇аанам̣ самаанасам̣ваасагам̣ гарод̇и.
455.‘‘Adhammavādīnaṃ pakkhe nisinno’’ti idaṃ upalakkhaṇamattaṃ, dhammavādīnaṃ pakkhe nisīditvā adhammavādīnaṃ laddhiṃ gaṇhantopi dhammavādīnaṃ nānāsaṃvāsako hoti eva. Kammaṃ kopetīti taṃ vinā gaṇassa apūraṇapakkhaṃ sandhāya vuttaṃ. Yattha vā tattha vāti dhammavādīnaṃ pakkhe vā adhammavādīnaṃ pakkhe vāti attho. Ime dhammavādinoti gaṇhātīti taṃtaṃpakkhagate bhikkhū yāthāvato vā ayāthāvato vā ‘‘ime dhammavādino’’ti gaṇhāti, ayaṃ taṃtaṃpakkhagatānaṃ attānaṃ samānasaṃvāsakaṃ karoti.
456. убад̣̇ам̣сзнд̇ийд̇и бавад̇д̇знд̇и. баал̣ияам̣ зд̇д̇аавад̇аад̇и ‘‘зд̇д̇агабад̣̇зсам̣ мун̃жид̇ваа нисиннаа маяам̣ год̇хажид̇д̇з уббаннзби ан̃н̃аман̃н̃ам̣ анануломигам̣ гааяагаммаад̣̇им̣ бавад̇д̇зд̇ум̣ на сагкиссаамаа’’д̇и саллзгкзд̇ваа д̣̇уурз нисийд̣̇ид̇аб̣б̣анд̇и ад̇хиббааяо. д̇знааха ‘‘убажаарам̣ мун̃жид̇ваа’’д̇и.
456.Upadaṃsentīti pavattenti. Pāḷiyaṃ ettāvatāti ‘‘ettakapadesaṃ muñcitvā nisinnā mayaṃ kodhacitte uppannepi aññamaññaṃ ananulomikaṃ kāyakammādiṃ pavattetuṃ na sakkhissāmā’’ti sallekkhetvā dūre nisīditabbanti adhippāyo. Tenāha ‘‘upacāraṃ muñcitvā’’ti.
457. баал̣ияам̣ бхан̣д̣анаж̇аад̇аад̇иаад̣̇ийсу галахасса буб̣б̣абхааг̇о бхан̣д̣анам̣ наама. хад̇т̇абараамаасаад̣̇и галахо наама. вируд̣̇д̇хаваад̣̇о виваад̣̇о наама.
457. Pāḷiyaṃ bhaṇḍanajātātiādīsu kalahassa pubbabhāgo bhaṇḍanaṃ nāma. Hatthaparāmāsādi kalaho nāma. Viruddhavādo vivādo nāma.
458. барибун̣н̣агосагодтааг̇аарод̇и зд̇т̇а госо наама суван̣н̣аман̣иаад̣̇ибхан̣д̣ааг̇аарасаараг̇аб̣бхо. годтам̣ вужжад̇и д̇хан̃н̃асса аавасанадтаанам̣, годтабхууд̇ам̣ аг̇аарам̣ годтааг̇аарам̣, д̇хан̃н̃асан̇г̇ахадтаанам̣. аб̣бхуяяаасийд̇и яуд̣̇д̇хааяа абхимуко нигкамийд̇и ад̇т̇о. згасан̇гхаад̇амбийд̇и згаяуд̣̇д̇хамби. д̇ховананд̇и д̇ховануд̣̇агам̣.
458.Paripuṇṇakosakoṭṭhāgāroti ettha koso nāma suvaṇṇamaṇiādibhaṇḍāgārasāragabbho. Koṭṭhaṃ vuccati dhaññassa āvasanaṭṭhānaṃ, koṭṭhabhūtaṃ agāraṃ koṭṭhāgāraṃ, dhaññasaṅgahaṭṭhānaṃ. Abbhuyyāsīti yuddhāya abhimukho nikkhamīti attho. Ekasaṅghātampīti ekayuddhampi. Dhovananti dhovanudakaṃ.
463. барияаад̣̇иннаруубаад̇и год̇хажид̇д̇зна бариг̇г̇ахид̇асабхааваа.
463.Pariyādinnarūpāti kodhacittena pariggahitasabhāvā.
464. д̇ам̣ на ж̇аананд̇ийд̇и д̇ам̣ галахам̣ на ж̇аананд̇и. яз убанаяханд̇ийд̇и яат̇аавуд̇д̇ам̣ год̇хаагаарам̣ жид̇д̇з б̣анд̇ханд̇и. баагадабариссаязд̇и сийхаад̣̇игз. бадижчаннабариссаязд̇и рааг̇аад̣̇игз. баал̣ияам̣ над̇т̇и б̣аалз 97 сахааяад̇аад̇и б̣аалам̣ ниссааяа сийлаад̣̇иг̇ун̣асан̇каад̇аа сахааяад̇аа над̇т̇и, на саггаа лад̣̇д̇хунд̇и ад̇т̇о.
464.Taṃ na jānantīti taṃ kalahaṃ na jānanti. Ye upanayhantīti yathāvuttaṃ kodhākāraṃ citte bandhanti. Pākaṭaparissayeti sīhādike. Paṭicchannaparissayeti rāgādike. Pāḷiyaṃ natthi bāle 97 sahāyatāti bālaṃ nissāya sīlādiguṇasaṅkhātā sahāyatā natthi, na sakkā laddhunti attho.
466. ад̇д̇агаамаруубаад̇и ад̇д̇ано хид̇агаамаяамаанасабхааваа. ануруд̣̇д̇хаад̇и згасзсанаязна д̇ин̣н̣амби гулабуд̇д̇аанам̣ аалабанам̣, д̇знзва б̣ахуважананид̣̇д̣̇зсо гад̇о. каманийяам̣ сарийрам̣ яаабанийяам̣ ж̇ийвид̇ам̣ ‘‘гажжи во сарийран̃жа д̇хаарзд̇ум̣, ж̇ийвид̇ан̃жа яаабзд̇ум̣ саггаа’’д̇и бужчад̇и. д̇аг̇гхаад̇и згам̣сад̇т̇з нибаад̇о, згам̣сзна маяам̣ бханд̇зд̇и ад̇т̇о. яат̇аа гат̇анд̇и зд̇т̇а яат̇аад̇и нибаад̇амад̇д̇ам̣, яат̇аагат̇анд̇и ваа зго нибаад̇о гааран̣абужчанад̇т̇о, гзна багаарзнаад̇и ад̇т̇о. зган̃жа бана ман̃н̃з жид̇д̇анд̇и згасса жид̇д̇авасзна ид̇арзсамби бавад̇д̇анад̇о саб̣б̣зсам̣ но згам̣ вияа жид̇д̇анд̇и ад̇т̇о. гажжи бана во ануруд̣̇д̇хаад̇и зд̇т̇а вод̇и нибаад̇амад̇д̇ам̣, бажжад̇д̇аважанам̣ ваа, гажжи д̇умхзд̇и ад̇т̇о. амхааганд̇и нид̣̇д̇хааран̣з саамиважанам̣, амхзсу д̇ийсу яо батамам̣ бадиггамад̇ийд̇и ад̇т̇о.
466.Attakāmarūpāti attano hitakāmayamānasabhāvā. Anuruddhāti ekasesanayena tiṇṇampi kulaputtānaṃ ālapanaṃ, teneva bahuvacananiddeso kato. Khamanīyaṃ sarīraṃ yāpanīyaṃ jīvitaṃ ‘‘kacci vo sarīrañca dhāretuṃ, jīvitañca yāpetuṃ sakkā’’ti pucchati. Tagghāti ekaṃsatthe nipāto, ekaṃsena mayaṃ bhanteti attho. Yathā kathanti ettha yathāti nipātamattaṃ, yathākathanti vā eko nipāto kāraṇapucchanattho, kena pakārenāti attho. Ekañca pana maññe cittanti ekassa cittavasena itaresampi pavattanato sabbesaṃ no ekaṃ viya cittanti attho. Kacci pana vo anuruddhāti ettha voti nipātamattaṃ, paccattavacanaṃ vā, kacci tumheti attho. Amhākanti niddhāraṇe sāmivacanaṃ, amhesu tīsu yo paṭhamaṃ paṭikkamatīti attho.
госамб̣агавиваад̣̇агат̇ааван̣н̣анаа нидтид̇аа.
Kosambakavivādakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi
271. госамб̣агавиваад̣̇агат̇аа • 271. Kosambakavivādakathā
272. д̣̇ийгхаавувад̇т̇у • 272. Dīghāvuvatthu
274. баажийнавам̣сад̣̇ааяаг̇аманагат̇аа • 274. Pācīnavaṃsadāyagamanakathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / госамб̣агавиваад̣̇агат̇аа • Kosambakavivādakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā
госамб̣агавиваад̣̇агат̇ааван̣н̣анаа • Kosambakavivādakathāvaṇṇanā
д̣̇ийгхаавувад̇т̇угат̇ааван̣н̣анаа • Dīghāvuvatthukathāvaṇṇanā
баажийнавам̣сад̣̇ааяаг̇аманагат̇ааван̣н̣анаа • Pācīnavaṃsadāyagamanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā
госамб̣агавиваад̣̇агат̇ааван̣н̣анаа • Kosambakavivādakathāvaṇṇanā
д̣̇ийгхаавувад̇т̇угат̇ааван̣н̣анаа • Dīghāvuvatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 271. госамб̣агавиваад̣̇агат̇аа • 271. Kosambakavivādakathā
