| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
8. госамб̣исуд̇д̇аван̣н̣анаа
8. Kosambisuttavaṇṇanā
68. адтамз ан̃н̃ад̇рзваад̇и згажжо хи барасса сад̣̇д̣̇ахид̇ваа яам̣ зса бхан̣ад̇и, д̇ам̣ бхууд̇анд̇и г̇ан̣хаад̇и. абарасса нисийд̣̇ид̇ваа жинд̇знд̇асса яам̣ гааран̣ам̣ ружжад̇и, со ‘‘ад̇т̇и зд̇а’’нд̇и ружияаа г̇ан̣хаад̇и. зго ‘‘жирагаалад̇о бадтааяа звам̣ ануссаво ад̇т̇и, бхууд̇амзд̇а’’нд̇и ануссавзна г̇ан̣хаад̇и. ан̃н̃асса вид̇аггаяад̇о згам̣ гааран̣ам̣ убадтаад̇и, со ‘‘ад̇т̇зд̇а’’нд̇и аагаарабаривид̇аггзна г̇ан̣хаад̇и. абарасса жинд̇аяад̇о згаа д̣̇идти уббаж̇ж̇ад̇и, яааяасса д̇ам̣ гааран̣ам̣ ниж̇жхааяанд̇асса камад̇и, со ‘‘ад̇т̇зд̇а’’нд̇и д̣̇идтиниж̇жхаанагканд̇ияаа г̇ан̣хаад̇и. т̇зро бана бан̃жаби зд̇аани гааран̣аани бадигкибид̇ваа бажжагкан̃аан̣зна бадивид̣̇д̇хабхаавам̣ бужчанд̇о ан̃н̃ад̇рзва, аавусо мусила, сад̣̇д̇хааяаад̇иаад̣̇имааха. д̇ад̇т̇а ан̃н̃ад̇рзваад̇и сад̣̇д̇хаад̣̇ийни гааран̣аани табзд̇ваа, винаа зд̇зхи гааран̣зхийд̇и ад̇т̇о. бхаванирод̇хо ниб̣б̣аананд̇и бан̃жагканд̇ханирод̇хо ниб̣б̣аанам̣.
68. Aṭṭhame aññatrevāti ekacco hi parassa saddahitvā yaṃ esa bhaṇati, taṃ bhūtanti gaṇhāti. Aparassa nisīditvā cintentassa yaṃ kāraṇaṃ ruccati, so ‘‘atthi eta’’nti ruciyā gaṇhāti. Eko ‘‘cirakālato paṭṭhāya evaṃ anussavo atthi, bhūtameta’’nti anussavena gaṇhāti. Aññassa vitakkayato ekaṃ kāraṇaṃ upaṭṭhāti, so ‘‘attheta’’nti ākāraparivitakkena gaṇhāti. Aparassa cintayato ekā diṭṭhi uppajjati, yāyassa taṃ kāraṇaṃ nijjhāyantassa khamati, so ‘‘attheta’’nti diṭṭhinijjhānakkhantiyā gaṇhāti. Thero pana pañcapi etāni kāraṇāni paṭikkhipitvā paccakkhañāṇena paṭividdhabhāvaṃ pucchanto aññatreva, āvuso musila, saddhāyātiādimāha. Tattha aññatrevāti saddhādīni kāraṇāni ṭhapetvā, vinā etehi kāraṇehīti attho. Bhavanirodho nibbānanti pañcakkhandhanirodho nibbānaṃ.
д̇ун̣хий ахосийд̇и т̇зро кийн̣аасаво, ахам̣ бана кийн̣аасавод̇и ваа на ваад̇и ваа авад̇ваа д̇ун̣хийязва ахоси. ааяасмаа наарад̣̇о ааяасманд̇ам̣ бавидтам̣ зд̇ад̣̇авожаад̇и гасмаа авожа? со гира жинд̇зси – ‘‘бхаванирод̇хо ниб̣б̣аанам̣ наамаад̇и сзкзхиби ж̇аанид̇аб̣б̣о бан̃хо зса, аяам̣ бана т̇зро имам̣ т̇зрам̣ асзкабхуумияаа гаарзд̇и, имам̣ таанам̣ ж̇аанаабзссаамий’’д̇и зд̇ам̣ авожа.
Tuṇhī ahosīti thero khīṇāsavo, ahaṃ pana khīṇāsavoti vā na vāti vā avatvā tuṇhīyeva ahosi. Āyasmā nārado āyasmantaṃ paviṭṭhaṃ etadavocāti kasmā avoca? So kira cintesi – ‘‘bhavanirodho nibbānaṃ nāmāti sekhehipi jānitabbo pañho esa, ayaṃ pana thero imaṃ theraṃ asekhabhūmiyā kāreti, imaṃ ṭhānaṃ jānāpessāmī’’ti etaṃ avoca.
саммаббан̃н̃ааяа суд̣̇идтанд̇и саха вибассанааяа маг̇г̇абан̃н̃ааяа судту д̣̇идтам̣. на жамхи араханд̇и анааг̇аамимаг̇г̇з тид̇ад̇д̇аа арахам̣ на хомийд̇и д̣̇ийбзд̇и. яам̣ банасса ид̣̇аани ‘‘бхаванирод̇хо ниб̣б̣аана’’нд̇и н̃аан̣ам̣, д̇ам̣ згуунавийсад̇ияаа бажжавзгкан̣ан̃аан̣зхи вимуд̇д̇ам̣ бажжавзгкан̣ан̃аан̣ам̣. уд̣̇абаанод̇и вийсад̇им̣сахад̇т̇аг̇амбхийро баанийяагуубо. уд̣̇агаваарагод̇и уд̣̇агауссин̃жанаваараго. уд̣̇аганд̇и хи ко н̃аан̣ам̣ ассаад̇и д̇ийрз тид̇асса ологаяад̇о звам̣ н̃аан̣ам̣ бхавзяяа. на жа гааязна пусид̇ваад̇и уд̣̇агам̣ бана нийхарид̇ваа гааязна пусид̇ваа вихарид̇ум̣ на саггун̣зяяа. уд̣̇абаанз уд̣̇агад̣̇ассанам̣ вияа хи анааг̇аамино ниб̣б̣аанад̣̇ассанам̣, гхаммаабхид̇ад̇д̇абурисо вияа анааг̇аамий, уд̣̇агаваараго вияа арахад̇д̇амаг̇г̇о, яат̇аа гхаммаабхид̇ад̇д̇абурисо уд̣̇абаанз уд̣̇агам̣ бассад̇и. звам̣ анааг̇аамий бажжавзгкан̣ан̃аан̣зна ‘‘убари арахад̇д̇апаласамаяо наама ад̇т̇ий’’д̇и ж̇аанаад̇и. яат̇аа бана со бурисо уд̣̇агаваарагасса над̇т̇ид̇ааяа уд̣̇агам̣ нийхарид̇ваа гааязна пусид̇ум̣ на лабхад̇и, звам̣ анааг̇аамий арахад̇д̇амаг̇г̇асса над̇т̇ид̇ааяа ниб̣б̣аанам̣ аарамман̣ам̣ гад̇ваа арахад̇д̇апаласамаабад̇д̇им̣ аббзд̇ваа нисийд̣̇ид̇ум̣ на лабхад̇и. адтамам̣.
Sammappaññāyasudiṭṭhanti saha vipassanāya maggapaññāya suṭṭhu diṭṭhaṃ. Na camhi arahanti anāgāmimagge ṭhitattā arahaṃ na homīti dīpeti. Yaṃ panassa idāni ‘‘bhavanirodho nibbāna’’nti ñāṇaṃ, taṃ ekūnavīsatiyā paccavekkhaṇañāṇehi vimuttaṃ paccavekkhaṇañāṇaṃ. Udapānoti vīsatiṃsahatthagambhīro pānīyakūpo. Udakavārakoti udakaussiñcanavārako. Udakanti hi kho ñāṇaṃ assāti tīre ṭhitassa olokayato evaṃ ñāṇaṃ bhaveyya. Na ca kāyena phusitvāti udakaṃ pana nīharitvā kāyena phusitvā viharituṃ na sakkuṇeyya. Udapāne udakadassanaṃ viya hi anāgāmino nibbānadassanaṃ, ghammābhitattapuriso viya anāgāmī, udakavārako viya arahattamaggo, yathā ghammābhitattapuriso udapāne udakaṃ passati. Evaṃ anāgāmī paccavekkhaṇañāṇena ‘‘upari arahattaphalasamayo nāma atthī’’ti jānāti. Yathā pana so puriso udakavārakassa natthitāya udakaṃ nīharitvā kāyena phusituṃ na labhati, evaṃ anāgāmī arahattamaggassa natthitāya nibbānaṃ ārammaṇaṃ katvā arahattaphalasamāpattiṃ appetvā nisīdituṃ na labhati. Aṭṭhamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 8. госамб̣исуд̇д̇ам̣ • 8. Kosambisuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 8. госамб̣исуд̇д̇аван̣н̣анаа • 8. Kosambisuttavaṇṇanā
