| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
8. госамб̣исуд̇д̇аван̣н̣анаа
8. Kosambisuttavaṇṇanā
68. адтамз барасса сад̣̇д̣̇ахид̇ваад̇и барасса важанам̣ сад̣̇д̣̇ахид̇ваа. д̇знааха ‘‘яам̣ зса бхан̣ад̇и, д̇ам̣ бхууд̇анд̇и г̇ан̣хаад̇ий’’д̇и. барабад̇д̇ияо хи зсо баранзяяаб̣уд̣̇д̇хиго. яам̣ гааран̣анд̇и яам̣ ад̇д̇анаа жинд̇ид̇авад̇т̇у. ружжад̇ийд̇и ‘‘звамзд̇ам̣ бхависсад̇и, на ан̃н̃ат̇аа’’д̇и ад̇д̇ано мад̇ияаа жинд̇знд̇асса ружжад̇и. ружияаа г̇ан̣хаад̇ийд̇и барабад̇д̇ияо ахуд̇ваа саяамзва д̇ат̇аа рожзнд̇о г̇ан̣хаад̇и. ануссавод̇и ‘‘ану ану суд̇а’’нд̇и звам̣ жирагаалаг̇ад̇ааяа ануссуд̇ияаа лаб̣бхамаанам̣ ‘‘гат̇амид̣̇ам̣ сияаа, гасмаа бхууд̇амзд̇а’’нд̇и ануссавзна г̇ан̣хаад̇и. вид̇аггаяад̇од̇и ‘‘звамзд̇ам̣ сияаа’’д̇и баригаббзнд̇асса. згам̣ гааран̣ам̣ убадтаад̇ийд̇и яат̇аабаригаббид̇авад̇т̇у жид̇д̇асса убадтаад̇и. аагаарабаривид̇аггзнаад̇и ад̇д̇анаа габбид̇аагаарзнаа д̇ам̣ г̇ан̣хаад̇и. згаа д̣̇идти уббаж̇ж̇ад̇ийд̇и ‘‘яат̇аабаригаббид̇ам̣ гин̃жи ад̇т̇ам̣ звамзд̇ам̣, наан̃н̃ат̇аа’’д̇и абхинивисанд̇асса зго абхинивзсо уббаж̇ж̇ад̇и. яааяассаад̇и яааяа д̣̇идтияаа асса буг̇г̇аласса. ниж̇жхааяанд̇ассаад̇и бажжагкам̣ вияа нируубзд̇ваа жинд̇знд̇асса. камад̇ийд̇и д̇ат̇аа г̇ахан̣агкамо ход̇и. д̇знааха ‘‘со…бз… г̇ан̣хаад̇ий’’д̇и. зд̇аанийд̇и сад̣̇д̇хаад̣̇ийни. д̇аани хи сад̣̇д̇хзяяаанам̣ вад̇т̇уунам̣ г̇ахан̣ахзд̇убхаавад̇о ‘‘гааран̣ааний’’д̇и вуд̇д̇аани. бхаванирод̇хо ниб̣б̣аананд̇и нававид̇хоби бхаво нируж̇жхад̇и зд̇т̇а зд̇асмим̣ ад̇хиг̇ад̇зд̇и бхаванирод̇хо, ниб̣б̣аанам̣. свааяам̣ бхаво бан̃жагканд̇хасан̇г̇ахо д̇аб̣б̣инимуд̇д̇о над̇т̇ийд̇и ааха ‘‘бан̃жагканд̇ханирод̇хо ниб̣б̣аана’’нд̇и. бхаванирод̇хо ниб̣б̣аанам̣ наамаад̇и ‘‘ниб̣б̣аанам̣ наама бхаванирод̇хо’’д̇и зса бан̃хо сзгкзхиби ж̇аанид̇аб̣б̣о, на асзгкзхзва. имам̣ таананд̇и имам̣ яаат̇аавагааран̣ам̣.
68. Aṭṭhame parassa saddahitvāti parassa vacanaṃ saddahitvā. Tenāha ‘‘yaṃ esa bhaṇati, taṃ bhūtanti gaṇhātī’’ti. Parapattiyo hi eso paraneyyabuddhiko. Yaṃ kāraṇanti yaṃ attanā cintitavatthu. Ruccatīti ‘‘evametaṃ bhavissati, na aññathā’’ti attano matiyā cintentassa ruccati. Ruciyā gaṇhātīti parapattiyo ahutvā sayameva tathā rocento gaṇhāti. Anussavoti ‘‘anu anu suta’’nti evaṃ cirakālagatāya anussutiyā labbhamānaṃ ‘‘kathamidaṃ siyā, kasmā bhūtameta’’nti anussavena gaṇhāti. Vitakkayatoti ‘‘evametaṃ siyā’’ti parikappentassa. Ekaṃ kāraṇaṃ upaṭṭhātīti yathāparikappitavatthu cittassa upaṭṭhāti. Ākāraparivitakkenāti attanā kappitākārenā taṃ gaṇhāti. Ekā diṭṭhi uppajjatīti ‘‘yathāparikappitaṃ kiñci atthaṃ evametaṃ, nāññathā’’ti abhinivisantassa eko abhiniveso uppajjati. Yāyassāti yāya diṭṭhiyā assa puggalassa. Nijjhāyantassāti paccakkhaṃ viya nirūpetvā cintentassa. Khamatīti tathā gahaṇakkhamo hoti. Tenāha ‘‘so…pe… gaṇhātī’’ti. Etānīti saddhādīni. Tāni hi saddheyyānaṃ vatthūnaṃ gahaṇahetubhāvato ‘‘kāraṇānī’’ti vuttāni. Bhavanirodho nibbānanti navavidhopi bhavo nirujjhati ettha etasmiṃ adhigateti bhavanirodho, nibbānaṃ. Svāyaṃ bhavo pañcakkhandhasaṅgaho tabbinimutto natthīti āha ‘‘pañcakkhandhanirodho nibbāna’’nti. Bhavanirodho nibbānaṃ nāmāti ‘‘nibbānaṃ nāma bhavanirodho’’ti esa pañho sekkhehipi jānitabbo, na asekkheheva. Imaṃ ṭhānanti imaṃ yāthāvakāraṇaṃ.
судту д̣̇идтанд̇и ‘‘бхаванирод̇хо ниб̣б̣аана’’нд̇и маяаа судту яаат̇аавад̇о д̣̇идтам̣, бхавасса бийл̣анасан̇кад̇асанд̇аабавибарин̣аамадтаанам̣, бхаванирод̇хасса жа ниссаран̣авивзгаасан̇кад̇аамад̇адтаанам̣ яат̇аабхууд̇ам̣ саммаббан̃н̃ааяа д̣̇идтад̇д̇аа. анааг̇аамипалз тид̇о хи анааг̇аамимаг̇г̇з тид̇о зва наама убаримаг̇г̇асса анад̇хиг̇ад̇ад̇д̇аад̇и вуд̇д̇ам̣ ‘‘анааг̇аамимаг̇г̇з тид̇ад̇д̇аа’’д̇и. ниб̣б̣аанам̣ аараб̣бха бавад̇д̇амби т̇зрассзд̇ам̣ н̃аан̣ам̣ ‘‘ниб̣б̣аанам̣ бажжавзгкад̇ий’’д̇и вуд̇д̇ан̃аан̣ам̣ вияа на ход̇ийд̇и вуд̇д̇ам̣ ‘‘згуунавийсад̇ияаа…бз… бажжавзгкан̣ан̃аан̣а’’нд̇и. зд̇зна зд̇ам̣ ниб̣б̣аанабажжавзгкан̣аа вияа на ход̇и саббад̣̇зсабхаавад̇од̇и д̣̇ассзд̇и. зван̃жа гад̇ваа ид̇ха уд̣̇абаананид̣̇ассанамби самад̇т̇ид̇анд̇и д̣̇адтаб̣б̣ам̣. бажжавзгкан̣ан̃аан̣знаад̇и авасзсагилзсаанам̣, ниб̣б̣аанассзва ваа бажжавзгкан̣ан̃аан̣зна. убари арахад̇д̇апаласамаяод̇и убари сиж̇жханад̇о арахад̇д̇абадилаабхо д̇ат̇аа ад̇т̇и. ‘‘язнаахам̣ д̇ам̣ бариязсад̇о ниб̣б̣аанам̣ сажчигариссаамий’’д̇и ж̇аанаад̇и.
Suṭṭhu diṭṭhanti ‘‘bhavanirodho nibbāna’’nti mayā suṭṭhu yāthāvato diṭṭhaṃ, bhavassa pīḷanasaṅkhatasantāpavipariṇāmaṭṭhānaṃ, bhavanirodhassa ca nissaraṇavivekāsaṅkhatāmataṭṭhānaṃ yathābhūtaṃ sammappaññāya diṭṭhattā. Anāgāmiphale ṭhito hi anāgāmimagge ṭhito eva nāma uparimaggassa anadhigatattāti vuttaṃ ‘‘anāgāmimagge ṭhitattā’’ti. Nibbānaṃ ārabbha pavattampi therassetaṃ ñāṇaṃ ‘‘nibbānaṃ paccavekkhatī’’ti vuttañāṇaṃ viya na hotīti vuttaṃ ‘‘ekūnavīsatiyā…pe… paccavekkhaṇañāṇa’’nti. Etena etaṃ nibbānapaccavekkhaṇā viya na hoti sappadesabhāvatoti dasseti. Evañca katvā idha udapānanidassanampi samatthitanti daṭṭhabbaṃ. Paccavekkhaṇañāṇenāti avasesakilesānaṃ, nibbānasseva vā paccavekkhaṇañāṇena. Upari arahattaphalasamayoti upari sijjhanato arahattapaṭilābho tathā atthi. ‘‘Yenāhaṃ taṃ pariyesato nibbānaṃ sacchikarissāmī’’ti jānāti.
госамб̣исуд̇д̇аван̣н̣анаа нидтид̇аа.
Kosambisuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 8. госамб̣исуд̇д̇ам̣ • 8. Kosambisuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 8. госамб̣исуд̇д̇аван̣н̣анаа • 8. Kosambisuttavaṇṇanā
