| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
8. госамб̣ияасуд̇д̇ам̣
8. Kosambiyasuttaṃ
491. звам̣ мз суд̇ам̣ – згам̣ самаяам̣ бхаг̇аваа госамб̣ияам̣ вихарад̇и гхосид̇аараамз. д̇зна ко бана самаязна госамб̣ияам̣ бхигкуу бхан̣д̣анаж̇аад̇аа галахаж̇аад̇аа виваад̣̇аабаннаа ан̃н̃аман̃н̃ам̣ мукасад̇д̇ийхи вид̇уд̣̇анд̇аа вихаранд̇и. д̇з на жзва ан̃н̃аман̃н̃ам̣ сан̃н̃аабзнд̇и на жа сан̃н̃ад̇д̇им̣ убзнд̇и, на жа ан̃н̃аман̃н̃ам̣ ниж̇жхаабзнд̇и, на жа ниж̇жхад̇д̇им̣ убзнд̇и. ат̇а ко ан̃н̃ад̇аро бхигку язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко со бхигку бхаг̇аванд̇ам̣ зд̇ад̣̇авожа – ‘‘ид̇ха, бханд̇з, госамб̣ияам̣ бхигкуу бхан̣д̣анаж̇аад̇аа галахаж̇аад̇аа виваад̣̇аабаннаа ан̃н̃аман̃н̃ам̣ мукасад̇д̇ийхи вид̇уд̣̇анд̇аа вихаранд̇и, д̇з на жзва ан̃н̃аман̃н̃ам̣ сан̃н̃аабзнд̇и, на жа сан̃н̃ад̇д̇им̣ убзнд̇и, на жа ан̃н̃аман̃н̃ам̣ ниж̇жхаабзнд̇и, на жа ниж̇жхад̇д̇им̣ убзнд̇ий’’д̇и.
491. Evaṃ me sutaṃ – ekaṃ samayaṃ bhagavā kosambiyaṃ viharati ghositārāme. Tena kho pana samayena kosambiyaṃ bhikkhū bhaṇḍanajātā kalahajātā vivādāpannā aññamaññaṃ mukhasattīhi vitudantā viharanti. Te na ceva aññamaññaṃ saññāpenti na ca saññattiṃ upenti, na ca aññamaññaṃ nijjhāpenti, na ca nijjhattiṃ upenti. Atha kho aññataro bhikkhu yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho so bhikkhu bhagavantaṃ etadavoca – ‘‘idha, bhante, kosambiyaṃ bhikkhū bhaṇḍanajātā kalahajātā vivādāpannā aññamaññaṃ mukhasattīhi vitudantā viharanti, te na ceva aññamaññaṃ saññāpenti, na ca saññattiṃ upenti, na ca aññamaññaṃ nijjhāpenti, na ca nijjhattiṃ upentī’’ti.
ат̇а ко бхаг̇аваа ан̃н̃ад̇арам̣ бхигкум̣ ааманд̇зси – ‘‘зхи д̇вам̣, бхигку, мама важанзна д̇з бхигкуу ааманд̇зхи – ‘сад̇т̇аа во ааяасманд̇з ааманд̇зд̇ий’’’д̇и. ‘‘звам̣ , бханд̇з’’д̇и ко со бхигку бхаг̇авад̇о бадиссуд̇ваа язна д̇з бхигкуу д̇знубасан̇гами; убасан̇гамид̇ваа д̇з бхигкуу зд̇ад̣̇авожа – ‘‘сад̇т̇аа ааяасманд̇з ааманд̇зд̇ий’’д̇и. ‘‘звамаавусо’’д̇и ко д̇з бхигкуу д̇асса бхигкуно бадиссуд̇ваа язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисиннз ко д̇з бхигкуу бхаг̇аваа зд̇ад̣̇авожа – ‘‘сажжам̣ гира д̇умхз, бхигкавз, бхан̣д̣анаж̇аад̇аа галахаж̇аад̇аа виваад̣̇аабаннаа ан̃н̃аман̃н̃ам̣ мукасад̇д̇ийхи вид̇уд̣̇анд̇аа вихарат̇а, д̇з на жзва ан̃н̃аман̃н̃ам̣ сан̃н̃аабзт̇а, на жа сан̃н̃ад̇д̇им̣ убзт̇а, на жа ан̃н̃аман̃н̃ам̣ ниж̇жхаабзт̇а, на жа ниж̇жхад̇д̇им̣ убзт̇аа’’д̇и? ‘‘звам̣, бханд̇з’’. ‘‘д̇ам̣ гим̣ ман̃н̃ат̇а, бхигкавз, яасмим̣ д̇умхз самаяз бхан̣д̣анаж̇аад̇аа галахаж̇аад̇аа виваад̣̇аабаннаа ан̃н̃аман̃н̃ам̣ мукасад̇д̇ийхи вид̇уд̣̇анд̇аа вихарат̇а, аби ну д̇умхаагам̣ д̇асмим̣ самаяз мзд̇д̇ам̣ гааяагаммам̣ бажжубадтид̇ам̣ ход̇и саб̣рахмажаарийсу аави жзва рахо жа, мзд̇д̇ам̣ важийгаммам̣…бз… мзд̇д̇ам̣ маногаммам̣ бажжубадтид̇ам̣ ход̇и саб̣рахмажаарийсу аави жзва рахо жаа’’д̇и? ‘‘но хзд̇ам̣, бханд̇з’’. ‘‘ид̇и гира, бхигкавз, яасмим̣ д̇умхз самаяз бхан̣д̣анаж̇аад̇аа галахаж̇аад̇аа виваад̣̇аабаннаа ан̃н̃аман̃н̃ам̣ мукасад̇д̇ийхи вид̇уд̣̇анд̇аа вихарат̇а, нзва д̇умхаагам̣ д̇асмим̣ самаяз мзд̇д̇ам̣ гааяагаммам̣ бажжубадтид̇ам̣ ход̇и саб̣рахмажаарийсу аави жзва рахо жа, на мзд̇д̇ам̣ важийгаммам̣…бз… на мзд̇д̇ам̣ маногаммам̣ бажжубадтид̇ам̣ ход̇и саб̣рахмажаарийсу аави жзва рахо жа. ат̇а гин̃жарахи д̇умхз, могхабурисаа, гим̣ ж̇аананд̇аа гим̣ бассанд̇аа бхан̣д̣анаж̇аад̇аа галахаж̇аад̇аа виваад̣̇аабаннаа ан̃н̃аман̃н̃ам̣ мукасад̇д̇ийхи вид̇уд̣̇анд̇аа вихарат̇а, д̇з на жзва ан̃н̃аман̃н̃ам̣ сан̃н̃аабзт̇а, на жа сан̃н̃ад̇д̇им̣ убзт̇а, на жа ан̃н̃аман̃н̃ам̣ ниж̇жхаабзт̇а, на жа ниж̇жхад̇д̇им̣ убзт̇а ? д̇ан̃хи д̇умхаагам̣, могхабурисаа, бхависсад̇и д̣̇ийгхарад̇д̇ам̣ ахид̇ааяа д̣̇угкааяаа’’д̇и.
Atha kho bhagavā aññataraṃ bhikkhuṃ āmantesi – ‘‘ehi tvaṃ, bhikkhu, mama vacanena te bhikkhū āmantehi – ‘satthā vo āyasmante āmantetī’’’ti. ‘‘Evaṃ , bhante’’ti kho so bhikkhu bhagavato paṭissutvā yena te bhikkhū tenupasaṅkami; upasaṅkamitvā te bhikkhū etadavoca – ‘‘satthā āyasmante āmantetī’’ti. ‘‘Evamāvuso’’ti kho te bhikkhū tassa bhikkhuno paṭissutvā yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinne kho te bhikkhū bhagavā etadavoca – ‘‘saccaṃ kira tumhe, bhikkhave, bhaṇḍanajātā kalahajātā vivādāpannā aññamaññaṃ mukhasattīhi vitudantā viharatha, te na ceva aññamaññaṃ saññāpetha, na ca saññattiṃ upetha, na ca aññamaññaṃ nijjhāpetha, na ca nijjhattiṃ upethā’’ti? ‘‘Evaṃ, bhante’’. ‘‘Taṃ kiṃ maññatha, bhikkhave, yasmiṃ tumhe samaye bhaṇḍanajātā kalahajātā vivādāpannā aññamaññaṃ mukhasattīhi vitudantā viharatha, api nu tumhākaṃ tasmiṃ samaye mettaṃ kāyakammaṃ paccupaṭṭhitaṃ hoti sabrahmacārīsu āvi ceva raho ca, mettaṃ vacīkammaṃ…pe… mettaṃ manokammaṃ paccupaṭṭhitaṃ hoti sabrahmacārīsu āvi ceva raho cā’’ti? ‘‘No hetaṃ, bhante’’. ‘‘Iti kira, bhikkhave, yasmiṃ tumhe samaye bhaṇḍanajātā kalahajātā vivādāpannā aññamaññaṃ mukhasattīhi vitudantā viharatha, neva tumhākaṃ tasmiṃ samaye mettaṃ kāyakammaṃ paccupaṭṭhitaṃ hoti sabrahmacārīsu āvi ceva raho ca, na mettaṃ vacīkammaṃ…pe… na mettaṃ manokammaṃ paccupaṭṭhitaṃ hoti sabrahmacārīsu āvi ceva raho ca. Atha kiñcarahi tumhe, moghapurisā, kiṃ jānantā kiṃ passantā bhaṇḍanajātā kalahajātā vivādāpannā aññamaññaṃ mukhasattīhi vitudantā viharatha, te na ceva aññamaññaṃ saññāpetha, na ca saññattiṃ upetha, na ca aññamaññaṃ nijjhāpetha, na ca nijjhattiṃ upetha ? Tañhi tumhākaṃ, moghapurisā, bhavissati dīgharattaṃ ahitāya dukkhāyā’’ti.
492. ат̇а ко бхаг̇аваа бхигкуу ааманд̇зси – ‘‘чаяимз, бхигкавз, д̇хаммаа сааран̣ийяаа бияагаран̣аа г̇аругаран̣аа сан̇г̇ахааяа авиваад̣̇ааяа саамаг̇г̇ияаа згийбхаавааяа сам̣вад̇д̇анд̇и. гад̇амз ча? ид̇ха, бхигкавз, бхигкуно мзд̇д̇ам̣ гааяагаммам̣ бажжубадтид̇ам̣ ход̇и саб̣рахмажаарийсу аави жзва рахо жа. аяамби д̇хаммо сааран̣ийяо бияагаран̣о г̇аругаран̣о сан̇г̇ахааяа авиваад̣̇ааяа саамаг̇г̇ияаа згийбхаавааяа сам̣вад̇д̇ад̇и.
492. Atha kho bhagavā bhikkhū āmantesi – ‘‘chayime, bhikkhave, dhammā sāraṇīyā piyakaraṇā garukaraṇā saṅgahāya avivādāya sāmaggiyā ekībhāvāya saṃvattanti. Katame cha? Idha, bhikkhave, bhikkhuno mettaṃ kāyakammaṃ paccupaṭṭhitaṃ hoti sabrahmacārīsu āvi ceva raho ca. Ayampi dhammo sāraṇīyo piyakaraṇo garukaraṇo saṅgahāya avivādāya sāmaggiyā ekībhāvāya saṃvattati.
‘‘буна жабарам̣, бхигкавз, бхигкуно мзд̇д̇ам̣ важийгаммам̣ бажжубадтид̇ам̣ ход̇и саб̣рахмажаарийсу аави жзва рахо жа. аяамби д̇хаммо сааран̣ийяо бияагаран̣о г̇аругаран̣о сан̇г̇ахааяа авиваад̣̇ааяа саамаг̇г̇ияаа згибхаавааяа сам̣вад̇д̇ад̇и.
‘‘Puna caparaṃ, bhikkhave, bhikkhuno mettaṃ vacīkammaṃ paccupaṭṭhitaṃ hoti sabrahmacārīsu āvi ceva raho ca. Ayampi dhammo sāraṇīyo piyakaraṇo garukaraṇo saṅgahāya avivādāya sāmaggiyā ekibhāvāya saṃvattati.
‘‘буна жабарам̣, бхигкавз, бхигкуно мзд̇д̇ам̣ маногаммам̣ бажжубадтид̇ам̣ ход̇и саб̣рахмажаарийсу аави жзва рахо жа. аяамби д̇хаммо сааран̣ийяо бияагаран̣о г̇аругаран̣о сан̇г̇ахааяа авиваад̣̇ааяа саамаг̇г̇ияаа згийбхаавааяа сам̣вад̇д̇ад̇и.
‘‘Puna caparaṃ, bhikkhave, bhikkhuno mettaṃ manokammaṃ paccupaṭṭhitaṃ hoti sabrahmacārīsu āvi ceva raho ca. Ayampi dhammo sāraṇīyo piyakaraṇo garukaraṇo saṅgahāya avivādāya sāmaggiyā ekībhāvāya saṃvattati.
‘‘буна жабарам̣, бхигкавз, бхигку яз д̇з лаабхаа д̇хаммигаа д̇хаммалад̣̇д̇хаа анд̇амасо бад̇д̇абарияаабаннамад̇д̇амби, д̇ат̇ааруубзхи лаабхзхи аббадивибхад̇д̇абхог̇ий ход̇и сийлаванд̇зхи саб̣рахмажаарийхи саад̇хааран̣абхог̇ий. аяамби д̇хаммо сааран̣ийяо бияагаран̣о г̇аругаран̣о сан̇г̇ахааяа авиваад̣̇ааяа саамаг̇г̇ияаа згийбхаавааяа сам̣вад̇д̇ад̇и.
‘‘Puna caparaṃ, bhikkhave, bhikkhu ye te lābhā dhammikā dhammaladdhā antamaso pattapariyāpannamattampi, tathārūpehi lābhehi appaṭivibhattabhogī hoti sīlavantehi sabrahmacārīhi sādhāraṇabhogī. Ayampi dhammo sāraṇīyo piyakaraṇo garukaraṇo saṅgahāya avivādāya sāmaggiyā ekībhāvāya saṃvattati.
‘‘буна жабарам̣, бхигкавз, бхигку яаани д̇аани сийлаани акан̣д̣аани ажчид̣̇д̣̇аани асаб̣алаани агаммаасаани бхуж̇иссаани вин̃н̃уббасад̇т̇аани абараамадтаани самаад̇хисам̣вад̇д̇анигаани д̇ат̇ааруубзсу сийлзсу сийласааман̃н̃аг̇ад̇о вихарад̇и саб̣рахмажаарийхи аави жзва рахо жа. аяамби д̇хаммо сааран̣ийяо бияагаран̣о г̇аругаран̣о сан̇г̇ахааяа авиваад̣̇ааяа саамаг̇г̇ияаа згийбхаавааяа сам̣вад̇д̇ад̇и.
‘‘Puna caparaṃ, bhikkhave, bhikkhu yāni tāni sīlāni akhaṇḍāni acchiddāni asabalāni akammāsāni bhujissāni viññuppasatthāni aparāmaṭṭhāni samādhisaṃvattanikāni tathārūpesu sīlesu sīlasāmaññagato viharati sabrahmacārīhi āvi ceva raho ca. Ayampi dhammo sāraṇīyo piyakaraṇo garukaraṇo saṅgahāya avivādāya sāmaggiyā ekībhāvāya saṃvattati.
‘‘буна жабарам̣, бхигкавз, бхигку яааяам̣ д̣̇идти арияаа нияяаанигаа нияяаад̇и д̇аггарасса саммаа д̣̇угкагкаяааяа д̇ат̇ааруубааяа д̣̇идтияаа д̣̇идтисааман̃н̃аг̇ад̇о вихарад̇и саб̣рахмажаарийхи аави жзва рахо жа. аяамби д̇хаммо сааран̣ийяо бияагаран̣о г̇аругаран̣о сан̇г̇ахааяа авиваад̣̇ааяа саамаг̇г̇ияаа згийбхаавааяа сам̣вад̇д̇ад̇и.
‘‘Puna caparaṃ, bhikkhave, bhikkhu yāyaṃ diṭṭhi ariyā niyyānikā niyyāti takkarassa sammā dukkhakkhayāya tathārūpāya diṭṭhiyā diṭṭhisāmaññagato viharati sabrahmacārīhi āvi ceva raho ca. Ayampi dhammo sāraṇīyo piyakaraṇo garukaraṇo saṅgahāya avivādāya sāmaggiyā ekībhāvāya saṃvattati.
‘‘имз ко, бхигкавз, ча сааран̣ийяаа д̇хаммаа бияагаран̣аа г̇аругаран̣аа сан̇г̇ахааяа авиваад̣̇ааяа саамаг̇г̇ияаа згийбхаавааяа сам̣вад̇д̇анд̇и. имзсам̣ ко, бхигкавз, чаннам̣ сааран̣ийяаанам̣ д̇хаммаанам̣ зд̇ам̣ аг̇г̇ам̣ зд̇ам̣ сан̇г̇аахигам̣ 1 зд̇ам̣ сан̇гхааданигам̣ – яад̣̇ид̣̇ам̣ яааяам̣ д̣̇идти арияаа нияяаанигаа нияяаад̇и д̇аггарасса саммаа д̣̇угкагкаяааяа. сзяяат̇ааби, бхигкавз, гуудааг̇аарасса зд̇ам̣ аг̇г̇ам̣ зд̇ам̣ сан̇г̇аахигам̣ зд̇ам̣ сан̇гхааданигам̣ яад̣̇ид̣̇ам̣ гуудам̣; звамзва ко, бхигкавз , имзсам̣ чаннам̣ сааран̣ийяаанам̣ д̇хаммаанам̣ зд̇ам̣ аг̇г̇ам̣ зд̇ам̣ сан̇г̇аахигам̣ зд̇ам̣ сан̇гхааданигам̣ яад̣̇ид̣̇ам̣ яааяам̣ д̣̇идти арияаа нияяаанигаа нияяаад̇и д̇аггарасса саммаа д̣̇угкагкаяааяа.
‘‘Ime kho, bhikkhave, cha sāraṇīyā dhammā piyakaraṇā garukaraṇā saṅgahāya avivādāya sāmaggiyā ekībhāvāya saṃvattanti. Imesaṃ kho, bhikkhave, channaṃ sāraṇīyānaṃ dhammānaṃ etaṃ aggaṃ etaṃ saṅgāhikaṃ 2 etaṃ saṅghāṭanikaṃ – yadidaṃ yāyaṃ diṭṭhi ariyā niyyānikā niyyāti takkarassa sammā dukkhakkhayāya. Seyyathāpi, bhikkhave, kūṭāgārassa etaṃ aggaṃ etaṃ saṅgāhikaṃ etaṃ saṅghāṭanikaṃ yadidaṃ kūṭaṃ; evameva kho, bhikkhave , imesaṃ channaṃ sāraṇīyānaṃ dhammānaṃ etaṃ aggaṃ etaṃ saṅgāhikaṃ etaṃ saṅghāṭanikaṃ yadidaṃ yāyaṃ diṭṭhi ariyā niyyānikā niyyāti takkarassa sammā dukkhakkhayāya.
493. ‘‘гат̇ан̃жа, бхигкавз, яааяам̣ д̣̇идти арияаа нияяаанигаа нияяаад̇и д̇аггарасса саммаа д̣̇угкагкаяааяа? ид̇ха, бхигкавз, бхигку аран̃н̃аг̇ад̇о ваа ругкамуулаг̇ад̇о ваа сун̃н̃ааг̇аараг̇ад̇о ваа ид̇и бадисан̃жигкад̇и – ‘ад̇т̇и ну ко мз д̇ам̣ барияудтаанам̣ аж̇жхад̇д̇ам̣ аббахийнам̣, язнаахам̣ барияудтаанзна барияудтид̇ажид̇д̇о яат̇аабхууд̇ам̣ наббаж̇аанзяяам̣ на бассзяяа’нд̇и? сажз, бхигкавз, бхигку гаамарааг̇абарияудтид̇о ход̇и, барияудтид̇ажид̇д̇ова ход̇и. сажз, бхигкавз, бхигку б̣яаабаад̣̇абарияудтид̇о ход̇и, барияудтид̇ажид̇д̇ова ход̇и. сажз, бхигкавз, бхигку т̇ийнамид̣̇д̇хабарияудтид̇о ход̇и, барияудтид̇ажид̇д̇ова ход̇и. сажз, бхигкавз, бхигку уд̣̇д̇хажжагуггужжабарияудтид̇о ход̇и, барияудтид̇ажид̇д̇ова ход̇и. сажз, бхигкавз, бхигку вижигижчаабарияудтид̇о ход̇и, барияудтид̇ажид̇д̇ова ход̇и. сажз, бхигкавз, бхигку ид̇халогажинд̇ааяа басуд̇о ход̇и, барияудтид̇ажид̇д̇ова ход̇и. сажз, бхигкавз, бхигку баралогажинд̇ааяа басуд̇о ход̇и, барияудтид̇ажид̇д̇ова ход̇и. сажз, бхигкавз, бхигку бхан̣д̣анаж̇аад̇о галахаж̇аад̇о виваад̣̇аабанно ан̃н̃аман̃н̃ам̣ мукасад̇д̇ийхи вид̇уд̣̇анд̇о вихарад̇и, барияудтид̇ажид̇д̇ова ход̇и . со звам̣ баж̇аанаад̇и – ‘над̇т̇и ко мз д̇ам̣ барияудтаанам̣ аж̇жхад̇д̇ам̣ аббахийнам̣, язнаахам̣ барияудтаанзна барияудтид̇ажид̇д̇о яат̇аабхууд̇ам̣ наббаж̇аанзяяам̣ на бассзяяам̣. суббан̣ихид̇ам̣ мз маанасам̣ сажжаанам̣ б̣од̇хааяаа’д̇и. ид̣̇амасса батамам̣ н̃аан̣ам̣ ад̇хиг̇ад̇ам̣ ход̇и арияам̣ логуд̇д̇арам̣ асаад̇хааран̣ам̣ бут̇уж̇ж̇анзхи.
493. ‘‘Kathañca, bhikkhave, yāyaṃ diṭṭhi ariyā niyyānikā niyyāti takkarassa sammā dukkhakkhayāya? Idha, bhikkhave, bhikkhu araññagato vā rukkhamūlagato vā suññāgāragato vā iti paṭisañcikkhati – ‘atthi nu kho me taṃ pariyuṭṭhānaṃ ajjhattaṃ appahīnaṃ, yenāhaṃ pariyuṭṭhānena pariyuṭṭhitacitto yathābhūtaṃ nappajāneyyaṃ na passeyya’nti? Sace, bhikkhave, bhikkhu kāmarāgapariyuṭṭhito hoti, pariyuṭṭhitacittova hoti. Sace, bhikkhave, bhikkhu byāpādapariyuṭṭhito hoti, pariyuṭṭhitacittova hoti. Sace, bhikkhave, bhikkhu thīnamiddhapariyuṭṭhito hoti, pariyuṭṭhitacittova hoti. Sace, bhikkhave, bhikkhu uddhaccakukkuccapariyuṭṭhito hoti, pariyuṭṭhitacittova hoti. Sace, bhikkhave, bhikkhu vicikicchāpariyuṭṭhito hoti, pariyuṭṭhitacittova hoti. Sace, bhikkhave, bhikkhu idhalokacintāya pasuto hoti, pariyuṭṭhitacittova hoti. Sace, bhikkhave, bhikkhu paralokacintāya pasuto hoti, pariyuṭṭhitacittova hoti. Sace, bhikkhave, bhikkhu bhaṇḍanajāto kalahajāto vivādāpanno aññamaññaṃ mukhasattīhi vitudanto viharati, pariyuṭṭhitacittova hoti . So evaṃ pajānāti – ‘natthi kho me taṃ pariyuṭṭhānaṃ ajjhattaṃ appahīnaṃ, yenāhaṃ pariyuṭṭhānena pariyuṭṭhitacitto yathābhūtaṃ nappajāneyyaṃ na passeyyaṃ. Suppaṇihitaṃ me mānasaṃ saccānaṃ bodhāyā’ti. Idamassa paṭhamaṃ ñāṇaṃ adhigataṃ hoti ariyaṃ lokuttaraṃ asādhāraṇaṃ puthujjanehi.
494. ‘‘буна жабарам̣, бхигкавз, арияасааваго ид̇и бадисан̃жигкад̇и – ‘имам̣ ну ко ахам̣ д̣̇идтим̣ аасзванд̇о бхаавзнд̇о б̣ахулийгаронд̇о лабхаами бажжад̇д̇ам̣ самат̇ам̣, лабхаами бажжад̇д̇ам̣ ниб̣б̣уд̇и’нд̇и? со звам̣ баж̇аанаад̇и – ‘имам̣ ко ахам̣ д̣̇идтим̣ аасзванд̇о бхаавзнд̇о б̣ахулийгаронд̇о лабхаами бажжад̇д̇ам̣ самат̇ам̣, лабхаами бажжад̇д̇ам̣ ниб̣б̣уд̇и’нд̇и. ид̣̇амасса д̣̇уд̇ияам̣ н̃аан̣ам̣ ад̇хиг̇ад̇ам̣ ход̇и арияам̣ логуд̇д̇арам̣ асаад̇хааран̣ам̣ бут̇уж̇ж̇анзхи.
494. ‘‘Puna caparaṃ, bhikkhave, ariyasāvako iti paṭisañcikkhati – ‘imaṃ nu kho ahaṃ diṭṭhiṃ āsevanto bhāvento bahulīkaronto labhāmi paccattaṃ samathaṃ, labhāmi paccattaṃ nibbuti’nti? So evaṃ pajānāti – ‘imaṃ kho ahaṃ diṭṭhiṃ āsevanto bhāvento bahulīkaronto labhāmi paccattaṃ samathaṃ, labhāmi paccattaṃ nibbuti’nti. Idamassa dutiyaṃ ñāṇaṃ adhigataṃ hoti ariyaṃ lokuttaraṃ asādhāraṇaṃ puthujjanehi.
495. ‘‘буна жабарам̣, бхигкавз, арияасааваго ид̇и бадисан̃жигкад̇и – ‘яат̇аа руубааяаахам̣ д̣̇идтияаа саманнааг̇ад̇о, ад̇т̇и ну ко ид̇о б̣ахид̣̇д̇хаа ан̃н̃о саман̣о ваа б̣раахман̣о ваа д̇ат̇ааруубааяа д̣̇идтияаа саманнааг̇ад̇о’д̇и? со звам̣ баж̇аанаад̇и – ‘яат̇ааруубааяаахам̣ д̣̇идтияаа саманнааг̇ад̇о, над̇т̇и ид̇о б̣ахид̣̇д̇хаа ан̃н̃о саман̣о ваа б̣раахман̣о ваа д̇ат̇ааруубааяа д̣̇идтияаа саманнааг̇ад̇о’д̇и. ид̣̇амасса д̇ад̇ияам̣ н̃аан̣ам̣ ад̇хиг̇ад̇ам̣ ход̇и арияам̣ логуд̇д̇арам̣ асаад̇хааран̣ам̣ бут̇уж̇ж̇анзхи.
495. ‘‘Puna caparaṃ, bhikkhave, ariyasāvako iti paṭisañcikkhati – ‘yathā rūpāyāhaṃ diṭṭhiyā samannāgato, atthi nu kho ito bahiddhā añño samaṇo vā brāhmaṇo vā tathārūpāya diṭṭhiyā samannāgato’ti? So evaṃ pajānāti – ‘yathārūpāyāhaṃ diṭṭhiyā samannāgato, natthi ito bahiddhā añño samaṇo vā brāhmaṇo vā tathārūpāya diṭṭhiyā samannāgato’ti. Idamassa tatiyaṃ ñāṇaṃ adhigataṃ hoti ariyaṃ lokuttaraṃ asādhāraṇaṃ puthujjanehi.
496. ‘‘буна жабарам̣, бхигкавз, арияасааваго ид̇и бадисан̃жигкад̇и – ‘яат̇ааруубааяа д̇хаммад̇ааяа д̣̇идтисамбанно буг̇г̇ало саманнааг̇ад̇о, ахамби д̇ат̇ааруубааяа д̇хаммад̇ааяа саманнааг̇ад̇о’д̇и. гат̇ам̣руубааяа жа, бхигкавз, д̇хаммад̇ааяа д̣̇идтисамбанно буг̇г̇ало саманнааг̇ад̇о? д̇хаммад̇аа зсаа, бхигкавз, д̣̇идтисамбаннасса буг̇г̇аласса – ‘гин̃жааби д̇ат̇ааруубим̣ аабад̇д̇им̣ аабаж̇ж̇ад̇и, яат̇ааруубааяа аабад̇д̇ияаа вудтаанам̣ бан̃н̃ааяад̇и, ат̇а ко нам̣ киббамзва сад̇т̇ари ваа вин̃н̃уусу ваа саб̣рахмажаарийсу д̣̇зсзд̇и виварад̇и уд̇д̇аанийгарод̇и; д̣̇зсзд̇ваа виварид̇ваа уд̇д̇аанийгад̇ваа ааяад̇им̣ сам̣варам̣ аабаж̇ж̇ад̇и’. сзяяат̇ааби, бхигкавз, д̣̇ахаро гумааро манд̣̇о уд̇д̇аанасзяяаго хад̇т̇зна ваа баад̣̇зна ваа ан̇г̇аарам̣ аггамид̇ваа киббамзва бадисам̣харад̇и; звамзва ко, бхигкавз, д̇хаммад̇аа зсаа д̣̇идтисамбаннасса буг̇г̇аласса – ‘гин̃жааби д̇ат̇ааруубим̣ аабад̇д̇им̣ аабаж̇ж̇ад̇и яат̇ааруубааяа аабад̇д̇ияаа вудтаанам̣ бан̃н̃ааяад̇и, ат̇а ко нам̣ киббамзва сад̇т̇ари ваа вин̃н̃уусу ваа саб̣рахмажаарийсу д̣̇зсзд̇и виварад̇и уд̇д̇аанийгарод̇и; д̣̇зсзд̇ваа виварид̇ваа уд̇д̇аанийгад̇ваа ааяад̇им̣ сам̣варам̣ аабаж̇ж̇ад̇и’. со звам̣ баж̇аанаад̇и – ‘яат̇ааруубааяа д̇хаммад̇ааяа д̣̇идтисамбанно буг̇г̇ало саманнааг̇ад̇о, ахамби д̇ат̇ааруубааяа д̇хаммад̇ааяа саманнааг̇ад̇о’д̇и. ид̣̇амасса жад̇уд̇т̇ам̣ н̃аан̣ам̣ ад̇хиг̇ад̇ам̣ ход̇и арияам̣ логуд̇д̇арам̣ асаад̇хааран̣ам̣ бут̇уж̇ж̇анзхи.
496. ‘‘Puna caparaṃ, bhikkhave, ariyasāvako iti paṭisañcikkhati – ‘yathārūpāya dhammatāya diṭṭhisampanno puggalo samannāgato, ahampi tathārūpāya dhammatāya samannāgato’ti. Kathaṃrūpāya ca, bhikkhave, dhammatāya diṭṭhisampanno puggalo samannāgato? Dhammatā esā, bhikkhave, diṭṭhisampannassa puggalassa – ‘kiñcāpi tathārūpiṃ āpattiṃ āpajjati, yathārūpāya āpattiyā vuṭṭhānaṃ paññāyati, atha kho naṃ khippameva satthari vā viññūsu vā sabrahmacārīsu deseti vivarati uttānīkaroti; desetvā vivaritvā uttānīkatvā āyatiṃ saṃvaraṃ āpajjati’. Seyyathāpi, bhikkhave, daharo kumāro mando uttānaseyyako hatthena vā pādena vā aṅgāraṃ akkamitvā khippameva paṭisaṃharati; evameva kho, bhikkhave, dhammatā esā diṭṭhisampannassa puggalassa – ‘kiñcāpi tathārūpiṃ āpattiṃ āpajjati yathārūpāya āpattiyā vuṭṭhānaṃ paññāyati, atha kho naṃ khippameva satthari vā viññūsu vā sabrahmacārīsu deseti vivarati uttānīkaroti; desetvā vivaritvā uttānīkatvā āyatiṃ saṃvaraṃ āpajjati’. So evaṃ pajānāti – ‘yathārūpāya dhammatāya diṭṭhisampanno puggalo samannāgato, ahampi tathārūpāya dhammatāya samannāgato’ti. Idamassa catutthaṃ ñāṇaṃ adhigataṃ hoti ariyaṃ lokuttaraṃ asādhāraṇaṃ puthujjanehi.
497. ‘‘буна жабарам̣, бхигкавз, арияасааваго ид̇и бадисан̃жигкад̇и – ‘яат̇ааруубааяа д̇хаммад̇ааяа д̣̇идтисамбанно буг̇г̇ало саманнааг̇ад̇о, ахамби д̇ат̇ааруубааяа д̇хаммад̇ааяа саманнааг̇ад̇о’д̇и. гат̇ам̣руубааяа жа, бхигкавз, д̇хаммад̇ааяа д̣̇идтисамбанно буг̇г̇ало саманнааг̇ад̇о? д̇хаммад̇аа зсаа, бхигкавз, д̣̇идтисамбаннасса буг̇г̇аласса – ‘гин̃жааби яаани д̇аани саб̣рахмажаарийнам̣ ужжааважаани гим̣гаран̣ийяаани д̇ад̇т̇а уссуггам̣ аабанно ход̇и, ат̇а кваасса д̇иб̣б̣аабзгкаа ход̇и ад̇хисийласигкааяа ад̇хижид̇д̇асигкааяа ад̇хибан̃н̃аасигкааяа’. сзяяат̇ааби, бхигкавз, г̇аавий д̇арун̣аважчаа т̇амб̣ан̃жа аалумбад̇и важчаган̃жа абажинад̇и; звамзва ко, бхигкавз , д̇хаммад̇аа зсаа д̣̇идтисамбаннасса буг̇г̇аласса – ‘гин̃жааби яаани д̇аани саб̣рахмажаарийнам̣ ужжааважаани гим̣гаран̣ийяаани д̇ад̇т̇а уссуггам̣ аабанно ход̇и, ат̇а кваасса д̇иб̣б̣аабзгкаа ход̇и ад̇хисийласигкааяа ад̇хижид̇д̇асигкааяа ад̇хибан̃н̃аасигкааяа’. со звам̣ баж̇аанаад̇и – ‘яат̇ааруубааяа д̇хаммад̇ааяа д̣̇идтисамбанно буг̇г̇ало саманнааг̇ад̇о, ахамби д̇ат̇ааруубааяа д̇хаммад̇ааяа саманнааг̇ад̇о’д̇и. ид̣̇амасса бан̃жамам̣ н̃аан̣ам̣ ад̇хиг̇ад̇ам̣ ход̇и арияам̣ логуд̇д̇арам̣ асаад̇хааран̣ам̣ бут̇уж̇ж̇анзхи.
497. ‘‘Puna caparaṃ, bhikkhave, ariyasāvako iti paṭisañcikkhati – ‘yathārūpāya dhammatāya diṭṭhisampanno puggalo samannāgato, ahampi tathārūpāya dhammatāya samannāgato’ti. Kathaṃrūpāya ca, bhikkhave, dhammatāya diṭṭhisampanno puggalo samannāgato? Dhammatā esā, bhikkhave, diṭṭhisampannassa puggalassa – ‘kiñcāpi yāni tāni sabrahmacārīnaṃ uccāvacāni kiṃkaraṇīyāni tattha ussukkaṃ āpanno hoti, atha khvāssa tibbāpekkhā hoti adhisīlasikkhāya adhicittasikkhāya adhipaññāsikkhāya’. Seyyathāpi, bhikkhave, gāvī taruṇavacchā thambañca ālumpati vacchakañca apacinati; evameva kho, bhikkhave , dhammatā esā diṭṭhisampannassa puggalassa – ‘kiñcāpi yāni tāni sabrahmacārīnaṃ uccāvacāni kiṃkaraṇīyāni tattha ussukkaṃ āpanno hoti, atha khvāssa tibbāpekkhā hoti adhisīlasikkhāya adhicittasikkhāya adhipaññāsikkhāya’. So evaṃ pajānāti – ‘yathārūpāya dhammatāya diṭṭhisampanno puggalo samannāgato, ahampi tathārūpāya dhammatāya samannāgato’ti. Idamassa pañcamaṃ ñāṇaṃ adhigataṃ hoti ariyaṃ lokuttaraṃ asādhāraṇaṃ puthujjanehi.
498. ‘‘буна жабарам̣, бхигкавз, арияасааваго ид̇и бадисан̃жигкад̇и – ‘яат̇ааруубааяа б̣алад̇ааяа д̣̇идтисамбанно буг̇г̇ало саманнааг̇ад̇о, ахамби д̇ат̇ааруубааяа б̣алад̇ааяа саманнааг̇ад̇о’д̇и. гат̇ам̣руубааяа жа, бхигкавз, б̣алад̇ааяа д̣̇идтисамбанно буг̇г̇ало саманнааг̇ад̇о? б̣алад̇аа зсаа, бхигкавз, д̣̇идтисамбаннасса буг̇г̇аласса яам̣ д̇ат̇ааг̇ад̇аббавзд̣̇ид̇з д̇хаммавинаяз д̣̇зсияамаанз адтим̣гад̇ваа манасигад̇ваа саб̣б̣ажзд̇асаа 3 саманнаахарид̇ваа охид̇асод̇о д̇хаммам̣ сун̣аад̇и. со звам̣ баж̇аанаад̇и – ‘яат̇ааруубааяа б̣алад̇ааяа д̣̇идтисамбанно буг̇г̇ало саманнааг̇ад̇о, ахамби д̇ат̇ааруубааяа б̣алад̇ааяа саманнааг̇ад̇о’д̇и. ид̣̇амасса чадтам̣ н̃аан̣ам̣ ад̇хиг̇ад̇ам̣ ход̇и арияам̣ логуд̇д̇арам̣ асаад̇хааран̣ам̣ бут̇уж̇ж̇анзхи.
498. ‘‘Puna caparaṃ, bhikkhave, ariyasāvako iti paṭisañcikkhati – ‘yathārūpāya balatāya diṭṭhisampanno puggalo samannāgato, ahampi tathārūpāya balatāya samannāgato’ti. Kathaṃrūpāya ca, bhikkhave, balatāya diṭṭhisampanno puggalo samannāgato? Balatā esā, bhikkhave, diṭṭhisampannassa puggalassa yaṃ tathāgatappavedite dhammavinaye desiyamāne aṭṭhiṃkatvā manasikatvā sabbacetasā 4 samannāharitvā ohitasoto dhammaṃ suṇāti. So evaṃ pajānāti – ‘yathārūpāya balatāya diṭṭhisampanno puggalo samannāgato, ahampi tathārūpāya balatāya samannāgato’ti. Idamassa chaṭṭhaṃ ñāṇaṃ adhigataṃ hoti ariyaṃ lokuttaraṃ asādhāraṇaṃ puthujjanehi.
499. ‘‘буна жабарам̣, бхигкавз, арияасааваго ид̇и бадисан̃жигкад̇и – ‘яат̇ааруубааяа б̣алад̇ааяа д̣̇идтисамбанно буг̇г̇ало саманнааг̇ад̇о, ахамби д̇ат̇ааруубааяа б̣алад̇ааяа саманнааг̇ад̇о’д̇и. гат̇ам̣руубааяа жа, бхигкавз, б̣алад̇ааяа д̣̇идтисамбанно буг̇г̇ало саманнааг̇ад̇о? б̣алад̇аа зсаа, бхигкавз, д̣̇идтисамбаннасса буг̇г̇аласса яам̣ д̇ат̇ааг̇ад̇аббавзд̣̇ид̇з д̇хаммавинаяз д̣̇зсияамаанз лабхад̇и ад̇т̇авзд̣̇ам̣, лабхад̇и д̇хаммавзд̣̇ам̣, лабхад̇и д̇хаммуубасам̣хид̇ам̣ баамож̇ж̇ам̣. со звам̣ баж̇аанаад̇и – ‘яат̇ааруубааяа б̣алад̇ааяа д̣̇идтисамбанно буг̇г̇ало саманнааг̇ад̇о, ахамби д̇ат̇ааруубааяа б̣алад̇ааяа саманнааг̇ад̇о’д̇и. ид̣̇амасса сад̇д̇амам̣ н̃аан̣ам̣ ад̇хиг̇ад̇ам̣ ход̇и арияам̣ логуд̇д̇арам̣ асаад̇хааран̣ам̣ бут̇уж̇ж̇анзхи.
499. ‘‘Puna caparaṃ, bhikkhave, ariyasāvako iti paṭisañcikkhati – ‘yathārūpāya balatāya diṭṭhisampanno puggalo samannāgato, ahampi tathārūpāya balatāya samannāgato’ti. Kathaṃrūpāya ca, bhikkhave, balatāya diṭṭhisampanno puggalo samannāgato? Balatā esā, bhikkhave, diṭṭhisampannassa puggalassa yaṃ tathāgatappavedite dhammavinaye desiyamāne labhati atthavedaṃ, labhati dhammavedaṃ, labhati dhammūpasaṃhitaṃ pāmojjaṃ. So evaṃ pajānāti – ‘yathārūpāya balatāya diṭṭhisampanno puggalo samannāgato, ahampi tathārūpāya balatāya samannāgato’ti. Idamassa sattamaṃ ñāṇaṃ adhigataṃ hoti ariyaṃ lokuttaraṃ asādhāraṇaṃ puthujjanehi.
500. ‘‘звам̣ сад̇д̇ан̇г̇асаманнааг̇ад̇асса ко, бхигкавз, арияасаавагасса д̇хаммад̇аа сусаманнидтаа ход̇и сод̇аабад̇д̇ипаласажчигирияааяа. звам̣ сад̇д̇ан̇г̇асаманнааг̇ад̇о ко, бхигкавз, арияасааваго сод̇аабад̇д̇ипаласаманнааг̇ад̇о ход̇ий’’д̇и.
500. ‘‘Evaṃ sattaṅgasamannāgatassa kho, bhikkhave, ariyasāvakassa dhammatā susamanniṭṭhā hoti sotāpattiphalasacchikiriyāya. Evaṃ sattaṅgasamannāgato kho, bhikkhave, ariyasāvako sotāpattiphalasamannāgato hotī’’ti.
ид̣̇амавожа бхаг̇аваа. ад̇д̇аманаа д̇з бхигкуу бхаг̇авад̇о бхаасид̇ам̣ абхинанд̣̇унд̇и.
Idamavoca bhagavā. Attamanā te bhikkhū bhagavato bhāsitaṃ abhinandunti.
госамб̣ияасуд̇д̇ам̣ нидтид̇ам̣ адтамам̣.
Kosambiyasuttaṃ niṭṭhitaṃ aṭṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 8. госамб̣ияасуд̇д̇аван̣н̣анаа • 8. Kosambiyasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 8. госамб̣ияасуд̇д̇аван̣н̣анаа • 8. Kosambiyasuttavaṇṇanā
