| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
8. госамб̣ияасуд̇д̇аван̣н̣анаа
8. Kosambiyasuttavaṇṇanā
491. д̇асмаад̇и яасмаа госамб̣аругкавад̇ий, д̇асмаа наг̇арам̣ госамб̣ийд̇исан̇камаг̇амааси. гусамб̣асса ваа исино ниваасабхууми госамб̣ий, д̇ассаавид̣̇уурз бхавад̇д̇аа наг̇арам̣ госамб̣ий.
491.Tasmāti yasmā kosambarukkhavatī, tasmā nagaraṃ kosambītisaṅkhamagamāsi. Kusambassa vā isino nivāsabhūmi kosambī, tassāvidūre bhavattā nagaraṃ kosambī.
гхосид̇асздтинаа гаарид̇з аараамзд̇и зд̇т̇а го гхосид̇асздти, гат̇ан̃жаанзна аараамо гаарид̇од̇и анд̇олийнааяа жод̣̇анааяа виссаж̇ж̇анз самуд̣̇ааг̇амад̇о бадтааяа гхосид̇асздтим̣ д̣̇ассзд̇ум̣ ‘‘ад̣̇д̣̇иларадтам̣ наама ахосий’’д̇иаад̣̇и аарад̣̇д̇хам̣. гзд̣̇аарабарижчиннанд̇и д̇ад̇т̇а д̇ад̇т̇а гзд̣̇аарабхуумияаа барижчиннам̣. г̇ажчанд̇од̇и гзд̣̇аарабаал̣ияаа г̇ажчанд̇о. бахууд̇абааяасанд̇и бахууд̇ад̇арам̣ бааяасам̣, д̇ам̣ бана г̇ару синид̣̇д̇хам̣ анд̇араамаг̇г̇з аббаахаарад̇ааяа манд̣̇аг̇ахан̣иго самаано ж̇ийраабзд̇ум̣ наасагки. д̇знааха ‘‘ж̇ийраабзд̇ум̣ асаггонд̇о’’д̇иаад̣̇и. яасавад̇и руубавад̇и гулагхарз ниб̣б̣ад̇д̇и. гхосид̇асздти наама ж̇аад̇од̇и звамзд̇т̇а сан̇кзбзнзва гхосид̇асздтивад̇т̇ум̣ гат̇зд̇и, вид̇т̇ааро бана д̇хаммабад̣̇авад̇т̇умхи (д̇ха. ба. адта. 1.саамаавад̇ийвад̇т̇у) вуд̇д̇анаязнзва взд̣̇ид̇аб̣б̣о.
Ghositaseṭṭhinākārite ārāmeti ettha ko ghositaseṭṭhi, kathañcānena ārāmo kāritoti antolīnāya codanāya vissajjane samudāgamato paṭṭhāya ghositaseṭṭhiṃ dassetuṃ ‘‘addilaraṭṭhaṃ nāma ahosī’’tiādi āraddhaṃ. Kedāraparicchinnanti tattha tattha kedārabhūmiyā paricchinnaṃ. Gacchantoti kedārapāḷiyā gacchanto. Pahūtapāyasanti pahūtataraṃ pāyasaṃ, taṃ pana garu siniddhaṃ antarāmagge appāhāratāya mandagahaṇiko samāno jīrāpetuṃ nāsakkhi. Tenāha ‘‘jīrāpetuṃ asakkonto’’tiādi. Yasavati rūpavati kulaghare nibbatti. Ghositaseṭṭhi nāma jātoti evamettha saṅkhepeneva ghositaseṭṭhivatthuṃ katheti, vitthāro pana dhammapadavatthumhi (dha. pa. aṭṭha. 1.sāmāvatīvatthu) vuttanayeneva veditabbo.
убасам̣габбанавасзнаад̇и убасан̇габбананияаамзна. аахаарабаригкийн̣агааяассаад̇и аахааранимид̇д̇абаригкийн̣агааяасса, аахаарагкаязна баригкийн̣агааяассаад̇и ад̇т̇о. сун̃н̃ааг̇аарзд̇и ж̇анавивид̇д̇з паасугадтаанз.
Upasaṃkappanavasenāti upasaṅkappananiyāmena. Āhāraparikkhīṇakāyassāti āhāranimittaparikkhīṇakāyassa, āhārakkhayena parikkhīṇakāyassāti attho. Suññāgāreti janavivitte phāsukaṭṭhāne.
галахасса буб̣б̣абхааг̇о бхан̣д̣анам̣ наамаад̇и галахасса хзд̇убхууд̇аа барибхаасаа д̇ам̣сад̣̇исий жа анидтагирияаа бхан̣д̣анам̣ наама. хад̇т̇абараамаасаад̣̇ивасзнаад̇и гуж̇жхид̇ваа ан̃н̃аман̃н̃асса хад̇т̇з г̇ахзд̇ваа бараамасанаажжанд̇аб̣анд̇ханаад̣̇ивасзна. ‘‘аяам̣ д̇хаммо’’д̇иаад̣̇инаа вируд̣̇д̇хаваад̣̇абхууд̇ам̣ аабаннаад̇и виваад̣̇аабаннаа. д̇знааха ‘‘вируд̣̇д̇хабхууд̇а’’нд̇иаад̣̇и. мукасанниссид̇ад̇ааяа ваажаа ид̇ха ‘‘мука’’нд̇и ад̇хиббзд̇аад̇и ааха ‘‘мукасад̇д̇ийхийд̇и ваажаасад̇д̇ийхий’’д̇и. сан̃н̃ад̇д̇инд̇и сан̃н̃аабанам̣ ‘‘аяам̣ д̇хаммо, аяам̣ винаяо’’д̇и сан̃н̃аабзд̇аб̣б̣ад̇ам̣. ниж̇жхад̇д̇инд̇и яаат̇аавад̇о д̇асса ниж̇жхаанам̣. адтагат̇ааяам̣ бана ‘‘сан̃н̃ад̇д̇ивзважанамзвзд̇а’’нд̇и вуд̇д̇ам̣.
Kalahassa pubbabhāgo bhaṇḍanaṃ nāmāti kalahassa hetubhūtā paribhāsā taṃsadisī ca aniṭṭhakiriyā bhaṇḍanaṃ nāma. Hatthaparāmāsādivasenāti kujjhitvā aññamaññassa hatthe gahetvā parāmasanaaccantabandhanādivasena. ‘‘Ayaṃ dhammo’’tiādinā viruddhavādabhūtaṃ āpannāti vivādāpannā. Tenāha ‘‘viruddhabhūta’’ntiādi. Mukhasannissitatāya vācā idha ‘‘mukha’’nti adhippetāti āha ‘‘mukhasattīhīti vācāsattīhī’’ti. Saññattinti saññāpanaṃ ‘‘ayaṃ dhammo, ayaṃ vinayo’’ti saññāpetabbataṃ. Nijjhattinti yāthāvato tassa nijjhānaṃ. Aṭṭhakathāyaṃ pana ‘‘saññattivevacanameveta’’nti vuttaṃ.
сажз ход̇и д̣̇зсзссаамийд̇и суб̣б̣ажад̇ааяа сигкаагаамад̇ааяа жа аабад̇д̇им̣ басси. над̇т̇и д̇з аабад̇д̇ийд̇и анаабад̇д̇ибагкоби зд̇т̇а самбхавад̇ийд̇и ад̇хиббааязнааха. саа банаабад̇д̇и зва. д̇знааха – ‘‘д̇ассаа аабад̇д̇ияаа анаабад̇д̇ид̣̇идти ахосий’’д̇и.
Sace hoti desessāmīti subbacatāya sikkhākāmatāya ca āpattiṃ passi. Natthi te āpattīti anāpattipakkhopi ettha sambhavatīti adhippāyenāha. Sā panāpatti eva. Tenāha – ‘‘tassā āpattiyā anāpattidiṭṭhi ahosī’’ti.
492. галахабхан̣д̣анавасзнаад̇и галахабхан̣д̣анасса нимид̇д̇авасзна. яат̇аанусанд̇хинаава г̇ад̇анд̇и галахабхан̣д̣анаанам̣ сааран̣ийяад̇хаммабадибагкад̇д̇аа д̇ад̣̇убасамаавахаа хздтаад̣̇зсанааяа ануруубаава убарид̣̇зсанаад̇и яат̇аанусанд̇хинаава убарисуд̇д̇ад̣̇зсанаа бавад̇д̇аа. сарид̇аб̣б̣аяуд̇д̇аад̇и ануссаран̣аарахаа. саб̣рахмажаарийнанд̇и сахад̇хаммигаанам̣. бияам̣ бияааяид̇аб̣б̣ам̣ гаронд̇ийд̇и бияагаран̣аа. г̇арум̣ г̇арудтаанияам̣ гаронд̇ийд̇и г̇аругаран̣аа. сан̇г̇ахан̣ад̇т̇ааяаад̇и сан̇г̇ахавад̇т̇увисзсабхаавад̇о саб̣рахмажаарийнам̣ сан̇г̇ан̣ханааяа сам̣вад̇д̇анд̇ийд̇и самб̣анд̇хо. авиваад̣̇анад̇т̇ааяаад̇и сан̇г̇ахавад̇т̇убхаавад̇о зва на виваад̣̇анааяа. сад̇и жа авиваад̣̇анахзд̇убхууд̇асан̇г̇аахан̣ад̇д̇з д̇зсам̣ васзна саб̣рахмажаарийнам̣ самаг̇г̇абхааво бхзд̣̇аабхааво сид̣̇д̇хоязваад̇и ааха ‘‘саамаг̇г̇ияаа’’д̇иаад̣̇и. миж̇ж̇ад̇и синияхад̇и зд̇ааяаад̇и мзд̇д̇аа, мид̇д̇абхааво, мзд̇д̇аа зд̇асса ад̇т̇ийд̇и мзд̇д̇ам̣, гааяагаммам̣. д̇ам̣ бана яасмаа мзд̇д̇аасахаг̇ад̇ажид̇д̇асамудтаанам̣, д̇асмаа вуд̇д̇ам̣ ‘‘мзд̇д̇ажид̇д̇зна гад̇д̇аб̣б̣ам̣ гааяагамма’’нд̇и. имаани мзд̇д̇агааяагаммаад̣̇ийни бхигкуунам̣ васзна ааг̇ад̇аани баатз бхигкуухи бажжубадтабзд̇аб̣б̣ад̇ааважанад̇о. бхигкуг̇г̇ахан̣знзва жзд̇т̇а сзсасахад̇хаммигаанамби г̇ахан̣ам̣ д̣̇адтаб̣б̣ам̣. бхигкуно саб̣б̣амби анаваж̇ж̇агааяагаммам̣ аабхисамаажааригагамманд̇ог̇ад̇хамзваад̇и ааха – ‘‘мзд̇д̇ажид̇д̇зна…бз… гааяагаммам̣ наамаа’’д̇и. вад̇д̇авасзна бавад̇д̇ияамаанаа жзд̇ияаб̣од̇хийнам̣ ванд̣̇анаа мзд̇д̇аасад̣̇исийд̇и гад̇ваа д̇ад̣̇ад̇т̇ааяа г̇аманам̣ мзд̇д̇ам̣ гааяагамманд̇и вуд̇д̇ам̣. аад̣̇и-сад̣̇д̣̇зна жзд̇ияаб̣од̇хибхигкуусу вуд̇д̇аавасзсаабажааяанаад̣̇им̣ мзд̇д̇аавасзна бавад̇д̇ам̣ гааяигам̣ гирияам̣ сан̇г̇ан̣хаад̇и.
492.Kalahabhaṇḍanavasenāti kalahabhaṇḍanassa nimittavasena. Yathānusandhināva gatanti kalahabhaṇḍanānaṃ sāraṇīyadhammapaṭipakkhattā tadupasamāvahā heṭṭhādesanāya anurūpāva uparidesanāti yathānusandhināva uparisuttadesanā pavattā. Saritabbayuttāti anussaraṇārahā. Sabrahmacārīnanti sahadhammikānaṃ. Piyaṃ piyāyitabbaṃ karontīti piyakaraṇā. Garuṃ garuṭṭhāniyaṃ karontīti garukaraṇā. Saṅgahaṇatthāyāti saṅgahavatthuvisesabhāvato sabrahmacārīnaṃ saṅgaṇhanāya saṃvattantīti sambandho. Avivādanatthāyāti saṅgahavatthubhāvato eva na vivādanāya. Sati ca avivādanahetubhūtasaṅgāhaṇatte tesaṃ vasena sabrahmacārīnaṃ samaggabhāvo bhedābhāvo siddhoyevāti āha ‘‘sāmaggiyā’’tiādi. Mijjati siniyhati etāyāti mettā, mittabhāvo, mettā etassa atthīti mettaṃ, kāyakammaṃ. Taṃ pana yasmā mettāsahagatacittasamuṭṭhānaṃ, tasmā vuttaṃ ‘‘mettacittena kattabbaṃ kāyakamma’’nti. Imāni mettakāyakammādīni bhikkhūnaṃ vasena āgatāni pāṭhe bhikkhūhi paccupaṭṭhapetabbatāvacanato. Bhikkhuggahaṇeneva cettha sesasahadhammikānampi gahaṇaṃ daṭṭhabbaṃ. Bhikkhuno sabbampi anavajjakāyakammaṃ ābhisamācārikakammantogadhamevāti āha – ‘‘mettacittena…pe… kāyakammaṃ nāmā’’ti. Vattavasena pavattiyamānā cetiyabodhīnaṃ vandanā mettāsadisīti katvā tadatthāya gamanaṃ mettaṃ kāyakammanti vuttaṃ. Ādi-saddena cetiyabodhibhikkhūsu vuttāvasesaapacāyanādiṃ mettāvasena pavattaṃ kāyikaṃ kiriyaṃ saṅgaṇhāti.
д̇збидагамби б̣уд̣̇д̇хаважанам̣ гат̇ияамаананд̇и ад̇хиббааяо. д̇ийн̣и сужарид̇аани гааяаважийманосужарид̇аани. жинд̇ананд̇и иминаа звам̣ жинд̇анамад̇д̇амби мзд̇д̇ам̣ маногаммам̣, баг̇зва вид̇хибадибаннаа бхааванаад̇и д̣̇ассзд̇и.
Tepiṭakampi buddhavacanaṃ kathiyamānanti adhippāyo. Tīṇi sucaritāni kāyavacīmanosucaritāni. Cintananti iminā evaṃ cintanamattampi mettaṃ manokammaṃ, pageva vidhipaṭipannā bhāvanāti dasseti.
сахааяабхаавуубаг̇аманам̣ д̇зсам̣ бурад̇о. д̇зсу гаронд̇зсуязва хи сахааяабхаавуубаг̇аманам̣ саммукаа гааяагаммам̣ наама ход̇и. гзвалам̣ ‘‘д̣̇зво’’д̇и авад̇ваа г̇ун̣зхи т̇ирабхааваж̇од̇анам̣ д̣̇звад̇т̇зрод̇и важанам̣ баг̇г̇аяха важанам̣. мамад̇д̇аб̣од̇ханам̣ важанам̣ мамааяанаважанам̣. зганд̇ад̇ирогкагасса маногаммасса саммукад̇аа наама вин̃н̃ад̇д̇исамудтаабанавасзнзва ход̇и, д̇ан̃жа ко логз гааяагамманд̇и баагадам̣ бан̃н̃аад̇ам̣ хад̇т̇авигаараад̣̇им̣ анаамасид̇ваа зва д̣̇ассзнд̇о ‘‘наяанаани уммийлзд̇ваа’’д̇и ааха. д̇ат̇аа хи важийбхзд̣̇авасзна бавад̇д̇и на г̇ахид̇аа.
Sahāyabhāvūpagamanaṃ tesaṃ purato. Tesu karontesuyeva hi sahāyabhāvūpagamanaṃ sammukhā kāyakammaṃ nāma hoti. Kevalaṃ ‘‘devo’’ti avatvā guṇehi thirabhāvajotanaṃ devattheroti vacanaṃ paggayha vacanaṃ. Mamattabodhanaṃ vacanaṃ mamāyanavacanaṃ. Ekantatirokkhakassa manokammassa sammukhatā nāma viññattisamuṭṭhāpanavaseneva hoti, tañca kho loke kāyakammanti pākaṭaṃ paññātaṃ hatthavikārādiṃ anāmasitvā eva dassento ‘‘nayanāni ummīletvā’’ti āha. Tathā hi vacībhedavasena pavatti na gahitā.
лад̣̇д̇хабажжаяаа лаб̣бханд̇ийд̇и лаабхаа, барисуд̣̇д̇хааг̇аманаа бажжаяаа. на саммаа г̇аяхамаанааби на д̇хаммалад̣̇д̇хаа наама на хонд̇ийд̇и д̇аббадисзд̇ханад̇т̇ам̣ баал̣ияам̣ ‘‘д̇хаммалад̣̇д̇хаа’’д̇и вуд̇д̇ам̣. д̣̇зяяам̣ д̣̇агкин̣зяяан̃жа аббадивибхад̇д̇ам̣ гад̇ваа бхун̃ж̇ад̇ийд̇и аббадивибхад̇д̇абхог̇ий. д̇знааха ‘‘д̣̇вз бадивибхад̇д̇аани наамаа’’д̇иаад̣̇и. жид̇д̇зна вибхаж̇ананд̇и зд̇зна – ‘‘жид̇д̇уббаад̣̇амад̇д̇знаби вибхаж̇анам̣ бадивибхад̇д̇ам̣ наама, баг̇зва баяог̇ад̇о’’д̇и д̣̇ассзд̇и.
Laddhapaccayā labbhantīti lābhā, parisuddhāgamanā paccayā. Na sammā gayhamānāpi na dhammaladdhā nāma na hontīti tappaṭisedhanatthaṃ pāḷiyaṃ ‘‘dhammaladdhā’’ti vuttaṃ. Deyyaṃ dakkhiṇeyyañca appaṭivibhattaṃ katvā bhuñjatīti appaṭivibhattabhogī. Tenāha ‘‘dve paṭivibhattāni nāmā’’tiādi. Cittena vibhajananti etena – ‘‘cittuppādamattenapi vibhajanaṃ paṭivibhattaṃ nāma, pageva payogato’’ti dasseti.
бадиг̇г̇ан̣ханд̇ова…бз… бассад̇ийд̇и иминаа ааг̇аманад̇о бадтааяа саад̇хааран̣аб̣уд̣̇д̇хим̣ убадтаабзд̇и. звам̣ хисса саад̇хааран̣абхог̇ид̇аа сугараа, сааран̣ийяад̇хаммо жасса субууро ход̇и. вад̇д̇анд̇и сааран̣ийяад̇хаммабууран̣авад̇д̇ам̣.
Paṭiggaṇhantova…pe… passatīti iminā āgamanato paṭṭhāya sādhāraṇabuddhiṃ upaṭṭhāpeti. Evaṃ hissa sādhāraṇabhogitā sukarā, sāraṇīyadhammo cassa supūro hoti. Vattanti sāraṇīyadhammapūraṇavattaṃ.
д̣̇аад̇аб̣б̣анд̇и авассам̣ д̣̇аад̇аб̣б̣ам̣. ад̇д̇ано балиб̣од̇хавасзна сабалиб̣од̇хассзва буурзд̇ум̣ асаггун̣зяяад̇д̇аа од̣̇иссагад̣̇аанамбисса на саб̣б̣ад̇т̇а ваарид̇анд̇и д̣̇ассзд̇ум̣ ‘‘д̇зна банаа’’д̇иаад̣̇и вуд̇д̇ам̣. ад̣̇аад̇умбийд̇и би-сад̣̇д̣̇зна д̣̇уссийлассаби ад̇т̇игасса сад̇и самбхавз д̣̇аад̇аб̣б̣анд̇и д̣̇ассзд̇и. д̣̇аанан̃хи наама гассажи на ниваарид̇ам̣.
Dātabbanti avassaṃ dātabbaṃ. Attano palibodhavasena sapalibodhasseva pūretuṃ asakkuṇeyyattā odissakadānampissa na sabbattha vāritanti dassetuṃ ‘‘tena panā’’tiādi vuttaṃ. Adātumpīti pi-saddena dussīlassapi atthikassa sati sambhave dātabbanti dasseti. Dānañhi nāma kassaci na nivāritaṃ.
махааг̇ириг̇аамо наама нааг̇ад̣̇ийбабассз зго г̇аамо. сааран̣ийяад̇хаммо мз, бханд̇з, буурид̇о…бз… бад̇д̇аг̇ад̇ам̣ на кийяад̇ийд̇и ааха д̇зсам̣ гуггужжавинод̣̇анад̇т̇ам̣. д̇ам̣ суд̇ваа д̇зби т̇зраа ‘‘сааран̣ийяад̇хаммабуураго аяа’’нд̇и аб̣бхан̃н̃ам̣су. д̣̇ахарагаалз зва гирзса сааран̣ийяад̇хаммабуураго ахоси, д̇ассаа жа бадибад̇д̇ияаа аван̃жхабхаававибхааванад̇т̇ам̣ ‘‘зд̇з маяхам̣ баабун̣иссанд̇ий’’д̇и ааха.
Mahāgirigāmo nāma nāgadīpapasse eko gāmo. Sāraṇīyadhammo me, bhante, pūrito…pe… pattagataṃ na khīyatīti āha tesaṃ kukkuccavinodanatthaṃ. Taṃ sutvā tepi therā ‘‘sāraṇīyadhammapūrako aya’’nti abbhaññaṃsu. Daharakāle eva kiresa sāraṇīyadhammapūrako ahosi, tassā ca paṭipattiyā avañjhabhāvavibhāvanatthaṃ ‘‘ete mayhaṃ pāpuṇissantī’’ti āha.
ахам̣ сааран̣ийяад̇хаммабууригаа, мама бад̇д̇абарияаабаннзнаби саб̣б̣аабимаа бхигкунияо яаабзссанд̇ийд̇и ааха ‘‘маа д̇умхз д̇зсам̣ г̇ад̇абхаавам̣ жинд̇аяид̇т̇аа’’д̇и.
Ahaṃ sāraṇīyadhammapūrikā, mama pattapariyāpannenapi sabbāpimā bhikkhuniyo yāpessantīti āha ‘‘mā tumhe tesaṃ gatabhāvaṃ cintayitthā’’ti.
сад̇д̇асу аабад̇д̇игканд̇хзсу аад̣̇имхи ваа анд̇з ваа, взмаж̇жхзд̇и жа ид̣̇ам̣ уд̣̇д̣̇зсааг̇ад̇абаал̣ивасзна вуд̇д̇ам̣. на хи ан̃н̃о гожи аабад̇д̇игканд̇хаанам̣ ануггамо ад̇т̇и. барияанд̇з чиннасаадаго вияаад̇и вад̇т̇анд̇з, д̣̇асанд̇з ваа чиннавад̇т̇ам̣ вияа. кан̣д̣анд̇и кан̣д̣аванд̇ам̣, кан̣д̣ид̇ам̣ ваа. чид̣̇д̣̇анд̇и зд̇т̇ааби зсзва наяо . висабхааг̇аван̣н̣зна убад̣дхам̣, д̇ад̇ияабхааг̇ам̣ ваа самбхиннаван̣н̣ам̣ саб̣алам̣, висабхааг̇аван̣н̣зхзва бана б̣инд̣̇уухи анд̇аранд̇араа вимиссам̣ гаммаасам̣, аяам̣ имзсам̣ висзсо. д̇ан̣хаад̣̇аасаб̣яад̇о можанаважанзнзва д̇зсам̣ сийлаанам̣ виваддубаниссаяад̇амааха. бхуж̇иссабхаавагаран̣ад̇од̇и иминаа бхуж̇иссагараани бхуж̇иссаанийд̇и уд̇д̇арабад̣̇алобзнааяам̣ нид̣̇д̣̇зсод̇и д̣̇ассзд̇и. авин̃н̃уунам̣ аббамаан̣ад̇ааяа ‘‘вин̃н̃уббасад̇т̇ааний’’д̇и вуд̇д̇ам̣. д̇ан̣хаад̣̇идтийхи абараамадтад̇д̇аад̇и – ‘‘иминаахам̣ сийлзна д̣̇зво ваа бхависсаами д̣̇зван̃н̃ад̇аро ваа’’д̇и д̇ан̣хаабараамаасзна – ‘‘иминаахам̣ сийлзна д̣̇зво худ̇ваа д̇ад̇т̇а нижжо д̇хуво сассад̇о бхависсаамий’’д̇и д̣̇идтибараамаасзна жа абараамадтад̇д̇аа. бараамадтунд̇и жод̣̇зд̇ум̣. сийлам̣ наама авиббадисаараад̣̇ибаарамбариязна яаавад̣̇зва самаад̇хисамбаад̣̇анад̇т̇анд̇и ааха ‘‘самаад̇хисам̣вад̇д̇агааний’’д̇и. самаанабхааво сааман̃н̃ам̣, барибун̣н̣ажад̇убаарисуд̣̇д̇хибхаавзна маж̇жхз бхиннасуван̣н̣асса вияа бхзд̣̇аабхаавад̇о сийлзна сааман̃н̃ам̣ сийласааман̃н̃ам̣, д̇ам̣ г̇ад̇о убаг̇ад̇од̇и сийласааман̃н̃аг̇ад̇о. д̇знааха ‘‘самаанабхаавуубаг̇ад̇асийло’’д̇и.
Sattasu āpattikkhandhesu ādimhi vā ante vā, vemajjheti ca idaṃ uddesāgatapāḷivasena vuttaṃ. Na hi añño koci āpattikkhandhānaṃ anukkamo atthi. Pariyante chinnasāṭako viyāti vatthante, dasante vā chinnavatthaṃ viya. Khaṇḍanti khaṇḍavantaṃ, khaṇḍitaṃ vā. Chiddanti etthāpi eseva nayo . Visabhāgavaṇṇena upaḍḍhaṃ, tatiyabhāgaṃ vā sambhinnavaṇṇaṃ sabalaṃ, visabhāgavaṇṇeheva pana bindūhi antarantarā vimissaṃ kammāsaṃ, ayaṃ imesaṃ viseso. Taṇhādāsabyato mocanavacaneneva tesaṃ sīlānaṃ vivaṭṭupanissayatamāha. Bhujissabhāvakaraṇatoti iminā bhujissakarāni bhujissānīti uttarapadalopenāyaṃ niddesoti dasseti. Aviññūnaṃ appamāṇatāya ‘‘viññuppasatthānī’’ti vuttaṃ. Taṇhādiṭṭhīhi aparāmaṭṭhattāti – ‘‘imināhaṃ sīlena devo vā bhavissāmi devaññataro vā’’ti taṇhāparāmāsena – ‘‘imināhaṃ sīlena devo hutvā tattha nicco dhuvo sassato bhavissāmī’’ti diṭṭhiparāmāsena ca aparāmaṭṭhattā. Parāmaṭṭhunti codetuṃ. Sīlaṃ nāma avippaṭisārādipārampariyena yāvadeva samādhisampādanatthanti āha ‘‘samādhisaṃvattakānī’’ti. Samānabhāvo sāmaññaṃ, paripuṇṇacatupārisuddhibhāvena majjhe bhinnasuvaṇṇassa viya bhedābhāvato sīlena sāmaññaṃ sīlasāmaññaṃ, taṃ gato upagatoti sīlasāmaññagato. Tenāha ‘‘samānabhāvūpagatasīlo’’ti.
яааяам̣ д̣̇идтийд̇и яаа аяам̣ д̣̇идти маяхан̃жзва д̇умхааган̃жа бажжагкабхууд̇аа. жад̇усажжад̣̇ассанадтзна д̣̇идти, ‘‘саб̣б̣з сан̇каараа анижжаа, саб̣б̣з сан̇каараа д̣̇угкаа, саб̣б̣з д̇хаммаа анад̇д̇аа’’д̇и, ‘‘саммаасамб̣уд̣̇д̇хо бхаг̇аваа, сваакаад̇о бхаг̇авад̇аа д̇хаммо, суббадибанно сан̇гхо’’д̇и жа д̣̇идтияаа сааман̃н̃ам̣ самаанад̣̇идтибхаавам̣. аг̇г̇ам̣ ид̇арзсам̣ сааран̣ийяад̇хаммаанам̣ бад̇хаанабхаавад̇о. зд̇асмим̣ сад̇и сукасид̣̇д̇хид̇о д̇зсам̣ сан̇г̇аахигам̣, д̇ад̇о зва д̇зсам̣ сан̇гхааданигам̣ г̇обаанасияо абарибад̇анд̇з гад̇ваа сан̇г̇ан̣хаад̇и д̇хаарзд̇ийд̇и сан̇г̇аахигам̣. сан̇гхааданд̇и аг̇г̇абхаавзна сан̇гхаадабхаавам̣. сан̇гхааданам̣ зд̇зсам̣ ад̇т̇ийд̇и сан̇гхааданигам̣, сан̇гхааданияанд̇и ваа баато, сан̇гхааданз нияуд̇д̇анд̇и ваа сан̇гхааданигам̣, га-гаарасса яа-гаарам̣ гад̇ваа сан̇гхааданияам̣. сааман̃н̃ад̇о зва г̇ахид̇ад̇д̇аа набум̣саганид̣̇д̣̇зсо.
Yāyaṃ diṭṭhīti yā ayaṃ diṭṭhi mayhañceva tumhākañca paccakkhabhūtā. Catusaccadassanaṭṭhena diṭṭhi, ‘‘sabbe saṅkhārā aniccā, sabbe saṅkhārā dukkhā, sabbe dhammā anattā’’ti, ‘‘sammāsambuddho bhagavā, svākhāto bhagavatā dhammo, suppaṭipanno saṅgho’’ti ca diṭṭhiyā sāmaññaṃ samānadiṭṭhibhāvaṃ. Aggaṃ itaresaṃ sāraṇīyadhammānaṃ padhānabhāvato. Etasmiṃ sati sukhasiddhito tesaṃ saṅgāhikaṃ, tato eva tesaṃ saṅghāṭanikaṃ gopānasiyo aparipatante katvā saṅgaṇhāti dhāretīti saṅgāhikaṃ. Saṅghāṭanti aggabhāvena saṅghāṭabhāvaṃ. Saṅghāṭanaṃ etesaṃ atthīti saṅghāṭanikaṃ, saṅghāṭaniyanti vā pāṭho, saṅghāṭane niyuttanti vā saṅghāṭanikaṃ, ka-kārassa ya-kāraṃ katvā saṅghāṭaniyaṃ. Sāmaññato eva gahitattā napuṃsakaniddeso.
493. батамамаг̇г̇асаммаад̣̇идтиби звам̣сабхааваа, ан̃н̃амаг̇г̇асаммаад̣̇идтийсу вад̇д̇аб̣б̣амзва над̇т̇ийд̇и ааха ‘‘яааяам̣ сод̇аабад̇д̇имаг̇г̇ад̣̇идтий’’д̇и. зд̇д̇аавад̇аабийд̇и зд̇д̇агзнаби рааг̇аад̣̇ийсу згзгзна барияудтид̇ажид̇д̇ад̇ааяаби барияудтид̇ажид̇д̇оязва наама ход̇и, баг̇зва д̣̇вийхи, б̣ахуухи ваа барияудтид̇ажид̇д̇ад̇ааяа. саб̣б̣ад̇т̇аад̇и саб̣б̣зсу адтасуби ваарзсу. судту табид̇анд̇и яат̇аа маг̇г̇абхааванаа убари сажжаабхисамб̣од̇хо ход̇и, звам̣ саммаа табид̇ам̣. д̇знааха ‘‘сажжаанам̣ б̣од̇хааяаа’’д̇и. д̇ам̣ н̃аан̣анд̇и ‘‘над̇т̇и ко мз д̇ам̣ барияудтаана’’нд̇иаад̣̇инаа бавад̇д̇ам̣ бажжавзгкан̣ан̃аан̣ам̣. арияаанам̣ ход̇ийд̇и арияаанамзва ход̇и. д̇зсан̃хи згад̣̇зсад̇оби бахийнам̣ вад̇д̇аб̣б̣ад̇ам̣ арахад̇и. д̇знааха ‘‘на бут̇уж̇ж̇анаана’’нд̇и. арияанд̇и вуд̇д̇ам̣ ‘‘ариязсу ж̇аад̇а’’нд̇и гад̇ваа. логуд̇д̇арахзд̇угад̇ааяа логуд̇д̇аранд̇и вуд̇д̇ам̣. д̇знзвааха ‘‘язсам̣ банаа’’д̇иаад̣̇и. д̇ат̇аа хисса бут̇уж̇ж̇анзхи асаад̇хааран̣ад̇аа. д̇знааха ‘‘бут̇уж̇ж̇анаанам̣ бана абхаавад̇о’’д̇и. саб̣б̣аваарзсууд̇и саб̣б̣зсу ид̇арзсу часу ваарзсу.
493. Paṭhamamaggasammādiṭṭhipi evaṃsabhāvā, aññamaggasammādiṭṭhīsu vattabbameva natthīti āha ‘‘yāyaṃ sotāpattimaggadiṭṭhī’’ti. Ettāvatāpīti ettakenapi rāgādīsu ekekena pariyuṭṭhitacittatāyapi pariyuṭṭhitacittoyeva nāma hoti, pageva dvīhi, bahūhi vā pariyuṭṭhitacittatāya. Sabbatthāti sabbesu aṭṭhasupi vāresu. Suṭṭhu ṭhapitanti yathā maggabhāvanā upari saccābhisambodho hoti, evaṃ sammā ṭhapitaṃ. Tenāha ‘‘saccānaṃ bodhāyā’’ti. Taṃ ñāṇanti ‘‘natthi kho me taṃ pariyuṭṭhāna’’ntiādinā pavattaṃ paccavekkhaṇañāṇaṃ. Ariyānaṃ hotīti ariyānameva hoti. Tesañhi ekadesatopi pahīnaṃ vattabbataṃ arahati. Tenāha ‘‘na puthujjanāna’’nti. Ariyanti vuttaṃ ‘‘ariyesu jāta’’nti katvā. Lokuttarahetukatāya lokuttaranti vuttaṃ. Tenevāha ‘‘yesaṃ panā’’tiādi. Tathā hissa puthujjanehi asādhāraṇatā. Tenāha ‘‘puthujjanānaṃ pana abhāvato’’ti. Sabbavāresūti sabbesu itaresu chasu vāresu.
494. бажжад̇д̇анд̇и баадиязггам̣ ад̇д̇ани мама жид̇д̇зязва. д̇знааха ‘‘ад̇д̇ано жид̇д̇з’’д̇и. ‘‘бажжад̇д̇ам̣ ад̇д̇ано жид̇д̇з ниб̣б̣уд̇им̣ гилзсавуубасамам̣ лабхаамий’’д̇и имамад̇т̇ам̣ ‘‘зсзва наяо’’д̇и иминаа ад̇ид̣̇исад̇и.
494.Paccattanti pāṭiyekkaṃ attani mama citteyeva. Tenāha ‘‘attano citte’’ti. ‘‘Paccattaṃ attano citte nibbutiṃ kilesavūpasamaṃ labhāmī’’ti imamatthaṃ ‘‘eseva nayo’’ti iminā atidisati.
495. д̇ат̇ааруубааяа д̣̇идтияаад̇и ид̣̇ам̣ ‘‘яат̇ааруубааяа д̣̇идтияаа саманнааг̇ад̇о’’д̇и имасса ад̇т̇асса бажжаамасананд̇и ааха ‘‘д̇ат̇ааруубааяа д̣̇идтияаад̇и зваруубааяа сод̇аабад̇д̇имаг̇г̇ад̣̇идтияаа’’д̇и.
495.Tathārūpāya diṭṭhiyāti idaṃ ‘‘yathārūpāya diṭṭhiyā samannāgato’’ti imassa atthassa paccāmasananti āha ‘‘tathārūpāya diṭṭhiyāti evarūpāya sotāpattimaggadiṭṭhiyā’’ti.
496. сабхаавзнаад̇и нияад̇абан̃жасигкаабад̣̇ад̇аад̣̇исабхаавзна. сан̇гхагаммавасзнаад̇и маанад̇д̇ажарияаад̣̇исан̇гхагаммавасзна. д̣̇ахарод̇и б̣аало. гумаарод̇и д̣̇аараго. яасмаа д̣̇ахаро ‘‘гумааро’’д̇и жа ‘‘яуваа’’д̇и жа вужжад̇и, д̇асмаа манд̣̇од̇и вуд̇д̇ам̣. манд̣̇инд̣̇рияад̇ааяа хи манд̣̇о. д̇знааха ‘‘жагкусод̇аад̣̇ийнам̣ манд̣̇ад̇ааяаа’’д̇и. звамби яуваавад̇т̇ааби гзжи манд̣̇инд̣̇рияаа хонд̇ийд̇и д̇аннивад̇д̇анад̇т̇ам̣ ‘‘уд̇д̇аанасзяяаго’’д̇и вуд̇д̇ам̣. яад̣̇и уд̇д̇аанасзяяаго, гат̇амасса ан̇г̇аараггамананд̇и? яат̇аа д̇ат̇аа ан̇г̇аарасса пусанам̣ ид̇ха ‘‘аггамана’’нд̇и ад̇хиббзд̇анд̇и ааха ‘‘ид̇о жид̇о жаа’’д̇иаад̣̇и. мануссаананд̇и махаллагамануссаанам̣. на сийгхам̣ хад̇т̇о жхааяад̇и гат̇инахад̇т̇ад̇ааяа. киббам̣ бадисам̣харад̇и муд̣̇уд̇алун̣асарийрад̇ааяа. ад̇хиваасзд̇и гин̃жи баяож̇анам̣ абзгкид̇ваа.
496.Sabhāvenāti niyatapañcasikkhāpadatādisabhāvena. Saṅghakammavasenāti mānattacariyādisaṅghakammavasena. Daharoti bālo. Kumāroti dārako. Yasmā daharo ‘‘kumāro’’ti ca ‘‘yuvā’’ti ca vuccati, tasmā mandoti vuttaṃ. Mandindriyatāya hi mando. Tenāha ‘‘cakkhusotādīnaṃ mandatāyā’’ti. Evampi yuvāvatthāpi keci mandindriyā hontīti tannivattanatthaṃ ‘‘uttānaseyyako’’ti vuttaṃ. Yadi uttānaseyyako, kathamassa aṅgārakkamananti? Yathā tathā aṅgārassa phusanaṃ idha ‘‘akkamana’’nti adhippetanti āha ‘‘ito cito cā’’tiādi. Manussānanti mahallakamanussānaṃ. Na sīghaṃ hattho jhāyati kathinahatthatāya. Khippaṃ paṭisaṃharati mudutaluṇasarīratāya. Adhivāseti kiñci payojanaṃ apekkhitvā.
497. ужжааважаанийд̇и маханд̇аани жзва куд̣̇д̣̇агаани жа. д̇ад̇т̇зваад̇и суд̇хаагаммаад̣̇имхиязва. гасаавабажанам̣ суд̇хаад̣̇исан̇каран̣ад̇т̇ам̣, уд̣̇агаанаяанам̣ д̇хованаад̣̇иад̇т̇ам̣, халид̣̇д̣̇иван̣н̣ад̇хаад̇улзбанад̇т̇ам̣ гужчагаран̣ам̣. б̣ахалабад̇т̇анод̇и д̣̇ал̣хачанд̣̇о. важчаганд̇и ниб̣б̣ад̇д̇ад̇хзнубаг̇аважчам̣. абажинаад̇ийд̇и абавинд̣̇ад̇и, аалогзд̇ийд̇и ад̇т̇о. д̇знааха ‘‘абалогзд̇ий’’д̇и. д̇аннинно ход̇ийд̇и ад̇хисийласигкаад̣̇ининнова ход̇и ужжааважаанамби гим̣гаран̣ийяаанам̣ жаарид̇д̇асийласса бууран̣авасзнзва гаран̣ад̇о, яонисоманасигааравасзнзва жа д̇зсам̣ бадибаж̇ж̇анад̇о. т̇зрасса санд̇игз адтааси яонисоманасигаараабхаавад̇о ‘‘д̇ам̣ д̇ам̣ самуллабиссаамий’’д̇и.
497.Uccāvacānīti mahantāni ceva khuddakāni ca. Tatthevāti sudhākammādimhiyeva. Kasāvapacanaṃ sudhādisaṅkharaṇatthaṃ, udakānayanaṃ dhovanādiatthaṃ, haliddivaṇṇadhātulepanatthaṃ kucchakaraṇaṃ. Bahalapatthanoti daḷhachando. Vacchakanti nibbattadhenupagavacchaṃ. Apacinātīti apavindati, āloketīti attho. Tenāha ‘‘apaloketī’’ti. Tanninno hotīti adhisīlasikkhādininnova hoti uccāvacānampi kiṃkaraṇīyānaṃ cārittasīlassa pūraṇavaseneva karaṇato, yonisomanasikāravaseneva ca tesaṃ paṭipajjanato. Therassa santike aṭṭhāsi yonisomanasikārābhāvato ‘‘taṃ taṃ samullapissāmī’’ti.
498. б̣алам̣ зва б̣алад̇аад̇и ааха ‘‘б̣алзна саманнааг̇ад̇о’’д̇и. ад̇т̇игабхаавам̣ гад̇ваад̇и д̇зна д̇хаммзна сависзсам̣ ад̇т̇игабхаавам̣ уббаад̣̇зд̇ваа. сагалажид̇д̇знаад̇и д̣̇зсанааяааад̣̇имхи маж̇жхз барияосаанзд̇и саб̣б̣ад̇т̇зва бавад̇д̇ад̇ааяа сагалзна анавасзсзна жид̇д̇зна.
498. Balaṃ eva balatāti āha ‘‘balena samannāgato’’ti. Atthikabhāvaṃ katvāti tena dhammena savisesaṃ atthikabhāvaṃ uppādetvā. Sakalacittenāti desanāyaādimhi majjhe pariyosāneti sabbattheva pavattatāya sakalena anavasesena cittena.
500. сабхаавод̇и арияасаавагасса бут̇уж̇ж̇анзхи асаад̇хааран̣ад̇ааяа аавзн̣иго сабхааво. судту саманнзсид̇од̇и саммад̣̇зва убабаригкид̇о. сод̇аабад̇д̇ипаласажчигирияааяаад̇и сод̇аабад̇д̇ипаласса сажчигаран̣зна, сажчигад̇абхаавзнаад̇и ад̇т̇о. д̇знааха ‘‘сод̇аабад̇д̇ипаласажчигад̇ан̃аан̣знаа’’д̇и. батамамаг̇г̇апаласса бажжавзгкан̣ан̃аан̣ависзсаа хзд̇з бавад̇д̇иаагаарабхиннаа. д̇знзвааха ‘‘сад̇д̇ахи махаабажжавзгкан̣ан̃аан̣зхий’’д̇и. аяам̣ д̇аава аажарияаанам̣ самаанагат̇аад̇и ‘‘ид̣̇амасса батамам̣ н̃аан̣а’’нд̇иаад̣̇инаа вуд̇д̇аани бажжавзгкан̣ан̃аан̣аани, на маг̇г̇ан̃аан̣аанийд̇и звам̣ бавад̇д̇аа барамбарааг̇ад̇аа буб̣б̣аажарияаанам̣ самаанаа саад̇хааран̣аа имиссаа баал̣ияаа адтагат̇аа ад̇т̇аван̣н̣анаа. д̇ад̇т̇а гааран̣амааха ‘‘логуд̇д̇арамаг̇г̇о хи б̣ахужид̇д̇агкан̣иго наама над̇т̇ий’’д̇и. яад̣̇и со б̣ахужид̇д̇агкан̣иго сияаа наанаабхисамаяо, д̇ат̇аа сад̇и сам̣яож̇анад̇д̇аяаад̣̇ийнам̣ згад̣̇зсаббахаанам̣ баабун̣аад̇ийд̇и арияамаг̇г̇асса ананд̇арапалад̇д̇аа згад̣̇зсасод̇аабаннад̇аад̣̇ибхааво аабаж̇ж̇ад̇и, палаанам̣ ваа анзгабхааво, саб̣б̣амзд̇ам̣ аяуд̇д̇анд̇и д̇асмаа згажид̇д̇агкан̣игова арияамаг̇г̇о.
500.Sabhāvoti ariyasāvakassa puthujjanehi asādhāraṇatāya āveṇiko sabhāvo. Suṭṭhu samannesitoti sammadeva upaparikkhito. Sotāpattiphalasacchikiriyāyāti sotāpattiphalassa sacchikaraṇena, sacchikatabhāvenāti attho. Tenāha ‘‘sotāpattiphalasacchikatañāṇenā’’ti. Paṭhamamaggaphalassa paccavekkhaṇañāṇavisesā hete pavattiākārabhinnā. Tenevāha ‘‘sattahi mahāpaccavekkhaṇañāṇehī’’ti. Ayaṃ tāva ācariyānaṃ samānakathāti ‘‘idamassa paṭhamaṃ ñāṇa’’ntiādinā vuttāni paccavekkhaṇañāṇāni, na maggañāṇānīti evaṃ pavattā paramparāgatā pubbācariyānaṃ samānā sādhāraṇā imissā pāḷiyā aṭṭhakathā atthavaṇṇanā. Tattha kāraṇamāha ‘‘lokuttaramaggo hi bahucittakkhaṇiko nāma natthī’’ti. Yadi so bahucittakkhaṇiko siyā nānābhisamayo, tathā sati saṃyojanattayādīnaṃ ekadesappahānaṃ pāpuṇātīti ariyamaggassa anantaraphalattā ekadesasotāpannatādibhāvo āpajjati, phalānaṃ vā anekabhāvo, sabbametaṃ ayuttanti tasmā ekacittakkhaṇikova ariyamaggo.
яам̣ бана суд̇д̇абад̣̇ам̣ ниссааяа вид̇ан̣д̣аваад̣̇ий арияамаг̇г̇асса згажид̇д̇агкан̣игад̇ам̣ бадигкибад̇и, д̇ам̣ д̣̇ассзнд̇о ‘‘сад̇д̇а вассаанийд̇и хи важанад̇о’’д̇и ааха. гилзсаа бана лаху…бз… чиж̇ж̇анд̇ийд̇и вад̣̇анд̇зна хи киббам̣ д̇аава гилзсаббахаанам̣, д̣̇анд̇хабавад̇д̇игаа маг̇г̇абхааванаад̇и бадин̃н̃аад̇ам̣ ход̇и. д̇ад̇т̇а сажз маг̇г̇асса бхааванааяа аарад̣̇д̇хамад̇д̇ааяа гилзсаа бахийяанд̇и, сзсаа маг̇г̇абхааванаа нирад̇т̇агаа сияаа, ат̇а бажчаа гилзсаббахаанам̣, гилзсаа бана лаху чиж̇ж̇анд̇ийд̇и ид̣̇ам̣ мижчаа, ‘‘сод̇аабад̇д̇ипаласажчигирияааяаа’’д̇и вагкад̇ийд̇и. д̇ад̇о суд̇д̇абадиж̇аананад̇о. маг̇г̇ам̣ абхаавзд̇ваад̇и арияамаг̇г̇ам̣ барибун̣н̣ам̣ гад̇ваа абхаавзд̇ваа. ад̇т̇арасам̣ вид̣̇ид̇ваад̇и суд̇д̇асса авибарийд̇о ад̇т̇о зва ад̇т̇арасо, д̇ам̣ яаат̇аавад̇о н̃ад̇ваа. звам̣ вид̇ан̣д̣аваад̣̇иваад̣̇ам̣ бхинд̣̇ид̇ваа вуд̇д̇амзвад̇т̇ам̣ ниг̇амзд̇ум̣ ‘‘имаани сад̇д̇а н̃аан̣ааний’’д̇иаад̣̇и вуд̇д̇ам̣. сзсам̣ сувин̃н̃зяяамзва.
Yaṃ pana suttapadaṃ nissāya vitaṇḍavādī ariyamaggassa ekacittakkhaṇikataṃ paṭikkhipati, taṃ dassento ‘‘satta vassānīti hi vacanato’’ti āha. Kilesā pana lahu…pe… chijjantīti vadantena hi khippaṃ tāva kilesappahānaṃ, dandhapavattikā maggabhāvanāti paṭiññātaṃ hoti. Tattha sace maggassa bhāvanāya āraddhamattāya kilesā pahīyanti, sesā maggabhāvanā niratthakā siyā, atha pacchā kilesappahānaṃ, kilesā pana lahu chijjantīti idaṃ micchā, ‘‘sotāpattiphalasacchikiriyāyā’’ti vakkhatīti. Tato suttapaṭijānanato. Maggaṃ abhāvetvāti ariyamaggaṃ paripuṇṇaṃ katvā abhāvetvā. Attharasaṃ viditvāti suttassa aviparīto attho eva attharaso, taṃ yāthāvato ñatvā. Evaṃ vitaṇḍavādivādaṃ bhinditvā vuttamevatthaṃ nigametuṃ ‘‘imāni satta ñāṇānī’’tiādi vuttaṃ. Sesaṃ suviññeyyameva.
госамб̣ияасуд̇д̇аван̣н̣анааяа лийнад̇т̇аббагаасанаа самад̇д̇аа.
Kosambiyasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 8. госамб̣ияасуд̇д̇ам̣ • 8. Kosambiyasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 8. госамб̣ияасуд̇д̇аван̣н̣анаа • 8. Kosambiyasuttavaṇṇanā
