| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[130] 10. госияаж̇аад̇агаван̣н̣анаа
[130] 10. Kosiyajātakavaṇṇanā
яат̇аа ваажаа жа бхун̃ж̇ассууд̇и ид̣̇ам̣ сад̇т̇аа ж̇зд̇аванз вихаранд̇о згам̣ саавад̇т̇ияам̣ маад̇уг̇аамам̣ аараб̣бха гат̇зси. саа гирзгасса сад̣̇д̇хаасамбаннасса убаасагаб̣раахман̣асса б̣раахман̣ий д̣̇уссийлаа баабад̇хаммаа рад̇д̇им̣ ад̇ижарид̇ваа д̣̇иваа гин̃жи гаммам̣ агад̇ваа г̇илаанаалаяам̣ д̣̇ассзд̇ваа нид̇т̇унамаанаа нибаж̇ж̇ад̇и. ат̇а нам̣ б̣раахман̣о ‘‘гим̣ д̇з бхад̣̇д̣̇з апаасуга’’нд̇и бужчи. ‘‘ваад̇аа мз виж̇жханд̇ий’’д̇и. ‘‘ат̇а гим̣ лад̣̇д̇хум̣ ваддад̇ий’’д̇и? ‘‘синид̣̇д̇хамад̇хураани бан̣ийд̇абан̣ийд̇аани яааг̇убхад̇д̇ад̇злаад̣̇ийний’’д̇и. б̣раахман̣о яам̣ яам̣ саа ижчад̇и, д̇ам̣ д̇ам̣ аахарид̇ваа д̣̇зд̇и, д̣̇аасо вияа саб̣б̣агижжаани гарод̇и. саа бана б̣раахман̣асса г̇зхам̣ бавидтагаалз нибаж̇ж̇ад̇и, б̣ахи нигканд̇агаалз ж̇аарзхи сад̣̇д̇хим̣ вийд̇инаамзд̇и.
Yathāvācā ca bhuñjassūti idaṃ satthā jetavane viharanto ekaṃ sāvatthiyaṃ mātugāmaṃ ārabbha kathesi. Sā kirekassa saddhāsampannassa upāsakabrāhmaṇassa brāhmaṇī dussīlā pāpadhammā rattiṃ aticaritvā divā kiñci kammaṃ akatvā gilānālayaṃ dassetvā nitthunamānā nipajjati. Atha naṃ brāhmaṇo ‘‘kiṃ te bhadde aphāsuka’’nti pucchi. ‘‘Vātā me vijjhantī’’ti. ‘‘Atha kiṃ laddhuṃ vaṭṭatī’’ti? ‘‘Siniddhamadhurāni paṇītapaṇītāni yāgubhattatelādīnī’’ti. Brāhmaṇo yaṃ yaṃ sā icchati, taṃ taṃ āharitvā deti, dāso viya sabbakiccāni karoti. Sā pana brāhmaṇassa gehaṃ paviṭṭhakāle nipajjati, bahi nikkhantakāle jārehi saddhiṃ vītināmeti.
ат̇а б̣раахман̣о ‘‘имиссаа сарийрз виж̇жханаваад̇аанам̣ барияанд̇о на бан̃н̃ааяад̇ий’’д̇и згад̣̇ивасам̣ г̇анд̇хамаалаад̣̇ийни аад̣̇ааяа ж̇зд̇аванам̣ г̇анд̇ваа сад̇т̇аарам̣ бууж̇зд̇ваа ванд̣̇ид̇ваа згаманд̇ам̣ нисийд̣̇ид̇ваа ‘‘гим̣, б̣раахман̣а, на бан̃н̃ааяасий’’д̇и вуд̇д̇з ‘‘бханд̇з, б̣раахман̣ияаа гира мз сарийрз ваад̇аа виж̇жханд̇и, сваахам̣ д̇ассаа саббид̇злаад̣̇ийни жзва бан̣ийд̇абан̣ийд̇абхож̇анаани жа бариязсаами, сарийрамассаа гханам̣ виббасаннажчавиван̣н̣ам̣ ж̇аад̇ам̣, ваад̇арог̇асса бана барияанд̇о на бан̃н̃ааяад̇и. ахам̣ д̇ам̣ бадиж̇аг̇г̇анд̇ова ид̇хааг̇аманасса огаасам̣ на лабхаамий’’д̇и ааха. сад̇т̇аа б̣раахман̣ияаа баабабхаавам̣ н̃ад̇ваа ‘‘б̣раахман̣а, ‘звам̣ нибаннасса маад̇уг̇аамасса рог̇з авуубасаманд̇з ид̣̇ан̃жид̣̇ан̃жа бхзсаж̇ж̇ам̣ гаад̇ум̣ ваддад̇ий’д̇и буб̣б̣зби д̇з бан̣д̣ид̇зхи гат̇ид̇ам̣, бхавасан̇кзбаг̇ад̇ад̇д̇аа бана на саллагкзсий’’д̇и вад̇ваа д̇зна яаажид̇о ад̇ийд̇ам̣ аахари.
Atha brāhmaṇo ‘‘imissā sarīre vijjhanavātānaṃ pariyanto na paññāyatī’’ti ekadivasaṃ gandhamālādīni ādāya jetavanaṃ gantvā satthāraṃ pūjetvā vanditvā ekamantaṃ nisīditvā ‘‘kiṃ, brāhmaṇa, na paññāyasī’’ti vutte ‘‘bhante, brāhmaṇiyā kira me sarīre vātā vijjhanti, svāhaṃ tassā sappitelādīni ceva paṇītapaṇītabhojanāni ca pariyesāmi, sarīramassā ghanaṃ vippasannacchavivaṇṇaṃ jātaṃ, vātarogassa pana pariyanto na paññāyati. Ahaṃ taṃ paṭijaggantova idhāgamanassa okāsaṃ na labhāmī’’ti āha. Satthā brāhmaṇiyā pāpabhāvaṃ ñatvā ‘‘brāhmaṇa, ‘evaṃ nipannassa mātugāmassa roge avūpasamante idañcidañca bhesajjaṃ kātuṃ vaṭṭatī’ti pubbepi te paṇḍitehi kathitaṃ, bhavasaṅkhepagatattā pana na sallakkhesī’’ti vatvā tena yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о б̣раахман̣амахаасаалагулз ниб̣б̣ад̇д̇ид̇ваа ваяаббад̇д̇о д̇аггасилааяам̣ саб̣б̣асиббаани уг̇г̇ан̣хид̇ваа б̣аараан̣асияам̣ д̣̇исаабаамогко аажарияо ахоси. згасад̇арааж̇ад̇хаанийсу кад̇д̇ияагумаараа жа б̣раахман̣агумаараа жа язбхуяязна д̇ассзва санд̇игз сиббам̣ уг̇г̇ан̣ханд̇и. ат̇зго ж̇анабад̣̇аваасий б̣раахман̣амаан̣аво б̣од̇хисад̇д̇асса санд̇игз д̇аяо взд̣̇з адтаараса жа виж̇ж̇аадтаанаани уг̇г̇ан̣хид̇ваа б̣аараан̣асияам̣язва гудумб̣ам̣ сан̣табзд̇ваа д̣̇ивасз д̣̇ивасз д̣̇вад̇д̇игкад̇д̇ум̣ б̣од̇хисад̇д̇асса санд̇игам̣ ааг̇ажчад̇и . д̇асса б̣раахман̣ий д̣̇уссийлаа ахоси баабад̇хаммаад̇и саб̣б̣ам̣ бажжуббаннавад̇т̇усад̣̇исамзва.
Atīte bārāṇasiyaṃ brahmadatte rajjaṃ kārente bodhisatto brāhmaṇamahāsālakule nibbattitvā vayappatto takkasilāyaṃ sabbasippāni uggaṇhitvā bārāṇasiyaṃ disāpāmokkho ācariyo ahosi. Ekasatarājadhānīsu khattiyakumārā ca brāhmaṇakumārā ca yebhuyyena tasseva santike sippaṃ uggaṇhanti. Atheko janapadavāsī brāhmaṇamāṇavo bodhisattassa santike tayo vede aṭṭhārasa ca vijjāṭṭhānāni uggaṇhitvā bārāṇasiyaṃyeva kuṭumbaṃ saṇṭhapetvā divase divase dvattikkhattuṃ bodhisattassa santikaṃ āgacchati . Tassa brāhmaṇī dussīlā ahosi pāpadhammāti sabbaṃ paccuppannavatthusadisameva.
б̣од̇хисад̇д̇о бана ‘‘иминаа гааран̣зна оваад̣̇аг̇ахан̣ааяа огаасам̣ на лабхаамий’’д̇и вуд̇д̇з ‘‘саа маан̣авигаа имам̣ ван̃жзд̇ваа нибаж̇ж̇ад̇ий’’д̇и н̃ад̇ваа ‘‘д̇ассаа рог̇аанужчавигам̣ бхзсаж̇ж̇ам̣ аажигкиссаамий’’д̇и жинд̇зд̇ваа ааха ‘‘д̇аад̇а, д̇вам̣ ид̇о бадтааяа д̇ассаа саббикийрарасаад̣̇ийни маа ад̣̇ааси, г̇омуд̇д̇з бана бан̃жабан̣н̣аани палаад̣̇ийни жа багкибид̇ваа годдзд̇ваа навад̇амб̣алохабхааж̇анз багкибид̇ваа лохаг̇анд̇хам̣ г̇аахаабзд̇ваа раж̇ж̇ум̣ ваа яод̇д̇ам̣ ваа ругкам̣ ваа лад̇ам̣ ваа г̇ахзд̇ваа ‘ид̣̇ам̣ д̇з рог̇асса анужчавигабхзсаж̇ж̇ам̣, ид̣̇ам̣ ваа бива, удтааяа ваа д̇аяаа бхуд̇д̇абхад̇д̇асса анужчавигам̣ гаммам̣ гарохий’’д̇и вад̇ваа имам̣ г̇аат̇ам̣ вад̣̇зяяааси. ‘‘сажз бхзсаж̇ж̇ам̣ на бивад̇и, ат̇а нам̣ раж̇ж̇уяаа ваа яод̇д̇зна ваа ругкзна ваа лад̇ааяа ваа гад̇ижи бахаарз бахарид̇ваа гзсзсу г̇ахзд̇ваа аагад̣дхид̇ваа габбарзна бот̇зяяааси, саа д̇ан̇кан̣ан̃н̃зва удтааяа гаммам̣ гариссад̇ий’’д̇и. со ‘‘саад̇хуу’’д̇и самбадижчид̇ваа вуд̇д̇анияаамзнзва бхзсаж̇ж̇ам̣ гад̇ваа ‘‘бхад̣̇д̣̇з, имам̣ бхзсаж̇ж̇ам̣ биваа’’д̇и ааха. ‘‘гзна д̇з ид̣̇ам̣ аажигкид̇а’’нд̇и? ‘‘аажариязна, бхад̣̇д̣̇з’’д̇и. ‘‘абанзхи д̇ам̣, на бивиссаамий’’д̇и. маан̣аво ‘‘на д̇вам̣ ад̇д̇ано ружияаа бивиссасий’’д̇и раж̇ж̇ум̣ г̇ахзд̇ваа ‘‘ад̇д̇ано рог̇асса анужчавигам̣ бхзсаж̇ж̇ам̣ ваа бива, яааг̇убхад̇д̇аанужчавигам̣ гаммам̣ ваа гарохий’’д̇и вад̇ваа имам̣ г̇аат̇амааха –
Bodhisatto pana ‘‘iminā kāraṇena ovādagahaṇāya okāsaṃ na labhāmī’’ti vutte ‘‘sā māṇavikā imaṃ vañcetvā nipajjatī’’ti ñatvā ‘‘tassā rogānucchavikaṃ bhesajjaṃ ācikkhissāmī’’ti cintetvā āha ‘‘tāta, tvaṃ ito paṭṭhāya tassā sappikhīrarasādīni mā adāsi, gomutte pana pañcapaṇṇāni phalādīni ca pakkhipitvā koṭṭetvā navatambalohabhājane pakkhipitvā lohagandhaṃ gāhāpetvā rajjuṃ vā yottaṃ vā rukkhaṃ vā lataṃ vā gahetvā ‘idaṃ te rogassa anucchavikabhesajjaṃ, idaṃ vā piva, uṭṭhāya vā tayā bhuttabhattassa anucchavikaṃ kammaṃ karohī’’ti vatvā imaṃ gāthaṃ vadeyyāsi. ‘‘Sace bhesajjaṃ na pivati, atha naṃ rajjuyā vā yottena vā rukkhena vā latāya vā katici pahāre paharitvā kesesu gahetvā ākaḍḍhitvā kapparena potheyyāsi, sā taṅkhaṇaññeva uṭṭhāya kammaṃ karissatī’’ti. So ‘‘sādhū’’ti sampaṭicchitvā vuttaniyāmeneva bhesajjaṃ katvā ‘‘bhadde, imaṃ bhesajjaṃ pivā’’ti āha. ‘‘Kena te idaṃ ācikkhita’’nti? ‘‘Ācariyena, bhadde’’ti. ‘‘Apanehi taṃ, na pivissāmī’’ti. Māṇavo ‘‘na tvaṃ attano ruciyā pivissasī’’ti rajjuṃ gahetvā ‘‘attano rogassa anucchavikaṃ bhesajjaṃ vā piva, yāgubhattānucchavikaṃ kammaṃ vā karohī’’ti vatvā imaṃ gāthamāha –
130.
130.
‘‘яат̇ааваажаа жа бхун̃ж̇ассу, яат̇аабхуд̇д̇ан̃жа б̣яаахара;
‘‘Yathāvācā ca bhuñjassu, yathābhuttañca byāhara;
убхаяам̣ д̇з на самзд̇и, ваажаа бхуд̇д̇ан̃жа госияз’’д̇и.
Ubhayaṃ te na sameti, vācā bhuttañca kosiye’’ti.
д̇ад̇т̇а яат̇ааваажаа жа бхун̃ж̇ассууд̇и яат̇аа д̇з ваажаа, д̇ат̇аа бхун̃ж̇ассу, ‘‘ваад̇аа мз виж̇жханд̇ий’’д̇и ваажааяа анужчавигамзва гад̇ваа бхун̃ж̇ассууд̇и ад̇т̇о. ‘‘яат̇ааваажам̣ ваа’’д̇иби баато яуж̇ж̇ад̇и, ‘‘яат̇ааваажааяаа’’д̇иби батанд̇и, саб̣б̣ад̇т̇а аяамзва ад̇т̇о. яат̇аабхуд̇д̇ан̃жа б̣яаахараад̇и яам̣ яат̇аа д̇з бхуд̇д̇ам̣, д̇асса анужчавигамзва б̣яаахара, ‘‘арог̇амхий’’д̇и вад̇ваа г̇зхз гад̇д̇аб̣б̣ам̣ гаросийд̇и ад̇т̇о. ‘‘яат̇аабхууд̇ан̃жаа’’д̇иби баато, ат̇а ваа арог̇амхийд̇и яат̇аабхууд̇амзва вад̇ваа гаммам̣ гарохийд̇и ад̇т̇о. убхаяам̣ д̇з на самзд̇и, ваажаабхуд̇д̇ан̃жа госиязд̇и яаа жа д̇з аяам̣ ваажаа ‘‘ваад̇аа мам̣ виж̇жханд̇ий’’д̇и яан̃жа д̇з ид̣̇ам̣ бан̣ийд̇абхож̇анам̣ бхуд̇д̇ам̣, ид̣̇ам̣ убхаяамби д̇уяхам̣ на самзд̇и, д̇асмаа удтааяа гаммам̣ гарохи. ‘‘госияз’’д̇и д̇ам̣ г̇од̇д̇знаалабад̇и.
Tattha yathāvācā ca bhuñjassūti yathā te vācā, tathā bhuñjassu, ‘‘vātā me vijjhantī’’ti vācāya anucchavikameva katvā bhuñjassūti attho. ‘‘Yathāvācaṃ vā’’tipi pāṭho yujjati, ‘‘yathāvācāyā’’tipi paṭhanti, sabbattha ayameva attho. Yathābhuttañca byāharāti yaṃ yathā te bhuttaṃ, tassa anucchavikameva byāhara, ‘‘arogamhī’’ti vatvā gehe kattabbaṃ karosīti attho. ‘‘Yathābhūtañcā’’tipi pāṭho, atha vā arogamhīti yathābhūtameva vatvā kammaṃ karohīti attho. Ubhayaṃ te na sameti, vācābhuttañca kosiyeti yā ca te ayaṃ vācā ‘‘vātā maṃ vijjhantī’’ti yañca te idaṃ paṇītabhojanaṃ bhuttaṃ, idaṃ ubhayampi tuyhaṃ na sameti, tasmā uṭṭhāya kammaṃ karohi. ‘‘Kosiye’’ti taṃ gottenālapati.
звам̣ вуд̇д̇з госияаб̣раахман̣ад̇хийд̇аа ‘‘аажариязна уссуггам̣ аабаннагаалад̇о бадтааяа на саггаа маяаа зса ван̃жзд̇ум̣, удтааяа гаммам̣ гариссаамий’’д̇и удтааяа гаммам̣ агааси. ‘‘аажариязна мз д̣̇уссийлабхааво н̃аад̇о, ид̣̇аани на саггаа ид̇о бадтааяа буна зваруубам̣ гаад̇у’’нд̇и аажарияз г̇ааравзна баабагаммад̇оби вирамид̇ваа сийлавад̇ий ахоси. сааби б̣раахман̣ий ‘‘саммаасамб̣уд̣̇д̇хзна гирамхи н̃аад̇аа’’д̇и сад̇т̇ариби г̇ааравзна на буна анаажаарам̣ агааси.
Evaṃ vutte kosiyabrāhmaṇadhītā ‘‘ācariyena ussukkaṃ āpannakālato paṭṭhāya na sakkā mayā esa vañcetuṃ, uṭṭhāya kammaṃ karissāmī’’ti uṭṭhāya kammaṃ akāsi. ‘‘Ācariyena me dussīlabhāvo ñāto, idāni na sakkā ito paṭṭhāya puna evarūpaṃ kātu’’nti ācariye gāravena pāpakammatopi viramitvā sīlavatī ahosi. Sāpi brāhmaṇī ‘‘sammāsambuddhena kiramhi ñātā’’ti sattharipi gāravena na puna anācāraṃ akāsi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа ж̇аяамбад̇игаа ид̣̇аани ж̇аяамбад̇игаава, аажарияо бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā jayampatikā idāni jayampatikāva, ācariyo pana ahameva ahosi’’nti.
госияаж̇аад̇агаван̣н̣анаа д̣̇асамаа.
Kosiyajātakavaṇṇanā dasamā.
гусанаал̣иваг̇г̇о д̇зрасамо.
Kusanāḷivaggo terasamo.
д̇ассуд̣̇д̣̇аанам̣ –
Tassuddānaṃ –
гусанаал̣и жа д̣̇уммзд̇хам̣, нан̇г̇алийсамб̣агадаахам̣;
Kusanāḷi ca dummedhaṃ, naṅgalīsambakaṭāhaṃ;
асилагкан̣агалан̣д̣угам̣, б̣ил̣аараг̇г̇игагосияанд̇и.
Asilakkhaṇakalaṇḍukaṃ, biḷāraggikakosiyanti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 130. госияаж̇аад̇агам̣ • 130. Kosiyajātakaṃ
