| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
2. зл̣агаломаваг̇г̇о
2. Eḷakalomavaggo
1. госияасигкаабад̣̇аван̣н̣анаа
1. Kosiyasikkhāpadavaṇṇanā
госияамиссаганд̇и ‘‘госагаарагаа’’д̇и лад̣̇д̇хавохаараанам̣ баан̣агаанам̣ госад̇о ниб̣б̣ад̇д̇ам̣ ам̣су госияам̣, д̇зна миссам̣ госияамиссагам̣. д̇зна бана госиязна аббагзнааби миссид̇ам̣ госияамиссагамзва, на ид̣̇ам̣ аб̣б̣охаариганд̇и вад̇д̇ум̣ лаб̣бхаа. д̇знааха ‘‘згзнаабий’’д̇иаад̣̇и. госияам̣сунаад̇и гимигосасамбхавзна ам̣сунаа. ‘‘анд̇амасо’’д̇иаад̣̇игам̣ бана имасса сигкаабад̣̇асса ажид̇д̇агад̇д̇аа вуд̇д̇ам̣. сант̇ад̇ам̣ наама сант̇арид̇ваа гад̇ам̣ авааяимам̣. д̇знааха ‘‘самз бхуумибхааг̇з’’д̇иаад̣̇и. имассзва важанасса анусаарзнаад̇и имассзва батамасант̇ад̇асса ниссаж̇ж̇анавид̇хаанаважанаанусаарзна. саб̣б̣асант̇ад̇анд̇и саб̣б̣асант̇ад̇аниссаж̇ж̇анавид̇хаанам̣.
Kosiyamissakanti ‘‘kosakārakā’’ti laddhavohārānaṃ pāṇakānaṃ kosato nibbattaṃ aṃsu kosiyaṃ, tena missaṃ kosiyamissakaṃ. Tena pana kosiyena appakenāpi missitaṃ kosiyamissakameva, na idaṃ abbohārikanti vattuṃ labbhā. Tenāha ‘‘ekenāpī’’tiādi. Kosiyaṃsunāti kimikosasambhavena aṃsunā. ‘‘Antamaso’’tiādikaṃ pana imassa sikkhāpadassa acittakattā vuttaṃ. Santhataṃ nāma santharitvā kataṃ avāyimaṃ. Tenāha ‘‘same bhūmibhāge’’tiādi. Imasseva vacanassa anusārenāti imasseva paṭhamasanthatassa nissajjanavidhānavacanānusārena. Sabbasanthatanti sabbasanthatanissajjanavidhānaṃ.
ан̃н̃ассад̇т̇ааяа гаараабанз д̣̇уггадад̇д̇аа ад̇д̇ано ад̇т̇ааяа гаараабанавасзна ‘‘саан̣ад̇д̇ига’’нд̇и вуд̇д̇ам̣. ад̇д̇анаа виббагад̇абарияосаабананаязнаад̇и ‘‘ад̇д̇анаа виббагад̇ам̣ ад̇д̇анаа барияосаабзд̇и, ниссаг̇г̇ияам̣ баажид̇д̇ияам̣. ад̇д̇анаа виббагад̇ам̣ барзхи барияосаабзд̇и, ниссаг̇г̇ияам̣ баажид̇д̇ияам̣. барзхи виббагад̇ам̣ ад̇д̇анаа барияосаабзд̇и, ниссаг̇г̇ияам̣ баажид̇д̇ияам̣. барзхи виббагад̇ам̣ барзхи барияосаабзд̇и, ниссаг̇г̇ияам̣ баажид̇д̇ияа’’нд̇и (баараа. 545) иминаа наязна. вид̇аанаад̣̇игаран̣зд̇и вид̇аанабхуумад̇т̇аран̣асаан̣ибаагаарабхисиб̣иб̣б̣оханагаран̣з. яат̇аа жа вид̇аанаад̣̇игаран̣з, звам̣ д̇знаагаарзна барибхог̇зби анаабад̇д̇и. ‘‘авааяима’’нд̇и (баараа. 544) вуд̇д̇ад̇д̇аа вааяид̇ваа гаронд̇ассааби анаабад̇д̇и.
Aññassatthāya kārāpane dukkaṭattā attano atthāya kārāpanavasena ‘‘sāṇattika’’nti vuttaṃ. Attanā vippakatapariyosāpananayenāti ‘‘attanā vippakataṃ attanā pariyosāpeti, nissaggiyaṃ pācittiyaṃ. Attanā vippakataṃ parehi pariyosāpeti, nissaggiyaṃ pācittiyaṃ. Parehi vippakataṃ attanā pariyosāpeti, nissaggiyaṃ pācittiyaṃ. Parehi vippakataṃ parehi pariyosāpeti, nissaggiyaṃ pācittiya’’nti (pārā. 545) iminā nayena. Vitānādikaraṇeti vitānabhūmattharaṇasāṇipākārabhisibibbohanakaraṇe. Yathā ca vitānādikaraṇe, evaṃ tenākārena paribhogepi anāpatti. ‘‘Avāyima’’nti (pārā. 544) vuttattā vāyitvā karontassāpi anāpatti.
госияасигкаабад̣̇аван̣н̣анаа нидтид̇аа.
Kosiyasikkhāpadavaṇṇanā niṭṭhitā.
