| Library / Tipiṭaka / တိပိဋက • Tipiṭaka / သာရတ္ထဒီပနီ-ဋီကာ • Sāratthadīpanī-ṭīkā |
၂. ကောသိယဝဂ္ဂော
2. Kosiyavaggo
၁. ကောသိယသိက္ခာပဒဝဏ္ဏနာ
1. Kosiyasikkhāpadavaṇṇanā
၅၄၂. ပာဠိယံ ‘‘ကောသိယကာရကေ’’တိ ဧတ္ထ ကောသံ ကရောန္တီတိ ကောသကာရကာတိ လဒ္ဓဝောဟာရာနံ ပာဏကာနံ ကောသတော နိဗ္ဗတ္တံ ကောသိယံ, တံ ကရောန္တီတိ ကောသိယကာရကာ, တန္တဝာယာ။ သံဟနနံ သင္ဃာတော , ဝိနာသောတိ အတ္ထော။ ကောသိယမိသ္သကန္တိ ကောသိယတန္တုနာ မိသ္သံ။ ‘‘အဝာယိမ’’န္တိ ဝုတ္တတ္တာ ဝာယိတ္ဝာ စေ ကရောန္တိ, အနာပတ္တိ။ အနာပတ္တိ ဝိတာနံ ဝာတိအာဒိနာ ဝိတာနာဒီနံ အတ္ထာယ ကရဏေပိ တေနာကာရေန ပရိဘောဂေပိ အနာပတ္တိ ဝုတ္တာ။
542. Pāḷiyaṃ ‘‘kosiyakārake’’ti ettha kosaṃ karontīti kosakārakāti laddhavohārānaṃ pāṇakānaṃ kosato nibbattaṃ kosiyaṃ, taṃ karontīti kosiyakārakā, tantavāyā. Saṃhananaṃ saṅghāto, vināsoti attho. Kosiyamissakanti kosiyatantunā missaṃ. ‘‘Avāyima’’nti vuttattā vāyitvā ce karonti, anāpatti. Anāpatti vitānaṃ vātiādinā vitānādīnaṃ atthāya karaṇepi tenākārena paribhogepi anāpatti vuttā.
ဧဝမ္ပိ မိသ္သေတ္ဝာ ကတမေဝ ဟောတီတိ ဣမိနာ ဝာတေန အာဟရိတ္ဝာ ပာတိတေပိ အစိတ္တကတ္တာ အာပတ္တိယေဝာတိ ဒသ္သေတိ။ ကောသိယမိသ္သကတာ, အတ္တနော အတ္ထာယ သန္ထတသ္သ ကရဏံ ကာရာပနံ, ပဋိလာဘော စာတိ ဣမာနေတ္ထ တီဏိ အင္ဂာနိ။
Evampi missetvā katameva hotīti iminā vātena āharitvā pātitepi acittakattā āpattiyevāti dasseti. Kosiyamissakatā, attano atthāya santhatassa karaṇaṃ kārāpanaṃ, paṭilābho cāti imānettha tīṇi aṅgāni.
ကောသိယသိက္ခာပဒဝဏ္ဏနာ နိဋ္ဌိတာ။
Kosiyasikkhāpadavaṇṇanā niṭṭhitā.
၅၄၇. သုဒ္ဓကာဠကသိက္ခာပဒံ ဥတ္တာနတ္ထမေဝ။
547. Suddhakāḷakasikkhāpadaṃ uttānatthameva.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝိဘင္ဂ • Mahāvibhaṅga
၁. ကောသိယသိက္ခာပဒံ • 1. Kosiyasikkhāpadaṃ
၂. သုဒ္ဓကာဠကသိက္ခာပဒံ • 2. Suddhakāḷakasikkhāpadaṃ
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝိဘင္ဂ-အဋ္ဌကထာ • Mahāvibhaṅga-aṭṭhakathā
၁. ကောသိယသိက္ခာပဒဝဏ္ဏနာ • 1. Kosiyasikkhāpadavaṇṇanā
၂. သုဒ္ဓကာဠကသိက္ခာပဒဝဏ္ဏနာ • 2. Suddhakāḷakasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā
၁. ကောသိယသိက္ခာပဒဝဏ္ဏနာ • 1. Kosiyasikkhāpadavaṇṇanā
၂. သုဒ္ဓကာဠကသိက္ခာပဒဝဏ္ဏနာ • 2. Suddhakāḷakasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ၁. ကောသိယသိက္ခာပဒဝဏ္ဏနာ • 1. Kosiyasikkhāpadavaṇṇanā
