| Library / Tipiṭaka / ਤਿਪਿਟਕ • Tipiṭaka / ਕਙ੍ਖਾવਿਤਰਣੀ-ਅਭਿਨવ-ਟੀਕਾ • Kaṅkhāvitaraṇī-abhinava-ṭīkā |
੨. ਏਲ਼ਕਲੋਮવਗ੍ਗੋ
2. Eḷakalomavaggo
੧. ਕੋਸਿਯਸਿਕ੍ਖਾਪਦવਣ੍ਣਨਾ
1. Kosiyasikkhāpadavaṇṇanā
ਕੋਸਿਯਮਿਸ੍ਸਕਨ੍ਤਿ ‘‘ਕੋਸਕਾਰਕਾ’’ਤਿ ਲਦ੍ਧવੋਹਾਰਾਨਂ ਪਾਣਕਾਨਂ ਕੋਸਤੋ ਨਿਬ੍ਬਤ੍ਤਂ ਅਂਸੁ ਕੋਸਿਯਂ, ਤੇਨ ਮਿਸ੍ਸਂ ਕੋਸਿਯਮਿਸ੍ਸਕਂ। ਤੇਨ ਪਨ ਕੋਸਿਯੇਨ ਅਪ੍ਪਕੇਨਾਪਿ ਮਿਸ੍ਸਿਤਂ ਕੋਸਿਯਮਿਸ੍ਸਕਮੇવ, ਨ ਇਦਂ ਅਬ੍ਬੋਹਾਰਿਕਨ੍ਤਿ વਤ੍ਤੁਂ ਲਬ੍ਭਾ। ਤੇਨਾਹ ‘‘ਏਕੇਨਾਪੀ’’ਤਿਆਦਿ। ਕੋਸਿਯਂਸੁਨਾਤਿ ਕਿਮਿਕੋਸਸਮ੍ਭવੇਨ ਅਂਸੁਨਾ। ‘‘ਅਨ੍ਤਮਸੋ’’ਤਿਆਦਿਕਂ ਪਨ ਇਮਸ੍ਸ ਸਿਕ੍ਖਾਪਦਸ੍ਸ ਅਚਿਤ੍ਤਕਤ੍ਤਾ વੁਤ੍ਤਂ। ਸਨ੍ਥਤਂ ਨਾਮ ਸਨ੍ਥਰਿਤ੍વਾ ਕਤਂ ਅવਾਯਿਮਂ। ਤੇਨਾਹ ‘‘ਸਮੇ ਭੂਮਿਭਾਗੇ’’ਤਿਆਦਿ। ਇਮਸ੍ਸੇવ વਚਨਸ੍ਸ ਅਨੁਸਾਰੇਨਾਤਿ ਇਮਸ੍ਸੇવ ਪਠਮਸਨ੍ਥਤਸ੍ਸ ਨਿਸ੍ਸਜ੍ਜਨવਿਧਾਨવਚਨਾਨੁਸਾਰੇਨ। ਸਬ੍ਬਸਨ੍ਥਤਨ੍ਤਿ ਸਬ੍ਬਸਨ੍ਥਤਨਿਸ੍ਸਜ੍ਜਨવਿਧਾਨਂ।
Kosiyamissakanti ‘‘kosakārakā’’ti laddhavohārānaṃ pāṇakānaṃ kosato nibbattaṃ aṃsu kosiyaṃ, tena missaṃ kosiyamissakaṃ. Tena pana kosiyena appakenāpi missitaṃ kosiyamissakameva, na idaṃ abbohārikanti vattuṃ labbhā. Tenāha ‘‘ekenāpī’’tiādi. Kosiyaṃsunāti kimikosasambhavena aṃsunā. ‘‘Antamaso’’tiādikaṃ pana imassa sikkhāpadassa acittakattā vuttaṃ. Santhataṃ nāma santharitvā kataṃ avāyimaṃ. Tenāha ‘‘same bhūmibhāge’’tiādi. Imasseva vacanassa anusārenāti imasseva paṭhamasanthatassa nissajjanavidhānavacanānusārena. Sabbasanthatanti sabbasanthatanissajjanavidhānaṃ.
ਅਞ੍ਞਸ੍ਸਤ੍ਥਾਯ ਕਾਰਾਪਨੇ ਦੁਕ੍ਕਟਤ੍ਤਾ ਅਤ੍ਤਨੋ ਅਤ੍ਥਾਯ ਕਾਰਾਪਨવਸੇਨ ‘‘ਸਾਣਤ੍ਤਿਕ’’ਨ੍ਤਿ વੁਤ੍ਤਂ। ਅਤ੍ਤਨਾ વਿਪ੍ਪਕਤਪਰਿਯੋਸਾਪਨਨਯੇਨਾਤਿ ‘‘ਅਤ੍ਤਨਾ વਿਪ੍ਪਕਤਂ ਅਤ੍ਤਨਾ ਪਰਿਯੋਸਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ। ਅਤ੍ਤਨਾ વਿਪ੍ਪਕਤਂ ਪਰੇਹਿ ਪਰਿਯੋਸਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ। ਪਰੇਹਿ વਿਪ੍ਪਕਤਂ ਅਤ੍ਤਨਾ ਪਰਿਯੋਸਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ। ਪਰੇਹਿ વਿਪ੍ਪਕਤਂ ਪਰੇਹਿ ਪਰਿਯੋਸਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯ’’ਨ੍ਤਿ (ਪਾਰਾ॰ ੫੪੫) ਇਮਿਨਾ ਨਯੇਨ। વਿਤਾਨਾਦਿਕਰਣੇਤਿ વਿਤਾਨਭੂਮਤ੍ਥਰਣਸਾਣਿਪਾਕਾਰਭਿਸਿਬਿਬ੍ਬੋਹਨਕਰਣੇ। ਯਥਾ ਚ વਿਤਾਨਾਦਿਕਰਣੇ, ਏવਂ ਤੇਨਾਕਾਰੇਨ ਪਰਿਭੋਗੇਪਿ ਅਨਾਪਤ੍ਤਿ। ‘‘ਅવਾਯਿਮ’’ਨ੍ਤਿ (ਪਾਰਾ॰ ੫੪੪) વੁਤ੍ਤਤ੍ਤਾ વਾਯਿਤ੍વਾ ਕਰੋਨ੍ਤਸ੍ਸਾਪਿ ਅਨਾਪਤ੍ਤਿ।
Aññassatthāya kārāpane dukkaṭattā attano atthāya kārāpanavasena ‘‘sāṇattika’’nti vuttaṃ. Attanā vippakatapariyosāpananayenāti ‘‘attanā vippakataṃ attanā pariyosāpeti, nissaggiyaṃ pācittiyaṃ. Attanā vippakataṃ parehi pariyosāpeti, nissaggiyaṃ pācittiyaṃ. Parehi vippakataṃ attanā pariyosāpeti, nissaggiyaṃ pācittiyaṃ. Parehi vippakataṃ parehi pariyosāpeti, nissaggiyaṃ pācittiya’’nti (pārā. 545) iminā nayena. Vitānādikaraṇeti vitānabhūmattharaṇasāṇipākārabhisibibbohanakaraṇe. Yathā ca vitānādikaraṇe, evaṃ tenākārena paribhogepi anāpatti. ‘‘Avāyima’’nti (pārā. 544) vuttattā vāyitvā karontassāpi anāpatti.
ਕੋਸਿਯਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Kosiyasikkhāpadavaṇṇanā niṭṭhitā.
