| Library / Tipiṭaka / ཏིཔིཊཀ • Tipiṭaka / པརིཝཱརཔཱལི༹ • Parivārapāḷi |
༢. ཀོསིཡཝགྒོ
2. Kosiyavaggo
༣༤. ཀོསིཡམིསྶཀཾ སནྠཏཾ ཀཱརཱཔེནྟསྶ ནིསྶགྒིཡཾ པཱཙིཏྟིཡཾ ཀཏྠ པཉྙཏྟནྟི? ཨཱལ༹ཝིཡཾ པཉྙཏྟཾ། ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ། ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ ཀོསིཡཀཱརཀེ ཨུཔསངྐམིཏྭཱ ཨེཝམཱཧཾསུ ‘‘བཧཱུ, ཨཱཝུསོ, ཀོསཀཱརཀེ པཙཐ། ཨམྷཱཀམྤི དསྶཐ། མཡམྤི ཨིཙྪཱམ ཀོསིཡམིསྶཀཾ སནྠཏཾ ཀཱཏུ’’ནྟི, ཏསྨིཾ ཝཏྠུསྨིཾ། ཨེཀཱ པཉྙཏྟི། ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ॰…།
34. Kosiyamissakaṃ santhataṃ kārāpentassa nissaggiyaṃ pācittiyaṃ kattha paññattanti? Āḷaviyaṃ paññattaṃ. Kaṃ ārabbhāti? Chabbaggiye bhikkhū ārabbha. Kismiṃ vatthusminti? Chabbaggiyā bhikkhū kosiyakārake upasaṅkamitvā evamāhaṃsu ‘‘bahū, āvuso, kosakārake pacatha. Amhākampi dassatha. Mayampi icchāma kosiyamissakaṃ santhataṃ kātu’’nti, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ chahi samuṭṭhānehi samuṭṭhāti…pe….
༣༥. སུདྡྷཀཱལ༹ཀཱནཾ ཨེལ༹ཀལོམཱནཾ སནྠཏཾ ཀཱརཱཔེནྟསྶ ནིསྶགྒིཡཾ པཱཙིཏྟིཡཾ ཀཏྠ པཉྙཏྟནྟི? ཝེསཱལིཡཾ པཉྙཏྟཾ། ཀཾ ཨཱརབྦྷཱཏི ? ཚབྦགྒིཡེ བྷིཀྑཱུ ཨཱརབྦྷ། ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ སུདྡྷཀཱལ༹ཀཱནཾ ཨེལ༹ཀལོམཱནཾ སནྠཏཾ ཀཱརཱཔེསུཾ, ཏསྨིཾ ཝཏྠུསྨིཾ། ཨེཀཱ པཉྙཏྟི། ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ॰…།
35. Suddhakāḷakānaṃ eḷakalomānaṃ santhataṃ kārāpentassa nissaggiyaṃ pācittiyaṃ kattha paññattanti? Vesāliyaṃ paññattaṃ. Kaṃ ārabbhāti ? Chabbaggiye bhikkhū ārabbha. Kismiṃ vatthusminti? Chabbaggiyā bhikkhū suddhakāḷakānaṃ eḷakalomānaṃ santhataṃ kārāpesuṃ, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ chahi samuṭṭhānehi samuṭṭhāti…pe….
༣༦. ཨནཱདིཡིཏྭཱ ཏུལཾ ཨོདཱཏཱནཾ ཏུལཾ གོཙརིཡཱནཾ ནཝཾ སནྠཏཾ ཀཱརཱཔེནྟསྶ ནིསྶགྒིཡཾ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ། ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ། ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ ཐོཀཉྙེཝ ཨོདཱཏཾ ཨནྟེ 1 ཨཱདིཡིཏྭཱ ཏཐེཝ སུདྡྷཀཱལ༹ཀཱནཾ ཨེལ༹ཀལོམཱནཾ སནྠཏཾ ཀཱརཱཔེསུཾ, ཏསྨིཾ ཝཏྠུསྨིཾ། ཨེཀཱ པཉྙཏྟི། ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ॰…།
36. Anādiyitvā tulaṃ odātānaṃ tulaṃ gocariyānaṃ navaṃ santhataṃ kārāpentassa nissaggiyaṃ pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Chabbaggiye bhikkhū ārabbha. Kismiṃ vatthusminti? Chabbaggiyā bhikkhū thokaññeva odātaṃ ante 2 ādiyitvā tatheva suddhakāḷakānaṃ eḷakalomānaṃ santhataṃ kārāpesuṃ, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ chahi samuṭṭhānehi samuṭṭhāti…pe….
༣༧. ཨནུཝསྶཾ སནྠཏཾ ཀཱརཱཔེནྟསྶ ནིསྶགྒིཡཾ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ། ཀཾ ཨཱརབྦྷཱཏི? སམྦཧུལེ བྷིཀྑཱུ ཨཱརབྦྷ། ཀིསྨིཾ ཝཏྠུསྨིནྟི? སམྦཧུལཱ བྷིཀྑཱུ ཨནུཝསྶཾ སནྠཏཾ ཀཱརཱཔེསུཾ, ཏསྨིཾ ཝཏྠུསྨིཾ ། ཨེཀཱ པཉྙཏྟི, ཨེཀཱ ཨནུཔཉྙཏྟི། ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ॰…།
37. Anuvassaṃ santhataṃ kārāpentassa nissaggiyaṃ pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Sambahule bhikkhū ārabbha. Kismiṃ vatthusminti? Sambahulā bhikkhū anuvassaṃ santhataṃ kārāpesuṃ, tasmiṃ vatthusmiṃ . Ekā paññatti, ekā anupaññatti. Channaṃ āpattisamuṭṭhānānaṃ chahi samuṭṭhānehi samuṭṭhāti…pe….
༣༨. ཨནཱདིཡིཏྭཱ པུརཱཎསནྠཏསྶ སཱམནྟཱ སུགཏཝིདཏྠིཾ ནཝཾ ནིསཱིདནསནྠཏཾ ཀཱརཱཔེནྟསྶ ནིསྶགྒིཡཾ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ། ཀཾ ཨཱརབྦྷཱཏི? སམྦཧུལེ བྷིཀྑཱུ ཨཱརབྦྷ ། ཀིསྨིཾ ཝཏྠུསྨིནྟི? སམྦཧུལཱ བྷིཀྑཱུ སནྠཏཱནི ཨུཛ྄ཛྷིཏྭཱ ཨཱརཉྙིཀངྒཾ པིཎྜཔཱཏིཀངྒཾ པཾསུཀཱུལིཀངྒཾ སམཱདིཡིཾསུ, ཏསྨིཾ ཝཏྠུསྨིཾ། ཨེཀཱ པཉྙཏྟི། ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ॰…།
38. Anādiyitvā purāṇasanthatassa sāmantā sugatavidatthiṃ navaṃ nisīdanasanthataṃ kārāpentassa nissaggiyaṃ pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Sambahule bhikkhū ārabbha . Kismiṃ vatthusminti? Sambahulā bhikkhū santhatāni ujjhitvā āraññikaṅgaṃ piṇḍapātikaṅgaṃ paṃsukūlikaṅgaṃ samādiyiṃsu, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ chahi samuṭṭhānehi samuṭṭhāti…pe….
༣༩. ཨེལ༹ཀལོམཱནི པཊིགྒཧེཏྭཱ ཏིཡོཛནཾ ཨཏིཀྐཱམེནྟསྶ ནིསྶགྒིཡཾ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ། ཀཾ ཨཱརབྦྷཱཏི? ཨཉྙཏརཾ བྷིཀྑུཾ ཨཱརབྦྷ། ཀིསྨིཾ ཝཏྠུསྨིནྟི? ཨཉྙཏརོ བྷིཀྑུ ཨེལ༹ཀལོམཱནི པཊིགྒཧེཏྭཱ ཏིཡོཛནཾ ཨཏིཀྐཱམེསི, ཏསྨིཾ ཝཏྠུསྨིཾ། ཨེཀཱ པཉྙཏྟི། ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི – སིཡཱ ཀཱཡཏོ སམུཊྛཱཏི, ན ཝཱཙཏོ ན ཙིཏྟཏོ; སིཡཱ ཀཱཡཏོ ཙ ཙིཏྟཏོ ཙ སམུཊྛཱཏི, ན ཝཱཙཏོ…པེ॰…།
39. Eḷakalomāni paṭiggahetvā tiyojanaṃ atikkāmentassa nissaggiyaṃ pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Aññataraṃ bhikkhuṃ ārabbha. Kismiṃ vatthusminti? Aññataro bhikkhu eḷakalomāni paṭiggahetvā tiyojanaṃ atikkāmesi, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ dvīhi samuṭṭhānehi samuṭṭhāti – siyā kāyato samuṭṭhāti, na vācato na cittato; siyā kāyato ca cittato ca samuṭṭhāti, na vācato…pe….
༤༠. ཨཉྙཱཏིཀཱཡ བྷིཀྑུནིཡཱ ཨེལ༹ཀལོམཱནི དྷོཝཱཔེནྟསྶ ནིསྶགྒིཡཾ པཱཙིཏྟིཡཾ ཀཏྠ པཉྙཏྟནྟི? སཀྐེསུ པཉྙཏྟཾ། ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ། ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ ཨཉྙཱཏིཀཱཧི བྷིཀྑུནཱིཧི ཨེལ༹ཀལོམཱནི དྷོཝཱཔེསུཾ, ཏསྨིཾ ཝཏྠུསྨིཾ། ཨེཀཱ པཉྙཏྟི། ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ॰…།
40. Aññātikāya bhikkhuniyā eḷakalomāni dhovāpentassa nissaggiyaṃ pācittiyaṃ kattha paññattanti? Sakkesu paññattaṃ. Kaṃ ārabbhāti? Chabbaggiye bhikkhū ārabbha. Kismiṃ vatthusminti? Chabbaggiyā bhikkhū aññātikāhi bhikkhunīhi eḷakalomāni dhovāpesuṃ, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ chahi samuṭṭhānehi samuṭṭhāti…pe….
༤༡. རཱུཔིཡཾ པཊིགྒཎྷནྟསྶ ནིསྶགྒིཡཾ པཱཙིཏྟིཡཾ ཀཏྠ པཉྙཏྟནྟི? རཱཛགཧེ པཉྙཏྟཾ ། ཀཾ ཨཱརབྦྷཱཏི? ཨཱཡསྨནྟཾ ཨུཔནནྡཾ སཀྱཔུཏྟཾ ཨཱརབྦྷ། ཀིསྨིཾ ཝཏྠུསྨིནྟི? ཨཱཡསྨཱ ཨུཔནནྡོ སཀྱཔུཏྟོ རཱུཔིཡཾ པཊིགྒཧེསི, ཏསྨིཾ ཝཏྠུསྨིཾ། ཨེཀཱ པཉྙཏྟི། ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ॰…།
41. Rūpiyaṃ paṭiggaṇhantassa nissaggiyaṃ pācittiyaṃ kattha paññattanti? Rājagahe paññattaṃ . Kaṃ ārabbhāti? Āyasmantaṃ upanandaṃ sakyaputtaṃ ārabbha. Kismiṃ vatthusminti? Āyasmā upanando sakyaputto rūpiyaṃ paṭiggahesi, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ chahi samuṭṭhānehi samuṭṭhāti…pe….
༤༢. ནཱནཔྤཀཱརཀཾ རཱུཔིཡསཾཝོཧཱརཾ སམཱཔཛྫནྟསྶ ནིསྶགྒིཡཾ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ། ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ། ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ ནཱནཔྤཀཱརཀཾ རཱུཔིཡསཾཝོཧཱརཾ སམཱཔཛྫིཾསུ, ཏསྨིཾ ཝཏྠུསྨིཾ། ཨེཀཱ པཉྙཏྟི། ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ॰…།
42. Nānappakārakaṃ rūpiyasaṃvohāraṃ samāpajjantassa nissaggiyaṃ pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Chabbaggiye bhikkhū ārabbha. Kismiṃ vatthusminti? Chabbaggiyā bhikkhū nānappakārakaṃ rūpiyasaṃvohāraṃ samāpajjiṃsu, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ chahi samuṭṭhānehi samuṭṭhāti…pe….
༤༣. ནཱནཔྤཀཱརཀཾ ཀཡཝིཀྐཡཾ སམཱཔཛྫནྟསྶ ནིསྶགྒིཡཾ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ། ཀཾ ཨཱརབྦྷཱཏི? ཨཱཡསྨནྟཾ ཨུཔནནྡཾ སཀྱཔུཏྟཾ ཨཱརབྦྷ། ཀིསྨིཾ ཝཏྠུསྨིནྟི? ཨཱཡསྨཱ ཨུཔནནྡོ སཀྱཔུཏྟོ པརིབྦཱཛཀེན སདྡྷིཾ ཀཡཝིཀྐཡཾ སམཱཔཛྫི, ཏསྨིཾ ཝཏྠུསྨིཾ། ཨེཀཱ པཉྙཏྟི། ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ॰…།
43. Nānappakārakaṃ kayavikkayaṃ samāpajjantassa nissaggiyaṃ pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Āyasmantaṃ upanandaṃ sakyaputtaṃ ārabbha. Kismiṃ vatthusminti? Āyasmā upanando sakyaputto paribbājakena saddhiṃ kayavikkayaṃ samāpajji, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ chahi samuṭṭhānehi samuṭṭhāti…pe….
ཀོསིཡཝགྒོ དུཏིཡོ།
Kosiyavaggo dutiyo.
Footnotes:
