| Library / Tipiṭaka / තිපිටක • Tipiṭaka / ජාතකපාළි • Jātakapāḷi |
412. කොටසිම්‌බලිජාතකං (7-2-7)
412. Koṭasimbalijātakaṃ (7-2-7)
121.
121.
අහං දසසතංබ්‍යාමං, උරගමාදාය ආගතො;
Ahaṃ dasasataṃbyāmaṃ, uragamādāya āgato;
122.
122.
අථිමං ඛුද්‌දකං පක්‌ඛිං, අප්‌පමංසතරං මයා;
Athimaṃ khuddakaṃ pakkhiṃ, appamaṃsataraṃ mayā;
123.
123.
මංසභක්‌ඛො තුවං රාජ, ඵලභක්‌ඛො අයං දිජො;
Maṃsabhakkho tuvaṃ rāja, phalabhakkho ayaṃ dijo;
අයං නිග්‍රොධබීජානි, පිලක්‌ඛුදුම්‌බරානි ච;
Ayaṃ nigrodhabījāni, pilakkhudumbarāni ca;
අස්‌සත්‌ථානි ච භක්‌ඛිත්‌වා, ඛන්‌ධෙ මෙ ඔහදිස්‌සති.
Assatthāni ca bhakkhitvā, khandhe me ohadissati.
124.
124.
තෙ රුක්‌ඛා සංවිරූහන්‌ති, මම පස්‌සෙ නිවාතජා;
Te rukkhā saṃvirūhanti, mama passe nivātajā;
තෙ මං පරියොනන්‌ධිස්‌සන්‌ති, අරුක්‌ඛං මං කරිස්‌සරෙ.
Te maṃ pariyonandhissanti, arukkhaṃ maṃ karissare.
125.
125.
සන්‌ති අඤ්‌ඤෙපි රුක්‌ඛා සෙ, මූලිනො ඛන්‌ධිනො දුමා;
Santi aññepi rukkhā se, mūlino khandhino dumā;
ඉමිනා සකුණජාතෙන, බීජමාහරිතා හතා.
Iminā sakuṇajātena, bījamāharitā hatā.
126.
126.
අජ්‌ඣාරූහාභිවඩ්‌ඪන්‌ති 9, බ්‍රහන්‌තම්‌පි වනප්‌පතිං;
Ajjhārūhābhivaḍḍhanti 10, brahantampi vanappatiṃ;
තස්‌මා රාජ පවෙධාමි, සම්‌පස්‌සංනාගතං භයං.
Tasmā rāja pavedhāmi, sampassaṃnāgataṃ bhayaṃ.
127.
127.
සඞ්‌කෙය්‍ය සඞ්‌කිතබ්‌බානි, රක්‌ඛෙය්‍යානාගතං භයං;
Saṅkeyya saṅkitabbāni, rakkheyyānāgataṃ bhayaṃ;
අනාගතභයා ධීරො, උභො ලොකෙ අවෙක්‌ඛතීති.
Anāgatabhayā dhīro, ubho loke avekkhatīti.
කොටසිම්‌බලිජාතකං සත්‌තමං.
Koṭasimbalijātakaṃ sattamaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / ජාතක-අට්‌ඨකථා • Jātaka-aṭṭhakathā / [412] 7. කොටසිම්‌බලිජාතකවණ්‌ණනා • [412] 7. Koṭasimbalijātakavaṇṇanā
