| Library / Tipiṭaka / திபிடக • Tipiṭaka / மஹாவக்³க³பாளி • Mahāvaggapāḷi |
175. கோடிகா³மே ஸச்சகதா²
175. Koṭigāme saccakathā
287. அத² கோ² ப⁴க³வா யேன கோடிகா³மோ தேனுபஸங்கமி. தத்ர ஸுத³ங் ப⁴க³வா கோடிகா³மே விஹரதி. தத்ர கோ² ப⁴க³வா பி⁴க்கூ² ஆமந்தேஸி – 1 ‘‘சதுன்னங், பி⁴க்க²வே, அரியஸச்சானங் அனநுபோ³தா⁴ அப்படிவேதா⁴ ஏவமித³ங் தீ³க⁴மத்³தா⁴னங் ஸந்தா⁴விதங் ஸங்ஸரிதங் மமஞ்சேவ தும்ஹாகஞ்ச. கதமேஸங் சதுன்னங்? து³க்க²ஸ்ஸ, பி⁴க்க²வே, அரியஸச்சஸ்ஸ அனநுபோ³தா⁴ அப்படிவேதா⁴ ஏவமித³ங் தீ³க⁴மத்³தா⁴னங் ஸந்தா⁴விதங் ஸங்ஸரிதங் மமஞ்சேவ தும்ஹாகஞ்ச. து³க்க²ஸமுத³யஸ்ஸ அரியஸச்சஸ்ஸ…பே॰… து³க்க²னிரோத⁴ஸ்ஸ அரியஸச்சஸ்ஸ…பே॰… து³க்க²னிரோத⁴கா³மினியா படிபதா³ய அரியஸச்சஸ்ஸ அனநுபோ³தா⁴ அப்படிவேதா⁴ ஏவமித³ங் தீ³க⁴மத்³தா⁴னங் ஸந்தா⁴விதங் ஸங்ஸரிதங் மமஞ்சேவ தும்ஹாகஞ்ச. தயித³ங், பி⁴க்க²வே, து³க்க²ங் அரியஸச்சங் அனுபு³த்³த⁴ங் படிவித்³த⁴ங், து³க்க²ஸமுத³யங் 2 அரியஸச்சங் அனுபு³த்³த⁴ங் படிவித்³த⁴ங், து³க்க²னிரோத⁴ங் 3 அரியஸச்சங் அனுபு³த்³த⁴ங் படிவித்³த⁴ங், து³க்க²னிரோத⁴கா³மினீ படிபதா³ அரியஸச்சங் அனுபு³த்³த⁴ங் படிவித்³த⁴ங், உச்சி²ன்னா ப⁴வதண்ஹா, கீ²ணா ப⁴வனெத்தி, நத்தி²தா³னி புனப்³ப⁴வோ’’தி.
287. Atha kho bhagavā yena koṭigāmo tenupasaṅkami. Tatra sudaṃ bhagavā koṭigāme viharati. Tatra kho bhagavā bhikkhū āmantesi – 4 ‘‘catunnaṃ, bhikkhave, ariyasaccānaṃ ananubodhā appaṭivedhā evamidaṃ dīghamaddhānaṃ sandhāvitaṃ saṃsaritaṃ mamañceva tumhākañca. Katamesaṃ catunnaṃ? Dukkhassa, bhikkhave, ariyasaccassa ananubodhā appaṭivedhā evamidaṃ dīghamaddhānaṃ sandhāvitaṃ saṃsaritaṃ mamañceva tumhākañca. Dukkhasamudayassa ariyasaccassa…pe… dukkhanirodhassa ariyasaccassa…pe… dukkhanirodhagāminiyā paṭipadāya ariyasaccassa ananubodhā appaṭivedhā evamidaṃ dīghamaddhānaṃ sandhāvitaṃ saṃsaritaṃ mamañceva tumhākañca. Tayidaṃ, bhikkhave, dukkhaṃ ariyasaccaṃ anubuddhaṃ paṭividdhaṃ, dukkhasamudayaṃ 5 ariyasaccaṃ anubuddhaṃ paṭividdhaṃ, dukkhanirodhaṃ 6 ariyasaccaṃ anubuddhaṃ paṭividdhaṃ, dukkhanirodhagāminī paṭipadā ariyasaccaṃ anubuddhaṃ paṭividdhaṃ, ucchinnā bhavataṇhā, khīṇā bhavanetti, natthidāni punabbhavo’’ti.
சதுன்னங் அரியஸச்சானங், யதா²பூ⁴தங் அத³ஸ்ஸனா;
Catunnaṃ ariyasaccānaṃ, yathābhūtaṃ adassanā;
ஸங்ஸிதங் தீ³க⁴மத்³தா⁴னங், தாஸு தாஸ்வேவ ஜாதிஸு.
Saṃsitaṃ dīghamaddhānaṃ, tāsu tāsveva jātisu.
தானி ஏதானி தி³ட்டா²னி, ப⁴வனெத்தி ஸமூஹதா;
Tāni etāni diṭṭhāni, bhavanetti samūhatā;
உச்சி²ன்னங் மூலங் து³க்க²ஸ்ஸ, நத்தி²தா³னி புனப்³ப⁴வோதி.
Ucchinnaṃ mūlaṃ dukkhassa, natthidāni punabbhavoti.
கோடிகா³மே ஸச்சகதா² நிட்டி²தா.
Koṭigāme saccakathā niṭṭhitā.
Footnotes:
Related texts:
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / பாடலிகா³மவத்து²கதா² • Pāṭaligāmavatthukathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / கோடிகா³மே ஸச்சகதா²வண்ணனா • Koṭigāme saccakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / கோடிகா³மேஸச்சகதா²வண்ணனா • Koṭigāmesaccakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 173. பாடலிகா³மவத்து²கதா² • 173. Pāṭaligāmavatthukathā
