| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
175. годиг̇аамз сажжагат̇аа
175. Koṭigāme saccakathā
287. ат̇а ко бхаг̇аваа язна годиг̇аамо д̇знубасан̇гами. д̇ад̇ра суд̣̇ам̣ бхаг̇аваа годиг̇аамз вихарад̇и. д̇ад̇ра ко бхаг̇аваа бхигкуу ааманд̇зси – 1 ‘‘жад̇уннам̣, бхигкавз, арияасажжаанам̣ анануб̣од̇хаа аббадивзд̇хаа звамид̣̇ам̣ д̣̇ийгхамад̣̇д̇хаанам̣ санд̇хаавид̇ам̣ сам̣сарид̇ам̣ маман̃жзва д̇умхааган̃жа. гад̇амзсам̣ жад̇уннам̣? д̣̇угкасса, бхигкавз, арияасажжасса анануб̣од̇хаа аббадивзд̇хаа звамид̣̇ам̣ д̣̇ийгхамад̣̇д̇хаанам̣ санд̇хаавид̇ам̣ сам̣сарид̇ам̣ маман̃жзва д̇умхааган̃жа. д̣̇угкасамуд̣̇аяасса арияасажжасса…бз… д̣̇угканирод̇хасса арияасажжасса…бз… д̣̇угканирод̇хаг̇ааминияаа бадибад̣̇ааяа арияасажжасса анануб̣од̇хаа аббадивзд̇хаа звамид̣̇ам̣ д̣̇ийгхамад̣̇д̇хаанам̣ санд̇хаавид̇ам̣ сам̣сарид̇ам̣ маман̃жзва д̇умхааган̃жа. д̇аяид̣̇ам̣, бхигкавз, д̣̇угкам̣ арияасажжам̣ ануб̣уд̣̇д̇хам̣ бадивид̣̇д̇хам̣, д̣̇угкасамуд̣̇аяам̣ 2 арияасажжам̣ ануб̣уд̣̇д̇хам̣ бадивид̣̇д̇хам̣, д̣̇угканирод̇хам̣ 3 арияасажжам̣ ануб̣уд̣̇д̇хам̣ бадивид̣̇д̇хам̣, д̣̇угканирод̇хаг̇ааминий бадибад̣̇аа арияасажжам̣ ануб̣уд̣̇д̇хам̣ бадивид̣̇д̇хам̣, ужчиннаа бхавад̇ан̣хаа, кийн̣аа бхаванзд̇д̇и, над̇т̇ид̣̇аани бунаб̣бхаво’’д̇и.
287. Atha kho bhagavā yena koṭigāmo tenupasaṅkami. Tatra sudaṃ bhagavā koṭigāme viharati. Tatra kho bhagavā bhikkhū āmantesi – 4 ‘‘catunnaṃ, bhikkhave, ariyasaccānaṃ ananubodhā appaṭivedhā evamidaṃ dīghamaddhānaṃ sandhāvitaṃ saṃsaritaṃ mamañceva tumhākañca. Katamesaṃ catunnaṃ? Dukkhassa, bhikkhave, ariyasaccassa ananubodhā appaṭivedhā evamidaṃ dīghamaddhānaṃ sandhāvitaṃ saṃsaritaṃ mamañceva tumhākañca. Dukkhasamudayassa ariyasaccassa…pe… dukkhanirodhassa ariyasaccassa…pe… dukkhanirodhagāminiyā paṭipadāya ariyasaccassa ananubodhā appaṭivedhā evamidaṃ dīghamaddhānaṃ sandhāvitaṃ saṃsaritaṃ mamañceva tumhākañca. Tayidaṃ, bhikkhave, dukkhaṃ ariyasaccaṃ anubuddhaṃ paṭividdhaṃ, dukkhasamudayaṃ 5 ariyasaccaṃ anubuddhaṃ paṭividdhaṃ, dukkhanirodhaṃ 6 ariyasaccaṃ anubuddhaṃ paṭividdhaṃ, dukkhanirodhagāminī paṭipadā ariyasaccaṃ anubuddhaṃ paṭividdhaṃ, ucchinnā bhavataṇhā, khīṇā bhavanetti, natthidāni punabbhavo’’ti.
жад̇уннам̣ арияасажжаанам̣, яат̇аабхууд̇ам̣ ад̣̇ассанаа;
Catunnaṃ ariyasaccānaṃ, yathābhūtaṃ adassanā;
сам̣сид̇ам̣ д̣̇ийгхамад̣̇д̇хаанам̣, д̇аасу д̇аасвзва ж̇аад̇ису.
Saṃsitaṃ dīghamaddhānaṃ, tāsu tāsveva jātisu.
д̇аани зд̇аани д̣̇идтаани, бхаванзд̇д̇и самуухад̇аа;
Tāni etāni diṭṭhāni, bhavanetti samūhatā;
ужчиннам̣ муулам̣ д̣̇угкасса, над̇т̇ид̣̇аани бунаб̣бхавод̇и.
Ucchinnaṃ mūlaṃ dukkhassa, natthidāni punabbhavoti.
годиг̇аамз сажжагат̇аа нидтид̇аа.
Koṭigāme saccakathā niṭṭhitā.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / баадалиг̇аамавад̇т̇угат̇аа • Pāṭaligāmavatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / годиг̇аамз сажжагат̇ааван̣н̣анаа • Koṭigāme saccakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / годиг̇аамзсажжагат̇ааван̣н̣анаа • Koṭigāmesaccakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 173. баадалиг̇аамавад̇т̇угат̇аа • 173. Pāṭaligāmavatthukathā
