| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
годиг̇аамз сажжагат̇ааван̣н̣анаа
Koṭigāme saccakathāvaṇṇanā
287. годиг̇аамод̇и махаабанаад̣̇асса ран̃н̃о баасаад̣̇агодияам̣ гад̇аг̇аамо, бад̇ид̇асса баасаад̣̇асса т̇убигааяа бад̇идтид̇адтаанз нивидтаг̇аамод̇и ад̇т̇о. арияасажжаананд̇и яз бадивиж̇жханд̇и, д̇зсам̣ арияабхаавагараанам̣ сажжаанам̣. анануб̣од̇хаад̇и аб̣уж̇жханзна аж̇аананзна. аббадивзд̇хаад̇и аббадивиж̇жханзна. ануб̣од̇хо жзд̇т̇а буб̣б̣абхааг̇ияан̃аан̣ам̣, бадивзд̇хо маг̇г̇ан̃аан̣зна абхисамаяо. д̇ад̇т̇а яасмаа ануб̣од̇хабуб̣б̣аго бадивзд̇хо ануб̣од̇хзна винаа на ход̇и, ануб̣од̇хоби згажжо бадивзд̇хасамб̣анд̇хо д̇ад̣̇убхаяаабхаавахзд̇уган̃жа ваддз сам̣саран̣ам̣, д̇асмаа вуд̇д̇ам̣ ‘‘анануб̣од̇хаа…бз… д̇умхааган̃жаа’’д̇и. д̇ад̇т̇а санд̇хаавид̇анд̇и бадисанд̇хиг̇г̇ахан̣авасзна бхавад̇о бхаванд̇арубаг̇аманзна санд̇хаавид̇ам̣. сам̣сарид̇анд̇и абараабарам̣ жаванубабаж̇ж̇анавасзна сам̣сарид̇ам̣. маман̃жзва д̇умхааган̃жаад̇и маяаа жа д̇умхзхи жа. ат̇а ваа санд̇хаавид̇ам̣ сам̣сарид̇анд̇и санд̇хааванам̣ сам̣саран̣ам̣ маман̃жзва д̇умхааган̃жа ахосийд̇и звамзд̇т̇а ад̇т̇о взд̣̇ид̇аб̣б̣о.
287.Koṭigāmoti mahāpanādassa rañño pāsādakoṭiyaṃ katagāmo, patitassa pāsādassa thupikāya patiṭṭhitaṭṭhāne niviṭṭhagāmoti attho. Ariyasaccānanti ye paṭivijjhanti, tesaṃ ariyabhāvakarānaṃ saccānaṃ. Ananubodhāti abujjhanena ajānanena. Appaṭivedhāti appaṭivijjhanena. Anubodho cettha pubbabhāgiyañāṇaṃ, paṭivedho maggañāṇena abhisamayo. Tattha yasmā anubodhapubbako paṭivedho anubodhena vinā na hoti, anubodhopi ekacco paṭivedhasambandho tadubhayābhāvahetukañca vaṭṭe saṃsaraṇaṃ, tasmā vuttaṃ ‘‘ananubodhā…pe… tumhākañcā’’ti. Tattha sandhāvitanti paṭisandhiggahaṇavasena bhavato bhavantarupagamanena sandhāvitaṃ. Saṃsaritanti aparāparaṃ cavanupapajjanavasena saṃsaritaṃ. Mamañceva tumhākañcāti mayā ca tumhehi ca. Atha vā sandhāvitaṃ saṃsaritanti sandhāvanaṃ saṃsaraṇaṃ mamañceva tumhākañca ahosīti evamettha attho veditabbo.
сам̣сид̇анд̇и сам̣сарид̇ам̣. бхаванзд̇д̇и самуухад̇аад̇и д̣̇ийгхараж̇ж̇уяаа б̣ад̣̇д̇хасагун̣ам̣ вияа раж̇ж̇ухад̇т̇о бурисо д̣̇зсанд̇арам̣, д̇ан̣хаараж̇ж̇уяаа б̣ад̣̇д̇хасад̇д̇асанд̇аанам̣ абхисан̇кааро бхаванд̇арам̣ нзд̇и зд̇ааяаад̇и бхаванзд̇д̇и, саа бхавад̇о бхавам̣ наяанасамад̇т̇аа д̇ан̣хаараж̇ж̇у арияамаг̇г̇асад̇т̇зна судту хад̇аа чиннаа аббавад̇д̇игад̇аад̇и бхаванзд̇д̇и самуухад̇аа.
Saṃsitanti saṃsaritaṃ. Bhavanetti samūhatāti dīgharajjuyā baddhasakuṇaṃ viya rajjuhattho puriso desantaraṃ, taṇhārajjuyā baddhasattasantānaṃ abhisaṅkhāro bhavantaraṃ neti etāyāti bhavanetti, sā bhavato bhavaṃ nayanasamatthā taṇhārajju ariyamaggasatthena suṭṭhu hatā chinnā appavattikatāti bhavanetti samūhatā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 175. годиг̇аамз сажжагат̇аа • 175. Koṭigāme saccakathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / баадалиг̇аамавад̇т̇угат̇аа • Pāṭaligāmavatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / годиг̇аамзсажжагат̇ааван̣н̣анаа • Koṭigāmesaccakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 173. баадалиг̇аамавад̇т̇угат̇аа • 173. Pāṭaligāmavatthukathā
