| Library / Tipiṭaka / ತಿಪಿಟಕ • Tipiṭaka / ವಿಮತಿವಿನೋದನೀ-ಟೀಕಾ • Vimativinodanī-ṭīkā |
ಕೋಟಿಗಾಮೇಸಚ್ಚಕಥಾವಣ್ಣನಾ
Koṭigāmesaccakathāvaṇṇanā
೨೮೭. ಪಾಳಿಯಂ ಸನ್ಧಾವಿತನ್ತಿ ಭವತೋ ಭವಂ ಪಟಿಸನ್ಧಿಗ್ಗಹಣವಸೇನ ಸನ್ಧಾವನಂ ಕತಂ। ಸಂಸರಿತನ್ತಿ ತಸ್ಸೇವ ವೇವಚನಂ। ಮಮಞ್ಚೇವ ತುಮ್ಹಾಕಞ್ಚಾತಿ ಮಯಾ ಚ ತುಮ್ಹೇಹಿ ಚ, ಸಾಮಿವಸೇನೇವ ವಾ ಮಮ ಚ ತುಮ್ಹಾಕಞ್ಚ ಸನ್ಧಾವನಂ ಅಹೋಸೀತಿ ಅತ್ಥೋ ಗಹೇತಬ್ಬೋ। ಸಂಸರಿತನ್ತಿ ಸಂಸರಿ। ಭವತಣ್ಹಾ ಏವ ಭವತೋ ಭವಂ ನೇತೀತಿ ಭವನೇತ್ತೀತಿ ವುತ್ತಾ।
287. Pāḷiyaṃ sandhāvitanti bhavato bhavaṃ paṭisandhiggahaṇavasena sandhāvanaṃ kataṃ. Saṃsaritanti tasseva vevacanaṃ. Mamañceva tumhākañcāti mayā ca tumhehi ca, sāmivaseneva vā mama ca tumhākañca sandhāvanaṃ ahosīti attho gahetabbo. Saṃsaritanti saṃsari. Bhavataṇhā eva bhavato bhavaṃ netīti bhavanettīti vuttā.
೨೮೯. ‘‘ನೀಲಾ ಹೋನ್ತೀ’’ತಿ ವುತ್ತಮೇವತ್ಥಂ ವಿವರಿತುಂ ‘‘ನೀಲವಣ್ಣಾ’’ತಿಆದಿ ವುತ್ತಂ। ನೀಲವಣ್ಣಾತಿ ನೀಲವಿಲೇಪನಾ। ಏಸ ನಯೋ ಸಬ್ಬತ್ಥ। ಪಟಿವಟ್ಟೇಸೀತಿ ಪಹರಿ। ಅಮ್ಬಕಾಯಾತಿ ಅಮ್ಬಾಯ। ಉಪಚಾರವಚನಞ್ಹೇತಂ, ಮಾತುಗಾಮೇನಾತಿ ಅತ್ಥೋ। ಉಪಸಂಹರಥಾತಿ ಉಪನೇಥ, ‘‘ಈದಿಸಾ ತಾವತಿಂಸಾ’’ತಿ ಪರಿಕಪ್ಪೇಥಾತಿ ಅತ್ಥೋ। ಇದಞ್ಚ ಭಿಕ್ಖೂನಂ ಸಂವೇಗಜನನತ್ಥಂ ವುತ್ತಂ, ನ ನಿಮಿತ್ತಗ್ಗಾಹತ್ಥಂ। ಲಿಚ್ಛವಿರಾಜಾನೋ ಹಿ ಸಬ್ಬೇ ನ ಚಿರಸ್ಸೇವ ಅಜಾತಸತ್ತುನಾ ವಿನಾಸಂ ಪಾಪುಣಿಸ್ಸನ್ತಿ।
289. ‘‘Nīlā hontī’’ti vuttamevatthaṃ vivarituṃ ‘‘nīlavaṇṇā’’tiādi vuttaṃ. Nīlavaṇṇāti nīlavilepanā. Esa nayo sabbattha. Paṭivaṭṭesīti pahari. Ambakāyāti ambāya. Upacāravacanañhetaṃ, mātugāmenāti attho. Upasaṃharathāti upanetha, ‘‘īdisā tāvatiṃsā’’ti parikappethāti attho. Idañca bhikkhūnaṃ saṃvegajananatthaṃ vuttaṃ, na nimittaggāhatthaṃ. Licchavirājāno hi sabbe na cirasseva ajātasattunā vināsaṃ pāpuṇissanti.
ಕೋಟಿಗಾಮೇಸಚ್ಚಕಥಾವಣ್ಣನಾ ನಿಟ್ಠಿತಾ।
Koṭigāmesaccakathāvaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಮಹಾವಗ್ಗಪಾಳಿ • Mahāvaggapāḷi
೧೭೫. ಕೋಟಿಗಾಮೇ ಸಚ್ಚಕಥಾ • 175. Koṭigāme saccakathā
೧೭೭. ಲಿಚ್ಛವೀವತ್ಥು • 177. Licchavīvatthu
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಮಹಾವಗ್ಗ-ಅಟ್ಠಕಥಾ • Mahāvagga-aṭṭhakathā / ಪಾಟಲಿಗಾಮವತ್ಥುಕಥಾ • Pāṭaligāmavatthukathā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā
ಕೋಟಿಗಾಮೇ ಸಚ್ಚಕಥಾವಣ್ಣನಾ • Koṭigāme saccakathāvaṇṇanā
ಲಿಚ್ಛವೀವತ್ಥುಕಥಾವಣ್ಣನಾ • Licchavīvatthukathāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi / ೧೭೩. ಪಾಟಲಿಗಾಮವತ್ಥುಕಥಾ • 173. Pāṭaligāmavatthukathā
