| Library / Tipiṭaka / තිපිටක • Tipiṭaka / විමතිවිනොදනී-ටීකා • Vimativinodanī-ṭīkā |
කොටිගාමෙසච්‌චකථාවණ්‌ණනා
Koṭigāmesaccakathāvaṇṇanā
287. පාළියං සන්‌ධාවිතන්‌ති භවතො භවං පටිසන්‌ධිග්‌ගහණවසෙන සන්‌ධාවනං කතං. සංසරිතන්‌ති තස්‌සෙව වෙවචනං. මමඤ්‌චෙව තුම්‌හාකඤ්‌චාති මයා ච තුම්‌හෙහි ච, සාමිවසෙනෙව වා මම ච තුම්‌හාකඤ්‌ච සන්‌ධාවනං අහොසීති අත්‌ථො ගහෙතබ්‌බො. සංසරිතන්‌ති සංසරි. භවතණ්‌හා එව භවතො භවං නෙතීති භවනෙත්‌තීති වුත්‌තා.
287. Pāḷiyaṃ sandhāvitanti bhavato bhavaṃ paṭisandhiggahaṇavasena sandhāvanaṃ kataṃ. Saṃsaritanti tasseva vevacanaṃ. Mamañceva tumhākañcāti mayā ca tumhehi ca, sāmivaseneva vā mama ca tumhākañca sandhāvanaṃ ahosīti attho gahetabbo. Saṃsaritanti saṃsari. Bhavataṇhā eva bhavato bhavaṃ netīti bhavanettīti vuttā.
289. ‘‘නීලා හොන්‌තී’’ති වුත්‌තමෙවත්‌ථං විවරිතුං ‘‘නීලවණ්‌ණා’’තිආදි වුත්‌තං. නීලවණ්‌ණාති නීලවිලෙපනා. එස නයො සබ්‌බත්‌ථ. පටිවට්‌ටෙසීති පහරි. අම්‌බකායාති අම්‌බාය. උපචාරවචනඤ්‌හෙතං, මාතුගාමෙනාති අත්‌ථො. උපසංහරථාති උපනෙථ, ‘‘ඊදිසා තාවතිංසා’’ති පරිකප්‌පෙථාති අත්‌ථො. ඉදඤ්‌ච භික්‌ඛූනං සංවෙගජනනත්‌ථං වුත්‌තං, න නිමිත්‌තග්‌ගාහත්‌ථං. ලිච්‌ඡවිරාජානො හි සබ්‌බෙ න චිරස්‌සෙව අජාතසත්‌තුනා විනාසං පාපුණිස්‌සන්‌ති.
289. ‘‘Nīlā hontī’’ti vuttamevatthaṃ vivarituṃ ‘‘nīlavaṇṇā’’tiādi vuttaṃ. Nīlavaṇṇāti nīlavilepanā. Esa nayo sabbattha. Paṭivaṭṭesīti pahari. Ambakāyāti ambāya. Upacāravacanañhetaṃ, mātugāmenāti attho. Upasaṃharathāti upanetha, ‘‘īdisā tāvatiṃsā’’ti parikappethāti attho. Idañca bhikkhūnaṃ saṃvegajananatthaṃ vuttaṃ, na nimittaggāhatthaṃ. Licchavirājāno hi sabbe na cirasseva ajātasattunā vināsaṃ pāpuṇissanti.
කොටිගාමෙසච්‌චකථාවණ්‌ණනා නිට්‌ඨිතා.
Koṭigāmesaccakathāvaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවග්‌ගපාළි • Mahāvaggapāḷi
175. කොටිගාමෙ සච්‌චකථා • 175. Koṭigāme saccakathā
177. ලිච්‌ඡවීවත්‌ථු • 177. Licchavīvatthu
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / මහාවග්‌ග-අට්‌ඨකථා • Mahāvagga-aṭṭhakathā / පාටලිගාමවත්‌ථුකථා • Pāṭaligāmavatthukathā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā
කොටිගාමෙ සච්‌චකථාවණ්‌ණනා • Koṭigāme saccakathāvaṇṇanā
ලිච්‌ඡවීවත්‌ථුකථාවණ්‌ණනා • Licchavīvatthukathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 173. පාටලිගාමවත්‌ථුකථා • 173. Pāṭaligāmavatthukathā
