| Library / Tipiṭaka / ཏིཔིཊཀ • Tipiṭaka / ཝིམཏིཝིནོདནཱི-ཊཱིཀཱ • Vimativinodanī-ṭīkā |
ཀོཊིགཱམེསཙྩཀཐཱཝཎྞནཱ
Koṭigāmesaccakathāvaṇṇanā
༢༨༧. པཱལི༹ཡཾ སནྡྷཱཝིཏནྟི བྷཝཏོ བྷཝཾ པཊིསནྡྷིགྒཧཎཝསེན སནྡྷཱཝནཾ ཀཏཾ། སཾསརིཏནྟི ཏསྶེཝ ཝེཝཙནཾ། མམཉྩེཝ ཏུམྷཱཀཉྩཱཏི མཡཱ ཙ ཏུམྷེཧི ཙ, སཱམིཝསེནེཝ ཝཱ མམ ཙ ཏུམྷཱཀཉྩ སནྡྷཱཝནཾ ཨཧོསཱིཏི ཨཏྠོ གཧེཏབྦོ། སཾསརིཏནྟི སཾསརི། བྷཝཏཎྷཱ ཨེཝ བྷཝཏོ བྷཝཾ ནེཏཱིཏི བྷཝནེཏྟཱིཏི ཝུཏྟཱ།
287. Pāḷiyaṃ sandhāvitanti bhavato bhavaṃ paṭisandhiggahaṇavasena sandhāvanaṃ kataṃ. Saṃsaritanti tasseva vevacanaṃ. Mamañceva tumhākañcāti mayā ca tumhehi ca, sāmivaseneva vā mama ca tumhākañca sandhāvanaṃ ahosīti attho gahetabbo. Saṃsaritanti saṃsari. Bhavataṇhā eva bhavato bhavaṃ netīti bhavanettīti vuttā.
༢༨༩. ‘‘ནཱིལཱ ཧོནྟཱི’’ཏི ཝུཏྟམེཝཏྠཾ ཝིཝརིཏུཾ ‘‘ནཱིལཝཎྞཱ’’ཏིཨཱདི ཝུཏྟཾ། ནཱིལཝཎྞཱཏི ནཱིལཝིལེཔནཱ། ཨེས ནཡོ སབྦཏྠ། པཊིཝཊྚེསཱིཏི པཧརི། ཨམྦཀཱཡཱཏི ཨམྦཱཡ། ཨུཔཙཱརཝཙནཉྷེཏཾ, མཱཏུགཱམེནཱཏི ཨཏྠོ། ཨུཔསཾཧརཐཱཏི ཨུཔནེཐ, ‘‘ཨཱིདིསཱ ཏཱཝཏིཾསཱ’’ཏི པརིཀཔྤེཐཱཏི ཨཏྠོ། ཨིདཉྩ བྷིཀྑཱུནཾ སཾཝེགཛནནཏྠཾ ཝུཏྟཾ, ན ནིམིཏྟགྒཱཧཏྠཾ། ལིཙྪཝིརཱཛཱནོ ཧི སབྦེ ན ཙིརསྶེཝ ཨཛཱཏསཏྟུནཱ ཝིནཱསཾ པཱཔུཎིསྶནྟི།
289. ‘‘Nīlā hontī’’ti vuttamevatthaṃ vivarituṃ ‘‘nīlavaṇṇā’’tiādi vuttaṃ. Nīlavaṇṇāti nīlavilepanā. Esa nayo sabbattha. Paṭivaṭṭesīti pahari. Ambakāyāti ambāya. Upacāravacanañhetaṃ, mātugāmenāti attho. Upasaṃharathāti upanetha, ‘‘īdisā tāvatiṃsā’’ti parikappethāti attho. Idañca bhikkhūnaṃ saṃvegajananatthaṃ vuttaṃ, na nimittaggāhatthaṃ. Licchavirājāno hi sabbe na cirasseva ajātasattunā vināsaṃ pāpuṇissanti.
ཀོཊིགཱམེསཙྩཀཐཱཝཎྞནཱ ནིཊྛིཏཱ།
Koṭigāmesaccakathāvaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝགྒཔཱལི༹ • Mahāvaggapāḷi
༡༧༥. ཀོཊིགཱམེ སཙྩཀཐཱ • 175. Koṭigāme saccakathā
༡༧༧. ལིཙྪཝཱིཝཏྠུ • 177. Licchavīvatthu
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝགྒ-ཨཊྛཀཐཱ • Mahāvagga-aṭṭhakathā / པཱཊལིགཱམཝཏྠུཀཐཱ • Pāṭaligāmavatthukathā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā
ཀོཊིགཱམེ སཙྩཀཐཱཝཎྞནཱ • Koṭigāme saccakathāvaṇṇanā
ལིཙྪཝཱིཝཏྠུཀཐཱཝཎྞནཱ • Licchavīvatthukathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༡༧༣. པཱཊལིགཱམཝཏྠུཀཐཱ • 173. Pāṭaligāmavatthukathā
