| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā |
годтаасаваараван̣н̣анаа
Koṭṭhāsavāravaṇṇanā
58-120. нид̣̇д̣̇зсаваарз бужчаад̣̇ийнам̣ бажжзгам̣ анзгад̇д̇зби бужчаад̣̇ибхаавзна згад̇д̇ам̣ убанзд̇ваа жад̇убарижчзд̣̇ад̇аа вуд̇д̇аа. жад̇д̇ааро д̣̇взд̇и звамаад̣̇игам̣ сан̇кибид̇ваа саха ваа г̇ахан̣ам̣ сан̇г̇ахо. табзд̇ваа язваабанагзд̇и сан̇г̇ахзд̇аб̣б̣з санд̇хааяа вуд̇д̇ам̣. д̇з хи висум̣ висум̣ уд̣̇д̣̇идтад̇д̇аа нид̣̇д̣̇идтад̇д̇аа жа виббагин̣н̣аад̇и сан̇г̇ахзд̇аб̣б̣аа хонд̇и, на язваабанагаа сан̇г̇ахаг̇аманзнзва д̇ат̇аа авиббагин̣н̣ад̇д̇аа. яасмаа бана сан̇каарагканд̇хабарияаабаннаа хонд̇и, д̇асмаа д̇ам̣нид̣̇д̣̇зсз аканд̇хабхааванивааран̣ад̇т̇ам̣ язваабанаад̇взва вуд̇д̇аад̇и на язваабанагаа табзд̇аб̣б̣аад̇и. бажжаяасан̇каад̇знаад̇и аахаарабажжаяасан̇каад̇знаад̇и вуд̇д̇ам̣ ход̇и. ат̇а ваа ‘‘хзд̇у бажжаяо’’д̇и зд̇зсу д̣̇вийсу ж̇анаго хзд̇у убад̇т̇амбхаго бажжаяод̇и звам̣ висзсаванд̇зсу бажжаяасан̇каад̇зна. яат̇аа хи габ̣ал̣ийгаараахааро ож̇адтамагаруубаахаран̣зна руубагааяам̣ убад̇т̇амбхзд̇и, звамимзби взд̣̇анаад̣̇иаахаран̣зна наамагааяанд̇и. д̇ат̇аа жа хонд̇ийд̇и саад̇хааран̣з сахаж̇аад̇аад̣̇ибажжаяз санд̇хааяааха. ан̃н̃ат̇аа жаад̇и ан̃н̃зна жа згзнаагаарзна бажжаяаа хонд̇иязваад̇и аахаараад̇и вужжанд̇ийд̇и ад̇т̇о. д̇асмаа аахаран̣агижжарахид̇аанам̣ хзд̇уад̇хибад̇иаад̣̇ийнам̣ над̇т̇и аахаарабхааваббасан̇г̇о. д̇иссо жа взд̣̇анаа аахарад̇ийд̇иаад̣̇и яат̇аасамбхававасзна вуд̇д̇ам̣, на имасмим̣язва жид̇д̇з пассаад̣̇ивасзна. д̇аяо жа бхавзд̇и гаамаад̣̇ибхавабхууд̇ам̣ вин̃н̃аан̣ам̣ висзсзна, ависзсзна жа бан̃жубаад̣̇аанагканд̇хз.
58-120. Niddesavāre pucchādīnaṃ paccekaṃ anekattepi pucchādibhāvena ekattaṃ upanetvā catuparicchedatā vuttā. Cattāro dveti evamādikaṃ saṅkhipitvā saha vā gahaṇaṃ saṅgaho. Ṭhapetvā yevāpanaketi saṅgahetabbe sandhāya vuttaṃ. Te hi visuṃ visuṃ uddiṭṭhattā niddiṭṭhattā ca vippakiṇṇāti saṅgahetabbā honti, na yevāpanakā saṅgahagamaneneva tathā avippakiṇṇattā. Yasmā pana saṅkhārakkhandhapariyāpannā honti, tasmā taṃniddese akhandhabhāvanivāraṇatthaṃ yevāpanātveva vuttāti na yevāpanakā ṭhapetabbāti. Paccayasaṅkhātenāti āhārapaccayasaṅkhātenāti vuttaṃ hoti. Atha vā ‘‘hetu paccayo’’ti etesu dvīsu janako hetu upatthambhako paccayoti evaṃ visesavantesu paccayasaṅkhātena. Yathā hi kabaḷīkārāhāro ojaṭṭhamakarūpāharaṇena rūpakāyaṃ upatthambheti, evamimepi vedanādiāharaṇena nāmakāyanti. Tathā ca hontīti sādhāraṇe sahajātādipaccaye sandhāyāha. Aññathā cāti aññena ca ekenākārena paccayā hontiyevāti āhārāti vuccantīti attho. Tasmā āharaṇakiccarahitānaṃ hetuadhipatiādīnaṃ natthi āhārabhāvappasaṅgo. Tisso ca vedanā āharatītiādi yathāsambhavavasena vuttaṃ, na imasmiṃyeva citte phassādivasena. Tayo ca bhaveti kāmādibhavabhūtaṃ viññāṇaṃ visesena, avisesena ca pañcupādānakkhandhe.
аарамман̣ам̣ убаг̇анд̇ваа ниж̇жхааяанам̣ жинд̇анам̣ убаниж̇жхааяанам̣. хзд̇вадтзнаад̇и убааяад̇т̇зна, на муулад̇т̇зна. буб̣б̣абхааг̇з г̇ад̇о бадибанно наанаагкан̣иго адтан̇г̇иго маг̇г̇о логуд̇д̇арагкан̣зва саха бавад̇д̇о яат̇ааг̇ад̇амаг̇г̇од̇и вуд̇д̇о. вибассанаагкан̣ад̇о буб̣б̣зва гааяагаммаад̣̇ийнам̣ субарисуд̣̇д̇хад̇ааяа адтан̇г̇игамаг̇г̇убаниссаяасса ‘‘арияо адтан̇г̇иго маг̇г̇о бхааванаабаарибуурим̣ г̇ажчад̇ий’’д̇и (ма. ни. 3.431) звам̣ вуд̇д̇зна барияааязна буб̣б̣абхааг̇амаг̇г̇асса адтан̇г̇игад̇аа яат̇ааг̇ад̇аважанзна д̣̇ийбид̇аа, на згагкан̣з адтаннам̣ ан̇г̇аанам̣ саб̣бхааваад̇и звамассаби барияааяад̣̇зсанад̇аа взд̣̇ид̇аб̣б̣аа. виж̇аананамзва жид̇д̇авижид̇д̇ад̇аад̇и ‘‘жид̇д̇авижид̇д̇адтзна згова д̇хаммо вин̃н̃аан̣агканд̇хо’’д̇и ааха. жад̇д̇ааро канд̇хаа хонд̇ийд̇иаад̣̇ийсу взд̣̇анаагканд̇хаад̣̇ийнам̣ сан̇г̇ахз гад̇зби буна ‘‘зго взд̣̇анаагканд̇хо ход̇ий’’д̇иаад̣̇иважанам̣ на анзгз взд̣̇анаагканд̇хаад̣̇аяо ж̇аад̇инид̣̇д̣̇зсзна ид̇ха вуд̇д̇аад̇и д̣̇ассанад̇т̇ам̣. инд̣̇риязсу жа згасса ж̇аад̇инид̣̇д̣̇зсабхаавз бадигкид̇д̇з ан̃н̃зсам̣ инд̣̇рияаанам̣ аахаараад̣̇ийнан̃жа д̇аббадигкзбо гад̇о ход̇ийд̇и буб̣б̣ан̇г̇амасса манинд̣̇рияассзва гад̇од̇и д̣̇адтаб̣б̣о.
Ārammaṇaṃ upagantvā nijjhāyanaṃ cintanaṃ upanijjhāyanaṃ. Hetvaṭṭhenāti upāyatthena, na mūlatthena. Pubbabhāge gato paṭipanno nānākkhaṇiko aṭṭhaṅgiko maggo lokuttarakkhaṇeva saha pavatto yathāgatamaggoti vutto. Vipassanākkhaṇato pubbeva kāyakammādīnaṃ suparisuddhatāya aṭṭhaṅgikamaggupanissayassa ‘‘ariyo aṭṭhaṅgiko maggo bhāvanāpāripūriṃ gacchatī’’ti (ma. ni. 3.431) evaṃ vuttena pariyāyena pubbabhāgamaggassa aṭṭhaṅgikatā yathāgatavacanena dīpitā, na ekakkhaṇe aṭṭhannaṃ aṅgānaṃ sabbhāvāti evamassapi pariyāyadesanatā veditabbā. Vijānanameva cittavicittatāti ‘‘cittavicittaṭṭhena ekova dhammo viññāṇakkhandho’’ti āha. Cattāro khandhā hontītiādīsu vedanākkhandhādīnaṃ saṅgahe katepi puna ‘‘eko vedanākkhandho hotī’’tiādivacanaṃ na aneke vedanākkhandhādayo jātiniddesena idha vuttāti dassanatthaṃ. Indriyesu ca ekassa jātiniddesabhāve paṭikkhitte aññesaṃ indriyānaṃ āhārādīnañca tappaṭikkhepo kato hotīti pubbaṅgamassa manindriyasseva katoti daṭṭhabbo.
годтаасаваараван̣н̣анаа нидтид̇аа.
Koṭṭhāsavāravaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / гаамааважарагусалам̣ • Kāmāvacarakusalaṃ
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā / годтаасавааро • Koṭṭhāsavāro
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-анудийгаа • Dhammasaṅgaṇī-anuṭīkā / годтаасаваарагат̇ааван̣н̣анаа • Koṭṭhāsavārakathāvaṇṇanā
