| Library / Tipiṭaka / д̇ибидага • Tipiṭaka / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā |
годтаасавааро
Koṭṭhāsavāro
58-120. ид̣̇аани д̇асмим̣ ко бана самаяз жад̇д̇ааро канд̇хаа хонд̇ийд̇и сан̇г̇ахавааро аарад̣̇д̇хо. со уд̣̇д̣̇зсанид̣̇д̣̇зсабадинид̣̇д̣̇зсаанам̣ васзна д̇ивид̇хо ход̇и. д̇ад̇т̇а ‘д̇асмим̣ ко бана самаяз жад̇д̇ааро канд̇хаа’д̇и звамаад̣̇иго уд̣̇д̣̇зсо. гад̇амз д̇асмим̣ самаяз жад̇д̇ааро канд̇хаа’д̇иаад̣̇иго нид̣̇д̣̇зсо. гад̇амо д̇асмим̣ самаяз взд̣̇анаагканд̇ход̇иаад̣̇иго бадинид̣̇д̣̇зсод̇и взд̣̇ид̇аб̣б̣о.
58-120. Idāni tasmiṃ kho pana samaye cattāro khandhā hontīti saṅgahavāro āraddho. So uddesaniddesapaṭiniddesānaṃ vasena tividho hoti. Tattha ‘tasmiṃ kho pana samaye cattāro khandhā’ti evamādiko uddeso. Katame tasmiṃ samaye cattāro khandhā’tiādiko niddeso. Katamo tasmiṃ samaye vedanākkhandhotiādiko paṭiniddesoti veditabbo.
д̇ад̇т̇а уд̣̇д̣̇зсаваарз жад̇д̇ааро канд̇хаад̇иаад̣̇аяо д̇звийсад̇и годтаасаа хонд̇и. д̇зсам̣ звамад̇т̇о взд̣̇ид̇аб̣б̣о – яасмим̣ самаяз гаамааважарам̣ батамам̣ махаагусалажид̇д̇ам̣ уббаж̇ж̇ад̇и, яз д̇асмим̣ самаяз жид̇д̇ан̇г̇авасзна уббаннаа, табзд̇ваа язваабанагз, баал̣иаарул̣хаа ад̇ирзгабан̣н̣аасад̇хаммаа, д̇з саб̣б̣зби сан̇г̇аяхамаанаа раасадтзна жад̇д̇аарова канд̇хаа хонд̇и . хздтаа вуд̇д̇зна ааяад̇анадтзна д̣̇вз ааяад̇анаани хонд̇и. сабхаавадтзна сун̃н̃ад̇адтзна ниссад̇д̇адтзна д̣̇взва д̇хаад̇уяо хонд̇и. бажжаяасан̇каад̇зна аахаарадтзна д̇аяовзд̇т̇а д̇хаммаа аахаараа хонд̇и. авасзсаа но аахаараа.
Tattha uddesavāre cattāro khandhātiādayo tevīsati koṭṭhāsā honti. Tesaṃ evamattho veditabbo – yasmiṃ samaye kāmāvacaraṃ paṭhamaṃ mahākusalacittaṃ uppajjati, ye tasmiṃ samaye cittaṅgavasena uppannā, ṭhapetvā yevāpanake, pāḷiāruḷhā atirekapaṇṇāsadhammā, te sabbepi saṅgayhamānā rāsaṭṭhena cattārova khandhā honti . Heṭṭhā vuttena āyatanaṭṭhena dve āyatanāni honti. Sabhāvaṭṭhena suññataṭṭhena nissattaṭṭhena dveva dhātuyo honti. Paccayasaṅkhātena āhāraṭṭhena tayovettha dhammā āhārā honti. Avasesā no āhārā.
‘гим̣ банзд̇з ан̃н̃аман̃н̃ам̣ ваа д̇ам̣самудтаанаруубасса ваа бажжаяаа на хонд̇ий’д̇и? ‘но на хонд̇и. имз бана д̇ат̇аа жа хонд̇и, ан̃н̃ат̇аа жаад̇и самаанзби бажжаяад̇д̇з ад̇ирзгабажжаяаа хонд̇и, д̇асмаа аахаараад̇и вуд̇д̇аа. гат̇ам̣? зд̇зсу хи пассаахааро, язсам̣ д̇хаммаанам̣ авасзсаа жид̇д̇ажзд̇асигаа бажжаяаа хонд̇и, д̇зсан̃жа бажжаяо ход̇и, д̇иссо жа взд̣̇анаа аахарад̇и. маносан̃жзд̇анаахааро д̇зсан̃жа бажжаяо ход̇и д̇аяо жа бхавз аахарад̇и. вин̃н̃аан̣аахааро д̇зсан̃жа бажжаяо ход̇и бадисанд̇хинаамаруубан̃жа аахарад̇ий’д̇и. ‘нану жа со вибаагова ид̣̇ам̣ бана гусалавин̃н̃аан̣а’нд̇и? ‘гин̃жааби гусалавин̃н̃аан̣ам̣, д̇ам̣саригкад̇ааяа бана вин̃н̃аан̣аахааро’д̇взва вуд̇д̇ам̣. убад̇т̇амбхагадтзна ваа имз д̇аяо аахаараад̇и вуд̇д̇аа. имз хи самбаяуд̇д̇ад̇хаммаанам̣, габ̣ал̣ийгаараахааро вияа руубагааяасса, убад̇т̇амбхагабажжаяаа хонд̇и. д̇знзва вуд̇д̇ам̣ – ‘‘аруубино аахаараа самбаяуд̇д̇агаанам̣ д̇хаммаанам̣ д̇ам̣самудтаанаанан̃жа руубаанам̣ аахаарабажжаязна бажжаяо’’д̇и (бадтаа. 1.1.15).
‘Kiṃ panete aññamaññaṃ vā taṃsamuṭṭhānarūpassa vā paccayā na hontī’ti? ‘No na honti. Ime pana tathā ca honti, aññathā cāti samānepi paccayatte atirekapaccayā honti, tasmā āhārāti vuttā. Kathaṃ? Etesu hi phassāhāro, yesaṃ dhammānaṃ avasesā cittacetasikā paccayā honti, tesañca paccayo hoti, tisso ca vedanā āharati. Manosañcetanāhāro tesañca paccayo hoti tayo ca bhave āharati. Viññāṇāhāro tesañca paccayo hoti paṭisandhināmarūpañca āharatī’ti. ‘Nanu ca so vipākova idaṃ pana kusalaviññāṇa’nti? ‘Kiñcāpi kusalaviññāṇaṃ, taṃsarikkhatāya pana viññāṇāhāro’tveva vuttaṃ. Upatthambhakaṭṭhena vā ime tayo āhārāti vuttā. Ime hi sampayuttadhammānaṃ, kabaḷīkārāhāro viya rūpakāyassa, upatthambhakapaccayā honti. Teneva vuttaṃ – ‘‘arūpino āhārā sampayuttakānaṃ dhammānaṃ taṃsamuṭṭhānānañca rūpānaṃ āhārapaccayena paccayo’’ti (paṭṭhā. 1.1.15).
абаро наяо – аж̇жхад̇д̇игасанд̇ад̇ияаа висзсабажжаяад̇д̇аа габ̣ал̣ийгаараахааро жа имз жа д̇аяо д̇хаммаа аахаараад̇и вуд̇д̇аа. висзсабажжаяо хи габ̣ал̣ийгаараахаарабхагкаанам̣ сад̇д̇аанам̣ руубагааяасса габ̣ал̣ийгааро аахааро; наамагааяз взд̣̇анааяа пассо, вин̃н̃аан̣асса маносан̃жзд̇анаа, наамаруубасса вин̃н̃аан̣ам̣. яат̇ааха –
Aparo nayo – ajjhattikasantatiyā visesapaccayattā kabaḷīkārāhāro ca ime ca tayo dhammā āhārāti vuttā. Visesapaccayo hi kabaḷīkārāhārabhakkhānaṃ sattānaṃ rūpakāyassa kabaḷīkāro āhāro; nāmakāye vedanāya phasso, viññāṇassa manosañcetanā, nāmarūpassa viññāṇaṃ. Yathāha –
‘‘сзяяат̇ааби, бхигкавз, аяам̣ гааяо аахаарадтид̇иго, аахаарам̣ бадижжа д̇идтад̇и, анаахааро но д̇идтад̇и’’ (сам̣. ни. 5.183). д̇ат̇аа пассабажжаяаа взд̣̇анаа, сан̇каарабажжаяаа вин̃н̃аан̣ам̣, вин̃н̃аан̣абажжаяаа наамаруубанд̇и (сам̣. ни. 2.1).
‘‘Seyyathāpi, bhikkhave, ayaṃ kāyo āhāraṭṭhitiko, āhāraṃ paṭicca tiṭṭhati, anāhāro no tiṭṭhati’’ (saṃ. ni. 5.183). Tathā phassapaccayā vedanā, saṅkhārapaccayā viññāṇaṃ, viññāṇapaccayā nāmarūpanti (saṃ. ni. 2.1).
ад̇хибад̇ияадтзна бана адтзва д̇хаммаа инд̣̇рияаани хонд̇и, на авасзсаа. д̇зна вуд̇д̇ам̣ – адтинд̣̇рияаани хонд̇ийд̇и. убаниж̇жхааяанадтзна бан̃жзва д̇хаммаа жхаанан̇г̇аани хонд̇и. д̇зна вуд̇д̇ам̣ – бан̃жан̇г̇игам̣ жхаанам̣ ход̇ийд̇и.
Adhipatiyaṭṭhena pana aṭṭheva dhammā indriyāni honti, na avasesā. Tena vuttaṃ – aṭṭhindriyāni hontīti. Upanijjhāyanaṭṭhena pañceva dhammā jhānaṅgāni honti. Tena vuttaṃ – pañcaṅgikaṃ jhānaṃ hotīti.
нияяаанадтзна жа хзд̇вадтзна жа бан̃жзва д̇хаммаа маг̇г̇ан̇г̇аани хонд̇и. д̇зна вуд̇д̇ам̣ – бан̃жан̇г̇иго маг̇г̇о ход̇ийд̇и. гин̃жааби хи адтан̇г̇иго арияамаг̇г̇о, логияажид̇д̇з бана згагкан̣з д̇иссо вирад̇ияо на лаб̣бханд̇и, д̇асмаа бан̃жан̇г̇игод̇и вуд̇д̇о. ‘нану жа ‘‘яат̇ааг̇ад̇амаг̇г̇од̇и ко, бхигку, арияассзд̇ам̣ адтан̇г̇игасса маг̇г̇асса ад̇хиважана’’нд̇и (сам̣. ни. 4.245) имасмим̣ суд̇д̇з ‘яат̇зва логуд̇д̇арамаг̇г̇о адтан̇г̇иго, буб̣б̣абхааг̇авибассанаамаг̇г̇оби д̇ат̇зва адтан̇г̇иго’д̇и яат̇ааг̇ад̇аважанзна имассад̇т̇асса д̣̇ийбид̇ад̇д̇аа, логияамаг̇г̇знааби адтан̇г̇игзна бхавид̇аб̣б̣анд̇и? на бхавид̇аб̣б̣ам̣ . аяан̃хи суд̇д̇анд̇игад̣̇зсанаа наама барияааяад̣̇зсанаа. д̇знааха – ‘‘буб̣б̣зва ко банасса гааяагаммам̣ важийгаммам̣ ааж̇ийво субарисуд̣̇д̇хо ход̇ий’’д̇и (ма. ни. 3.431). аяам̣ бана ниббарияааяад̣̇зсанаа. логияажид̇д̇асмин̃хи д̇иссо вирад̇ияо згагкан̣з на лаб̣бханд̇и, д̇асмаа ‘бан̃жан̇г̇иго’ва вуд̇д̇од̇и.
Niyyānaṭṭhena ca hetvaṭṭhena ca pañceva dhammā maggaṅgāni honti. Tena vuttaṃ – pañcaṅgiko maggo hotīti. Kiñcāpi hi aṭṭhaṅgiko ariyamaggo, lokiyacitte pana ekakkhaṇe tisso viratiyo na labbhanti, tasmā pañcaṅgikoti vutto. ‘Nanu ca ‘‘yathāgatamaggoti kho, bhikkhu, ariyassetaṃ aṭṭhaṅgikassa maggassa adhivacana’’nti (saṃ. ni. 4.245) imasmiṃ sutte ‘yatheva lokuttaramaggo aṭṭhaṅgiko, pubbabhāgavipassanāmaggopi tatheva aṭṭhaṅgiko’ti yathāgatavacanena imassatthassa dīpitattā, lokiyamaggenāpi aṭṭhaṅgikena bhavitabbanti? Na bhavitabbaṃ . Ayañhi suttantikadesanā nāma pariyāyadesanā. Tenāha – ‘‘pubbeva kho panassa kāyakammaṃ vacīkammaṃ ājīvo suparisuddho hotī’’ti (ma. ni. 3.431). Ayaṃ pana nippariyāyadesanā. Lokiyacittasmiñhi tisso viratiyo ekakkhaṇe na labbhanti, tasmā ‘pañcaṅgiko’va vuttoti.
агамбияадтзна бана сад̇д̇зва д̇хаммаа б̣алаани хонд̇и. мууладтзна д̇аяова д̇хаммаа хзд̇уу. пусанадтзна згова д̇хаммо пассо. взд̣̇аяид̇адтзна згова д̇хаммо взд̣̇анаа. сан̃ж̇аананадтзна згова д̇хаммо сан̃н̃аа. жзд̇аяанадтзна згова д̇хаммо жзд̇анаа. жид̇д̇авижид̇д̇адтзна згова д̇хаммо жид̇д̇ам̣. раасадтзна жзва взд̣̇аяид̇адтзна жа згова д̇хаммо взд̣̇анаагканд̇хо. раасадтзна жа сан̃ж̇аананадтзна жа згова д̇хаммо сан̃н̃аагканд̇хо. раасадтзна жа абхисан̇каран̣адтзна жа згова д̇хаммо сан̇каарагканд̇хо. раасадтзна жа жид̇д̇авижид̇д̇адтзна жа згова д̇хаммо вин̃н̃аан̣агканд̇хо. виж̇аананадтзна жзва хздтаа вуд̇д̇аааяад̇анадтзна жа згамзва манааяад̇анам̣. виж̇аананадтзна жа ад̇хибад̇ияадтзна жа згамзва манинд̣̇рияам̣. виж̇аананадтзна жа сабхаавасун̃н̃ад̇аниссад̇д̇адтзна жа згова д̇хаммо мановин̃н̃аан̣ад̇хаад̇у наама ход̇и, на авасзсаа. табзд̇ваа бана жид̇д̇ам̣, яат̇аавуд̇д̇зна ад̇т̇зна авасзсаа саб̣б̣зби д̇хаммаа згам̣ д̇хаммааяад̇анамзва, згаа жа д̇хаммад̇хаад̇уязва ход̇ийд̇и.
Akampiyaṭṭhena pana satteva dhammā balāni honti. Mūlaṭṭhena tayova dhammā hetū. Phusanaṭṭhena ekova dhammo phasso. Vedayitaṭṭhena ekova dhammo vedanā. Sañjānanaṭṭhena ekova dhammo saññā. Cetayanaṭṭhena ekova dhammo cetanā. Cittavicittaṭṭhena ekova dhammo cittaṃ. Rāsaṭṭhena ceva vedayitaṭṭhena ca ekova dhammo vedanākkhandho. Rāsaṭṭhena ca sañjānanaṭṭhena ca ekova dhammo saññākkhandho. Rāsaṭṭhena ca abhisaṅkharaṇaṭṭhena ca ekova dhammo saṅkhārakkhandho. Rāsaṭṭhena ca cittavicittaṭṭhena ca ekova dhammo viññāṇakkhandho. Vijānanaṭṭhena ceva heṭṭhā vuttaāyatanaṭṭhena ca ekameva manāyatanaṃ. Vijānanaṭṭhena ca adhipatiyaṭṭhena ca ekameva manindriyaṃ. Vijānanaṭṭhena ca sabhāvasuññatanissattaṭṭhena ca ekova dhammo manoviññāṇadhātu nāma hoti, na avasesā. Ṭhapetvā pana cittaṃ, yathāvuttena atthena avasesā sabbepi dhammā ekaṃ dhammāyatanameva, ekā ca dhammadhātuyeva hotīti.
яз ваа бана д̇асмим̣ самаязд̇и иминаа бана аббанааваарзна ид̇хааби хздтаа вуд̇д̇аа язваабанагаава сан̇г̇ахид̇аа. яат̇аа жа ид̇ха звам̣ саб̣б̣ад̇т̇а . ид̇о баран̃хи зд̇д̇агамби на вижаараяиссаама. нид̣̇д̣̇зсабадинид̣̇д̣̇зсаваарзсу хздтаа вуд̇д̇анаязнзва ад̇т̇о взд̣̇ид̇аб̣б̣од̇и.
Ye vā pana tasmiṃ samayeti iminā pana appanāvārena idhāpi heṭṭhā vuttā yevāpanakāva saṅgahitā. Yathā ca idha evaṃ sabbattha . Ito parañhi ettakampi na vicārayissāma. Niddesapaṭiniddesavāresu heṭṭhā vuttanayeneva attho veditabboti.
сан̇г̇ахавааро нидтид̇о.
Saṅgahavāro niṭṭhito.
годтаасаваарод̇иби зд̇ассзва наамам̣.
Koṭṭhāsavārotipi etasseva nāmaṃ.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / гаамааважарагусалам̣ • Kāmāvacarakusalaṃ
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / годтаасаваараван̣н̣анаа • Koṭṭhāsavāravaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-анудийгаа • Dhammasaṅgaṇī-anuṭīkā / годтаасаваарагат̇ааван̣н̣анаа • Koṭṭhāsavārakathāvaṇṇanā
