| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
9. கொட்டி²கஅனத்தஸுத்தங்
9. Koṭṭhikaanattasuttaṃ
164. ஏகமந்தங்…பே॰… விஹரெய்யந்தி. ‘‘யோ கோ², கொட்டி²க, அனத்தா தத்ர தே ச²ந்தோ³ பஹாதப்³போ³. கோ ச, கொட்டி²க, அனத்தா? சக்கு² கோ², கொட்டி²க, அனத்தா; தத்ர தே ச²ந்தோ³ பஹாதப்³போ³. ரூபா அனத்தா; தத்ர தே ச²ந்தோ³ பஹாதப்³போ³. சக்கு²விஞ்ஞாணங் அனத்தா; தத்ர தே ச²ந்தோ³ பஹாதப்³போ³. சக்கு²ஸம்ப²ஸ்ஸோ அனத்தா; தத்ர தே ச²ந்தோ³ பஹாதப்³போ³. யம்பித³ங் சக்கு²ஸம்ப²ஸ்ஸபச்சயா உப்பஜ்ஜதி வேத³யிதங் ஸுக²ங் வா து³க்க²ங் வா அது³க்க²மஸுக²ங் வா தம்பி அனத்தா; தத்ர தே ச²ந்தோ³ பஹாதப்³போ³ …பே॰… ஜிவ்ஹா அனத்தா; தத்ர தே ச²ந்தோ³ பஹாதப்³போ³…பே॰… மனோ அனத்தா; தத்ர தே ச²ந்தோ³ பஹாதப்³போ³. த⁴ம்மா அனத்தா; தத்ர தே ச²ந்தோ³ பஹாதப்³போ³. மனோவிஞ்ஞாணங்… மனோஸம்ப²ஸ்ஸோ… யம்பித³ங் மனோஸம்ப²ஸ்ஸபச்சயா உப்பஜ்ஜதி வேத³யிதங் ஸுக²ங் வா து³க்க²ங் வா அது³க்க²மஸுக²ங் வா தம்பி அனத்தா; தத்ர தே ச²ந்தோ³ பஹாதப்³போ³. யோ கோ², கொட்டி²க, அனத்தா, தத்ர தே ச²ந்தோ³ பஹாதப்³போ³’’தி. நவமங்.
164. Ekamantaṃ…pe… vihareyyanti. ‘‘Yo kho, koṭṭhika, anattā tatra te chando pahātabbo. Ko ca, koṭṭhika, anattā? Cakkhu kho, koṭṭhika, anattā; tatra te chando pahātabbo. Rūpā anattā; tatra te chando pahātabbo. Cakkhuviññāṇaṃ anattā; tatra te chando pahātabbo. Cakkhusamphasso anattā; tatra te chando pahātabbo. Yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi anattā; tatra te chando pahātabbo …pe… jivhā anattā; tatra te chando pahātabbo…pe… mano anattā; tatra te chando pahātabbo. Dhammā anattā; tatra te chando pahātabbo. Manoviññāṇaṃ… manosamphasso… yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi anattā; tatra te chando pahātabbo. Yo kho, koṭṭhika, anattā, tatra te chando pahātabbo’’ti. Navamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 7-9. கொட்டி²கஅனிச்சஸுத்தாதி³வண்ணனா • 7-9. Koṭṭhikaaniccasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 7-9. கொட்டி²கஅனிச்சஸுத்தாதி³வண்ணனா • 7-9. Koṭṭhikaaniccasuttādivaṇṇanā
