| Library / Tipiṭaka / ติปิฎก • Tipiṭaka / สํยุตฺตนิกาย • Saṃyuttanikāya |
๙. โกฎฺฐิกอนตฺตสุตฺตํ
9. Koṭṭhikaanattasuttaṃ
๑๖๔. เอกมนฺตํ…เป.… วิหเรยฺยนฺติฯ ‘‘โย โข, โกฎฺฐิก, อนตฺตา ตตฺร เต ฉโนฺท ปหาตโพฺพฯ โก จ, โกฎฺฐิก, อนตฺตา? จกฺขุ โข, โกฎฺฐิก, อนตฺตา; ตตฺร เต ฉโนฺท ปหาตโพฺพฯ รูปา อนตฺตา; ตตฺร เต ฉโนฺท ปหาตโพฺพฯ จกฺขุวิญฺญาณํ อนตฺตา; ตตฺร เต ฉโนฺท ปหาตโพฺพฯ จกฺขุสมฺผโสฺส อนตฺตา; ตตฺร เต ฉโนฺท ปหาตโพฺพฯ ยมฺปิทํ จกฺขุสมฺผสฺสปจฺจยา อุปฺปชฺชติ เวทยิตํ สุขํ วา ทุกฺขํ วา อทุกฺขมสุขํ วา ตมฺปิ อนตฺตา; ตตฺร เต ฉโนฺท ปหาตโพฺพ …เป.… ชิวฺหา อนตฺตา; ตตฺร เต ฉโนฺท ปหาตโพฺพ…เป.… มโน อนตฺตา; ตตฺร เต ฉโนฺท ปหาตโพฺพฯ ธมฺมา อนตฺตา; ตตฺร เต ฉโนฺท ปหาตโพฺพฯ มโนวิญฺญาณํ… มโนสมฺผโสฺส… ยมฺปิทํ มโนสมฺผสฺสปจฺจยา อุปฺปชฺชติ เวทยิตํ สุขํ วา ทุกฺขํ วา อทุกฺขมสุขํ วา ตมฺปิ อนตฺตา; ตตฺร เต ฉโนฺท ปหาตโพฺพฯ โย โข, โกฎฺฐิก, อนตฺตา, ตตฺร เต ฉโนฺท ปหาตโพฺพ’’ติฯ นวมํฯ
164. Ekamantaṃ…pe… vihareyyanti. ‘‘Yo kho, koṭṭhika, anattā tatra te chando pahātabbo. Ko ca, koṭṭhika, anattā? Cakkhu kho, koṭṭhika, anattā; tatra te chando pahātabbo. Rūpā anattā; tatra te chando pahātabbo. Cakkhuviññāṇaṃ anattā; tatra te chando pahātabbo. Cakkhusamphasso anattā; tatra te chando pahātabbo. Yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi anattā; tatra te chando pahātabbo …pe… jivhā anattā; tatra te chando pahātabbo…pe… mano anattā; tatra te chando pahātabbo. Dhammā anattā; tatra te chando pahātabbo. Manoviññāṇaṃ… manosamphasso… yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi anattā; tatra te chando pahātabbo. Yo kho, koṭṭhika, anattā, tatra te chando pahātabbo’’ti. Navamaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๗-๙. โกฎฺฐิกอนิจฺจสุตฺตาทิวณฺณนา • 7-9. Koṭṭhikaaniccasuttādivaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๗-๙. โกฎฺฐิกอนิจฺจสุตฺตาทิวณฺณนา • 7-9. Koṭṭhikaaniccasuttādivaṇṇanā
