| Library / Tipiṭaka / ติปิฎก • Tipiṭaka / สํยุตฺตนิกาย • Saṃyuttanikāya |
๗. โกฎฺฐิกอนิจฺจสุตฺตํ
7. Koṭṭhikaaniccasuttaṃ
๑๖๒. อถ โข อายสฺมา มหาโกฎฺฐิโก เยน ภควา เตนุปสงฺกมิ…เป.… เอกมนฺตํ นิสิโนฺน โข อายสฺมา โกฎฺฐิโก ภควนฺตํ เอตทโวจ – ‘‘สาธุ เม, ภเนฺต, ภควา สํขิเตฺตน ธมฺมํ เทเสตุ, ยมหํ ภควโต ธมฺมํ สุตฺวา เอโก วูปกโฎฺฐ อปฺปมโตฺต อาตาปี ปหิตโตฺต วิหเรยฺย’’นฺติฯ
162. Atha kho āyasmā mahākoṭṭhiko yena bhagavā tenupasaṅkami…pe… ekamantaṃ nisinno kho āyasmā koṭṭhiko bhagavantaṃ etadavoca – ‘‘sādhu me, bhante, bhagavā saṃkhittena dhammaṃ desetu, yamahaṃ bhagavato dhammaṃ sutvā eko vūpakaṭṭho appamatto ātāpī pahitatto vihareyya’’nti.
‘‘ยํ โข, โกฎฺฐิก, อนิจฺจํ ตตฺร เต ฉโนฺท ปหาตโพฺพฯ กิญฺจ, โกฎฺฐิก, อนิจฺจํ? จกฺขุ โข, โกฎฺฐิก, อนิจฺจํ; ตตฺร เต ฉโนฺท ปหาตโพฺพฯ รูปา อนิจฺจา; ตตฺร เต ฉโนฺท ปหาตโพฺพฯ จกฺขุวิญฺญาณํ อนิจฺจํ; ตตฺร เต ฉโนฺท ปหาตโพฺพฯ จกฺขุสมฺผโสฺส อนิโจฺจ; ตตฺร เต ฉโนฺท ปหาตโพฺพฯ ยมฺปิทํ จกฺขุสมฺผสฺสปจฺจยา อุปฺปชฺชติ เวทยิตํ สุขํ วา ทุกฺขํ วา อทุกฺขมสุขํ วา ตมฺปิ อนิจฺจํ; ตตฺร เต ฉโนฺท ปหาตโพฺพ…เป.… ชิวฺหา อนิจฺจา; ตตฺร เต ฉโนฺท ปหาตโพฺพฯ รสา อนิจฺจา; ตตฺร เต ฉโนฺท ปหาตโพฺพฯ ชิวฺหาวิญฺญาณํ อนิจฺจํ; ตตฺร เต ฉโนฺท ปหาตโพฺพฯ ชิวฺหาสมฺผโสฺส อนิโจฺจ; ตตฺร เต ฉโนฺท ปหาตโพฺพฯ ยมฺปิทํ ชิวฺหาสมฺผสฺสปจฺจยา อุปฺปชฺชติ เวทยิตํ สุขํ วา ทุกฺขํ วา อทุกฺขมสุขํ วา ตมฺปิ อนิจฺจํ; ตตฺร เต ฉโนฺท ปหาตโพฺพ…เป.… มโน อนิโจฺจ; ตตฺร เต ฉโนฺท ปหาตโพฺพฯ ธมฺมา อนิจฺจา; ตตฺร เต ฉโนฺท ปหาตโพฺพฯ มโนวิญฺญาณํ อนิจฺจํ; ตตฺร เต ฉโนฺท ปหาตโพฺพฯ มโนสมฺผโสฺส อนิโจฺจ; ตตฺร เต ฉโนฺท ปหาตโพฺพฯ ยมฺปิทํ มโนสมฺผสฺสปจฺจยา อุปฺปชฺชติ เวทยิตํ สุขํ วา ทุกฺขํ วา อทุกฺขมสุขํ วา ตมฺปิ อนิจฺจํ; ตตฺร เต ฉโนฺท ปหาตโพฺพฯ ยํ โข, โกฎฺฐิก, อนิจฺจํ ตตฺร เต ฉโนฺท ปหาตโพฺพ’’ติฯ สตฺตมํฯ
‘‘Yaṃ kho, koṭṭhika, aniccaṃ tatra te chando pahātabbo. Kiñca, koṭṭhika, aniccaṃ? Cakkhu kho, koṭṭhika, aniccaṃ; tatra te chando pahātabbo. Rūpā aniccā; tatra te chando pahātabbo. Cakkhuviññāṇaṃ aniccaṃ; tatra te chando pahātabbo. Cakkhusamphasso anicco; tatra te chando pahātabbo. Yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi aniccaṃ; tatra te chando pahātabbo…pe… jivhā aniccā; tatra te chando pahātabbo. Rasā aniccā; tatra te chando pahātabbo. Jivhāviññāṇaṃ aniccaṃ; tatra te chando pahātabbo. Jivhāsamphasso anicco; tatra te chando pahātabbo. Yampidaṃ jivhāsamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi aniccaṃ; tatra te chando pahātabbo…pe… mano anicco; tatra te chando pahātabbo. Dhammā aniccā; tatra te chando pahātabbo. Manoviññāṇaṃ aniccaṃ; tatra te chando pahātabbo. Manosamphasso anicco; tatra te chando pahātabbo. Yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi aniccaṃ; tatra te chando pahātabbo. Yaṃ kho, koṭṭhika, aniccaṃ tatra te chando pahātabbo’’ti. Sattamaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๗-๙. โกฎฺฐิกอนิจฺจสุตฺตาทิวณฺณนา • 7-9. Koṭṭhikaaniccasuttādivaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๗-๙. โกฎฺฐิกอนิจฺจสุตฺตาทิวณฺณนา • 7-9. Koṭṭhikaaniccasuttādivaṇṇanā
