| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
8. கொட்டி²கது³க்க²ஸுத்தங்
8. Koṭṭhikadukkhasuttaṃ
163. அத² கோ² ஆயஸ்மா மஹாகொட்டி²கோ…பே॰… ப⁴க³வந்தங் ஏதத³வோச – ‘‘ஸாது⁴ மே, ப⁴ந்தே…பே॰… விஹரெய்ய’’ந்தி. ‘‘யங் கோ², கொட்டி²க, து³க்க²ங் தத்ர தே ச²ந்தோ³ பஹாதப்³போ³. கிஞ்ச, கொட்டி²க, து³க்க²ங்? சக்கு² கோ², கொட்டி²க, து³க்க²ங்; தத்ர தே ச²ந்தோ³ பஹாதப்³போ³. ரூபா து³க்கா²; தத்ர தே ச²ந்தோ³ பஹாதப்³போ³. சக்கு²விஞ்ஞாணங் து³க்க²ங்; தத்ர தே ச²ந்தோ³ பஹாதப்³போ³. சக்கு²ஸம்ப²ஸ்ஸோ து³க்கோ²; தத்ர தே ச²ந்தோ³ பஹாதப்³போ³. யம்பித³ங் சக்கு²ஸம்ப²ஸ்ஸபச்சயா உப்பஜ்ஜதி வேத³யிதங் ஸுக²ங் வா து³க்க²ங் வா அது³க்க²மஸுக²ங் வா தம்பி து³க்க²ங்; தத்ர தே ச²ந்தோ³ பஹாதப்³போ³…பே॰… ஜிவ்ஹா து³க்கா²; தத்ர தே ச²ந்தோ³ பஹாதப்³போ³…பே॰… மனோ து³க்கோ²; தத்ர தே ச²ந்தோ³ பஹாதப்³போ³. த⁴ம்மா து³க்கா²; தத்ர தே ச²ந்தோ³ பஹாதப்³போ³ . மனோவிஞ்ஞாணங் து³க்க²ங் ; தத்ர தே ச²ந்தோ³ பஹாதப்³போ³. மனோஸம்ப²ஸ்ஸோ து³க்கோ²; தத்ர தே ச²ந்தோ³ பஹாதப்³போ³. யம்பித³ங் மனோஸம்ப²ஸ்ஸபச்சயா உப்பஜ்ஜதி வேத³யிதங் ஸுக²ங் வா து³க்க²ங் வா அது³க்க²மஸுக²ங் வா தம்பி து³க்க²ங்; தத்ர தே ச²ந்தோ³ பஹாதப்³போ³. யங் கோ², கொட்டி²க, து³க்க²ங் தத்ர தே ச²ந்தோ³ பஹாதப்³போ³’’தி. அட்ட²மங்.
163. Atha kho āyasmā mahākoṭṭhiko…pe… bhagavantaṃ etadavoca – ‘‘sādhu me, bhante…pe… vihareyya’’nti. ‘‘Yaṃ kho, koṭṭhika, dukkhaṃ tatra te chando pahātabbo. Kiñca, koṭṭhika, dukkhaṃ? Cakkhu kho, koṭṭhika, dukkhaṃ; tatra te chando pahātabbo. Rūpā dukkhā; tatra te chando pahātabbo. Cakkhuviññāṇaṃ dukkhaṃ; tatra te chando pahātabbo. Cakkhusamphasso dukkho; tatra te chando pahātabbo. Yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi dukkhaṃ; tatra te chando pahātabbo…pe… jivhā dukkhā; tatra te chando pahātabbo…pe… mano dukkho; tatra te chando pahātabbo. Dhammā dukkhā; tatra te chando pahātabbo . Manoviññāṇaṃ dukkhaṃ ; tatra te chando pahātabbo. Manosamphasso dukkho; tatra te chando pahātabbo. Yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi dukkhaṃ; tatra te chando pahātabbo. Yaṃ kho, koṭṭhika, dukkhaṃ tatra te chando pahātabbo’’ti. Aṭṭhamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 7-9. கொட்டி²கஅனிச்சஸுத்தாதி³வண்ணனா • 7-9. Koṭṭhikaaniccasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 7-9. கொட்டி²கஅனிச்சஸுத்தாதி³வண்ணனா • 7-9. Koṭṭhikaaniccasuttādivaṇṇanā
