| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
8. годтигад̣̇угкасуд̇д̇ам̣
8. Koṭṭhikadukkhasuttaṃ
163. ат̇а ко ааяасмаа махаагодтиго…бз… бхаг̇аванд̇ам̣ зд̇ад̣̇авожа – ‘‘саад̇ху мз, бханд̇з…бз… вихарзяяа’’нд̇и. ‘‘яам̣ ко, годтига, д̣̇угкам̣ д̇ад̇ра д̇з чанд̣̇о бахаад̇аб̣б̣о. гин̃жа, годтига, д̣̇угкам̣? жагку ко, годтига, д̣̇угкам̣; д̇ад̇ра д̇з чанд̣̇о бахаад̇аб̣б̣о. руубаа д̣̇угкаа; д̇ад̇ра д̇з чанд̣̇о бахаад̇аб̣б̣о. жагкувин̃н̃аан̣ам̣ д̣̇угкам̣; д̇ад̇ра д̇з чанд̣̇о бахаад̇аб̣б̣о. жагкусампассо д̣̇угко; д̇ад̇ра д̇з чанд̣̇о бахаад̇аб̣б̣о. яамбид̣̇ам̣ жагкусампассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа д̇амби д̣̇угкам̣; д̇ад̇ра д̇з чанд̣̇о бахаад̇аб̣б̣о…бз… ж̇ивхаа д̣̇угкаа; д̇ад̇ра д̇з чанд̣̇о бахаад̇аб̣б̣о…бз… мано д̣̇угко; д̇ад̇ра д̇з чанд̣̇о бахаад̇аб̣б̣о. д̇хаммаа д̣̇угкаа; д̇ад̇ра д̇з чанд̣̇о бахаад̇аб̣б̣о . мановин̃н̃аан̣ам̣ д̣̇угкам̣ ; д̇ад̇ра д̇з чанд̣̇о бахаад̇аб̣б̣о. маносампассо д̣̇угко; д̇ад̇ра д̇з чанд̣̇о бахаад̇аб̣б̣о. яамбид̣̇ам̣ маносампассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа д̇амби д̣̇угкам̣; д̇ад̇ра д̇з чанд̣̇о бахаад̇аб̣б̣о. яам̣ ко, годтига, д̣̇угкам̣ д̇ад̇ра д̇з чанд̣̇о бахаад̇аб̣б̣о’’д̇и. адтамам̣.
163. Atha kho āyasmā mahākoṭṭhiko…pe… bhagavantaṃ etadavoca – ‘‘sādhu me, bhante…pe… vihareyya’’nti. ‘‘Yaṃ kho, koṭṭhika, dukkhaṃ tatra te chando pahātabbo. Kiñca, koṭṭhika, dukkhaṃ? Cakkhu kho, koṭṭhika, dukkhaṃ; tatra te chando pahātabbo. Rūpā dukkhā; tatra te chando pahātabbo. Cakkhuviññāṇaṃ dukkhaṃ; tatra te chando pahātabbo. Cakkhusamphasso dukkho; tatra te chando pahātabbo. Yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi dukkhaṃ; tatra te chando pahātabbo…pe… jivhā dukkhā; tatra te chando pahātabbo…pe… mano dukkho; tatra te chando pahātabbo. Dhammā dukkhā; tatra te chando pahātabbo . Manoviññāṇaṃ dukkhaṃ ; tatra te chando pahātabbo. Manosamphasso dukkho; tatra te chando pahātabbo. Yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi dukkhaṃ; tatra te chando pahātabbo. Yaṃ kho, koṭṭhika, dukkhaṃ tatra te chando pahātabbo’’ti. Aṭṭhamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 7-9. годтигаанижжасуд̇д̇аад̣̇иван̣н̣анаа • 7-9. Koṭṭhikaaniccasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 7-9. годтигаанижжасуд̇д̇аад̣̇иван̣н̣анаа • 7-9. Koṭṭhikaaniccasuttādivaṇṇanā
