| Library / Tipiṭaka / ติปิฎก • Tipiṭaka / สํยุตฺตนิกาย • Saṃyuttanikāya |
๘. โกฎฺฐิกทุกฺขสุตฺตํ
8. Koṭṭhikadukkhasuttaṃ
๑๖๓. อถ โข อายสฺมา มหาโกฎฺฐิโก…เป.… ภควนฺตํ เอตทโวจ – ‘‘สาธุ เม, ภเนฺต…เป.… วิหเรยฺย’’นฺติฯ ‘‘ยํ โข, โกฎฺฐิก, ทุกฺขํ ตตฺร เต ฉโนฺท ปหาตโพฺพฯ กิญฺจ, โกฎฺฐิก, ทุกฺขํ? จกฺขุ โข, โกฎฺฐิก, ทุกฺขํ; ตตฺร เต ฉโนฺท ปหาตโพฺพฯ รูปา ทุกฺขา; ตตฺร เต ฉโนฺท ปหาตโพฺพฯ จกฺขุวิญฺญาณํ ทุกฺขํ; ตตฺร เต ฉโนฺท ปหาตโพฺพฯ จกฺขุสมฺผโสฺส ทุโกฺข; ตตฺร เต ฉโนฺท ปหาตโพฺพฯ ยมฺปิทํ จกฺขุสมฺผสฺสปจฺจยา อุปฺปชฺชติ เวทยิตํ สุขํ วา ทุกฺขํ วา อทุกฺขมสุขํ วา ตมฺปิ ทุกฺขํ; ตตฺร เต ฉโนฺท ปหาตโพฺพ…เป.… ชิวฺหา ทุกฺขา; ตตฺร เต ฉโนฺท ปหาตโพฺพ…เป.… มโน ทุโกฺข; ตตฺร เต ฉโนฺท ปหาตโพฺพฯ ธมฺมา ทุกฺขา; ตตฺร เต ฉโนฺท ปหาตโพฺพ ฯ มโนวิญฺญาณํ ทุกฺขํ ; ตตฺร เต ฉโนฺท ปหาตโพฺพฯ มโนสมฺผโสฺส ทุโกฺข; ตตฺร เต ฉโนฺท ปหาตโพฺพฯ ยมฺปิทํ มโนสมฺผสฺสปจฺจยา อุปฺปชฺชติ เวทยิตํ สุขํ วา ทุกฺขํ วา อทุกฺขมสุขํ วา ตมฺปิ ทุกฺขํ; ตตฺร เต ฉโนฺท ปหาตโพฺพฯ ยํ โข, โกฎฺฐิก, ทุกฺขํ ตตฺร เต ฉโนฺท ปหาตโพฺพ’’ติฯ อฎฺฐมํฯ
163. Atha kho āyasmā mahākoṭṭhiko…pe… bhagavantaṃ etadavoca – ‘‘sādhu me, bhante…pe… vihareyya’’nti. ‘‘Yaṃ kho, koṭṭhika, dukkhaṃ tatra te chando pahātabbo. Kiñca, koṭṭhika, dukkhaṃ? Cakkhu kho, koṭṭhika, dukkhaṃ; tatra te chando pahātabbo. Rūpā dukkhā; tatra te chando pahātabbo. Cakkhuviññāṇaṃ dukkhaṃ; tatra te chando pahātabbo. Cakkhusamphasso dukkho; tatra te chando pahātabbo. Yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi dukkhaṃ; tatra te chando pahātabbo…pe… jivhā dukkhā; tatra te chando pahātabbo…pe… mano dukkho; tatra te chando pahātabbo. Dhammā dukkhā; tatra te chando pahātabbo . Manoviññāṇaṃ dukkhaṃ ; tatra te chando pahātabbo. Manosamphasso dukkho; tatra te chando pahātabbo. Yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi dukkhaṃ; tatra te chando pahātabbo. Yaṃ kho, koṭṭhika, dukkhaṃ tatra te chando pahātabbo’’ti. Aṭṭhamaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๗-๙. โกฎฺฐิกอนิจฺจสุตฺตาทิวณฺณนา • 7-9. Koṭṭhikaaniccasuttādivaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๗-๙. โกฎฺฐิกอนิจฺจสุตฺตาทิวณฺณนา • 7-9. Koṭṭhikaaniccasuttādivaṇṇanā
