| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
8. கொட்டி²கஸுத்தங்
8. Koṭṭhikasuttaṃ
133. பா³ராணஸியங் விஹரந்தி இஸிபதனே மிக³தா³யே. அத² கோ² ஆயஸ்மா ஸாரிபுத்தோ ஸாயன்ஹஸமயங்…பே॰… ஏகமந்தங் நிஸின்னோ கோ² ஆயஸ்மா ஸாரிபுத்தோ ஆயஸ்மந்தங் மஹாகொட்டி²கங் ஏதத³வோச – ‘‘‘அவிஜ்ஜா, அவிஜ்ஜா’தி, ஆவுஸோ கொட்டி²க, வுச்சதி. கதமா நு கோ², ஆவுஸோ, அவிஜ்ஜா, கித்தாவதா ச அவிஜ்ஜாக³தோ ஹோதீ’’தி?
133. Bārāṇasiyaṃ viharanti isipatane migadāye. Atha kho āyasmā sāriputto sāyanhasamayaṃ…pe… ekamantaṃ nisinno kho āyasmā sāriputto āyasmantaṃ mahākoṭṭhikaṃ etadavoca – ‘‘‘avijjā, avijjā’ti, āvuso koṭṭhika, vuccati. Katamā nu kho, āvuso, avijjā, kittāvatā ca avijjāgato hotī’’ti?
‘‘இதா⁴வுஸோ, அஸ்ஸுதவா புது²ஜ்ஜனோ ரூபஸ்ஸ அஸ்ஸாத³ஞ்ச ஆதீ³னவஞ்ச நிஸ்ஸரணஞ்ச யதா²பூ⁴தங் நப்பஜானாதி. வேத³னாய…பே॰… ஸஞ்ஞாய… ஸங்கா²ரானங்… விஞ்ஞாணஸ்ஸ அஸ்ஸாத³ஞ்ச ஆதீ³னவஞ்ச நிஸ்ஸரணஞ்ச யதா²பூ⁴தங் நப்பஜானாதி. அயங் வுச்சதாவுஸோ, அவிஜ்ஜா; எத்தாவதா ச அவிஜ்ஜாக³தோ ஹோதீ’’தி.
‘‘Idhāvuso, assutavā puthujjano rūpassa assādañca ādīnavañca nissaraṇañca yathābhūtaṃ nappajānāti. Vedanāya…pe… saññāya… saṅkhārānaṃ… viññāṇassa assādañca ādīnavañca nissaraṇañca yathābhūtaṃ nappajānāti. Ayaṃ vuccatāvuso, avijjā; ettāvatā ca avijjāgato hotī’’ti.
ஏவங் வுத்தே, ஆயஸ்மா ஸாரிபுத்தோ ஆயஸ்மந்தங் மஹாகொட்டி²கங் ஏதத³வோச – ‘‘‘விஜ்ஜா, விஜ்ஜா’தி, ஆவுஸோ கொட்டி²க, வுச்சதி. கதமா நு கோ², ஆவுஸோ, விஜ்ஜா, கித்தாவதா ச விஜ்ஜாக³தோ ஹோதீ’’தி?
Evaṃ vutte, āyasmā sāriputto āyasmantaṃ mahākoṭṭhikaṃ etadavoca – ‘‘‘vijjā, vijjā’ti, āvuso koṭṭhika, vuccati. Katamā nu kho, āvuso, vijjā, kittāvatā ca vijjāgato hotī’’ti?
‘‘இதா⁴வுஸோ ஸுதவா அரியஸாவகோ ரூபஸ்ஸ அஸ்ஸாத³ஞ்ச ஆதீ³னவஞ்ச நிஸ்ஸரணஞ்ச யதா²பூ⁴தங் பஜானாதி. வேத³னாய…பே॰… ஸஞ்ஞாய… ஸங்கா²ரானங்… விஞ்ஞாணஸ்ஸ அஸ்ஸாத³ஞ்ச ஆதீ³னவஞ்ச நிஸ்ஸரணஞ்ச யதா²பூ⁴தங் பஜானாதி. அயங் வுச்சதாவுஸோ, விஜ்ஜா; எத்தாவதா ச விஜ்ஜாக³தோ ஹோதீ’’தி. அட்ட²மங்.
‘‘Idhāvuso sutavā ariyasāvako rūpassa assādañca ādīnavañca nissaraṇañca yathābhūtaṃ pajānāti. Vedanāya…pe… saññāya… saṅkhārānaṃ… viññāṇassa assādañca ādīnavañca nissaraṇañca yathābhūtaṃ pajānāti. Ayaṃ vuccatāvuso, vijjā; ettāvatā ca vijjāgato hotī’’ti. Aṭṭhamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 1-10. ஸமுத³யத⁴ம்மஸுத்தாதி³வண்ணனா • 1-10. Samudayadhammasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 1-10. ஸமுத³யத⁴ம்மஸுத்தாதி³வண்ணனா • 1-10. Samudayadhammasuttādivaṇṇanā
