| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
3. கொட்டி²கஸுத்தவண்ணனா
3. Koṭṭhikasuttavaṇṇanā
13. ததியே தி³ட்ட²த⁴ம்மோ வுச்சதி பச்சக்க²பூ⁴தோ அத்தபா⁴வோ, தஸ்மிங் வேதி³தப்³ப³ங் ப²லங் தி³ட்ட²த⁴ம்மவேத³னீயங். தேனாஹ ‘‘இமஸ்மிங்யேவ அத்தபா⁴வே’’தி. சதுப்பஞ்சக்க²ந்த⁴ப²லதாய ஸஞ்ஞாப⁴வூபக³ங் கம்மங் ப³ஹுவேத³னீயங். ஏகக்க²ந்த⁴ப²லத்தா அஸஞ்ஞாப⁴வூபக³ங் கம்மங் ‘‘அப்பவேத³னீய’’ந்தி வுத்தங். கேசி பன ‘‘அரூபாவசரகம்மங் ப³ஹுகாலங் வேதி³தப்³ப³ப²லத்தா ப³ஹுவேத³னீயங், இதரங் அப்பவேத³னீயங். ரூபாரூபாவசரகம்மங் வா ப³ஹுவேத³னீயங், பரித்தங் கம்மங் அப்பவேத³னீய’’ந்தி வத³ந்தி. வேத³னீயந்தி பச்சயந்தரஸமவாயே விபாகுப்பாத³னஸமத்த²ங், ந ஆரத்³த⁴விபாகமேவ. அவேத³னீயந்தி பச்சயவேகல்லேன விபச்சிதுங் அஸமத்த²ங் அஹோஸிகம்மாதி³பே⁴த³ங்.
13. Tatiye diṭṭhadhammo vuccati paccakkhabhūto attabhāvo, tasmiṃ veditabbaṃ phalaṃ diṭṭhadhammavedanīyaṃ. Tenāha ‘‘imasmiṃyeva attabhāve’’ti. Catuppañcakkhandhaphalatāya saññābhavūpagaṃ kammaṃ bahuvedanīyaṃ. Ekakkhandhaphalattā asaññābhavūpagaṃ kammaṃ ‘‘appavedanīya’’nti vuttaṃ. Keci pana ‘‘arūpāvacarakammaṃ bahukālaṃ veditabbaphalattā bahuvedanīyaṃ, itaraṃ appavedanīyaṃ. Rūpārūpāvacarakammaṃ vā bahuvedanīyaṃ, parittaṃ kammaṃ appavedanīya’’nti vadanti. Vedanīyanti paccayantarasamavāye vipākuppādanasamatthaṃ, na āraddhavipākameva. Avedanīyanti paccayavekallena vipaccituṃ asamatthaṃ ahosikammādibhedaṃ.
கொட்டி²கஸுத்தவண்ணனா நிட்டி²தா.
Koṭṭhikasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 3. கொட்டி²கஸுத்தங் • 3. Koṭṭhikasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 3. கொட்டி²கஸுத்தவண்ணனா • 3. Koṭṭhikasuttavaṇṇanā
