| Library / Tipiṭaka / තිපිටක • Tipiṭaka / අපදානපාළි • Apadānapāḷi |
3. කොටුම්‌බරියත්‌ථෙරඅපදානං
3. Koṭumbariyattheraapadānaṃ
12.
12.
‘‘කණිකාරංව ජොතන්‌තං, නිසින්‌නං පබ්‌බතන්‌තරෙ;
‘‘Kaṇikāraṃva jotantaṃ, nisinnaṃ pabbatantare;
අප්‌පමෙය්‍යංව උදධිං, විත්‌ථතං ධරණිං යථා.
Appameyyaṃva udadhiṃ, vitthataṃ dharaṇiṃ yathā.
13.
13.
හට්‌ඨො හට්‌ඨෙන චිත්‌තෙන, උපාගච්‌ඡිං නරුත්‌තමං.
Haṭṭho haṭṭhena cittena, upāgacchiṃ naruttamaṃ.
14.
14.
‘‘සත්‌තපුප්‌ඵානි පග්‌ගය්‌හ, කොටුම්‌බරසමාකුලං;
‘‘Sattapupphāni paggayha, koṭumbarasamākulaṃ;
බුද්‌ධස්‌ස අභිරොපෙසිං, සිඛිනො ලොකබන්‌ධුනො.
Buddhassa abhiropesiṃ, sikhino lokabandhuno.
15.
15.
‘‘එකත්‌තිංසෙ ඉතො කප්‌පෙ, යං පුප්‌ඵමභිරොපයිං;
‘‘Ekattiṃse ito kappe, yaṃ pupphamabhiropayiṃ;
දුග්‌ගතිං නාභිජානාමි, බුද්‌ධපූජායිදං ඵලං.
Duggatiṃ nābhijānāmi, buddhapūjāyidaṃ phalaṃ.
16.
16.
‘‘ඉතො වීසතිකප්‌පම්‌හි, මහානෙලසනාමකො;
‘‘Ito vīsatikappamhi, mahānelasanāmako;
එකො ආසි මහාතෙජො, චක්‌කවත්‌තී මහබ්‌බලො.
Eko āsi mahātejo, cakkavattī mahabbalo.
17.
17.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා කොටුම්‌බරියො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā koṭumbariyo thero imā gāthāyo abhāsitthāti.
කොටුම්‌බරියත්‌ථෙරස්‌සාපදානං තතියං.
Koṭumbariyattherassāpadānaṃ tatiyaṃ.
Footnotes:
