| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[70] 10. гуд̣̇д̣̇аалаж̇аад̇агаван̣н̣анаа
[70] 10. Kuddālajātakavaṇṇanā
на д̇ам̣ ж̇ид̇ам̣ саад̇ху ж̇ид̇анд̇и ид̣̇ам̣ сад̇т̇аа ж̇зд̇аванз вихаранд̇о жид̇д̇ахад̇т̇асаарибуд̇д̇ам̣ аараб̣бха гат̇зси. со гира саавад̇т̇ияам̣ зго гулад̣̇аараго. ат̇згад̣̇ивасам̣ гасид̇ваа ааг̇ажчанд̇о вихаарам̣ бависид̇ваа згасса т̇зрасса бад̇д̇ад̇о синид̣̇д̇хам̣ мад̇хурам̣ бан̣ийд̇абхож̇анам̣ лабхид̇ваа жинд̇зси ‘‘маяам̣ рад̇д̇инд̣̇ивам̣ сахад̇т̇зна наанаагаммаани гурумаанааби зваруубам̣ мад̇хураахаарам̣ на лабхаама, маяааби саман̣зна бхавид̇аб̣б̣а’’нд̇и . со баб̣б̣аж̇ид̇ваа маасад̣дхамаасажжаязна аяонисо манасигаронд̇о гилзсавасиго худ̇ваа виб̣бхамид̇ваа буна бхад̇д̇зна гиламанд̇о ааг̇анд̇ваа баб̣б̣аж̇ид̇ваа абхид̇хаммам̣ уг̇г̇ан̣хи. иминаава убааязна ча ваарз виб̣бхамид̇ваа баб̣б̣аж̇ид̇о. д̇ад̇о сад̇д̇амз бхигкубхаавз сад̇д̇аббагаран̣иго худ̇ваа б̣ахуу бхигкуу д̇хаммам̣ ваажзнд̇о вибассанам̣ вад̣дхзд̇ваа арахад̇д̇ам̣ баабун̣и. ат̇асса сахааяагаа бхигкуу ‘‘гим̣ ну ко, аавусо жид̇д̇ахад̇т̇а, буб̣б̣з вияа д̇з зд̇арахи гилзсаа на вад̣дханд̇ий’’д̇и барихаасам̣ гарим̣су. ‘‘аавусо, абхаб̣б̣о д̣̇аани ахам̣ ид̇о бадтааяа г̇ихибхаавааяаа’’д̇и.
Nataṃ jitaṃ sādhu jitanti idaṃ satthā jetavane viharanto cittahatthasāriputtaṃ ārabbha kathesi. So kira sāvatthiyaṃ eko kuladārako. Athekadivasaṃ kasitvā āgacchanto vihāraṃ pavisitvā ekassa therassa pattato siniddhaṃ madhuraṃ paṇītabhojanaṃ labhitvā cintesi ‘‘mayaṃ rattindivaṃ sahatthena nānākammāni kurumānāpi evarūpaṃ madhurāhāraṃ na labhāma, mayāpi samaṇena bhavitabba’’nti . So pabbajitvā māsaḍḍhamāsaccayena ayoniso manasikaronto kilesavasiko hutvā vibbhamitvā puna bhattena kilamanto āgantvā pabbajitvā abhidhammaṃ uggaṇhi. Imināva upāyena cha vāre vibbhamitvā pabbajito. Tato sattame bhikkhubhāve sattappakaraṇiko hutvā bahū bhikkhū dhammaṃ vācento vipassanaṃ vaḍḍhetvā arahattaṃ pāpuṇi. Athassa sahāyakā bhikkhū ‘‘kiṃ nu kho, āvuso cittahattha, pubbe viya te etarahi kilesā na vaḍḍhantī’’ti parihāsaṃ kariṃsu. ‘‘Āvuso, abhabbo dāni ahaṃ ito paṭṭhāya gihibhāvāyā’’ti.
звам̣ д̇асмим̣ арахад̇д̇ам̣ бад̇д̇з д̇хаммасабхааяам̣ гат̇аа уд̣̇абаад̣̇и ‘‘аавусо, зваруубасса наама арахад̇д̇асса убаниссаяз сад̇и ааяасмаа жид̇д̇ахад̇т̇асаарибуд̇д̇о чагкад̇д̇ум̣ уббаб̣б̣аж̇ид̇о, ахо махаад̣̇осо бут̇уж̇ж̇анабхааво’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘бхигкавз, бут̇уж̇ж̇анажид̇д̇ам̣ наама лахугам̣ д̣̇унниг̇г̇ахам̣, аарамман̣авасзна г̇анд̇ваа аллийяад̇и, згаваарам̣ аллийнам̣ на саггаа ход̇и киббам̣ можзд̇ум̣, зваруубасса жид̇д̇асса д̣̇амат̇о саад̇ху. д̣̇анд̇амзва хи д̇ам̣ сукам̣ аавахад̇и.
Evaṃ tasmiṃ arahattaṃ patte dhammasabhāyaṃ kathā udapādi ‘‘āvuso, evarūpassa nāma arahattassa upanissaye sati āyasmā cittahatthasāriputto chakkhattuṃ uppabbajito, aho mahādoso puthujjanabhāvo’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘bhikkhave, puthujjanacittaṃ nāma lahukaṃ dunniggahaṃ, ārammaṇavasena gantvā allīyati, ekavāraṃ allīnaṃ na sakkā hoti khippaṃ mocetuṃ, evarūpassa cittassa damatho sādhu. Dantameva hi taṃ sukhaṃ āvahati.
‘‘д̣̇унниг̇г̇ахасса лахуно, яад̇т̇агааманибаад̇ино;
‘‘Dunniggahassa lahuno, yatthakāmanipātino;
жид̇д̇асса д̣̇амат̇о саад̇ху, жид̇д̇ам̣ д̣̇анд̇ам̣ сукаавахам̣’’. (д̇ха. ба. 35);
Cittassa damatho sādhu, cittaṃ dantaṃ sukhāvahaṃ’’. (dha. pa. 35);
д̇асса бана д̣̇унниг̇г̇ахад̇ааяа буб̣б̣з бан̣д̣ид̇аа згам̣ гуд̣̇д̣̇аалагам̣ ниссааяа д̇ам̣ ж̇ахид̇ум̣ асаггонд̇аа лобхавасзна чагкад̇д̇ум̣ уббаб̣б̣аж̇ид̇ваа сад̇д̇амз баб̣б̣аж̇ид̇абхаавз жхаанам̣ уббаад̣̇зд̇ваа д̇ам̣ лобхам̣ ниг̇г̇ан̣хим̣суу’’д̇и вад̇ваа ад̇ийд̇ам̣ аахари.
Tassa pana dunniggahatāya pubbe paṇḍitā ekaṃ kuddālakaṃ nissāya taṃ jahituṃ asakkontā lobhavasena chakkhattuṃ uppabbajitvā sattame pabbajitabhāve jhānaṃ uppādetvā taṃ lobhaṃ niggaṇhiṃsū’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о бан̣н̣игагулз ниб̣б̣ад̇д̇ид̇ваа вин̃н̃уд̇ам̣ баабун̣и, ‘‘гуд̣̇д̣̇аалабан̣д̣ид̇о’’д̇исса наамам̣ ахоси. со гуд̣̇д̣̇аалагзна бхуумибаригаммам̣ гад̇ваа д̣ааган̃жзва алааб̣угумбхан̣д̣азл̣аалугаад̣̇ийни жа вабид̇ваа д̇аани виггин̣анд̇о габан̣аж̇ийвигам̣ габбзси. д̇ан̃хисса згам̣ гуд̣̇д̣̇аалагам̣ табзд̇ваа ан̃н̃ам̣ д̇ханам̣ наама над̇т̇и. со згад̣̇ивасам̣ жинд̇зси ‘‘гим̣ мз гхарааваасзна, нигкамид̇ваа баб̣б̣аж̇иссаамий’’д̇и. ат̇згад̣̇ивасам̣ гуд̣̇д̣̇аалагам̣ бадижчаннадтаанз табзд̇ваа исибаб̣б̣аж̇ж̇ам̣ баб̣б̣аж̇ид̇ваа д̇ам̣ гуд̣̇д̣̇аалагам̣ ануссарид̇ваа лобхам̣ чинд̣̇ид̇ум̣ асаггонд̇о гун̣тагуд̣̇д̣̇аалагам̣ ниссааяа уббаб̣б̣аж̇и. звам̣ д̣̇уд̇ияамби, д̇ад̇ияамбийд̇и ча ваарз д̇ам̣ гуд̣̇д̣̇аалагам̣ бадижчаннадтаанз нигкибид̇ваа баб̣б̣аж̇ид̇о жзва уббаб̣б̣аж̇ид̇о жа.
Atīte bārāṇasiyaṃ brahmadatte rajjaṃ kārente bodhisatto paṇṇikakule nibbattitvā viññutaṃ pāpuṇi, ‘‘kuddālapaṇḍito’’tissa nāmaṃ ahosi. So kuddālakena bhūmiparikammaṃ katvā ḍākañceva alābukumbhaṇḍaeḷālukādīni ca vapitvā tāni vikkiṇanto kapaṇajīvikaṃ kappesi. Tañhissa ekaṃ kuddālakaṃ ṭhapetvā aññaṃ dhanaṃ nāma natthi. So ekadivasaṃ cintesi ‘‘kiṃ me gharāvāsena, nikkhamitvā pabbajissāmī’’ti. Athekadivasaṃ kuddālakaṃ paṭicchannaṭṭhāne ṭhapetvā isipabbajjaṃ pabbajitvā taṃ kuddālakaṃ anussaritvā lobhaṃ chindituṃ asakkonto kuṇṭhakuddālakaṃ nissāya uppabbaji. Evaṃ dutiyampi, tatiyampīti cha vāre taṃ kuddālakaṃ paṭicchannaṭṭhāne nikkhipitvā pabbajito ceva uppabbajito ca.
сад̇д̇амз бана ваарз жинд̇зси ‘‘ахам̣ имам̣ гун̣тагуд̣̇д̣̇аалагам̣ ниссааяа бунаббунам̣ уббаб̣б̣аж̇ид̇о, ид̣̇аани нам̣ махаанад̣̇ияам̣ багкибид̇ваа баб̣б̣аж̇иссаамий’’д̇и над̣̇ийд̇ийрам̣ г̇анд̇ваа ‘‘сажасса бад̇ид̇адтаанам̣ бассиссаами, бунааг̇анд̇ваа уд̣̇д̇харид̇угаамад̇аа бхавзяяаа’’д̇и д̇ам̣ гуд̣̇д̣̇аалагам̣ д̣̇ан̣д̣з г̇ахзд̇ваа нааг̇аб̣ало т̇аамасамбанно сийсасса убарибхааг̇з д̇игкад̇д̇ум̣ аавиж̇жхид̇ваа агкийни ниммийлзд̇ваа над̣̇иймаж̇жхз кибид̇ваа ‘‘ж̇ид̇ам̣ мз ж̇ид̇ам̣ мз’’д̇и д̇игкад̇д̇ум̣ сийханаад̣̇ам̣ над̣̇и. д̇асмим̣ кан̣з б̣аараан̣асирааж̇аа бажжанд̇ам̣ вуубасамзд̇ваа ааг̇ад̇о над̣̇ияаа сийсам̣ нхааяид̇ваа саб̣б̣аалан̇гаарабадиман̣д̣ид̇о хад̇т̇игканд̇хзна г̇ажчамаано д̇ам̣ б̣од̇хисад̇д̇асса сад̣̇д̣̇ам̣ суд̇ваа ‘‘аяам̣ бурисо ‘ж̇ид̇ам̣ мз ж̇ид̇ам̣ мз’д̇и вад̣̇ад̇и, го ну ко зд̇зна ж̇ид̇о, баггосат̇а на’’нд̇и баггосаабзд̇ваа ‘‘бхо буриса, ахам̣ д̇аава виж̇ид̇асан̇г̇аамо ид̣̇аани ж̇аяам̣ г̇ахзд̇ваа ааг̇ажчаами, д̇аяаа бана го ж̇ид̇о’’д̇и бужчи. б̣од̇хисад̇д̇о ‘‘махаарааж̇а, д̇аяаа сан̇г̇аамасад̇амби сан̇г̇аамасахассамби сан̇г̇аамасад̇асахассамби ж̇инанд̇зна д̣̇уж̇ж̇ид̇амзва гилзсаанам̣ аж̇ид̇ад̇д̇аа. ахам̣ бана мама аб̣бханд̇арз лобхам̣ ниг̇г̇ан̣ханд̇о гилзсз ж̇ини’’нд̇и гат̇знд̇оязва махаанад̣̇им̣ ологзд̇ваа аабогасин̣аарамман̣ам̣ жхаанам̣ ниб̣б̣ад̇д̇зд̇ваа самбад̇д̇аанубхааво аагаасз нисийд̣̇ид̇ваа ран̃н̃о д̇хаммам̣ д̣̇зсзнд̇о имам̣ г̇аат̇амааха –
Sattame pana vāre cintesi ‘‘ahaṃ imaṃ kuṇṭhakuddālakaṃ nissāya punappunaṃ uppabbajito, idāni naṃ mahānadiyaṃ pakkhipitvā pabbajissāmī’’ti nadītīraṃ gantvā ‘‘sacassa patitaṭṭhānaṃ passissāmi, punāgantvā uddharitukāmatā bhaveyyā’’ti taṃ kuddālakaṃ daṇḍe gahetvā nāgabalo thāmasampanno sīsassa uparibhāge tikkhattuṃ āvijjhitvā akkhīni nimmīletvā nadīmajjhe khipitvā ‘‘jitaṃ me jitaṃ me’’ti tikkhattuṃ sīhanādaṃ nadi. Tasmiṃ khaṇe bārāṇasirājā paccantaṃ vūpasametvā āgato nadiyā sīsaṃ nhāyitvā sabbālaṅkārapaṭimaṇḍito hatthikkhandhena gacchamāno taṃ bodhisattassa saddaṃ sutvā ‘‘ayaṃ puriso ‘jitaṃ me jitaṃ me’ti vadati, ko nu kho etena jito, pakkosatha na’’nti pakkosāpetvā ‘‘bho purisa, ahaṃ tāva vijitasaṅgāmo idāni jayaṃ gahetvā āgacchāmi, tayā pana ko jito’’ti pucchi. Bodhisatto ‘‘mahārāja, tayā saṅgāmasatampi saṅgāmasahassampi saṅgāmasatasahassampi jinantena dujjitameva kilesānaṃ ajitattā. Ahaṃ pana mama abbhantare lobhaṃ niggaṇhanto kilese jini’’nti kathentoyeva mahānadiṃ oloketvā āpokasiṇārammaṇaṃ jhānaṃ nibbattetvā sampattānubhāvo ākāse nisīditvā rañño dhammaṃ desento imaṃ gāthamāha –
70.
70.
‘‘на д̇ам̣ ж̇ид̇ам̣ саад̇ху ж̇ид̇ам̣, яам̣ ж̇ид̇ам̣ аваж̇ийяад̇и;
‘‘Na taṃ jitaṃ sādhu jitaṃ, yaṃ jitaṃ avajīyati;
д̇ам̣ ко ж̇ид̇ам̣ саад̇ху ж̇ид̇ам̣, яам̣ ж̇ид̇ам̣ нааваж̇ийяад̇ий’’д̇и.
Taṃ kho jitaṃ sādhu jitaṃ, yaṃ jitaṃ nāvajīyatī’’ti.
д̇ад̇т̇а на д̇ам̣ ж̇ид̇ам̣ саад̇ху ж̇ид̇ам̣, яам̣ ж̇ид̇ам̣ аваж̇ийяад̇ийд̇и яам̣ бажжаамид̇д̇з барааж̇инид̇ваа радтам̣ ж̇ид̇ам̣ бадилад̣̇д̇хам̣ бунаби д̇зхи бажжаамид̇д̇зхи аваж̇ийяад̇и, д̇ам̣ ж̇ид̇ам̣ саад̇хуж̇ид̇ам̣ наама на ход̇и. гасмаа? буна аваж̇ийяанад̇о. абаро наяо – ж̇ид̇ам̣ вужжад̇и ж̇аяо. яо бажжаамид̇д̇зхи сад̣̇д̇хим̣ яуж̇жхид̇ваа ад̇хиг̇ад̇о ж̇аяо буна д̇зсу ж̇инанд̇зсу , барааж̇аяо ход̇и, со на саад̇ху на собхано. гасмаа? яасмаа буна барааж̇аяова ход̇и. д̇ам̣ ко ж̇ид̇ам̣ саад̇ху ж̇ид̇ам̣, яам̣ ж̇ид̇ам̣ нааваж̇ийяад̇ийд̇и яам̣ ко бана бажжаамид̇д̇з ниммат̇зд̇ваа ж̇ид̇ам̣ буна д̇зхи нааваж̇ийяад̇и, яо ваа згаваарам̣ лад̣̇д̇хо ж̇аяо на буна барааж̇аяо ход̇и, д̇ам̣ ж̇ид̇ам̣ саад̇ху ж̇ид̇ам̣ собханам̣, со ж̇аяо саад̇ху собхано наама ход̇и. гасмаа? буна нааваж̇ийяанад̇о. д̇асмаа, д̇вам̣ махаарааж̇а, сад̇агкад̇д̇умби сахассагкад̇д̇умби сад̇асахассагкад̇д̇умби сан̇г̇аамасийсам̣ ж̇инид̇вааби сан̇г̇аамаяод̇хо наама на хоси. гим̣гааран̣аа? ад̇д̇ано гилзсаанам̣ аж̇ид̇ад̇д̇аа. яо бана згаваарамби ад̇д̇ано аб̣бханд̇арз гилзсз ж̇инаад̇и, аяам̣ уд̇д̇амо сан̇г̇аамасийсаяод̇ход̇и аагаасз нисиннагова б̣уд̣̇д̇халийлааяа ран̃н̃о д̇хаммам̣ д̣̇зсзси. уд̇д̇амасан̇г̇аамаяод̇хабхааво банзд̇т̇а –
Tattha na taṃ jitaṃ sādhu jitaṃ, yaṃ jitaṃ avajīyatīti yaṃ paccāmitte parājinitvā raṭṭhaṃ jitaṃ paṭiladdhaṃ punapi tehi paccāmittehi avajīyati, taṃ jitaṃ sādhujitaṃ nāma na hoti. Kasmā? Puna avajīyanato. Aparo nayo – jitaṃ vuccati jayo. Yo paccāmittehi saddhiṃ yujjhitvā adhigato jayo puna tesu jinantesu , parājayo hoti, so na sādhu na sobhano. Kasmā? Yasmā puna parājayova hoti. Taṃ kho jitaṃ sādhu jitaṃ, yaṃ jitaṃ nāvajīyatīti yaṃ kho pana paccāmitte nimmathetvā jitaṃ puna tehi nāvajīyati, yo vā ekavāraṃ laddho jayo na puna parājayo hoti, taṃ jitaṃ sādhu jitaṃ sobhanaṃ, so jayo sādhu sobhano nāma hoti. Kasmā? Puna nāvajīyanato. Tasmā, tvaṃ mahārāja, satakkhattumpi sahassakkhattumpi satasahassakkhattumpi saṅgāmasīsaṃ jinitvāpi saṅgāmayodho nāma na hosi. Kiṃkāraṇā? Attano kilesānaṃ ajitattā. Yo pana ekavārampi attano abbhantare kilese jināti, ayaṃ uttamo saṅgāmasīsayodhoti ākāse nisinnakova buddhalīlāya rañño dhammaṃ desesi. Uttamasaṅgāmayodhabhāvo panettha –
‘‘яо сахассам̣ сахассзна, сан̇г̇аамз маанусз ж̇инз;
‘‘Yo sahassaṃ sahassena, saṅgāme mānuse jine;
зган̃жа ж̇зяяамад̇д̇аанам̣, са вз сан̇г̇аамаж̇уд̇д̇амо’’д̇и. (д̇ха. ба. 103) –
Ekañca jeyyamattānaṃ, sa ve saṅgāmajuttamo’’ti. (dha. pa. 103) –
ид̣̇ам̣ суд̇д̇ам̣ саад̇хагам̣.
Idaṃ suttaṃ sādhakaṃ.
ран̃н̃о бана д̇хаммам̣ сун̣анд̇ассзва д̇ад̣̇ан̇г̇аббахаанавасзна гилзсаа бахийнаа, баб̣б̣аж̇ж̇ааяа жид̇д̇ам̣ нами. рааж̇аб̣алассаби д̇ат̇зва гилзсаа бахийяим̣су. рааж̇аа ‘‘ид̣̇аани д̇умхз гахам̣ г̇амиссат̇аа’’д̇и б̣од̇хисад̇д̇ам̣ бужчи. ‘‘химаванд̇ам̣ бависид̇ваа исибаб̣б̣аж̇ж̇ам̣ баб̣б̣аж̇иссаами, махаарааж̇аа’’д̇и. ‘‘д̇зна хи ахамби баб̣б̣аж̇иссаамий’’д̇и б̣од̇хисад̇д̇знзва сад̣̇д̇хим̣ нигками, б̣алагааяо б̣раахман̣аг̇ахабад̇игаа саб̣б̣аа сзнияод̇и саб̣б̣оби д̇асмим̣ таанз саннибад̇ид̇о махааж̇анагааяо ран̃н̃аа сад̣̇д̇хим̣язва нигками. б̣аараан̣асиваасиноби ‘‘амхаагам̣ гира рааж̇аа гуд̣̇д̣̇аалабан̣д̣ид̇асса д̇хаммад̣̇зсанам̣ суд̇ваа баб̣б̣аж̇ж̇аабхимуко худ̇ваа сад̣̇д̇хим̣ б̣алагааязна нигканд̇о, маяам̣ ид̇ха гим̣ гариссаамаа’’д̇и д̣̇ваад̣̇асаяож̇анигааяа б̣аараан̣асияаа сагаланаг̇араваасино нигкамим̣су. д̣̇ваад̣̇асаяож̇анигаа барисаа ахоси. д̇ам̣ аад̣̇ааяа б̣од̇хисад̇д̇о химаванд̇ам̣ баависи.
Rañño pana dhammaṃ suṇantasseva tadaṅgappahānavasena kilesā pahīnā, pabbajjāya cittaṃ nami. Rājabalassapi tatheva kilesā pahīyiṃsu. Rājā ‘‘idāni tumhe kahaṃ gamissathā’’ti bodhisattaṃ pucchi. ‘‘Himavantaṃ pavisitvā isipabbajjaṃ pabbajissāmi, mahārājā’’ti. ‘‘Tena hi ahampi pabbajissāmī’’ti bodhisatteneva saddhiṃ nikkhami, balakāyo brāhmaṇagahapatikā sabbā seniyoti sabbopi tasmiṃ ṭhāne sannipatito mahājanakāyo raññā saddhiṃyeva nikkhami. Bārāṇasivāsinopi ‘‘amhākaṃ kira rājā kuddālapaṇḍitassa dhammadesanaṃ sutvā pabbajjābhimukho hutvā saddhiṃ balakāyena nikkhanto, mayaṃ idha kiṃ karissāmā’’ti dvādasayojanikāya bārāṇasiyā sakalanagaravāsino nikkhamiṃsu. Dvādasayojanikā parisā ahosi. Taṃ ādāya bodhisatto himavantaṃ pāvisi.
д̇асмим̣ кан̣з саггасса д̣̇зваран̃н̃о нисиннаасанам̣ ун̣хаагаарам̣ д̣̇ассзси. со ааваж̇ж̇амаано ‘‘гуд̣̇д̣̇аалабан̣д̣ид̇о махаабхинигкаманам̣ нигканд̇о’’д̇и д̣̇исваа ‘‘махаасамааг̇амо бхависсад̇и, васанадтаанам̣ лад̣̇д̇хум̣ ваддад̇ий’’д̇и виссагаммам̣ ааманд̇зд̇ваа ‘‘д̇аад̇а, гуд̣̇д̣̇аалабан̣д̣ид̇о махаабхинигкаманам̣ нигканд̇о , васанадтаанам̣ лад̣̇д̇хум̣ ваддад̇и, д̇вам̣ химаванд̇аббад̣̇зсам̣ г̇анд̇ваа самз бхуумибхааг̇з д̣̇ийгхад̇о д̇им̣саяож̇анам̣ вид̇т̇аарад̇о баннарасаяож̇анам̣ ассамабад̣̇ам̣ маабзхий’’д̇и ааха. со ‘‘саад̇ху, д̣̇зваа’’д̇и бадиссун̣ид̇ваа г̇анд̇ваа д̇ат̇аа агааси. аяамзд̇т̇а сан̇кзбо, вид̇т̇ааро бана хад̇т̇ибаалаж̇аад̇агз аави бхависсад̇и. ид̣̇ан̃жа хи д̇ан̃жа згабарижчзд̣̇амзва. виссагаммоби ассамабад̣̇з бан̣н̣асаалам̣ маабзд̇ваа д̣̇уссад̣̇д̣̇з миг̇з жа сагун̣з жа амануссз жа бадиггамаабзд̇ваа д̇зна д̇зна д̣̇исаабхааг̇зна згабад̣̇игамаг̇г̇ам̣ маабзд̇ваа ад̇д̇ано васанадтаанамзва аг̇амааси. гуд̣̇д̣̇аалабан̣д̣ид̇оби д̇ам̣ барисам̣ аад̣̇ааяа химаванд̇ам̣ бависид̇ваа саггад̣̇ад̇д̇ияам̣ ассамабад̣̇ам̣ г̇анд̇ваа виссагаммзна маабид̇ам̣ баб̣б̣аж̇ид̇абаригкаарам̣ г̇ахзд̇ваа батамам̣ ад̇д̇анаа баб̣б̣аж̇ид̇ваа бажчаа барисам̣ баб̣б̣ааж̇зд̇ваа ассамабад̣̇ам̣ бхааж̇зд̇ваа ад̣̇ааси. сад̇д̇а рааж̇аано сад̇д̇а раж̇ж̇аани чад̣д̣аяим̣су. д̇им̣саяож̇анам̣ ассамабад̣̇ам̣ буури. гуд̣̇д̣̇аалабан̣д̣ид̇о сзсагасин̣зсуби баригаммам̣ гад̇ваа б̣рахмавихаарз бхаавзд̇ваа барисааяа гаммадтаанам̣ аажигки. саб̣б̣з самаабад̇д̇илаабхино худ̇ваа б̣рахмавихаарз бхаавзд̇ваа б̣рахмалогабарааяан̣аа ахзсум̣. яз бана д̇зсам̣ баарижарияам̣ агам̣су, д̇з д̣̇звалогабарааяан̣аа ахзсум̣.
Tasmiṃ khaṇe sakkassa devarañño nisinnāsanaṃ uṇhākāraṃ dassesi. So āvajjamāno ‘‘kuddālapaṇḍito mahābhinikkhamanaṃ nikkhanto’’ti disvā ‘‘mahāsamāgamo bhavissati, vasanaṭṭhānaṃ laddhuṃ vaṭṭatī’’ti vissakammaṃ āmantetvā ‘‘tāta, kuddālapaṇḍito mahābhinikkhamanaṃ nikkhanto , vasanaṭṭhānaṃ laddhuṃ vaṭṭati, tvaṃ himavantappadesaṃ gantvā same bhūmibhāge dīghato tiṃsayojanaṃ vitthārato pannarasayojanaṃ assamapadaṃ māpehī’’ti āha. So ‘‘sādhu, devā’’ti paṭissuṇitvā gantvā tathā akāsi. Ayamettha saṅkhepo, vitthāro pana hatthipālajātake āvi bhavissati. Idañca hi tañca ekaparicchedameva. Vissakammopi assamapade paṇṇasālaṃ māpetvā dussadde mige ca sakuṇe ca amanusse ca paṭikkamāpetvā tena tena disābhāgena ekapadikamaggaṃ māpetvā attano vasanaṭṭhānameva agamāsi. Kuddālapaṇḍitopi taṃ parisaṃ ādāya himavantaṃ pavisitvā sakkadattiyaṃ assamapadaṃ gantvā vissakammena māpitaṃ pabbajitaparikkhāraṃ gahetvā paṭhamaṃ attanā pabbajitvā pacchā parisaṃ pabbājetvā assamapadaṃ bhājetvā adāsi. Satta rājāno satta rajjāni chaḍḍayiṃsu. Tiṃsayojanaṃ assamapadaṃ pūri. Kuddālapaṇḍito sesakasiṇesupi parikammaṃ katvā brahmavihāre bhāvetvā parisāya kammaṭṭhānaṃ ācikkhi. Sabbe samāpattilābhino hutvā brahmavihāre bhāvetvā brahmalokaparāyaṇā ahesuṃ. Ye pana tesaṃ pāricariyaṃ akaṃsu, te devalokaparāyaṇā ahesuṃ.
сад̇т̇аа ‘‘звам̣, бхигкавз, жид̇д̇ам̣ наамзд̇ам̣ гилзсавасзна аллийнам̣ д̣̇умможаяам̣ ход̇и, уббаннаа лобхад̇хаммаа д̣̇уббаж̇ахаа, зваруубзби бан̣д̣ид̇з ан̃н̃аан̣з гаронд̇ий’’д̇и имам̣ д̇хаммад̣̇зсанам̣ аахарид̇ваа сажжаани багаасзси, сажжабарияосаанз гзжи сод̇аабаннаа ахзсум̣, гзжи сагад̣̇ааг̇аамино, гзжи анааг̇аамино, гзжи арахад̇д̇ам̣ баабун̣им̣су. сад̇т̇ааби анусанд̇хим̣ гхадзд̇ваа ж̇аад̇агам̣ самод̇хаанзси – ‘‘д̇ад̣̇аа рааж̇аа аананд̣̇о ахоси, барисаа б̣уд̣̇д̇хабарисаа, гуд̣̇д̣̇аалабан̣д̣ид̇о бана ахамзва ахоси’’нд̇и.
Satthā ‘‘evaṃ, bhikkhave, cittaṃ nāmetaṃ kilesavasena allīnaṃ dummocayaṃ hoti, uppannā lobhadhammā duppajahā, evarūpepi paṇḍite aññāṇe karontī’’ti imaṃ dhammadesanaṃ āharitvā saccāni pakāsesi, saccapariyosāne keci sotāpannā ahesuṃ, keci sakadāgāmino, keci anāgāmino, keci arahattaṃ pāpuṇiṃsu. Satthāpi anusandhiṃ ghaṭetvā jātakaṃ samodhānesi – ‘‘tadā rājā ānando ahosi, parisā buddhaparisā, kuddālapaṇḍito pana ahameva ahosi’’nti.
гуд̣̇д̣̇аалаж̇аад̇агаван̣н̣анаа д̣̇асамаа.
Kuddālajātakavaṇṇanā dasamā.
ид̇т̇иваг̇г̇о сад̇д̇амо.
Itthivaggo sattamo.
д̇ассуд̣̇д̣̇аанам̣ –
Tassuddānaṃ –
асаад̇аманд̇ан̣д̣абхууд̇ам̣ , д̇аггабан̣д̣и д̣̇урааж̇аанам̣;
Asātamantaṇḍabhūtaṃ , takkapaṇḍi durājānaṃ;
анабхирад̇и муд̣̇улагкан̣ам̣, ужчан̇г̇амби жа саагзд̇ам̣;
Anabhirati mudulakkhaṇaṃ, ucchaṅgampi ca sāketaṃ;
висаванд̇ам̣ гуд̣̇д̣̇аалаганд̇и.
Visavantaṃ kuddālakanti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 70. гуд̣̇д̣̇аалаж̇аад̇агам̣ • 70. Kuddālajātakaṃ
