| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[89] 9. гухагаж̇аад̇агаван̣н̣анаа
[89] 9. Kuhakajātakavaṇṇanā
ваажаава гира д̇з аасийд̇и ид̣̇ам̣ сад̇т̇аа ж̇зд̇аванз вихаранд̇о згам̣ гухагабхигкум̣ аараб̣бха гат̇зси. гухагавад̇т̇у уд̣̇д̣̇аалагаж̇аад̇агз аави бхависсад̇и.
Vācāvakira te āsīti idaṃ satthā jetavane viharanto ekaṃ kuhakabhikkhuṃ ārabbha kathesi. Kuhakavatthu uddālakajātake āvi bhavissati.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з згам̣ г̇аамагам̣ убаниссааяа зго гуудаж̇адило гухагад̇аабасо васад̇и. зго гудумб̣иго д̇асса аран̃н̃з бан̣н̣асаалам̣ гаарзд̇ваа д̇ад̇т̇а нам̣ ваасзнд̇о ад̇д̇ано г̇зхз бан̣ийд̇аахаарзна бадиж̇аг̇г̇ад̇и. со д̇ам̣ гуудаж̇адилам̣ ‘‘сийлаваа зсо’’д̇и сад̣̇д̣̇ахид̇ваа жорабхаязна суван̣н̣анигкасад̇ам̣ д̇асса бан̣н̣асаалам̣ нзд̇ваа бхуумиг̇ад̇ам̣ гад̇ваа ‘‘ид̣̇ам̣ ологзяяааси, бханд̇з’’д̇и ааха. ат̇а нам̣ д̇аабасо ‘‘баб̣б̣аж̇ид̇аанам̣ наама, аавусо, зваруубам̣ гат̇зд̇ум̣, на ваддад̇и, амхаагам̣ бана барасанд̇агз лобхо наама над̇т̇ий’’д̇и ааха. со ‘‘саад̇ху, бханд̇з’’д̇и д̇асса важанам̣ сад̣̇д̣̇ахид̇ваа баггаами. д̣̇удтад̇аабасо ‘‘саггаа зд̇д̇агзна ж̇ийвид̇у’’нд̇и гад̇ибаахам̣ ад̇иггамид̇ваа д̇ам̣ суван̣н̣ам̣ г̇ахзд̇ваа анд̇араамаг̇г̇з згасмим̣ таанз табзд̇ваа ааг̇анд̇ваа бан̣н̣асаалааяамзва васид̇ваа бунад̣̇ивасз д̇асса г̇зхз бхад̇д̇агижжам̣ гад̇ваа звамааха ‘‘аавусо, маяам̣ д̇умхз ниссааяа жирам̣ васимха, ад̇ижирам̣ згасмим̣ таанз васанд̇аанам̣ мануссзхи сад̣̇д̇хим̣ сам̣саг̇г̇о ход̇и, сам̣саг̇г̇о жа наама баб̣б̣аж̇ид̇аанам̣ малам̣, д̇асмаа г̇ажчаамаха’’нд̇и вад̇ваа д̇зна бунаббунам̣ яаажияамааноби нивад̇д̇ид̇ум̣ на ижчи. ат̇а нам̣ со ‘‘звам̣ санд̇з г̇ажчат̇а, бханд̇з’’д̇и яаава г̇аамад̣̇ваарам̣ ануг̇анд̇ваа нивад̇д̇и. д̇аабасоби т̇огам̣ г̇анд̇ваава ‘‘имам̣ гудумб̣игам̣ маяаа ван̃жзд̇ум̣ ваддад̇ий’’д̇и жинд̇зд̇ваа ж̇адаанам̣ анд̇арз д̇ин̣ам̣ табзд̇ваа бадинивад̇д̇и. гудумб̣иго ‘‘гим̣, бханд̇з, нивад̇д̇ид̇т̇аа’’д̇и бужчи. аавусо д̇умхаагам̣ г̇зхажчад̣̇анад̇о мз ж̇адаасу згад̇ин̣ам̣ лаг̇г̇ам̣, ад̣̇иннаад̣̇аанан̃жа наама баб̣б̣аж̇ид̇аанам̣ на ваддад̇и, д̇ам̣ аад̣̇ааяа ааг̇ад̇омхийд̇и. гудумб̣иго ‘‘чад̣д̣зд̇ваа г̇ажчат̇а, бханд̇з’’д̇и вад̇ваа ‘‘д̇ин̣асалаагамби наама барасанд̇агам̣ на г̇ан̣хаад̇и, ахо гуггужжаго мз аяяо’’д̇и басийд̣̇ид̇ваа ванд̣̇ид̇ваа уяяож̇зси.
Atīte bārāṇasiyaṃ brahmadatte rajjaṃ kārente ekaṃ gāmakaṃ upanissāya eko kūṭajaṭilo kuhakatāpaso vasati. Eko kuṭumbiko tassa araññe paṇṇasālaṃ kāretvā tattha naṃ vāsento attano gehe paṇītāhārena paṭijaggati. So taṃ kūṭajaṭilaṃ ‘‘sīlavā eso’’ti saddahitvā corabhayena suvaṇṇanikkhasataṃ tassa paṇṇasālaṃ netvā bhūmigataṃ katvā ‘‘idaṃ olokeyyāsi, bhante’’ti āha. Atha naṃ tāpaso ‘‘pabbajitānaṃ nāma, āvuso, evarūpaṃ kathetuṃ, na vaṭṭati, amhākaṃ pana parasantake lobho nāma natthī’’ti āha. So ‘‘sādhu, bhante’’ti tassa vacanaṃ saddahitvā pakkāmi. Duṭṭhatāpaso ‘‘sakkā ettakena jīvitu’’nti katipāhaṃ atikkamitvā taṃ suvaṇṇaṃ gahetvā antarāmagge ekasmiṃ ṭhāne ṭhapetvā āgantvā paṇṇasālāyameva vasitvā punadivase tassa gehe bhattakiccaṃ katvā evamāha ‘‘āvuso, mayaṃ tumhe nissāya ciraṃ vasimha, aticiraṃ ekasmiṃ ṭhāne vasantānaṃ manussehi saddhiṃ saṃsaggo hoti, saṃsaggo ca nāma pabbajitānaṃ malaṃ, tasmā gacchāmaha’’nti vatvā tena punappunaṃ yāciyamānopi nivattituṃ na icchi. Atha naṃ so ‘‘evaṃ sante gacchatha, bhante’’ti yāva gāmadvāraṃ anugantvā nivatti. Tāpasopi thokaṃ gantvāva ‘‘imaṃ kuṭumbikaṃ mayā vañcetuṃ vaṭṭatī’’ti cintetvā jaṭānaṃ antare tiṇaṃ ṭhapetvā paṭinivatti. Kuṭumbiko ‘‘kiṃ, bhante, nivattitthā’’ti pucchi. Āvuso tumhākaṃ gehacchadanato me jaṭāsu ekatiṇaṃ laggaṃ, adinnādānañca nāma pabbajitānaṃ na vaṭṭati, taṃ ādāya āgatomhīti. Kuṭumbiko ‘‘chaḍḍetvā gacchatha, bhante’’ti vatvā ‘‘tiṇasalākampi nāma parasantakaṃ na gaṇhāti, aho kukkuccako me ayyo’’ti pasīditvā vanditvā uyyojesi.
д̇ад̣̇аа бана б̣од̇хисад̇д̇зна бхан̣д̣ад̇т̇ааяа бажжанд̇ам̣ г̇ажчанд̇зна д̇асмим̣ нивзсанз ниваасо г̇ахид̇о ход̇и. со д̇аабасасса важанам̣ суд̇ваава ‘‘ад̣̇д̇хаа иминаа д̣̇удтад̇аабасзна имасса гин̃жи г̇ахид̇ам̣ бхависсад̇ий’’д̇и гудумб̣игам̣ бужчи ‘‘ад̇т̇и бана д̇з, самма, гин̃жи зд̇асса д̇аабасасса санд̇игз нигкид̇д̇а’’нд̇и? ‘‘ад̇т̇и, самма, суван̣н̣анигкасад̇а’’нд̇и. ‘‘д̇зна хи г̇ажча, д̇ам̣ убад̇хаарзхий’’д̇и . со бан̣н̣асаалам̣ г̇анд̇ваа д̇ам̣ ад̣̇исваа взг̇знааг̇анд̇ваа ‘‘над̇т̇и, саммаа’’д̇и ааха. ‘‘на д̇з суван̣н̣ам̣ ан̃н̃зна г̇ахид̇ам̣, д̇знзва гухагад̇аабасзна г̇ахид̇ам̣, зхи, д̇ам̣ ануб̣анд̇хид̇ваа г̇ан̣хаамаа’’д̇и взг̇зна г̇анд̇ваа гуудад̇аабасам̣ г̇ан̣хид̇ваа хад̇т̇зхи жа баад̣̇зхи жа бот̇зд̇ваа суван̣н̣ам̣ аахараабзд̇ваа г̇ан̣хим̣су. б̣од̇хисад̇д̇о суван̣н̣ам̣ д̣̇исваа ‘‘нигкасад̇ам̣ харамаано асаж̇ж̇ид̇ваа д̇ин̣амад̇д̇з сад̇д̇осий’’д̇и вад̇ваа д̇ам̣ г̇араханд̇о имам̣ г̇аат̇амааха –
Tadā pana bodhisattena bhaṇḍatthāya paccantaṃ gacchantena tasmiṃ nivesane nivāso gahito hoti. So tāpasassa vacanaṃ sutvāva ‘‘addhā iminā duṭṭhatāpasena imassa kiñci gahitaṃ bhavissatī’’ti kuṭumbikaṃ pucchi ‘‘atthi pana te, samma, kiñci etassa tāpasassa santike nikkhitta’’nti? ‘‘Atthi, samma, suvaṇṇanikkhasata’’nti. ‘‘Tena hi gaccha, taṃ upadhārehī’’ti . So paṇṇasālaṃ gantvā taṃ adisvā vegenāgantvā ‘‘natthi, sammā’’ti āha. ‘‘Na te suvaṇṇaṃ aññena gahitaṃ, teneva kuhakatāpasena gahitaṃ, ehi, taṃ anubandhitvā gaṇhāmā’’ti vegena gantvā kūṭatāpasaṃ gaṇhitvā hatthehi ca pādehi ca pothetvā suvaṇṇaṃ āharāpetvā gaṇhiṃsu. Bodhisatto suvaṇṇaṃ disvā ‘‘nikkhasataṃ haramāno asajjitvā tiṇamatte sattosī’’ti vatvā taṃ garahanto imaṃ gāthamāha –
89.
89.
‘‘ваажаава гира д̇з ааси, сан̣хаа сакилабхаан̣ино;
‘‘Vācāva kira te āsi, saṇhā sakhilabhāṇino;
д̇ин̣амад̇д̇з асаж̇ж̇ид̇т̇о, но жа нигкасад̇ам̣ хара’’нд̇и.
Tiṇamatte asajjittho, no ca nikkhasataṃ hara’’nti.
д̇ад̇т̇а ваажаава гира д̇з ааси, сан̣хаа сакилабхаан̣инод̇и ‘‘баб̣б̣аж̇ид̇аанам̣ д̇ин̣амад̇д̇амби ад̣̇иннам̣ аад̣̇аад̇ум̣ на ваддад̇ий’’д̇и звам̣ сакилам̣ муд̣̇уважанам̣ вад̣̇анд̇асса ваажаа зва гира д̇з сан̣хаа ааси, важанамад̇д̇амзва мадтам̣ ахосийд̇и ад̇т̇о. д̇ин̣амад̇д̇з асаж̇ж̇ид̇т̇од̇и гуудаж̇адила згиссаа д̇ин̣асалаагааяа гуггужжам̣ гурумаано д̇вам̣ сад̇д̇о аасад̇д̇о лаг̇г̇о ахоси. но жа нигкасад̇ам̣ харанд̇и имам̣ бана нигкасад̇ам̣ харанд̇о асад̇д̇о ниллаг̇г̇ова ж̇аад̇осийд̇и.
Tattha vācāva kira te āsi, saṇhā sakhilabhāṇinoti ‘‘pabbajitānaṃ tiṇamattampi adinnaṃ ādātuṃ na vaṭṭatī’’ti evaṃ sakhilaṃ muduvacanaṃ vadantassa vācā eva kira te saṇhā āsi, vacanamattameva maṭṭhaṃ ahosīti attho. Tiṇamatte asajjitthoti kūṭajaṭila ekissā tiṇasalākāya kukkuccaṃ kurumāno tvaṃ satto āsatto laggo ahosi. No ca nikkhasataṃ haranti imaṃ pana nikkhasataṃ haranto asatto nillaggova jātosīti.
звам̣ б̣од̇хисад̇д̇о д̇ам̣ г̇арахид̇ваа ‘‘маа буна, гуудаж̇адила, зваруубамагаасий’’д̇и оваад̣̇ам̣ д̣̇ад̇ваа яат̇аагаммам̣ г̇ад̇о.
Evaṃ bodhisatto taṃ garahitvā ‘‘mā puna, kūṭajaṭila, evarūpamakāsī’’ti ovādaṃ datvā yathākammaṃ gato.
сад̇т̇аа имам̣ д̇хаммад̣̇зсанам̣ аахарид̇ваа ‘‘на, бхигкавз, ид̣̇аанзвзса бхигку гухаго, буб̣б̣зби гухагоязваа’’д̇и вад̇ваа ж̇аад̇агам̣ самод̇хаанзси – ‘‘д̇ад̣̇аа гуудад̇аабасо гухагабхигку ахоси, бан̣д̣ид̇абурисо бана ахамзва ахоси’’нд̇и.
Satthā imaṃ dhammadesanaṃ āharitvā ‘‘na, bhikkhave, idānevesa bhikkhu kuhako, pubbepi kuhakoyevā’’ti vatvā jātakaṃ samodhānesi – ‘‘tadā kūṭatāpaso kuhakabhikkhu ahosi, paṇḍitapuriso pana ahameva ahosi’’nti.
гухагаж̇аад̇агаван̣н̣анаа навамаа.
Kuhakajātakavaṇṇanā navamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 89. гухагаж̇аад̇агам̣ • 89. Kuhakajātakaṃ
