Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya

    3. гухагасуд̇д̇ам̣

    3. Kuhakasuttaṃ

    83. ‘‘бан̃жахи, бхигкавз, д̇хаммзхи саманнааг̇ад̇о т̇зро бхигку саб̣рахмажаарийнам̣ аббияо жа ход̇и аманаабо жа аг̇ару жа абхааванийяо жа. гад̇амзхи бан̃жахи? гухаго жа ход̇и, лабаго жа, нзмид̇д̇иго 1 жа, ниббзсиго жа, лаабхзна жа лаабхам̣ ниж̇иг̇ийсид̇аа 2 – имзхи ко, бхигкавз, бан̃жахи д̇хаммзхи саманнааг̇ад̇о т̇зро бхигку саб̣рахмажаарийнам̣ аббияо жа ход̇и аманаабо жа аг̇ару жа абхааванийяо жа.

    83. ‘‘Pañcahi, bhikkhave, dhammehi samannāgato thero bhikkhu sabrahmacārīnaṃ appiyo ca hoti amanāpo ca agaru ca abhāvanīyo ca. Katamehi pañcahi? Kuhako ca hoti, lapako ca, nemittiko 3 ca, nippesiko ca, lābhena ca lābhaṃ nijigīsitā 4 – imehi kho, bhikkhave, pañcahi dhammehi samannāgato thero bhikkhu sabrahmacārīnaṃ appiyo ca hoti amanāpo ca agaru ca abhāvanīyo ca.

    ‘‘бан̃жахи , бхигкавз, д̇хаммзхи саманнааг̇ад̇о т̇зро бхигку саб̣рахмажаарийнам̣ бияо жа ход̇и манаабо жа г̇ару жа бхааванийяо жа. гад̇амзхи бан̃жахи? на жа гухаго ход̇и, на жа лабаго, на жа нзмид̇д̇иго, на жа ниббзсиго, на жа лаабхзна лаабхам̣ ниж̇иг̇ийсид̇аа – имзхи ко, бхигкавз, бан̃жахи д̇хаммзхи саманнааг̇ад̇о т̇зро бхигку саб̣рахмажаарийнам̣ бияо жа ход̇и манаабо жа г̇ару жа бхааванийяо жаа’’д̇и. д̇ад̇ияам̣.

    ‘‘Pañcahi , bhikkhave, dhammehi samannāgato thero bhikkhu sabrahmacārīnaṃ piyo ca hoti manāpo ca garu ca bhāvanīyo ca. Katamehi pañcahi? Na ca kuhako hoti, na ca lapako, na ca nemittiko, na ca nippesiko, na ca lābhena lābhaṃ nijigīsitā – imehi kho, bhikkhave, pañcahi dhammehi samannāgato thero bhikkhu sabrahmacārīnaṃ piyo ca hoti manāpo ca garu ca bhāvanīyo cā’’ti. Tatiyaṃ.




    Next: 4. ассад̣̇д̇хасуд̇д̇ам̣ • 4. Assaddhasuttaṃ




    Footnotes:
    1. нимид̇д̇иго (сяаа. гам̣.), нимид̇д̇аго (га.)
    2. ниж̇иг̇им̣сид̇аа (сий. сяаа. гам̣. бий.)
    3. nimittiko (syā. kaṃ.), nimittako (ka.)
    4. nijigiṃsitā (sī. syā. kaṃ. pī.)



    Related texts:



    адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 3. гухагасуд̇д̇аван̣н̣анаа • 3. Kuhakasuttavaṇṇanā

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 3. гухагасуд̇д̇аван̣н̣анаа • 3. Kuhakasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact