| Library / Tipiṭaka / တိပိဋက • Tipiṭaka / အင္ဂုတ္တရနိကာယ • Aṅguttaranikāya |
၃. ကုဟကသုတ္တံ
3. Kuhakasuttaṃ
၈၃. ‘‘ပဉ္စဟိ, ဘိက္ခဝေ, ဓမ္မေဟိ သမန္နာဂတော ထေရော ဘိက္ခု သဗ္ရဟ္မစာရီနံ အပ္ပိယော စ ဟောတိ အမနာပော စ အဂရု စ အဘာဝနီယော စ။ ကတမေဟိ ပဉ္စဟိ? ကုဟကော စ ဟောတိ, လပကော စ, နေမိတ္တိကော 1 စ, နိပ္ပေသိကော စ, လာဘေန စ လာဘံ နိဇိဂီသိတာ 2 – ဣမေဟိ ခော, ဘိက္ခဝေ, ပဉ္စဟိ ဓမ္မေဟိ သမန္နာဂတော ထေရော ဘိက္ခု သဗ္ရဟ္မစာရီနံ အပ္ပိယော စ ဟောတိ အမနာပော စ အဂရု စ အဘာဝနီယော စ။
83. ‘‘Pañcahi, bhikkhave, dhammehi samannāgato thero bhikkhu sabrahmacārīnaṃ appiyo ca hoti amanāpo ca agaru ca abhāvanīyo ca. Katamehi pañcahi? Kuhako ca hoti, lapako ca, nemittiko 3 ca, nippesiko ca, lābhena ca lābhaṃ nijigīsitā 4 – imehi kho, bhikkhave, pañcahi dhammehi samannāgato thero bhikkhu sabrahmacārīnaṃ appiyo ca hoti amanāpo ca agaru ca abhāvanīyo ca.
‘‘ပဉ္စဟိ , ဘိက္ခဝေ, ဓမ္မေဟိ သမန္နာဂတော ထေရော ဘိက္ခု သဗ္ရဟ္မစာရီနံ ပိယော စ ဟောတိ မနာပော စ ဂရု စ ဘာဝနီယော စ။ ကတမေဟိ ပဉ္စဟိ? န စ ကုဟကော ဟောတိ, န စ လပကော, န စ နေမိတ္တိကော, န စ နိပ္ပေသိကော, န စ လာဘေန လာဘံ နိဇိဂီသိတာ – ဣမေဟိ ခော, ဘိက္ခဝေ, ပဉ္စဟိ ဓမ္မေဟိ သမန္နာဂတော ထေရော ဘိက္ခု သဗ္ရဟ္မစာရီနံ ပိယော စ ဟောတိ မနာပော စ ဂရု စ ဘာဝနီယော စာ’’တိ။ တတိယံ။
‘‘Pañcahi , bhikkhave, dhammehi samannāgato thero bhikkhu sabrahmacārīnaṃ piyo ca hoti manāpo ca garu ca bhāvanīyo ca. Katamehi pañcahi? Na ca kuhako hoti, na ca lapako, na ca nemittiko, na ca nippesiko, na ca lābhena lābhaṃ nijigīsitā – imehi kho, bhikkhave, pañcahi dhammehi samannāgato thero bhikkhu sabrahmacārīnaṃ piyo ca hoti manāpo ca garu ca bhāvanīyo cā’’ti. Tatiyaṃ.
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၃. ကုဟကသုတ္တဝဏ္ဏနာ • 3. Kuhakasuttavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၃. ကုဟကသုတ္တဝဏ္ဏနာ • 3. Kuhakasuttavaṇṇanā
