| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
3. குஹகஸுத்தவண்ணனா
3. Kuhakasuttavaṇṇanā
83. ததியே தீஹி குஹனவத்தூ²ஹீதி ஸாமந்தஜப்பனஇரியாபத²ஸன்னிஸ்ஸிதபச்சயப்படிஸேவனபே⁴த³தோ திப்பபே⁴தே³ஹி குஹனவத்தூ²ஹி. திவிதே⁴ன குஹனவத்து²னா லோகங் குஹயதி விம்ஹாபயதி ‘‘அஹோ அச்ச²ரியபுரிஸோ’’தி அத்தனி பரேஸங் விம்ஹயங் உப்பாதே³தீதி குஹகோ. லாப⁴ஸக்காரத்தி²கோ ஹுத்வா லபதி அத்தானங் தா³யகங் வா உக்கி²பித்வா யதா² ஸோ கிஞ்சி த³தா³தி, ஏவங் உக்காசெத்வா கதே²தீதி லபகோ. நிமித்தங் ஸீலங் தஸ்ஸாதி நேமித்திகோ, நிமித்தேன வா சரதி, நிமித்தங் வா கரோதீதி நேமித்திகோ. நிமித்தந்தி ச பரேஸங் பச்சயதா³னஸஞ்ஞுப்பாத³கங் காயவசீகம்மங் வுச்சதி . நிப்பேஸோ ஸீலமஸ்ஸாதி நிப்பேஸிகோ. நிப்பிஸதீதி வா நிப்பேஸோ, நிப்பேஸோயேவ நிப்பேஸிகோ. நிப்பேஸோதி ச ஸட²புரிஸோ விய லாப⁴ஸக்காரத்த²ங் அக்கோஸனுப்பண்ட³னபரபிட்டி²மங்ஸிகதாதி³.
83. Tatiye tīhi kuhanavatthūhīti sāmantajappanairiyāpathasannissitapaccayappaṭisevanabhedato tippabhedehi kuhanavatthūhi. Tividhena kuhanavatthunā lokaṃ kuhayati vimhāpayati ‘‘aho acchariyapuriso’’ti attani paresaṃ vimhayaṃ uppādetīti kuhako. Lābhasakkāratthiko hutvā lapati attānaṃ dāyakaṃ vā ukkhipitvā yathā so kiñci dadāti, evaṃ ukkācetvā kathetīti lapako. Nimittaṃ sīlaṃ tassāti nemittiko, nimittena vā carati, nimittaṃ vā karotīti nemittiko. Nimittanti ca paresaṃ paccayadānasaññuppādakaṃ kāyavacīkammaṃ vuccati . Nippeso sīlamassāti nippesiko. Nippisatīti vā nippeso, nippesoyeva nippesiko. Nippesoti ca saṭhapuriso viya lābhasakkāratthaṃ akkosanuppaṇḍanaparapiṭṭhimaṃsikatādi.
குஹகஸுத்தவண்ணனா நிட்டி²தா.
Kuhakasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 3. குஹகஸுத்தங் • 3. Kuhakasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 3. குஹகஸுத்தவண்ணனா • 3. Kuhakasuttavaṇṇanā
