| Library / Tipiṭaka / တိပိဋက • Tipiṭaka / အင္ဂုတ္တရနိကာယ (ဋီကာ) • Aṅguttaranikāya (ṭīkā) |
၃. ကုဟကသုတ္တဝဏ္ဏနာ
3. Kuhakasuttavaṇṇanā
၈၃. တတိယေ တီဟိ ကုဟနဝတ္ထူဟီတိ သာမန္တဇပ္ပနဣရိယာပထသန္နိသ္သိတပစ္စယပ္ပဋိသေဝနဘေဒတော တိပ္ပဘေဒေဟိ ကုဟနဝတ္ထူဟိ။ တိဝိဓေန ကုဟနဝတ္ထုနာ လောကံ ကုဟယတိ ဝိမ္ဟာပယတိ ‘‘အဟော အစ္ဆရိယပုရိသော’’တိ အတ္တနိ ပရေသံ ဝိမ္ဟယံ ဥပ္ပာဒေတီတိ ကုဟကော။ လာဘသက္ကာရတ္ထိကော ဟုတ္ဝာ လပတိ အတ္တာနံ ဒာယကံ ဝာ ဥက္ခိပိတ္ဝာ ယထာ သော ကိဉ္စိ ဒဒာတိ, ဧဝံ ဥက္ကာစေတ္ဝာ ကထေတီတိ လပကော။ နိမိတ္တံ သီလံ တသ္သာတိ နေမိတ္တိကော, နိမိတ္တေန ဝာ စရတိ, နိမိတ္တံ ဝာ ကရောတီတိ နေမိတ္တိကော။ နိမိတ္တန္တိ စ ပရေသံ ပစ္စယဒာနသညုပ္ပာဒကံ ကာယဝစီကမ္မံ ဝုစ္စတိ ။ နိပ္ပေသော သီလမသ္သာတိ နိပ္ပေသိကော။ နိပ္ပိသတီတိ ဝာ နိပ္ပေသော, နိပ္ပေသောယေဝ နိပ္ပေသိကော။ နိပ္ပေသောတိ စ သဌပုရိသော ဝိယ လာဘသက္ကာရတ္ထံ အက္ကောသနုပ္ပဏ္ဍနပရပိဋ္ဌိမံသိကတာဒိ။
83. Tatiye tīhi kuhanavatthūhīti sāmantajappanairiyāpathasannissitapaccayappaṭisevanabhedato tippabhedehi kuhanavatthūhi. Tividhena kuhanavatthunā lokaṃ kuhayati vimhāpayati ‘‘aho acchariyapuriso’’ti attani paresaṃ vimhayaṃ uppādetīti kuhako. Lābhasakkāratthiko hutvā lapati attānaṃ dāyakaṃ vā ukkhipitvā yathā so kiñci dadāti, evaṃ ukkācetvā kathetīti lapako. Nimittaṃ sīlaṃ tassāti nemittiko, nimittena vā carati, nimittaṃ vā karotīti nemittiko. Nimittanti ca paresaṃ paccayadānasaññuppādakaṃ kāyavacīkammaṃ vuccati . Nippeso sīlamassāti nippesiko. Nippisatīti vā nippeso, nippesoyeva nippesiko. Nippesoti ca saṭhapuriso viya lābhasakkāratthaṃ akkosanuppaṇḍanaparapiṭṭhimaṃsikatādi.
ကုဟကသုတ္တဝဏ္ဏနာ နိဋ္ဌိတာ။
Kuhakasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၃. ကုဟကသုတ္တံ • 3. Kuhakasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၃. ကုဟကသုတ္တဝဏ္ဏနာ • 3. Kuhakasuttavaṇṇanā
