| Library / Tipiṭaka / തിപിടക • Tipiṭaka / അങ്ഗുത്തരനികായ (ടീകാ) • Aṅguttaranikāya (ṭīkā) |
൩. കുഹകസുത്തവണ്ണനാ
3. Kuhakasuttavaṇṇanā
൮൩. തതിയേ തീഹി കുഹനവത്ഥൂഹീതി സാമന്തജപ്പനഇരിയാപഥസന്നിസ്സിതപച്ചയപ്പടിസേവനഭേദതോ തിപ്പഭേദേഹി കുഹനവത്ഥൂഹി. തിവിധേന കുഹനവത്ഥുനാ ലോകം കുഹയതി വിമ്ഹാപയതി ‘‘അഹോ അച്ഛരിയപുരിസോ’’തി അത്തനി പരേസം വിമ്ഹയം ഉപ്പാദേതീതി കുഹകോ. ലാഭസക്കാരത്ഥികോ ഹുത്വാ ലപതി അത്താനം ദായകം വാ ഉക്ഖിപിത്വാ യഥാ സോ കിഞ്ചി ദദാതി, ഏവം ഉക്കാചേത്വാ കഥേതീതി ലപകോ. നിമിത്തം സീലം തസ്സാതി നേമിത്തികോ, നിമിത്തേന വാ ചരതി, നിമിത്തം വാ കരോതീതി നേമിത്തികോ. നിമിത്തന്തി ച പരേസം പച്ചയദാനസഞ്ഞുപ്പാദകം കായവചീകമ്മം വുച്ചതി . നിപ്പേസോ സീലമസ്സാതി നിപ്പേസികോ. നിപ്പിസതീതി വാ നിപ്പേസോ, നിപ്പേസോയേവ നിപ്പേസികോ. നിപ്പേസോതി ച സഠപുരിസോ വിയ ലാഭസക്കാരത്ഥം അക്കോസനുപ്പണ്ഡനപരപിട്ഠിമംസികതാദി.
83. Tatiye tīhi kuhanavatthūhīti sāmantajappanairiyāpathasannissitapaccayappaṭisevanabhedato tippabhedehi kuhanavatthūhi. Tividhena kuhanavatthunā lokaṃ kuhayati vimhāpayati ‘‘aho acchariyapuriso’’ti attani paresaṃ vimhayaṃ uppādetīti kuhako. Lābhasakkāratthiko hutvā lapati attānaṃ dāyakaṃ vā ukkhipitvā yathā so kiñci dadāti, evaṃ ukkācetvā kathetīti lapako. Nimittaṃ sīlaṃ tassāti nemittiko, nimittena vā carati, nimittaṃ vā karotīti nemittiko. Nimittanti ca paresaṃ paccayadānasaññuppādakaṃ kāyavacīkammaṃ vuccati . Nippeso sīlamassāti nippesiko. Nippisatīti vā nippeso, nippesoyeva nippesiko. Nippesoti ca saṭhapuriso viya lābhasakkāratthaṃ akkosanuppaṇḍanaparapiṭṭhimaṃsikatādi.
കുഹകസുത്തവണ്ണനാ നിട്ഠിതാ.
Kuhakasuttavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya / ൩. കുഹകസുത്തം • 3. Kuhakasuttaṃ
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) / ൩. കുഹകസുത്തവണ്ണനാ • 3. Kuhakasuttavaṇṇanā
