| Library / Tipiṭaka / তিপিটক • Tipiṭaka / ইতিৰুত্তকপাল়ি • Itivuttakapāḷi |
৯. কুহসুত্তং
9. Kuhasuttaṃ
১০৮. ৰুত্তঞ্হেতং ভগৰতা, ৰুত্তমরহতাতি মে সুতং –
108. Vuttañhetaṃ bhagavatā, vuttamarahatāti me sutaṃ –
‘‘যে কেচি, ভিক্খৰে, ভিক্খূ কুহা থদ্ধা লপা সিঙ্গী উন্নল়া অসমাহিতা, ন মে তে , ভিক্খৰে, ভিক্খূ মামকা। অপগতা চ তে, ভিক্খৰে, ভিক্খূ ইমস্মা ধম্মৰিনযা; ন চ তে 1 ইমস্মিং ধম্মৰিনযে ৰুদ্ধিং ৰিরূল়্হিং ৰেপুল্লং আপজ্জন্তি। যে চ খো, ভিক্খৰে, ভিক্খূ নিক্কুহা নিল্লপা ধীরা অত্থদ্ধা সুসমাহিতা, তে খো মে, ভিক্খৰে, ভিক্খূ মামকা। অনপগতা চ তে, ভিক্খৰে, ভিক্খূ ইমস্মা ধম্মৰিনযা; তে চ ইমস্মিং ধম্মৰিনযে 2 ৰুদ্ধিং ৰিরূল়্হিং ৰেপুল্লং আপজ্জন্তী’’তি। এতমত্থং ভগৰা অৰোচ। তত্থেতং ইতি ৰুচ্চতি –
‘‘Ye keci, bhikkhave, bhikkhū kuhā thaddhā lapā siṅgī unnaḷā asamāhitā, na me te , bhikkhave, bhikkhū māmakā. Apagatā ca te, bhikkhave, bhikkhū imasmā dhammavinayā; na ca te 3 imasmiṃ dhammavinaye vuddhiṃ virūḷhiṃ vepullaṃ āpajjanti. Ye ca kho, bhikkhave, bhikkhū nikkuhā nillapā dhīrā atthaddhā susamāhitā, te kho me, bhikkhave, bhikkhū māmakā. Anapagatā ca te, bhikkhave, bhikkhū imasmā dhammavinayā; te ca imasmiṃ dhammavinaye 4 vuddhiṃ virūḷhiṃ vepullaṃ āpajjantī’’ti. Etamatthaṃ bhagavā avoca. Tatthetaṃ iti vuccati –
‘‘কুহা থদ্ধা লপা সিঙ্গী, উন্নল়া অসমাহিতা।
‘‘Kuhā thaddhā lapā siṅgī, unnaḷā asamāhitā;
ন তে ধম্মে ৰিরূহন্তি, সম্মাসম্বুদ্ধদেসিতে॥
Na te dhamme virūhanti, sammāsambuddhadesite.
‘‘নিক্কুহা নিল্লপা ধীরা, অত্থদ্ধা সুসমাহিতা।
‘‘Nikkuhā nillapā dhīrā, atthaddhā susamāhitā;
তে ৰে ধম্মে ৰিরূহন্তি, সম্মাসম্বুদ্ধদেসিতে’’তি॥
Te ve dhamme virūhanti, sammāsambuddhadesite’’ti.
অযম্পি অত্থো ৰুত্তো ভগৰতা, ইতি মে সুতন্তি। নৰমং।
Ayampi attho vutto bhagavatā, iti me sutanti. Navamaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / ইতিৰুত্তক-অট্ঠকথা • Itivuttaka-aṭṭhakathā / ৯. কুহসুত্তৰণ্ণনা • 9. Kuhasuttavaṇṇanā
