| Library / Tipiṭaka / д̇ибидага • Tipiṭaka / ид̇ивуд̇д̇ага-адтагат̇аа • Itivuttaka-aṭṭhakathā |
9. гухасуд̇д̇аван̣н̣анаа
9. Kuhasuttavaṇṇanā
108. навамз гухаад̇и сааманд̇аж̇аббанаад̣̇инаа гуханавад̇т̇унаа гухагаа, асанд̇аг̇ун̣асамбхааванижчааяа гохан̃н̃ам̣ гад̇ваа барзсам̣ вимхаабагаад̇и ад̇т̇о. т̇ад̣̇д̇хаад̇и год̇хзна жа маанзна жа т̇ад̣̇д̇хамаанасаа. ‘‘год̇хано ход̇и убааяаасаб̣ахуло, аббамби вуд̇д̇о самаано абхисаж̇ж̇ад̇и губбад̇и б̣яаабаж̇ж̇ад̇и бад̇ид̇т̇ийяад̇ий’’д̇и (а. ни. 3.25; бу. ба. 101) звам̣ вуд̇д̇зна год̇хзна жа, ‘‘д̣̇уб̣б̣ажо ход̇и д̣̇оважассагаран̣зхи д̇хаммзхи саманнааг̇ад̇о агкамо аббад̣̇агкин̣аг̇г̇аахий анусаасани’’нд̇и (ма. ни. 1.181) звам̣ вуд̇д̇зна д̣̇оважассзна жа, ‘‘ж̇аад̇имад̣̇о, г̇од̇д̇амад̣̇о, сиббамад̣̇о, аарог̇яамад̣̇о, яоб̣б̣анамад̣̇о, ж̇ийвид̇амад̣̇о’’д̇и (вибха. 832) звам̣ вуд̇д̇зна ж̇аад̇имад̣̇аад̣̇ибхзд̣̇зна мад̣̇зна жа г̇аругаад̇аб̣б̣зсу г̇аруусу бараманибажжагаарам̣ агад̇ваа аяосалаагам̣ г̇илид̇ваа тид̇аа вияа анонад̇аа худ̇ваа вижаран̣агаа. лабаад̇и убалаабагаа мижчааж̇ийвавасзна гуласан̇г̇аахагаа бажжаяад̇т̇ам̣ баяуд̇д̇аваажаавасзна ниббзсигад̇аавасзна жа лабагаад̇и ваа ад̇т̇о.
108. Navame kuhāti sāmantajappanādinā kuhanavatthunā kuhakā, asantaguṇasambhāvanicchāya kohaññaṃ katvā paresaṃ vimhāpakāti attho. Thaddhāti kodhena ca mānena ca thaddhamānasā. ‘‘Kodhano hoti upāyāsabahulo, appampi vutto samāno abhisajjati kuppati byāpajjati patitthīyatī’’ti (a. ni. 3.25; pu. pa. 101) evaṃ vuttena kodhena ca, ‘‘dubbaco hoti dovacassakaraṇehi dhammehi samannāgato akkhamo appadakkhiṇaggāhī anusāsani’’nti (ma. ni. 1.181) evaṃ vuttena dovacassena ca, ‘‘jātimado, gottamado, sippamado, ārogyamado, yobbanamado, jīvitamado’’ti (vibha. 832) evaṃ vuttena jātimadādibhedena madena ca garukātabbesu garūsu paramanipaccakāraṃ akatvā ayosalākaṃ gilitvā ṭhitā viya anonatā hutvā vicaraṇakā. Lapāti upalāpakā micchājīvavasena kulasaṅgāhakā paccayatthaṃ payuttavācāvasena nippesikatāvasena ca lapakāti vā attho.
син̇г̇ийд̇и ‘‘д̇ад̇т̇а гад̇амам̣ син̇г̇ам̣? яам̣ син̇г̇ам̣ син̇г̇аарад̇аа жаад̇урад̇аа жаад̇урияам̣ баригкад̇д̇ад̇аа бааригкад̇д̇ияа’’нд̇и (вибха. 852) звам̣ вуд̇д̇зхи син̇г̇асад̣̇исзхи баагадагилзсзхи саманнааг̇ад̇аа. уннал̣аад̇и уг̇г̇ад̇анал̣аа, нал̣асад̣̇исам̣ д̇ужчамаанам̣ угкибид̇ваа вижаран̣агаа. асамаахид̇аад̇и жид̇д̇згаг̇г̇ад̇аамад̇д̇ассааби алаабхино. на мз д̇з, бхигкавз, бхигкуу маамагаад̇и д̇з маяхам̣ бхигкуу мама санд̇агаа на хонд̇и. мзд̇и ид̣̇ам̣ бад̣̇ам̣ ад̇д̇аанам̣ уд̣̇д̣̇исса баб̣б̣аж̇ид̇ад̇д̇аа бхаг̇авад̇аа вуд̇д̇ам̣. яасмаа бана д̇з гуханаад̣̇ияог̇ад̇о на саммаа бадибаннаа, д̇асмаа ‘‘на маамагаа’’д̇и вуд̇д̇аа. абаг̇ад̇аад̇и яад̣̇иби д̇з мама саасанз баб̣б̣аж̇ид̇аа, яат̇аанусидтам̣ бана аббадибаж̇ж̇анад̇о абаг̇ад̇аа зва имасмаа д̇хаммавинаяаа, ид̇о д̇з сувид̣̇ууравид̣̇уурз тид̇аад̇и д̣̇ассзд̇и. вуд̇д̇ан̃хзд̇ам̣ –
Siṅgīti ‘‘tattha katamaṃ siṅgaṃ? Yaṃ siṅgaṃ siṅgāratā cāturatā cāturiyaṃ parikkhattatā pārikkhattiya’’nti (vibha. 852) evaṃ vuttehi siṅgasadisehi pākaṭakilesehi samannāgatā. Unnaḷāti uggatanaḷā, naḷasadisaṃ tucchamānaṃ ukkhipitvā vicaraṇakā. Asamāhitāti cittekaggatāmattassāpi alābhino. Na me te, bhikkhave, bhikkhū māmakāti te mayhaṃ bhikkhū mama santakā na honti. Meti idaṃ padaṃ attānaṃ uddissa pabbajitattā bhagavatā vuttaṃ. Yasmā pana te kuhanādiyogato na sammā paṭipannā, tasmā ‘‘na māmakā’’ti vuttā. Apagatāti yadipi te mama sāsane pabbajitā, yathānusiṭṭhaṃ pana appaṭipajjanato apagatā eva imasmā dhammavinayā, ito te suvidūravidūre ṭhitāti dasseti. Vuttañhetaṃ –
‘‘набхан̃жа д̣̇уурз бат̇авий жа д̣̇уурз,
‘‘Nabhañca dūre pathavī ca dūre,
баарам̣ самуд̣̇д̣̇асса д̇ад̣̇ааху д̣̇уурз;
Pāraṃ samuddassa tadāhu dūre;
д̇ад̇о хавз д̣̇уурад̇арам̣ вад̣̇анд̇и,
Tato have dūrataraṃ vadanti,
сад̇ан̃жа д̇хаммам̣ асад̇ан̃жа рааж̇аа’’д̇и. (а. ни. 4.47; ж̇аа. 2.21.414);
Satañca dhammaṃ asatañca rājā’’ti. (a. ni. 4.47; jā. 2.21.414);
вуд̣̇д̇хим̣ вируул̣хим̣ взбуллам̣ аабаж̇ж̇анд̇ийд̇и сийлаад̣̇иг̇ун̣зхи вад̣дханавасзна вуд̣̇д̇хим̣, д̇ад̇т̇а нижжалабхаавзна вируул̣хим̣, саб̣б̣ад̇т̇а бад̇т̇адабхаавзна сийлаад̣̇ид̇хаммагканд̇хабаарибуурияаа взбуллам̣. на жа д̇з гухаад̣̇исабхааваа бхигкуу аабаж̇ж̇анд̇и, на жа баабун̣анд̇ийд̇и ад̇т̇о. д̇з ко мз, бхигкавз, бхигкуу маамагаад̇и ид̇хааби мзд̇и ад̇д̇аанам̣ уд̣̇д̣̇исса баб̣б̣аж̇ид̇ад̇д̇аа вад̣̇ад̇и, саммаа бадибаннад̇д̇аа бана ‘‘маамагаа’’д̇и ааха. вуд̇д̇авибарияааязна суггабагко взд̣̇ид̇аб̣б̣о. д̇ад̇т̇а яаава арахад̇д̇амаг̇г̇аа вирууханд̇и наама, арахад̇д̇апалз бана самбад̇д̇з вируул̣хим̣ взбуллам̣ аабаннаа наама. г̇аат̇аа сувин̃н̃зяяаа зва.
Vuddhiṃ virūḷhiṃ vepullaṃ āpajjantīti sīlādiguṇehi vaḍḍhanavasena vuddhiṃ, tattha niccalabhāvena virūḷhiṃ, sabbattha patthaṭabhāvena sīlādidhammakkhandhapāripūriyā vepullaṃ. Na ca te kuhādisabhāvā bhikkhū āpajjanti, na ca pāpuṇantīti attho. Te kho me, bhikkhave, bhikkhū māmakāti idhāpi meti attānaṃ uddissa pabbajitattā vadati, sammā paṭipannattā pana ‘‘māmakā’’ti āha. Vuttavipariyāyena sukkapakkho veditabbo. Tattha yāva arahattamaggā virūhanti nāma, arahattaphale pana sampatte virūḷhiṃ vepullaṃ āpannā nāma. Gāthā suviññeyyā eva.
навамасуд̇д̇аван̣н̣анаа нидтид̇аа.
Navamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ид̇ивуд̇д̇агабаал̣и • Itivuttakapāḷi / 9. гухасуд̇д̇ам̣ • 9. Kuhasuttaṃ
