| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
6. гухасуд̇д̇аван̣н̣анаа
6. Kuhasuttavaṇṇanā
26. чадтз гухагаад̇и сааманд̇аж̇аббанаад̣̇инаа гуханавад̇т̇унаа гухагаа, асанд̇аг̇ун̣асамбхааванижчааяа гохан̃н̃ам̣ гад̇ваа барзсам̣ вид̣̇д̇хам̣сагаад̇и ад̇т̇о. т̇ад̣̇д̇хаад̇и ‘‘год̇хано ход̇и убааяаасаб̣ахуло, аббамби вуд̇д̇о самаано абхисаж̇ж̇ад̇и губбад̇и б̣яаабаж̇ж̇ад̇и бад̇ид̇т̇ийяад̇ий’’д̇и (а. ни. 3.25, 27) звам̣ вуд̇д̇зна год̇хзна жа, ‘‘д̣̇уб̣б̣ажо ход̇и д̣̇оважассагаран̣зхи д̇хаммзхи саманнааг̇ад̇о агкамо аббад̣̇агкин̣аг̇г̇аахий анусаасани’’нд̇и (ма. ни. 1.181; баараа. 426). звам̣ вуд̇д̇зна д̣̇оважассзна жа, ‘‘ж̇аад̇имад̣̇о, г̇од̇д̇амад̣̇о, лаабхамад̣̇о, аарог̇яамад̣̇о, яоб̣б̣анамад̣̇о, ж̇ийвид̇амад̣̇о’’д̇и (вибха. 832) звам̣ вуд̇д̇аж̇аад̇имад̣̇аад̣̇ибхзд̣̇зна маанзна жа г̇аругаад̇аб̣б̣зсу г̇аруусуби нибажжагаарам̣ агад̇ваа аяосалаагам̣ г̇илид̇ваа тид̇аа вияа анонад̇аа худ̇ваа вижаран̣агаа. д̇знааха ‘‘год̇хзна жаа’’д̇иаад̣̇и.
26. Chaṭṭhe kuhakāti sāmantajappanādinā kuhanavatthunā kuhakā, asantaguṇasambhāvanicchāya kohaññaṃ katvā paresaṃ viddhaṃsakāti attho. Thaddhāti ‘‘kodhano hoti upāyāsabahulo, appampi vutto samāno abhisajjati kuppati byāpajjati patitthīyatī’’ti (a. ni. 3.25, 27) evaṃ vuttena kodhena ca, ‘‘dubbaco hoti dovacassakaraṇehi dhammehi samannāgato akkhamo appadakkhiṇaggāhī anusāsani’’nti (ma. ni. 1.181; pārā. 426). Evaṃ vuttena dovacassena ca, ‘‘jātimado, gottamado, lābhamado, ārogyamado, yobbanamado, jīvitamado’’ti (vibha. 832) evaṃ vuttajātimadādibhedena mānena ca garukātabbesu garūsupi nipaccakāraṃ akatvā ayosalākaṃ gilitvā ṭhitā viya anonatā hutvā vicaraṇakā. Tenāha ‘‘kodhena cā’’tiādi.
убалаабагаад̇и мижчааж̇ийвавасзна гуласан̇г̇ан̣хагаа. лабаад̇и бажжаяад̇т̇ам̣ баяуд̇д̇аваажаавасзна ниббзсигад̇аавасзна лабагаад̇и ад̇т̇о. син̇г̇анд̇и син̇г̇аарам̣. д̇ан̃хи гусаласса виж̇жханад̇о судту аасзвид̇ад̇ааяа сийсз баригкид̇д̇ам̣ суниб̣б̣ад̇д̇ам̣ висаан̣ам̣ вияа т̇ирад̇д̇аа жа син̇г̇ам̣ вияаад̇и син̇г̇ам̣, нааг̇аригабхаавасан̇каад̇асса гилзсасин̇г̇ассзд̇ам̣ наамам̣. син̇г̇аарабхааво син̇г̇аарад̇аа, син̇г̇аарагаран̣агааагааро ваа. жаад̇урабхааво жаад̇урад̇аа. д̇ат̇аа жаад̇урияам̣. баригкад̇абхааво баригкад̇ад̇аа, барикан̣ид̇ваа табид̇ассзва д̣̇ал̣хасин̇г̇аарассзд̇ам̣ наамам̣. ид̇арам̣ д̇ассзва взважанам̣. звам̣ саб̣б̣зхи ваарзхи гилзсасин̇г̇аарад̇аава гат̇ид̇аа.
Upalāpakāti micchājīvavasena kulasaṅgaṇhakā. Lapāti paccayatthaṃ payuttavācāvasena nippesikatāvasena lapakāti attho. Siṅganti siṅgāraṃ. Tañhi kusalassa vijjhanato suṭṭhu āsevitatāya sīse parikkhittaṃ sunibbattaṃ visāṇaṃ viya thirattā ca siṅgaṃ viyāti siṅgaṃ, nāgarikabhāvasaṅkhātassa kilesasiṅgassetaṃ nāmaṃ. Siṅgārabhāvo siṅgāratā, siṅgārakaraṇakaākāro vā. Cāturabhāvo cāturatā. Tathā cāturiyaṃ. Parikkhatabhāvo parikkhatatā, parikhaṇitvā ṭhapitasseva daḷhasiṅgārassetaṃ nāmaṃ. Itaraṃ tasseva vevacanaṃ. Evaṃ sabbehi vārehi kilesasiṅgāratāva kathitā.
уг̇г̇ад̇анал̣аад̇и нал̣асад̣̇исам̣ д̇ужчамаанам̣ угкибид̇ваа вижаран̣агаа. д̇знааха ‘‘д̇ужчамаанам̣ угкибид̇ваа тид̇аа’’д̇и. яасмаа д̇з гуханаад̣̇ияог̇ад̇о на саммаабадибаннаа, д̇асмаа ‘‘мама санд̇агаа на хонд̇ий’’д̇и вуд̇д̇ам̣. абаг̇ад̇аад̇и яад̣̇иби д̇з мама саасанз баб̣б̣аж̇ид̇аа, яат̇аанусидтам̣ бана аббадибаж̇ж̇анад̇о абаг̇ад̇аа зва имасмаа д̇хаммавинаяаа, ид̇о д̇з сувид̣̇уурз тид̇аад̇и д̣̇ассзд̇и. вуд̇д̇ан̃хзд̇ам̣ –
Uggatanaḷāti naḷasadisaṃ tucchamānaṃ ukkhipitvā vicaraṇakā. Tenāha ‘‘tucchamānaṃ ukkhipitvā ṭhitā’’ti. Yasmā te kuhanādiyogato na sammāpaṭipannā, tasmā ‘‘mama santakā na hontī’’ti vuttaṃ. Apagatāti yadipi te mama sāsane pabbajitā, yathānusiṭṭhaṃ pana appaṭipajjanato apagatā eva imasmā dhammavinayā, ito te suvidūre ṭhitāti dasseti. Vuttañhetaṃ –
‘‘набхан̃жа д̣̇уурз бат̇авий жа д̣̇уурз,
‘‘Nabhañca dūre pathavī ca dūre,
баарам̣ самуд̣̇д̣̇асса д̇ад̣̇ааху д̣̇уурз;
Pāraṃ samuddassa tadāhu dūre;
д̇ад̇о хавз д̣̇уурад̇арам̣ вад̣̇анд̇и,
Tato have dūrataraṃ vadanti,
сад̇ан̃жа д̇хаммо асад̇ан̃жа рааж̇аа’’д̇и. (ж̇аа. 2.21.414);
Satañca dhammo asatañca rājā’’ti. (jā. 2.21.414);
саб̣б̣ад̇т̇а бад̇т̇адад̇ааяа взбуллам̣ баабун̣анд̇ийд̇и саб̣б̣ад̇т̇а бад̇т̇адабхаавзна сийлаад̣̇ид̇хаммагканд̇хабаарибуурияаа взбуллам̣ баабун̣анд̇и.
Sabbatthapatthaṭatāya vepullaṃ pāpuṇantīti sabbattha patthaṭabhāvena sīlādidhammakkhandhapāripūriyā vepullaṃ pāpuṇanti.
гухасуд̇д̇аван̣н̣анаа нидтид̇аа.
Kuhasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 6. гухасуд̇д̇ам̣ • 6. Kuhasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 6. гухасуд̇д̇аван̣н̣анаа • 6. Kuhasuttavaṇṇanā
