| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၆. ကုဟသုတ္တဝဏ္ဏနာ
6. Kuhasuttavaṇṇanā
၂၆. ဆဋ္ဌေ ကုဟာတိ ကုဟကာ။ ထဒ္ဓာတိ ကောဓေန စ မာနေန စ ထဒ္ဓာ။ လပာတိ ဥပလာပကာ။ သိင္ဂီတိ ‘‘တတ္ထ ကတမံ သိင္ဂံ, ယံ သိင္ဂံ သိင္ဂာရတာ စာတုရတာ စာတုရိယံ ပရိက္ခတ္တတာ ပာရိက္ခတ္တိယ’’န္တိ (ဝိဘ. ၈၅၂) ဧဝံ ဝုတ္တေဟိ သိင္ဂသဒိသေဟိ ပာကဋကိလေသေဟိ သမန္နာဂတာ။ ဥန္နဠာတိ ဥဂ္ဂတနဠာ တုစ္ဆမာနံ ဥက္ခိပိတ္ဝာ ဌိတာ။ အသမာဟိတာတိ စိတ္တေကဂ္ဂမတ္တသ္သာပိ အလာဘိနော။ န မေ တေ, ဘိက္ခဝေ, ဘိက္ခူ မာမကာတိ တေ မယ္ဟံ ဘိက္ခူ မမ သန္တကာ န ဟောန္တိ။ ‘‘တေ မယ္ဟ’’န္တိ ဣဒံ ပန သတ္ထာရံ ဥဒ္ဒိသ္သ ပဗ္ဗဇိတတ္တာ ဝုတ္တံ။ တေ ခော မေ, ဘိက္ခဝေ, ဘိက္ခူ မာမကာတိ ဣဓာပိ မေတိ အတ္တာနံ ဥဒ္ဒိသ္သ ပဗ္ဗဇိတတ္တာ ဝဒတိ, သမ္မာပဋိပန္နတ္တာ ပန ‘‘မာမကာ’’တိ အာဟ။ ဝုဒ္ဓိံ ဝိရူဠ္ဟိံ ဝေပုလ္လံ အာပဇ္ဇန္တီတိ သီလာဒီဟိ ဂုဏေဟိ ဝဍ္ဎနတော ဝုဒ္ဓိံ, နိစ္စလဘာဝေန ဝိရူဠ္ဟိံ, သဗ္ဗတ္ထ ပတ္ထဋတာယ ဝေပုလ္လံ ပာပုဏန္တိ။ တေ ပနေတေ ယာဝ အရဟတ္တမဂ္ဂာ ဝိရုဟန္တိ, အရဟတ္တဖလံ ပတ္တေ ဝိရူဠ္ဟာ နာမ ဟောန္တိ။ ဣတိ ဣမသ္မိံ သုတ္တေပိ ဂာထာသုပိ ဝဋ္ဋဝိဝဋ္ဋမေဝ ကထိတံ။
26. Chaṭṭhe kuhāti kuhakā. Thaddhāti kodhena ca mānena ca thaddhā. Lapāti upalāpakā. Siṅgīti ‘‘tattha katamaṃ siṅgaṃ, yaṃ siṅgaṃ siṅgāratā cāturatā cāturiyaṃ parikkhattatā pārikkhattiya’’nti (vibha. 852) evaṃ vuttehi siṅgasadisehi pākaṭakilesehi samannāgatā. Unnaḷāti uggatanaḷā tucchamānaṃ ukkhipitvā ṭhitā. Asamāhitāti cittekaggamattassāpi alābhino. Name te, bhikkhave, bhikkhū māmakāti te mayhaṃ bhikkhū mama santakā na honti. ‘‘Te mayha’’nti idaṃ pana satthāraṃ uddissa pabbajitattā vuttaṃ. Te kho me, bhikkhave, bhikkhū māmakāti idhāpi meti attānaṃ uddissa pabbajitattā vadati, sammāpaṭipannattā pana ‘‘māmakā’’ti āha. Vuddhiṃ virūḷhiṃ vepullaṃ āpajjantīti sīlādīhi guṇehi vaḍḍhanato vuddhiṃ, niccalabhāvena virūḷhiṃ, sabbattha patthaṭatāya vepullaṃ pāpuṇanti. Te panete yāva arahattamaggā viruhanti, arahattaphalaṃ patte virūḷhā nāma honti. Iti imasmiṃ suttepi gāthāsupi vaṭṭavivaṭṭameva kathitaṃ.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၆. ကုဟသုတ္တံ • 6. Kuhasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၆. ကုဟသုတ္တဝဏ္ဏနာ • 6. Kuhasuttavaṇṇanā
