| Library / Tipiṭaka / තිපිටක • Tipiṭaka / මහාවග්‌ගපාළි • Mahāvaggapāḷi |
98. කුක්‌කුච්‌චපකතපන්‌නරසකං
98. Kukkuccapakatapannarasakaṃ
175. ඉධ පන, භික්‌ඛවෙ, අඤ්‌ඤතරස්‌මිං ආවාසෙ තදහුපොසථෙ සම්‌බහුලා ආවාසිකා භික්‌ඛූ සන්‌නිපතන්‌ති චත්‌තාරො වා අතිරෙකා වා. තෙ ජානන්‌ති ‘‘අත්‌ථඤ්‌ඤෙ ආවාසිකා භික්‌ඛූ අනාගතා’’ති. තෙ ‘‘කප්‌පතෙව අම්‌හාකං උපොසථො කාතුං නාම්‌හාකං න කප්‌පතී’’ති, කුක්‌කුච්‌චපකතා උපොසථං කරොන්‌ති, පාතිමොක්‌ඛං උද්‌දිසන්‌ති. තෙහි උද්‌දිස්‌සමානෙ පාතිමොක්‌ඛෙ, අථඤ්‌ඤෙ ආවාසිකා භික්‌ඛූ ආගච්‌ඡන්‌ති බහුතරා. තෙහි, භික්‌ඛවෙ, භික්‌ඛූහි පුන පාතිමොක්‌ඛං උද්‌දිසිතබ්‌බං. උද්‌දෙසකානං ආපත්‌ති දුක්‌කටස්‌ස.
175. Idha pana, bhikkhave, aññatarasmiṃ āvāse tadahuposathe sambahulā āvāsikā bhikkhū sannipatanti cattāro vā atirekā vā. Te jānanti ‘‘atthaññe āvāsikā bhikkhū anāgatā’’ti. Te ‘‘kappateva amhākaṃ uposatho kātuṃ nāmhākaṃ na kappatī’’ti, kukkuccapakatā uposathaṃ karonti, pātimokkhaṃ uddisanti. Tehi uddissamāne pātimokkhe, athaññe āvāsikā bhikkhū āgacchanti bahutarā. Tehi, bhikkhave, bhikkhūhi puna pātimokkhaṃ uddisitabbaṃ. Uddesakānaṃ āpatti dukkaṭassa.
ඉධ පන, භික්‌ඛවෙ, අඤ්‌ඤතරස්‌මිං ආවාසෙ තදහුපොසථෙ සම්‌බහුලා ආවාසිකා භික්‌ඛූ සන්‌නිපතන්‌ති චත්‌තාරො වා අතිරෙකා වා. තෙ ජානන්‌ති ‘‘අත්‌ථඤ්‌ඤෙ ආවාසිකා භික්‌ඛූ අනාගතා’’ති. තෙ ‘‘කප්‌පතෙව අම්‌හාකං උපොසථො කාතුං නාම්‌හාකං න කප්‌පතී’’ති, කුක්‌කුච්‌චපකතා උපොසථං කරොන්‌ති, පාතිමොක්‌ඛං උද්‌දිසන්‌ති. තෙහි උද්‌දිස්‌සමානෙ පාතිමොක්‌ඛෙ, අථඤ්‌ඤෙ ආවාසිකා භික්‌ඛූ ආගච්‌ඡන්‌ති සමසමා. උද්‌දිට්‌ඨං සුඋද්‌දිට්‌ඨං, අවසෙසං සොතබ්‌බං. උද්‌දෙසකානං ආපත්‌ති දුක්‌කටස්‌ස.
Idha pana, bhikkhave, aññatarasmiṃ āvāse tadahuposathe sambahulā āvāsikā bhikkhū sannipatanti cattāro vā atirekā vā. Te jānanti ‘‘atthaññe āvāsikā bhikkhū anāgatā’’ti. Te ‘‘kappateva amhākaṃ uposatho kātuṃ nāmhākaṃ na kappatī’’ti, kukkuccapakatā uposathaṃ karonti, pātimokkhaṃ uddisanti. Tehi uddissamāne pātimokkhe, athaññe āvāsikā bhikkhū āgacchanti samasamā. Uddiṭṭhaṃ suuddiṭṭhaṃ, avasesaṃ sotabbaṃ. Uddesakānaṃ āpatti dukkaṭassa.
ඉධ පන, භික්‌ඛවෙ, අඤ්‌ඤතරස්‌මිං ආවාසෙ තදහුපොසථෙ සම්‌බහුලා ආවාසිකා භික්‌ඛූ සන්‌නිපතන්‌ති චත්‌තාරො වා අතිරෙකා වා. තෙ ජානන්‌ති ‘‘අත්‌ථඤ්‌ඤෙ ආවාසිකා භික්‌ඛූ අනාගතා’’ති. තෙ ‘‘කප්‌පතෙව අම්‌හාකං උපොසථො කාතුං, නාම්‌හාකං න කප්‌පතී’’ති, කුක්‌කුච්‌චපකතා උපොසථං කරොන්‌ති, පාතිමොක්‌ඛං උද්‌දිසන්‌ති. තෙහි උද්‌දිස්‌සමානෙ පාතිමොක්‌ඛෙ, අථඤ්‌ඤෙ ආවාසිකා භික්‌ඛූ ආගච්‌ඡන්‌ති ථොකතරා. උද්‌දිට්‌ඨං සුඋද්‌දිට්‌ඨං, අවසෙසං සොතබ්‌බං. උද්‌දෙසකානං ආපත්‌ති දුක්‌කටස්‌ස.
Idha pana, bhikkhave, aññatarasmiṃ āvāse tadahuposathe sambahulā āvāsikā bhikkhū sannipatanti cattāro vā atirekā vā. Te jānanti ‘‘atthaññe āvāsikā bhikkhū anāgatā’’ti. Te ‘‘kappateva amhākaṃ uposatho kātuṃ, nāmhākaṃ na kappatī’’ti, kukkuccapakatā uposathaṃ karonti, pātimokkhaṃ uddisanti. Tehi uddissamāne pātimokkhe, athaññe āvāsikā bhikkhū āgacchanti thokatarā. Uddiṭṭhaṃ suuddiṭṭhaṃ, avasesaṃ sotabbaṃ. Uddesakānaṃ āpatti dukkaṭassa.
ඉධ පන, භික්‌ඛවෙ , අඤ්‌ඤතරස්‌මිං ආවාසෙ තදහුපොසථෙ සම්‌බහුලා ආවාසිකා භික්‌ඛූ සන්‌නිපතන්‌ති චත්‌තාරො වා අතිරෙකා වා. තෙ ජානන්‌ති ‘‘අත්‌ථඤ්‌ඤෙ ආවාසිකා භික්‌ඛූ අනාගතා’’ති. තෙ ‘‘කප්‌පතෙව අම්‌හාකං උපොසථො කාතුං නාම්‌හාකං න කප්‌පතී’’ති, කුක්‌කුච්‌චපකතා උපොසථං කරොන්‌ති, පාතිමොක්‌ඛං උද්‌දිසන්‌ති. තෙහි උද්‌දිට්‌ඨමත්‌තෙ පාතිමොක්‌ඛෙ,…පෙ.… අවුට්‌ඨිතාය පරිසාය…පෙ.… එකච්‌චාය වුට්‌ඨිතාය පරිසාය…පෙ.… සබ්‌බාය වුට්‌ඨිතාය පරිසාය, අථඤ්‌ඤෙ ආවාසිකා භික්‌ඛූ ආගච්‌ඡන්‌ති බහුතරා…පෙ.… සමසමා …පෙ.… ථොකතරා. උද්‌දිට්‌ඨං සුඋද්‌දිට්‌ඨං, තෙසං සන්‌තිකෙ පාරිසුද්‌ධි ආරොචෙතබ්‌බා. උද්‌දෙසකානං ආපත්‌ති දුක්‌කටස්‌ස.
Idha pana, bhikkhave , aññatarasmiṃ āvāse tadahuposathe sambahulā āvāsikā bhikkhū sannipatanti cattāro vā atirekā vā. Te jānanti ‘‘atthaññe āvāsikā bhikkhū anāgatā’’ti. Te ‘‘kappateva amhākaṃ uposatho kātuṃ nāmhākaṃ na kappatī’’ti, kukkuccapakatā uposathaṃ karonti, pātimokkhaṃ uddisanti. Tehi uddiṭṭhamatte pātimokkhe,…pe… avuṭṭhitāya parisāya…pe… ekaccāya vuṭṭhitāya parisāya…pe… sabbāya vuṭṭhitāya parisāya, athaññe āvāsikā bhikkhū āgacchanti bahutarā…pe… samasamā …pe… thokatarā. Uddiṭṭhaṃ suuddiṭṭhaṃ, tesaṃ santike pārisuddhi ārocetabbā. Uddesakānaṃ āpatti dukkaṭassa.
කුක්‌කුච්‌චපකතපන්‌නරසකං නිට්‌ඨිතං.
Kukkuccapakatapannarasakaṃ niṭṭhitaṃ.
Related texts:
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / මහාවග්‌ග-අට්‌ඨකථා • Mahāvagga-aṭṭhakathā / අනාපත්‌තිපන්‌නරසකාදිකථා • Anāpattipannarasakādikathā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 95. අනාපත්‌තිපන්‌නරසකාදිකථා • 95. Anāpattipannarasakādikathā
