| Library / Tipiṭaka / तिपिटक • Tipiṭaka / जातकपाळि • Jātakapāḷi |
७. सत्तकनिपातो
7. Sattakanipāto
१. कुक्कुवग्गो
1. Kukkuvaggo
३९६. कुक्कुजातकं (७-१-१)
396. Kukkujātakaṃ (7-1-1)
१.
1.
दियड्ढकुक्कू उदयेन कण्णिका, विदत्थियो अट्ठ परिक्खिपन्ति नं।
Diyaḍḍhakukkū udayena kaṇṇikā, vidatthiyo aṭṭha parikkhipanti naṃ;
२.
2.
ताहि सुसङ्गहिता बलसा पीळिता 9, समं ठिता उप्परितो न धंसति॥
Tāhi susaṅgahitā balasā pīḷitā 10, samaṃ ṭhitā upparito na dhaṃsati.
३.
3.
एवम्पि मित्तेहि दळ्हेहि पण्डितो, अभेज्जरूपेहि सुचीहि मन्तिभि।
Evampi mittehi daḷhehi paṇḍito, abhejjarūpehi sucīhi mantibhi;
सुसङ्गहीतो सिरिया न धंसति, गोपाणसी भारवहाव कण्णिका॥
Susaṅgahīto siriyā na dhaṃsati, gopāṇasī bhāravahāva kaṇṇikā.
४.
4.
खरत्तचं बेल्लं यथापि सत्थवा, अनामसन्तोपि करोति तित्तकं।
Kharattacaṃ bellaṃ yathāpi satthavā, anāmasantopi karoti tittakaṃ;
समाहरं सादुं करोति पत्थिव, असादुं कयिरा तनुबन्धमुद्धरं 11॥
Samāharaṃ sāduṃ karoti patthiva, asāduṃ kayirā tanubandhamuddharaṃ 12.
५.
5.
एवम्पि गामनिगमेसु पण्डितो, असाहसं राजधनानि सङ्घरं।
Evampi gāmanigamesu paṇḍito, asāhasaṃ rājadhanāni saṅgharaṃ;
धम्मानुवत्ती पटिपज्जमानो, स फाति कयिरा अविहेठयं परं॥
Dhammānuvattī paṭipajjamāno, sa phāti kayirā aviheṭhayaṃ paraṃ.
६.
6.
ओदातमूलं सुचिवारिसम्भवं, जातं यथा पोक्खरणीसु अम्बुजं।
Odātamūlaṃ sucivārisambhavaṃ, jātaṃ yathā pokkharaṇīsu ambujaṃ;
पदुमं यथा अग्गिनिकासिफालिमं, न कद्दमो न रजो न वारि लिम्पति॥
Padumaṃ yathā agginikāsiphālimaṃ, na kaddamo na rajo na vāri limpati.
७.
7.
एवम्पि वोहारसुचिं असाहसं, विसुद्धकम्मन्तमपेतपापकं।
Evampi vohārasuciṃ asāhasaṃ, visuddhakammantamapetapāpakaṃ;
न लिम्पति कम्मकिलेस तादिसो, जातं यथा पोक्खरणीसु अम्बुजन्ति॥
Na limpati kammakilesa tādiso, jātaṃ yathā pokkharaṇīsu ambujanti.
कुक्कुजातकं पठमं।
Kukkujātakaṃ paṭhamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / जातक-अट्ठकथा • Jātaka-aṭṭhakathā / [३९६] १. कुक्कुजातकवण्णना • [396] 1. Kukkujātakavaṇṇanā
