| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
7. сад̇д̇аганибаад̇о
7. Sattakanipāto
1. гуггуваг̇г̇о
1. Kukkuvaggo
[396] 1. гуггуж̇аад̇агаван̣н̣анаа
[396] 1. Kukkujātakavaṇṇanā
д̣̇ияад̣дхагуггууд̇и ид̣̇ам̣ сад̇т̇аа ж̇зд̇аванз вихаранд̇о рааж̇оваад̣̇ам̣ аараб̣бха гат̇зси. бажжуббаннавад̇т̇у д̇зсагун̣аж̇аад̇агз (ж̇аа. 2.17.1 аад̣̇аяо) аави бхависсад̇и.
Diyaḍḍhakukkūti idaṃ satthā jetavane viharanto rājovādaṃ ārabbha kathesi. Paccuppannavatthu tesakuṇajātake (jā. 2.17.1 ādayo) āvi bhavissati.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о д̇асса ад̇т̇ад̇хаммаанусаасаго амажжо ахоси. рааж̇аа аг̇ад̇иг̇аманз бад̇идтааяа ад̇хаммзна раж̇ж̇ам̣ гаарзси, ж̇анабад̣̇ам̣ бийл̣зд̇ваа д̇ханамзва сам̣хари. б̣од̇хисад̇д̇о рааж̇аанам̣ овад̣̇ид̇угаамо згам̣ убамам̣ убад̇хаарзнд̇о вижарад̇и, ран̃н̃о уяяаанз ваасааг̇аарам̣ виббагад̇ам̣ ход̇и анидтид̇ажчад̣̇анам̣, д̣̇ааруган̣н̣игам̣ ааробзд̇ваа г̇обаанасияо бавзсид̇амад̇д̇аа хонд̇и. рааж̇аа гийл̣анад̇т̇ааяа уяяаанам̣ г̇анд̇ваа д̇ад̇т̇а вижарид̇ваа д̇ам̣ г̇зхам̣ бависид̇ваа уллогзнд̇о ган̣н̣игаман̣д̣алам̣ д̣̇исваа ад̇д̇ано убарибад̇анабхаязна нигкамид̇ваа б̣ахи тид̇о буна ологзд̇ваа ‘‘гим̣ ну ко ниссааяа ган̣н̣игаа тид̇аа, гим̣ ниссааяа г̇обаанасияо’’д̇и жинд̇зд̇ваа б̣од̇хисад̇д̇ам̣ бужчанд̇о батамам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto tassa atthadhammānusāsako amacco ahosi. Rājā agatigamane patiṭṭhāya adhammena rajjaṃ kāresi, janapadaṃ pīḷetvā dhanameva saṃhari. Bodhisatto rājānaṃ ovaditukāmo ekaṃ upamaṃ upadhārento vicarati, rañño uyyāne vāsāgāraṃ vippakataṃ hoti aniṭṭhitacchadanaṃ, dārukaṇṇikaṃ āropetvā gopānasiyo pavesitamattā honti. Rājā kīḷanatthāya uyyānaṃ gantvā tattha vicaritvā taṃ gehaṃ pavisitvā ullokento kaṇṇikamaṇḍalaṃ disvā attano uparipatanabhayena nikkhamitvā bahi ṭhito puna oloketvā ‘‘kiṃ nu kho nissāya kaṇṇikā ṭhitā, kiṃ nissāya gopānasiyo’’ti cintetvā bodhisattaṃ pucchanto paṭhamaṃ gāthamāha –
1.
1.
‘‘д̣̇ияад̣дхагуггуу уд̣̇аязна ган̣н̣игаа, вид̣̇ад̇т̇ияо адта баригкибанд̇и нам̣;
‘‘Diyaḍḍhakukkū udayena kaṇṇikā, vidatthiyo aṭṭha parikkhipanti naṃ;
саа сим̣сабаа, саарамаяаа апзг̇г̇угаа, гухим̣ тид̇аа уббарид̇о на д̇хам̣сад̇ий’’д̇и.
Sā siṃsapā, sāramayā apheggukā, kuhiṃ ṭhitā upparito na dhaṃsatī’’ti.
д̇ад̇т̇а д̣̇ияад̣дхагуггууд̇и д̣̇ияад̣дхарад̇анаа. уд̣̇аязнаад̇и ужжад̇д̇зна. баригкибанд̇и нанд̇и д̇ам̣ банзд̇ам̣ адта вид̣̇ад̇т̇ияо баригкибанд̇и, баригкзбад̇о адтавид̣̇ад̇т̇ибамаан̣аад̇и вуд̇д̇ам̣ ход̇и. гухим̣ тид̇аад̇и гад̇т̇а бад̇идтид̇аа худ̇ваа. на д̇хам̣сад̇ийд̇и на бад̇ад̇и.
Tattha diyaḍḍhakukkūti diyaḍḍharatanā. Udayenāti uccattena. Parikkhipanti nanti taṃ panetaṃ aṭṭha vidatthiyo parikkhipanti, parikkhepato aṭṭhavidatthipamāṇāti vuttaṃ hoti. Kuhiṃ ṭhitāti kattha patiṭṭhitā hutvā. Na dhaṃsatīti na patati.
д̇ам̣ суд̇ваа б̣од̇хисад̇д̇о ‘‘лад̣̇д̇хаа д̣̇аани мз ран̃н̃о оваад̣̇ад̇т̇ааяа убамаа’’д̇и жинд̇зд̇ваа имаа г̇аат̇аа ааха –
Taṃ sutvā bodhisatto ‘‘laddhā dāni me rañño ovādatthāya upamā’’ti cintetvā imā gāthā āha –
2.
2.
‘‘яаа д̇им̣сад̇и саарамаяаа ануж̇ж̇угаа, баригирияа г̇обаанасияо самам̣ тид̇аа;
‘‘Yā tiṃsati sāramayā anujjukā, parikiriya gopānasiyo samaṃ ṭhitā;
д̇аахи сусан̇г̇ахид̇аа б̣аласаа бийл̣ид̇аа, самам̣ тид̇аа уббарид̇о на д̇хам̣сад̇и.
Tāhi susaṅgahitā balasā pīḷitā, samaṃ ṭhitā upparito na dhaṃsati.
3.
3.
‘‘звамби мид̇д̇зхи д̣̇ал̣хзхи бан̣д̣ид̇о, абхзж̇ж̇аруубзхи сужийхи манд̇ибхи;
‘‘Evampi mittehi daḷhehi paṇḍito, abhejjarūpehi sucīhi mantibhi;
сусан̇г̇ахийд̇о сирияаа на д̇хам̣сад̇и, г̇обаанасийбхааравахаава ган̣н̣игаа’’д̇и.
Susaṅgahīto siriyā na dhaṃsati, gopānasībhāravahāva kaṇṇikā’’ti.
д̇ад̇т̇а яаа д̇им̣сад̇и саарамаяаад̇и яаа зд̇аа саараругкамаяаа д̇им̣сад̇и г̇обаанасияо. баригирияаад̇и бариваарзд̇ваа. самам̣ тид̇аад̇и самабхааг̇зна тид̇аа. б̣аласаа бийл̣ид̇аад̇и д̇аахи д̇аахи г̇обаанасийхи б̣алзна бийл̣ид̇аа судту сан̇г̇ахид̇аа згааб̣ад̣̇д̇хаа худ̇ваа. бан̣д̣ид̇од̇и н̃аан̣асамбанно рааж̇аа. сужийхийд̇и сужисамаажаарзхи галяаан̣амид̇д̇зхи. манд̇ибхийд̇и манд̇агусалзхи. г̇обаанасийбхааравахаава ган̣н̣игаад̇и яат̇аа г̇обаанасийнам̣ бхаарам̣ вахамаанаа ган̣н̣игаа на д̇хам̣сад̇и на бад̇ад̇и, звам̣ рааж̇ааби вуд̇д̇аббагаарзхи манд̇ийхи абхиж̇ж̇ахад̣̇аязхи сусан̇г̇ахид̇о сирид̇о на д̇хам̣сад̇и на бад̇ад̇и на барихааяад̇и.
Tattha yā tiṃsati sāramayāti yā etā sārarukkhamayā tiṃsati gopānasiyo. Parikiriyāti parivāretvā. Samaṃ ṭhitāti samabhāgena ṭhitā. Balasā pīḷitāti tāhi tāhi gopānasīhi balena pīḷitā suṭṭhu saṅgahitā ekābaddhā hutvā. Paṇḍitoti ñāṇasampanno rājā. Sucīhīti sucisamācārehi kalyāṇamittehi. Mantibhīti mantakusalehi. Gopānasībhāravahāva kaṇṇikāti yathā gopānasīnaṃ bhāraṃ vahamānā kaṇṇikā na dhaṃsati na patati, evaṃ rājāpi vuttappakārehi mantīhi abhijjahadayehi susaṅgahito sirito na dhaṃsati na patati na parihāyati.
рааж̇аа б̣од̇хисад̇д̇з гат̇знд̇зязва ад̇д̇ано гирияам̣ саллагкзд̇ваа ган̣н̣игааяа асад̇и г̇обаанасияо на д̇идтанд̇и, г̇обаанасийхи асан̇г̇ахид̇аа ган̣н̣игаа на д̇идтад̇и, г̇обаанасийсу бхиж̇ж̇анд̇ийсу ган̣н̣игаа бад̇ад̇и, звамзва ад̇хаммиго рааж̇аа ад̇д̇ано мид̇д̇аамажжз жа б̣алагааяз жа б̣раахман̣аг̇ахабад̇игз жа асан̇г̇ан̣ханд̇о д̇зсу бхиж̇ж̇анд̇зсу д̇зхи асан̇г̇ахид̇о иссарияаа д̇хам̣сад̇и, ран̃н̃аа наама д̇хаммигзна бхавид̇аб̣б̣анд̇и. ат̇асса д̇асмим̣ кан̣з бан̣н̣аагаарад̇т̇ааяа маад̇улун̇г̇ам̣ аахарим̣су. рааж̇аа ‘‘сахааяа, имам̣ маад̇улун̇г̇ам̣ каад̣̇аа’’д̇и б̣од̇хисад̇д̇ам̣ ааха. б̣од̇хисад̇д̇о д̇ам̣ г̇ахзд̇ваа ‘‘махаарааж̇а, имам̣ каад̣̇ид̇ум̣ аж̇аананд̇аа д̇ид̇д̇агам̣ ваа гаронд̇и амб̣илам̣ ваа, ж̇аананд̇аа бана бан̣д̣ид̇аа д̇ид̇д̇агам̣ хаарзд̇ваа амб̣илам̣ анийхарид̇ваа маад̇улун̇г̇арасам̣ анаасзд̇ваава каад̣̇анд̇ий’’д̇и ран̃н̃о имааяа убамааяа д̇ханасан̇гхаран̣уубааяам̣ д̣̇ассзнд̇о д̣̇вз г̇аат̇аа абхааси –
Rājā bodhisatte kathenteyeva attano kiriyaṃ sallakkhetvā kaṇṇikāya asati gopānasiyo na tiṭṭhanti, gopānasīhi asaṅgahitā kaṇṇikā na tiṭṭhati, gopānasīsu bhijjantīsu kaṇṇikā patati, evameva adhammiko rājā attano mittāmacce ca balakāye ca brāhmaṇagahapatike ca asaṅgaṇhanto tesu bhijjantesu tehi asaṅgahito issariyā dhaṃsati, raññā nāma dhammikena bhavitabbanti. Athassa tasmiṃ khaṇe paṇṇākāratthāya mātuluṅgaṃ āhariṃsu. Rājā ‘‘sahāya, imaṃ mātuluṅgaṃ khādā’’ti bodhisattaṃ āha. Bodhisatto taṃ gahetvā ‘‘mahārāja, imaṃ khādituṃ ajānantā tittakaṃ vā karonti ambilaṃ vā, jānantā pana paṇḍitā tittakaṃ hāretvā ambilaṃ anīharitvā mātuluṅgarasaṃ anāsetvāva khādantī’’ti rañño imāya upamāya dhanasaṅgharaṇūpāyaṃ dassento dve gāthā abhāsi –
4.
4.
‘‘карад̇д̇ажам̣ б̣зллам̣ яат̇ааби сад̇т̇аваа, анаамасанд̇оби гарод̇и д̇ид̇д̇агам̣;
‘‘Kharattacaṃ bellaṃ yathāpi satthavā, anāmasantopi karoti tittakaṃ;
самаахарам̣ саад̣̇ум̣ гарод̇и бад̇т̇ива, асаад̣̇ум̣ гаяираа д̇ануб̣анд̇хамуд̣̇д̇харам̣.
Samāharaṃ sāduṃ karoti patthiva, asāduṃ kayirā tanubandhamuddharaṃ.
5.
5.
‘‘звамби г̇ааманиг̇амзсу бан̣д̣ид̇о, асаахасам̣ рааж̇ад̇ханаани сан̇гхарам̣;
‘‘Evampi gāmanigamesu paṇḍito, asāhasaṃ rājadhanāni saṅgharaṃ;
д̇хаммаанувад̇д̇ий бадибаж̇ж̇амаано, са паад̇и гаяираа авихзтаяам̣ бара’’нд̇и.
Dhammānuvattī paṭipajjamāno, sa phāti kayirā aviheṭhayaṃ para’’nti.
д̇ад̇т̇а карад̇д̇ажанд̇и т̇ад̣̇д̇хад̇ажам̣. б̣злланд̇и маад̇улун̇г̇ам̣. ‘б̣зла’’нд̇иби баато, аяамзвад̇т̇о. сад̇т̇аваад̇и сад̇т̇агахад̇т̇о. анаамасанд̇од̇и б̣ахид̇ажам̣ д̇анугамби ад̇ажчанд̇о ид̣̇ам̣ палам̣ д̇ид̇д̇агам̣ гарод̇и. самаахаранд̇и самаахаранд̇о б̣ахид̇ажам̣ д̇ажчанд̇о анд̇о жа амб̣илам̣ анийхаранд̇о д̇ам̣ саад̣̇ум̣ гарод̇и. бад̇т̇иваад̇и рааж̇аанам̣ аалабад̇и. д̇ануб̣анд̇хамуд̣̇д̇харанд̇и д̇анугам̣ бана д̇ажам̣ уд̣̇д̇харанд̇о саб̣б̣асо д̇ид̇д̇агасса анабанийд̇ад̇д̇аа д̇ам̣ асаад̣̇умзва гаяираа. званд̇и звам̣ бан̣д̣ид̇о рааж̇ааби асаахасам̣ саахасияаа д̇ан̣хааяа васам̣ аг̇ажчанд̇о аг̇ад̇иг̇аманам̣ бахааяа радтам̣ абийл̣зд̇ваа убажигаанам̣ ваммигавад̣дхананияаамзна мад̇хугараанам̣ рзн̣ум̣ г̇ахзд̇ваа мад̇хугаран̣анияаамзна жа д̇ханам̣ сан̇гхаранд̇о –
Tattha kharattacanti thaddhatacaṃ. Bellanti mātuluṅgaṃ. ‘Bela’’ntipi pāṭho, ayamevattho. Satthavāti satthakahattho. Anāmasantoti bahitacaṃ tanukampi atacchanto idaṃ phalaṃ tittakaṃ karoti. Samāharanti samāharanto bahitacaṃ tacchanto anto ca ambilaṃ anīharanto taṃ sāduṃ karoti. Patthivāti rājānaṃ ālapati. Tanubandhamuddharanti tanukaṃ pana tacaṃ uddharanto sabbaso tittakassa anapanītattā taṃ asādumeva kayirā. Evanti evaṃ paṇḍito rājāpi asāhasaṃ sāhasiyā taṇhāya vasaṃ agacchanto agatigamanaṃ pahāya raṭṭhaṃ apīḷetvā upacikānaṃ vammikavaḍḍhananiyāmena madhukarānaṃ reṇuṃ gahetvā madhukaraṇaniyāmena ca dhanaṃ saṅgharanto –
‘‘д̣̇аанам̣ сийлам̣ барижжааг̇ам̣, аж̇ж̇авам̣ мад̣̇д̣̇авам̣ д̇абам̣;
‘‘Dānaṃ sīlaṃ pariccāgaṃ, ajjavaṃ maddavaṃ tapaṃ;
аггод̇хам̣ авихим̣сан̃жа, канд̇ин̃жа авирод̇хана’’нд̇и. –
Akkodhaṃ avihiṃsañca, khantiñca avirodhana’’nti. –
ид̇и имзсам̣ д̣̇асаннам̣ рааж̇ад̇хаммаанам̣ анувад̇д̇анзна д̇хаммаанувад̇д̇ий худ̇ваа бадибаж̇ж̇амаано со ад̇д̇ано жа барзсан̃жа паад̇им̣ вад̣дхим̣ гарзяяа барам̣ авихзтзнд̇оязваад̇и.
Iti imesaṃ dasannaṃ rājadhammānaṃ anuvattanena dhammānuvattī hutvā paṭipajjamāno so attano ca paresañca phātiṃ vaḍḍhiṃ kareyya paraṃ aviheṭhentoyevāti.
рааж̇аа б̣од̇хисад̇д̇зна сад̣̇д̇хим̣ манд̇знд̇о богкаран̣ийд̇ийрам̣ г̇анд̇ваа субубпид̇ам̣ б̣ааласуурияаван̣н̣ам̣ уд̣̇агзна анубалид̇д̇ам̣ бад̣̇умам̣ д̣̇исваа ааха – ‘‘сахааяа, имам̣ бад̣̇умам̣ уд̣̇агз сан̃ж̇аад̇амзва уд̣̇агзна алимбамаанам̣ тид̇а’’нд̇и. ат̇а нам̣ б̣од̇хисад̇д̇о ‘‘махаарааж̇а, ран̃н̃аа наама зваруубзна бхавид̇аб̣б̣а’’нд̇и овад̣̇анд̇о имаа г̇аат̇аа ааха –
Rājā bodhisattena saddhiṃ mantento pokkharaṇītīraṃ gantvā supupphitaṃ bālasūriyavaṇṇaṃ udakena anupalittaṃ padumaṃ disvā āha – ‘‘sahāya, imaṃ padumaṃ udake sañjātameva udakena alimpamānaṃ ṭhita’’nti. Atha naṃ bodhisatto ‘‘mahārāja, raññā nāma evarūpena bhavitabba’’nti ovadanto imā gāthā āha –
6.
6.
‘‘од̣̇аад̇амуулам̣ суживаарисамбхавам̣, ж̇аад̇ам̣ яат̇аа богкаран̣ийсу амб̣уж̇ам̣;
‘‘Odātamūlaṃ sucivārisambhavaṃ, jātaṃ yathā pokkharaṇīsu ambujaṃ;
бад̣̇умам̣ яат̇аа аг̇г̇инигаасипаалимам̣, на гад̣̇д̣̇амо на раж̇о на ваари лимбад̇и.
Padumaṃ yathā agginikāsiphālimaṃ, na kaddamo na rajo na vāri limpati.
7.
7.
‘‘звамби вохаарасужим̣ асаахасам̣, висуд̣̇д̇хагамманд̇амабзд̇абаабагам̣;
‘‘Evampi vohārasuciṃ asāhasaṃ, visuddhakammantamapetapāpakaṃ;
на лимбад̇и гаммагилзса д̇аад̣̇исо, ж̇аад̇ам̣ яат̇аа богкаран̣ийсу амб̣уж̇а’’нд̇и.
Na limpati kammakilesa tādiso, jātaṃ yathā pokkharaṇīsu ambuja’’nti.
д̇ад̇т̇а од̣̇аад̇амууланд̇и бан̣д̣арамуулам̣. амб̣уж̇анд̇и бад̣̇умассзва взважанам̣. аг̇г̇инигаасипаалиманд̇и аг̇г̇инигаасинаа сууриязна паалид̇ам̣ вигасид̇анд̇и ад̇т̇о. на гад̣̇д̣̇амо на раж̇о на ваари лимбад̇ийд̇и нзва гад̣̇д̣̇амо на раж̇о на уд̣̇агам̣ лимбад̇и, на магкзд̇ийд̇и ад̇т̇о. ‘‘либбад̇и’’жжзва ваа баато, бхуммад̇т̇з ваа зд̇аани бажжад̇д̇аважанаани, зд̇зсу гад̣̇д̣̇амаад̣̇ийсу на либбад̇и, на аллийяад̇ийд̇и ад̇т̇о. вохаарасужинд̇и бораан̣агзхи д̇хаммигарааж̇уухи ликаабзд̇ваа табид̇авинижчаяавохаарз сужим̣, аг̇ад̇иг̇аманам̣ бахааяа д̇хаммзна винижчаяагаараганд̇и ад̇т̇о. асаахасанд̇и д̇хаммигавинижчаяз тид̇ад̇д̇ааязва саахасигагирияааяа вирахид̇ам̣. висуд̣̇д̇хагамманд̇анд̇и д̇знзва асаахасигадтзна висуд̣̇д̇хагамманд̇ам̣ сажжаваад̣̇им̣ ниггод̇хам̣ маж̇жхад̇д̇ам̣ д̇улаабхууд̇ам̣ логасса. абзд̇абаабаганд̇и абаг̇ад̇абаабагаммам̣. на лимбад̇и гаммагилзса д̇аад̣̇исод̇и д̇ам̣ рааж̇аанам̣ баан̣аад̇ибаад̇о ад̣̇иннаад̣̇аанам̣ гаамзсумижчаажааро мусааваад̣̇од̇и аяам̣ гаммагилзсо на аллийяад̇и. гим̣гааран̣аа? д̇аад̣̇исо ж̇аад̇ам̣ яат̇аа богкаран̣ийсу амб̣уж̇ам̣. д̇аад̣̇исо хи рааж̇аа яат̇аа богкаран̣ийсу ж̇аад̇ам̣ бад̣̇умам̣ анубалид̇д̇ам̣, звам̣ анубалид̇д̇о наама ход̇и.
Tattha odātamūlanti paṇḍaramūlaṃ. Ambujanti padumasseva vevacanaṃ. Agginikāsiphālimanti agginikāsinā sūriyena phālitaṃ vikasitanti attho. Na kaddamo narajo na vāri limpatīti neva kaddamo na rajo na udakaṃ limpati, na makkhetīti attho. ‘‘Lippati’’cceva vā pāṭho, bhummatthe vā etāni paccattavacanāni, etesu kaddamādīsu na lippati, na allīyatīti attho. Vohārasucinti porāṇakehi dhammikarājūhi likhāpetvā ṭhapitavinicchayavohāre suciṃ, agatigamanaṃ pahāya dhammena vinicchayakārakanti attho. Asāhasanti dhammikavinicchaye ṭhitattāyeva sāhasikakiriyāya virahitaṃ. Visuddhakammantanti teneva asāhasikaṭṭhena visuddhakammantaṃ saccavādiṃ nikkodhaṃ majjhattaṃ tulābhūtaṃ lokassa. Apetapāpakanti apagatapāpakammaṃ. Na limpati kammakilesa tādisoti taṃ rājānaṃ pāṇātipāto adinnādānaṃ kāmesumicchācāro musāvādoti ayaṃ kammakileso na allīyati. Kiṃkāraṇā? Tādiso jātaṃ yathā pokkharaṇīsu ambujaṃ. Tādiso hi rājā yathā pokkharaṇīsu jātaṃ padumaṃ anupalittaṃ, evaṃ anupalitto nāma hoti.
рааж̇аа б̣од̇хисад̇д̇асса оваад̣̇ам̣ суд̇ваа д̇ад̇о бадтааяа д̇хаммзна раж̇ж̇ам̣ гаарзнд̇о д̣̇аанаад̣̇ийни бун̃н̃аани гад̇ваа саг̇г̇абарааяан̣о ахоси.
Rājā bodhisattassa ovādaṃ sutvā tato paṭṭhāya dhammena rajjaṃ kārento dānādīni puññāni katvā saggaparāyaṇo ahosi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа рааж̇аа аананд̣̇о ахоси, бан̣д̣ид̇аамажжо бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā rājā ānando ahosi, paṇḍitāmacco pana ahameva ahosi’’nti.
гуггуж̇аад̇агаван̣н̣анаа батамаа.
Kukkujātakavaṇṇanā paṭhamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 396. гуггуж̇аад̇агам̣ • 396. Kukkujātakaṃ
