| Library / Tipiṭaka / д̇ибидага • Tipiṭaka / гат̇аавад̇т̇убаал̣и • Kathāvatthupāḷi |
2. д̣̇уд̇ияаваг̇г̇о
2. Dutiyavaggo
(17) 8. гуггул̣агат̇аа
(17) 8. Kukkuḷakathā
338. саб̣б̣з сан̇каараа анод̇хим̣ гад̇ваа гуггул̣аад̇и? ааманд̇аа. нану ад̇т̇и сукаа взд̣̇анаа, гааяигам̣ сукам̣, жзд̇асигам̣ сукам̣ , д̣̇иб̣б̣ам̣ сукам̣, маанусагам̣ сукам̣, лаабхасукам̣, саггаарасукам̣, яаанасукам̣, саяанасукам̣, иссарияасукам̣, аад̇хибажжасукам̣, г̇ихисукам̣, сааман̃н̃асукам̣, саасавам̣ сукам̣, анаасавам̣ сукам̣, убад̇хисукам̣, нируубад̇хисукам̣, саамисам̣ сукам̣, нираамисам̣ сукам̣, саббийд̇игам̣ сукам̣, ниббийд̇игам̣ сукам̣, жхаанасукам̣, вимуд̇д̇исукам̣, гаамасукам̣, нзгкаммасукам̣, вивзгасукам̣, убасамасукам̣, самб̣од̇хасуканд̇и? ааманд̇аа. хан̃жи ад̇т̇и сукаа взд̣̇анаа…бз… самб̣од̇хасукам̣, но жа вад̇а рз вад̇д̇аб̣б̣з – ‘‘саб̣б̣з сан̇каараа анод̇хим̣ гад̇ваа гуггул̣аа’’д̇и.
338. Sabbe saṅkhārā anodhiṃ katvā kukkuḷāti? Āmantā. Nanu atthi sukhā vedanā, kāyikaṃ sukhaṃ, cetasikaṃ sukhaṃ , dibbaṃ sukhaṃ, mānusakaṃ sukhaṃ, lābhasukhaṃ, sakkārasukhaṃ, yānasukhaṃ, sayanasukhaṃ, issariyasukhaṃ, ādhipaccasukhaṃ, gihisukhaṃ, sāmaññasukhaṃ, sāsavaṃ sukhaṃ, anāsavaṃ sukhaṃ, upadhisukhaṃ, nirūpadhisukhaṃ, sāmisaṃ sukhaṃ, nirāmisaṃ sukhaṃ, sappītikaṃ sukhaṃ, nippītikaṃ sukhaṃ, jhānasukhaṃ, vimuttisukhaṃ, kāmasukhaṃ, nekkhammasukhaṃ, vivekasukhaṃ, upasamasukhaṃ, sambodhasukhanti? Āmantā. Hañci atthi sukhā vedanā…pe… sambodhasukhaṃ, no ca vata re vattabbe – ‘‘sabbe saṅkhārā anodhiṃ katvā kukkuḷā’’ti.
саб̣б̣з сан̇каараа анод̇хим̣ гад̇ваа гуггул̣аад̇и? ааманд̇аа. саб̣б̣з сан̇каараа д̣̇угкаа взд̣̇анаа гааяигам̣ д̣̇угкам̣ жзд̇асигам̣ д̣̇угкам̣ согабарид̣̇звад̣̇угкад̣̇оманассаубааяаасаад̇и? на хзвам̣ вад̇д̇аб̣б̣з.
Sabbe saṅkhārā anodhiṃ katvā kukkuḷāti? Āmantā. Sabbe saṅkhārā dukkhā vedanā kāyikaṃ dukkhaṃ cetasikaṃ dukkhaṃ sokaparidevadukkhadomanassaupāyāsāti? Na hevaṃ vattabbe.
на вад̇д̇аб̣б̣ам̣ – ‘‘саб̣б̣з сан̇каараа анод̇хим̣ гад̇ваа гуггул̣аа’’д̇и? ааманд̇аа. нану вуд̇д̇ам̣ бхаг̇авад̇аа – ‘‘саб̣б̣ам̣, бхигкавз, аад̣̇ид̇д̇ам̣! гин̃жа, бхигкавз, саб̣б̣ам̣ аад̣̇ид̇д̇ам̣? жагкум̣, бхигкавз, аад̣̇ид̇д̇ам̣, руубаа аад̣̇ид̇д̇аа, жагкувин̃н̃аан̣ам̣ аад̣̇ид̇д̇ам̣, жагкусампассо аад̣̇ид̇д̇о; яамид̣̇ам̣ 1 жагкусампассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа, д̇амби аад̣̇ид̇д̇ам̣. гзна аад̣̇ид̇д̇ам̣? ‘рааг̇аг̇г̇инаа д̣̇осаг̇г̇инаа мохаг̇г̇инаа аад̣̇ид̇д̇ам̣, ж̇аад̇ияаа ж̇арааяа маран̣зна согзхи барид̣̇звзхи д̣̇угкзхи д̣̇оманассзхи убааяаасзхи аад̣̇ид̇д̇а’нд̇и вад̣̇аами. сод̇ам̣ аад̣̇ид̇д̇ам̣, сад̣̇д̣̇аа аад̣̇ид̇д̇аа…бз… гхаанам̣ аад̣̇ид̇д̇ам̣, г̇анд̇хаа аад̣̇ид̇д̇аа…бз… ж̇ивхаа аад̣̇ид̇д̇аа, расаа аад̣̇ид̇д̇аа…бз… гааяо аад̣̇ид̇д̇о, подтаб̣б̣аа аад̣̇ид̇д̇аа…бз… мано аад̣̇ид̇д̇о, д̇хаммаа аад̣̇ид̇д̇аа, мановин̃н̃аан̣ам̣ аад̣̇ид̇д̇ам̣, маносампассо аад̣̇ид̇д̇о; яамид̣̇ам̣ маносампассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа, д̇амби аад̣̇ид̇д̇ам̣. гзна аад̣̇ид̇д̇ам̣? ‘рааг̇аг̇г̇инаа д̣̇осаг̇г̇инаа мохаг̇г̇инаа аад̣̇ид̇д̇ам̣, ж̇аад̇ияаа ж̇арааяа маран̣зна согзхи барид̣̇звзхи д̣̇угкзхи д̣̇оманассзхи убааяаасзхи аад̣̇ид̇д̇а’нд̇и вад̣̇аамий’’д̇и 2. ад̇т̇зва суд̇д̇анд̇од̇и? ааманд̇аа. д̇зна хи вад̇д̇аб̣б̣ам̣ 3 – ‘‘саб̣б̣з сан̇каараа анод̇хим̣ гад̇ваа гуггул̣аа’’д̇и.
Na vattabbaṃ – ‘‘sabbe saṅkhārā anodhiṃ katvā kukkuḷā’’ti? Āmantā. Nanu vuttaṃ bhagavatā – ‘‘sabbaṃ, bhikkhave, ādittaṃ! Kiñca, bhikkhave, sabbaṃ ādittaṃ? Cakkhuṃ, bhikkhave, ādittaṃ, rūpā ādittā, cakkhuviññāṇaṃ ādittaṃ, cakkhusamphasso āditto; yamidaṃ 4 cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā, tampi ādittaṃ. Kena ādittaṃ? ‘Rāgagginā dosagginā mohagginā ādittaṃ, jātiyā jarāya maraṇena sokehi paridevehi dukkhehi domanassehi upāyāsehi āditta’nti vadāmi. Sotaṃ ādittaṃ, saddā ādittā…pe… ghānaṃ ādittaṃ, gandhā ādittā…pe… jivhā ādittā, rasā ādittā…pe… kāyo āditto, phoṭṭhabbā ādittā…pe… mano āditto, dhammā ādittā, manoviññāṇaṃ ādittaṃ, manosamphasso āditto; yamidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā, tampi ādittaṃ. Kena ādittaṃ? ‘Rāgagginā dosagginā mohagginā ādittaṃ, jātiyā jarāya maraṇena sokehi paridevehi dukkhehi domanassehi upāyāsehi āditta’nti vadāmī’’ti 5. Attheva suttantoti? Āmantā. Tena hi vattabbaṃ 6 – ‘‘sabbe saṅkhārā anodhiṃ katvā kukkuḷā’’ti.
саб̣б̣з сан̇каараа анод̇хим̣ гад̇ваа гуггул̣аад̇и? ааманд̇аа. нану вуд̇д̇ам̣ бхаг̇авад̇аа – ‘‘бан̃жимз, бхигкавз, гаамаг̇ун̣аа! гад̇амз бан̃жа? жагкувин̃н̃зяяаа руубаа идтаа ганд̇аа манаабаа бияаруубаа гаамуубасам̣хид̇аа раж̇анийяаа, сод̇авин̃н̃зяяаа сад̣̇д̣̇аа…бз… гхаанавин̃н̃зяяаа г̇анд̇хаа… ж̇ивхаавин̃н̃зяяаа расаа… гааяавин̃н̃зяяаа подтаб̣б̣аа идтаа ганд̇аа манаабаа бияаруубаа гаамуубасам̣хид̇аа раж̇анийяаа. имз ко, бхигкавз, бан̃жа гаамаг̇ун̣аа’’д̇и 7. ад̇т̇зва суд̇д̇анд̇од̇и? ааманд̇аа. д̇зна хи на вад̇д̇аб̣б̣ам̣ – ‘‘саб̣б̣з сан̇каараа анод̇хим̣ гад̇ваа гуггул̣аа’’д̇и.
Sabbe saṅkhārā anodhiṃ katvā kukkuḷāti? Āmantā. Nanu vuttaṃ bhagavatā – ‘‘pañcime, bhikkhave, kāmaguṇā! Katame pañca? Cakkhuviññeyyā rūpā iṭṭhā kantā manāpā piyarūpā kāmūpasaṃhitā rajanīyā, sotaviññeyyā saddā…pe… ghānaviññeyyā gandhā… jivhāviññeyyā rasā… kāyaviññeyyā phoṭṭhabbā iṭṭhā kantā manāpā piyarūpā kāmūpasaṃhitā rajanīyā. Ime kho, bhikkhave, pañca kāmaguṇā’’ti 8. Attheva suttantoti? Āmantā. Tena hi na vattabbaṃ – ‘‘sabbe saṅkhārā anodhiṃ katvā kukkuḷā’’ti.
на вад̇д̇аб̣б̣ам̣ – ‘‘саб̣б̣з сан̇каараа анод̇хим̣ гад̇ваа гуггул̣аа’’д̇и? ааманд̇аа. нану вуд̇д̇ам̣ бхаг̇авад̇аа – ‘‘лаабхаа во, бхигкавз, сулад̣̇д̇хам̣ во, бхигкавз, кан̣о во бадилад̣̇д̇хо 9 б̣рахмажарияаваасааяа! д̣̇идтаа маяаа, бхигкавз, ча пассааяад̇анигаа наама нираяаа. д̇ад̇т̇а яам̣ гин̃жи жагкунаа руубам̣ бассад̇и, анидтаруубан̃н̃зва бассад̇и но идтаруубам̣, аганд̇аруубан̃н̃зва бассад̇и но ганд̇аруубам̣, аманаабаруубан̃н̃зва бассад̇и но манаабаруубам̣. яам̣ гин̃жи сод̇зна сад̣̇д̣̇ам̣ сун̣аад̇и…бз… гхаанзна г̇анд̇хам̣ гхааяад̇и… ж̇ивхааяа расам̣ сааяад̇и… гааязна подтаб̣б̣ам̣ пусад̇и… манасаа д̇хаммам̣ виж̇аанаад̇и, анидтаруубан̃н̃зва виж̇аанаад̇и но идтаруубам̣, аганд̇аруубан̃н̃зва виж̇аанаад̇и но ганд̇аруубам̣, аманаабаруубан̃н̃зва виж̇аанаад̇и но манаабарууба’’нд̇и 10. ад̇т̇зва суд̇д̇анд̇од̇и? ааманд̇аа. д̇зна хи вад̇д̇аб̣б̣ам̣ 11 – ‘‘саб̣б̣з сан̇каараа анод̇хим̣ гад̇ваа гуггул̣аа’’д̇и.
Na vattabbaṃ – ‘‘sabbe saṅkhārā anodhiṃ katvā kukkuḷā’’ti? Āmantā. Nanu vuttaṃ bhagavatā – ‘‘lābhā vo, bhikkhave, suladdhaṃ vo, bhikkhave, khaṇo vo paṭiladdho 12 brahmacariyavāsāya! Diṭṭhā mayā, bhikkhave, cha phassāyatanikā nāma nirayā. Tattha yaṃ kiñci cakkhunā rūpaṃ passati, aniṭṭharūpaññeva passati no iṭṭharūpaṃ, akantarūpaññeva passati no kantarūpaṃ, amanāparūpaññeva passati no manāparūpaṃ. Yaṃ kiñci sotena saddaṃ suṇāti…pe… ghānena gandhaṃ ghāyati… jivhāya rasaṃ sāyati… kāyena phoṭṭhabbaṃ phusati… manasā dhammaṃ vijānāti, aniṭṭharūpaññeva vijānāti no iṭṭharūpaṃ, akantarūpaññeva vijānāti no kantarūpaṃ, amanāparūpaññeva vijānāti no manāparūpa’’nti 13. Attheva suttantoti? Āmantā. Tena hi vattabbaṃ 14 – ‘‘sabbe saṅkhārā anodhiṃ katvā kukkuḷā’’ti.
саб̣б̣з сан̇каараа анод̇хим̣ гад̇ваа гуггул̣аад̇и? ааманд̇аа. нану вуд̇д̇ам̣ бхаг̇авад̇аа – ‘‘лаабхаа во, бхигкавз, сулад̣̇д̇хам̣ во, бхигкавз, кан̣о во бадилад̣̇д̇хо б̣рахмажарияаваасааяа! д̣̇идтаа маяаа, бхигкавз, ча пассааяад̇анигаа наама саг̇г̇аа. д̇ад̇т̇а яам̣ гин̃жи жагкунаа руубам̣ бассад̇и, идтаруубан̃н̃зва бассад̇и но анидтаруубам̣, ганд̇аруубан̃н̃зва бассад̇и но аганд̇аруубам̣, манаабаруубан̃н̃зва бассад̇и но аманаабаруубам̣. яам̣ гин̃жи сод̇зна сад̣̇д̣̇ам̣ сун̣аад̇и…бз… гхаанзна г̇анд̇хам̣ гхааяад̇и… ж̇ивхааяа расам̣ сааяад̇и… гааязна подтаб̣б̣ам̣ пусад̇и… манасаа д̇хаммам̣ виж̇аанаад̇и, идтаруубан̃н̃зва виж̇аанаад̇и но анидтаруубам̣, ганд̇аруубан̃н̃зва виж̇аанаад̇и но аганд̇аруубам̣, манаабаруубан̃н̃зва виж̇аанаад̇и но аманаабарууба’’нд̇и 15. ад̇т̇зва суд̇д̇анд̇од̇и? ааманд̇аа. д̇зна хи на вад̇д̇аб̣б̣ам̣ – ‘‘саб̣б̣з сан̇каараа анод̇хим̣ гад̇ваа гуггул̣аа’’д̇и.
Sabbe saṅkhārā anodhiṃ katvā kukkuḷāti? Āmantā. Nanu vuttaṃ bhagavatā – ‘‘lābhā vo, bhikkhave, suladdhaṃ vo, bhikkhave, khaṇo vo paṭiladdho brahmacariyavāsāya! Diṭṭhā mayā, bhikkhave, cha phassāyatanikā nāma saggā. Tattha yaṃ kiñci cakkhunā rūpaṃ passati, iṭṭharūpaññeva passati no aniṭṭharūpaṃ, kantarūpaññeva passati no akantarūpaṃ, manāparūpaññeva passati no amanāparūpaṃ. Yaṃ kiñci sotena saddaṃ suṇāti…pe… ghānena gandhaṃ ghāyati… jivhāya rasaṃ sāyati… kāyena phoṭṭhabbaṃ phusati… manasā dhammaṃ vijānāti, iṭṭharūpaññeva vijānāti no aniṭṭharūpaṃ, kantarūpaññeva vijānāti no akantarūpaṃ, manāparūpaññeva vijānāti no amanāparūpa’’nti 16. Attheva suttantoti? Āmantā. Tena hi na vattabbaṃ – ‘‘sabbe saṅkhārā anodhiṃ katvā kukkuḷā’’ti.
на вад̇д̇аб̣б̣ам̣ – ‘‘саб̣б̣з сан̇каараа анод̇хим̣ гад̇ваа гуггул̣аа’’д̇и? ааманд̇аа. нану ‘‘яад̣̇анижжам̣ д̇ам̣ д̣̇угкам̣ 17,’’ вуд̇д̇ам̣ бхаг̇авад̇аа, ‘‘саб̣б̣з сан̇каараа анижжаа’’д̇и 18? ааманд̇аа. хан̃жи ‘‘яад̣̇анижжам̣ д̇ам̣ д̣̇угкам̣,’’ вуд̇д̇ам̣ бхаг̇авад̇аа, ‘‘саб̣б̣з сан̇каараа анижжаа,’’ д̇зна вад̇а рз вад̇д̇аб̣б̣з – ‘‘саб̣б̣з сан̇каараа анод̇хим̣ гад̇ваа гуггул̣аа’’д̇и.
Na vattabbaṃ – ‘‘sabbe saṅkhārā anodhiṃ katvā kukkuḷā’’ti? Āmantā. Nanu ‘‘yadaniccaṃ taṃ dukkhaṃ 19,’’ vuttaṃ bhagavatā, ‘‘sabbe saṅkhārā aniccā’’ti 20? Āmantā. Hañci ‘‘yadaniccaṃ taṃ dukkhaṃ,’’ vuttaṃ bhagavatā, ‘‘sabbe saṅkhārā aniccā,’’ tena vata re vattabbe – ‘‘sabbe saṅkhārā anodhiṃ katvā kukkuḷā’’ti.
саб̣б̣з сан̇каараа анод̇хим̣ гад̇ваа гуггул̣аад̇и? ааманд̇аа. д̣̇аанам̣ анидтапалам̣ аганд̇апалам̣ аманун̃н̃апалам̣ сзжанагапалам̣ д̣̇угкуд̣̇раяам̣ д̣̇угкавибааганд̇и? на хзвам̣ вад̇д̇аб̣б̣з.
Sabbe saṅkhārā anodhiṃ katvā kukkuḷāti? Āmantā. Dānaṃ aniṭṭhaphalaṃ akantaphalaṃ amanuññaphalaṃ secanakaphalaṃ dukkhudrayaṃ dukkhavipākanti? Na hevaṃ vattabbe.
сийлам̣…бз… убосат̇о…бз… бхааванаа…бз… б̣рахмажарияам̣ анидтапалам̣ аганд̇апалам̣ аманун̃н̃апалам̣ сзжанагапалам̣ д̣̇угкуд̣̇раяам̣ д̣̇угкавибааганд̇и? на хзвам̣ вад̇д̇аб̣б̣з.
Sīlaṃ…pe… uposatho…pe… bhāvanā…pe… brahmacariyaṃ aniṭṭhaphalaṃ akantaphalaṃ amanuññaphalaṃ secanakaphalaṃ dukkhudrayaṃ dukkhavipākanti? Na hevaṃ vattabbe.
нану д̣̇аанам̣ идтапалам̣ ганд̇апалам̣ манун̃н̃апалам̣ асзжанагапалам̣ сукуд̣̇раяам̣ сукавибааганд̇и ? ааманд̇аа. хан̃жи д̣̇аанам̣ идтапалам̣ ганд̇апалам̣ манун̃н̃апалам̣ асзжанагапалам̣ сукуд̣̇раяам̣ сукавибаагам̣, но жа вад̇а рз вад̇д̇аб̣б̣з – ‘‘саб̣б̣з сан̇каараа анод̇хим̣ гад̇ваа гуггул̣аа’’д̇и.
Nanu dānaṃ iṭṭhaphalaṃ kantaphalaṃ manuññaphalaṃ asecanakaphalaṃ sukhudrayaṃ sukhavipākanti ? Āmantā. Hañci dānaṃ iṭṭhaphalaṃ kantaphalaṃ manuññaphalaṃ asecanakaphalaṃ sukhudrayaṃ sukhavipākaṃ, no ca vata re vattabbe – ‘‘sabbe saṅkhārā anodhiṃ katvā kukkuḷā’’ti.
нану сийлам̣… убосат̇о… бхааванаа… б̣рахмажарияам̣ идтапалам̣ ганд̇апалам̣ манун̃н̃апалам̣ асзжанагапалам̣ сукуд̣̇раяам̣ сукавибааганд̇и? ааманд̇аа. хан̃жи б̣рахмажарияам̣ идтапалам̣ ганд̇апалам̣ манун̃н̃апалам̣ асзжанагапалам̣ сукуд̣̇раяам̣ сукавибааганд̇и, но жа вад̇а рз вад̇д̇аб̣б̣з – ‘‘саб̣б̣з сан̇каараа анод̇хим̣ гад̇ваа гуггул̣аа’’д̇и.
Nanu sīlaṃ… uposatho… bhāvanā… brahmacariyaṃ iṭṭhaphalaṃ kantaphalaṃ manuññaphalaṃ asecanakaphalaṃ sukhudrayaṃ sukhavipākanti? Āmantā. Hañci brahmacariyaṃ iṭṭhaphalaṃ kantaphalaṃ manuññaphalaṃ asecanakaphalaṃ sukhudrayaṃ sukhavipākanti, no ca vata re vattabbe – ‘‘sabbe saṅkhārā anodhiṃ katvā kukkuḷā’’ti.
саб̣б̣з сан̇каараа анод̇хим̣ гад̇ваа гуггул̣аад̇и? ааманд̇аа. нану вуд̇д̇ам̣ бхаг̇авад̇аа –
Sabbe saṅkhārā anodhiṃ katvā kukkuḷāti? Āmantā. Nanu vuttaṃ bhagavatā –
‘‘суко вивзго д̇удтасса, суд̇ад̇хаммасса бассад̇о;
‘‘Sukho viveko tuṭṭhassa, sutadhammassa passato;
аб̣яаабаж̇ж̇ам̣ сукам̣ логз, баан̣абхууд̇зсу сам̣яамо.
Abyāpajjaṃ sukhaṃ loke, pāṇabhūtesu saṃyamo.
‘‘сукаа вирааг̇ад̇аа логз, гаамаанам̣ самад̇иггамо;
‘‘Sukhā virāgatā loke, kāmānaṃ samatikkamo;
асмимаанасса яо винаяо, зд̇ам̣ вз барамам̣ сукам̣ 21.
Asmimānassa yo vinayo, etaṃ ve paramaṃ sukhaṃ 22.
‘‘д̇ам̣ сукзна сукам̣ бад̇д̇ам̣, ажжанд̇асукамзва д̇ам̣;
‘‘Taṃ sukhena sukhaṃ pattaṃ, accantasukhameva taṃ;
д̇иссо виж̇ж̇аа ануббад̇д̇аа, зд̇ам̣ вз барамам̣ сука’’нд̇и.
Tisso vijjā anuppattā, etaṃ ve paramaṃ sukha’’nti.
ад̇т̇зва суд̇д̇анд̇од̇и? ааманд̇аа. д̇зна хи на вад̇д̇аб̣б̣ам̣ – ‘‘саб̣б̣з сан̇каараа анод̇хим̣ гад̇ваа гуггул̣аа’’д̇и.
Attheva suttantoti? Āmantā. Tena hi na vattabbaṃ – ‘‘sabbe saṅkhārā anodhiṃ katvā kukkuḷā’’ti.
гуггул̣агат̇аа нидтид̇аа.
Kukkuḷakathā niṭṭhitā.
Footnotes:
Related texts:
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 8. гуггул̣агат̇ааван̣н̣анаа • 8. Kukkuḷakathāvaṇṇanā
