| Library / Tipiṭaka / ਤਿਪਿਟਕ • Tipiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi |
੨. ਦੁਤਿਯવਗ੍ਗੋ
2. Dutiyavaggo
(੧੭) ੮. ਕੁਕ੍ਕੁਲ਼ਕਥਾ
(17) 8. Kukkuḷakathā
੩੩੮. ਸਬ੍ਬੇ ਸਙ੍ਖਾਰਾ ਅਨੋਧਿਂ ਕਤ੍વਾ ਕੁਕ੍ਕੁਲ਼ਾਤਿ? ਆਮਨ੍ਤਾ। ਨਨੁ ਅਤ੍ਥਿ ਸੁਖਾ વੇਦਨਾ, ਕਾਯਿਕਂ ਸੁਖਂ, ਚੇਤਸਿਕਂ ਸੁਖਂ , ਦਿਬ੍ਬਂ ਸੁਖਂ, ਮਾਨੁਸਕਂ ਸੁਖਂ, ਲਾਭਸੁਖਂ, ਸਕ੍ਕਾਰਸੁਖਂ, ਯਾਨਸੁਖਂ, ਸਯਨਸੁਖਂ, ਇਸ੍ਸਰਿਯਸੁਖਂ, ਆਧਿਪਚ੍ਚਸੁਖਂ, ਗਿਹਿਸੁਖਂ, ਸਾਮਞ੍ਞਸੁਖਂ, ਸਾਸવਂ ਸੁਖਂ, ਅਨਾਸવਂ ਸੁਖਂ, ਉਪਧਿਸੁਖਂ, ਨਿਰੂਪਧਿਸੁਖਂ, ਸਾਮਿਸਂ ਸੁਖਂ, ਨਿਰਾਮਿਸਂ ਸੁਖਂ, ਸਪ੍ਪੀਤਿਕਂ ਸੁਖਂ, ਨਿਪ੍ਪੀਤਿਕਂ ਸੁਖਂ, ਝਾਨਸੁਖਂ, વਿਮੁਤ੍ਤਿਸੁਖਂ, ਕਾਮਸੁਖਂ, ਨੇਕ੍ਖਮ੍ਮਸੁਖਂ, વਿવੇਕਸੁਖਂ, ਉਪਸਮਸੁਖਂ, ਸਮ੍ਬੋਧਸੁਖਨ੍ਤਿ? ਆਮਨ੍ਤਾ। ਹਞ੍ਚਿ ਅਤ੍ਥਿ ਸੁਖਾ વੇਦਨਾ…ਪੇ॰… ਸਮ੍ਬੋਧਸੁਖਂ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਸਬ੍ਬੇ ਸਙ੍ਖਾਰਾ ਅਨੋਧਿਂ ਕਤ੍વਾ ਕੁਕ੍ਕੁਲ਼ਾ’’ਤਿ।
338. Sabbe saṅkhārā anodhiṃ katvā kukkuḷāti? Āmantā. Nanu atthi sukhā vedanā, kāyikaṃ sukhaṃ, cetasikaṃ sukhaṃ , dibbaṃ sukhaṃ, mānusakaṃ sukhaṃ, lābhasukhaṃ, sakkārasukhaṃ, yānasukhaṃ, sayanasukhaṃ, issariyasukhaṃ, ādhipaccasukhaṃ, gihisukhaṃ, sāmaññasukhaṃ, sāsavaṃ sukhaṃ, anāsavaṃ sukhaṃ, upadhisukhaṃ, nirūpadhisukhaṃ, sāmisaṃ sukhaṃ, nirāmisaṃ sukhaṃ, sappītikaṃ sukhaṃ, nippītikaṃ sukhaṃ, jhānasukhaṃ, vimuttisukhaṃ, kāmasukhaṃ, nekkhammasukhaṃ, vivekasukhaṃ, upasamasukhaṃ, sambodhasukhanti? Āmantā. Hañci atthi sukhā vedanā…pe… sambodhasukhaṃ, no ca vata re vattabbe – ‘‘sabbe saṅkhārā anodhiṃ katvā kukkuḷā’’ti.
ਸਬ੍ਬੇ ਸਙ੍ਖਾਰਾ ਅਨੋਧਿਂ ਕਤ੍વਾ ਕੁਕ੍ਕੁਲ਼ਾਤਿ? ਆਮਨ੍ਤਾ। ਸਬ੍ਬੇ ਸਙ੍ਖਾਰਾ ਦੁਕ੍ਖਾ વੇਦਨਾ ਕਾਯਿਕਂ ਦੁਕ੍ਖਂ ਚੇਤਸਿਕਂ ਦੁਕ੍ਖਂ ਸੋਕਪਰਿਦੇવਦੁਕ੍ਖਦੋਮਨਸ੍ਸਉਪਾਯਾਸਾਤਿ? ਨ ਹੇવਂ વਤ੍ਤਬ੍ਬੇ।
Sabbe saṅkhārā anodhiṃ katvā kukkuḷāti? Āmantā. Sabbe saṅkhārā dukkhā vedanā kāyikaṃ dukkhaṃ cetasikaṃ dukkhaṃ sokaparidevadukkhadomanassaupāyāsāti? Na hevaṃ vattabbe.
ਨ વਤ੍ਤਬ੍ਬਂ – ‘‘ਸਬ੍ਬੇ ਸਙ੍ਖਾਰਾ ਅਨੋਧਿਂ ਕਤ੍વਾ ਕੁਕ੍ਕੁਲ਼ਾ’’ਤਿ? ਆਮਨ੍ਤਾ। ਨਨੁ વੁਤ੍ਤਂ ਭਗવਤਾ – ‘‘ਸਬ੍ਬਂ, ਭਿਕ੍ਖવੇ, ਆਦਿਤ੍ਤਂ! ਕਿਞ੍ਚ, ਭਿਕ੍ਖવੇ, ਸਬ੍ਬਂ ਆਦਿਤ੍ਤਂ? ਚਕ੍ਖੁਂ, ਭਿਕ੍ਖવੇ, ਆਦਿਤ੍ਤਂ, ਰੂਪਾ ਆਦਿਤ੍ਤਾ, ਚਕ੍ਖੁવਿਞ੍ਞਾਣਂ ਆਦਿਤ੍ਤਂ, ਚਕ੍ਖੁਸਮ੍ਫਸ੍ਸੋ ਆਦਿਤ੍ਤੋ; ਯਮਿਦਂ 1 ਚਕ੍ਖੁਸਮ੍ਫਸ੍ਸਪਚ੍ਚਯਾ ਉਪ੍ਪਜ੍ਜਤਿ વੇਦਯਿਤਂ ਸੁਖਂ વਾ ਦੁਕ੍ਖਂ વਾ ਅਦੁਕ੍ਖਮਸੁਖਂ વਾ, ਤਮ੍ਪਿ ਆਦਿਤ੍ਤਂ। ਕੇਨ ਆਦਿਤ੍ਤਂ? ‘ਰਾਗਗ੍ਗਿਨਾ ਦੋਸਗ੍ਗਿਨਾ ਮੋਹਗ੍ਗਿਨਾ ਆਦਿਤ੍ਤਂ, ਜਾਤਿਯਾ ਜਰਾਯ ਮਰਣੇਨ ਸੋਕੇਹਿ ਪਰਿਦੇવੇਹਿ ਦੁਕ੍ਖੇਹਿ ਦੋਮਨਸ੍ਸੇਹਿ ਉਪਾਯਾਸੇਹਿ ਆਦਿਤ੍ਤ’ਨ੍ਤਿ વਦਾਮਿ। ਸੋਤਂ ਆਦਿਤ੍ਤਂ, ਸਦ੍ਦਾ ਆਦਿਤ੍ਤਾ…ਪੇ॰… ਘਾਨਂ ਆਦਿਤ੍ਤਂ, ਗਨ੍ਧਾ ਆਦਿਤ੍ਤਾ…ਪੇ॰… ਜਿવ੍ਹਾ ਆਦਿਤ੍ਤਾ, ਰਸਾ ਆਦਿਤ੍ਤਾ…ਪੇ॰… ਕਾਯੋ ਆਦਿਤ੍ਤੋ, ਫੋਟ੍ਠਬ੍ਬਾ ਆਦਿਤ੍ਤਾ…ਪੇ॰… ਮਨੋ ਆਦਿਤ੍ਤੋ, ਧਮ੍ਮਾ ਆਦਿਤ੍ਤਾ, ਮਨੋવਿਞ੍ਞਾਣਂ ਆਦਿਤ੍ਤਂ, ਮਨੋਸਮ੍ਫਸ੍ਸੋ ਆਦਿਤ੍ਤੋ; ਯਮਿਦਂ ਮਨੋਸਮ੍ਫਸ੍ਸਪਚ੍ਚਯਾ ਉਪ੍ਪਜ੍ਜਤਿ વੇਦਯਿਤਂ ਸੁਖਂ વਾ ਦੁਕ੍ਖਂ વਾ ਅਦੁਕ੍ਖਮਸੁਖਂ વਾ, ਤਮ੍ਪਿ ਆਦਿਤ੍ਤਂ। ਕੇਨ ਆਦਿਤ੍ਤਂ? ‘ਰਾਗਗ੍ਗਿਨਾ ਦੋਸਗ੍ਗਿਨਾ ਮੋਹਗ੍ਗਿਨਾ ਆਦਿਤ੍ਤਂ, ਜਾਤਿਯਾ ਜਰਾਯ ਮਰਣੇਨ ਸੋਕੇਹਿ ਪਰਿਦੇવੇਹਿ ਦੁਕ੍ਖੇਹਿ ਦੋਮਨਸ੍ਸੇਹਿ ਉਪਾਯਾਸੇਹਿ ਆਦਿਤ੍ਤ’ਨ੍ਤਿ વਦਾਮੀ’’ਤਿ 2। ਅਤ੍ਥੇવ ਸੁਤ੍ਤਨ੍ਤੋਤਿ? ਆਮਨ੍ਤਾ। ਤੇਨ ਹਿ વਤ੍ਤਬ੍ਬਂ 3 – ‘‘ਸਬ੍ਬੇ ਸਙ੍ਖਾਰਾ ਅਨੋਧਿਂ ਕਤ੍વਾ ਕੁਕ੍ਕੁਲ਼ਾ’’ਤਿ।
Na vattabbaṃ – ‘‘sabbe saṅkhārā anodhiṃ katvā kukkuḷā’’ti? Āmantā. Nanu vuttaṃ bhagavatā – ‘‘sabbaṃ, bhikkhave, ādittaṃ! Kiñca, bhikkhave, sabbaṃ ādittaṃ? Cakkhuṃ, bhikkhave, ādittaṃ, rūpā ādittā, cakkhuviññāṇaṃ ādittaṃ, cakkhusamphasso āditto; yamidaṃ 4 cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā, tampi ādittaṃ. Kena ādittaṃ? ‘Rāgagginā dosagginā mohagginā ādittaṃ, jātiyā jarāya maraṇena sokehi paridevehi dukkhehi domanassehi upāyāsehi āditta’nti vadāmi. Sotaṃ ādittaṃ, saddā ādittā…pe… ghānaṃ ādittaṃ, gandhā ādittā…pe… jivhā ādittā, rasā ādittā…pe… kāyo āditto, phoṭṭhabbā ādittā…pe… mano āditto, dhammā ādittā, manoviññāṇaṃ ādittaṃ, manosamphasso āditto; yamidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā, tampi ādittaṃ. Kena ādittaṃ? ‘Rāgagginā dosagginā mohagginā ādittaṃ, jātiyā jarāya maraṇena sokehi paridevehi dukkhehi domanassehi upāyāsehi āditta’nti vadāmī’’ti 5. Attheva suttantoti? Āmantā. Tena hi vattabbaṃ 6 – ‘‘sabbe saṅkhārā anodhiṃ katvā kukkuḷā’’ti.
ਸਬ੍ਬੇ ਸਙ੍ਖਾਰਾ ਅਨੋਧਿਂ ਕਤ੍વਾ ਕੁਕ੍ਕੁਲ਼ਾਤਿ? ਆਮਨ੍ਤਾ। ਨਨੁ વੁਤ੍ਤਂ ਭਗવਤਾ – ‘‘ਪਞ੍ਚਿਮੇ, ਭਿਕ੍ਖવੇ, ਕਾਮਗੁਣਾ! ਕਤਮੇ ਪਞ੍ਚ? ਚਕ੍ਖੁવਿਞ੍ਞੇਯ੍ਯਾ ਰੂਪਾ ਇਟ੍ਠਾ ਕਨ੍ਤਾ ਮਨਾਪਾ ਪਿਯਰੂਪਾ ਕਾਮੂਪਸਂਹਿਤਾ ਰਜਨੀਯਾ, ਸੋਤવਿਞ੍ਞੇਯ੍ਯਾ ਸਦ੍ਦਾ…ਪੇ॰… ਘਾਨવਿਞ੍ਞੇਯ੍ਯਾ ਗਨ੍ਧਾ… ਜਿવ੍ਹਾવਿਞ੍ਞੇਯ੍ਯਾ ਰਸਾ… ਕਾਯવਿਞ੍ਞੇਯ੍ਯਾ ਫੋਟ੍ਠਬ੍ਬਾ ਇਟ੍ਠਾ ਕਨ੍ਤਾ ਮਨਾਪਾ ਪਿਯਰੂਪਾ ਕਾਮੂਪਸਂਹਿਤਾ ਰਜਨੀਯਾ। ਇਮੇ ਖੋ, ਭਿਕ੍ਖવੇ, ਪਞ੍ਚ ਕਾਮਗੁਣਾ’’ਤਿ 7। ਅਤ੍ਥੇવ ਸੁਤ੍ਤਨ੍ਤੋਤਿ? ਆਮਨ੍ਤਾ। ਤੇਨ ਹਿ ਨ વਤ੍ਤਬ੍ਬਂ – ‘‘ਸਬ੍ਬੇ ਸਙ੍ਖਾਰਾ ਅਨੋਧਿਂ ਕਤ੍વਾ ਕੁਕ੍ਕੁਲ਼ਾ’’ਤਿ।
Sabbe saṅkhārā anodhiṃ katvā kukkuḷāti? Āmantā. Nanu vuttaṃ bhagavatā – ‘‘pañcime, bhikkhave, kāmaguṇā! Katame pañca? Cakkhuviññeyyā rūpā iṭṭhā kantā manāpā piyarūpā kāmūpasaṃhitā rajanīyā, sotaviññeyyā saddā…pe… ghānaviññeyyā gandhā… jivhāviññeyyā rasā… kāyaviññeyyā phoṭṭhabbā iṭṭhā kantā manāpā piyarūpā kāmūpasaṃhitā rajanīyā. Ime kho, bhikkhave, pañca kāmaguṇā’’ti 8. Attheva suttantoti? Āmantā. Tena hi na vattabbaṃ – ‘‘sabbe saṅkhārā anodhiṃ katvā kukkuḷā’’ti.
ਨ વਤ੍ਤਬ੍ਬਂ – ‘‘ਸਬ੍ਬੇ ਸਙ੍ਖਾਰਾ ਅਨੋਧਿਂ ਕਤ੍વਾ ਕੁਕ੍ਕੁਲ਼ਾ’’ਤਿ? ਆਮਨ੍ਤਾ। ਨਨੁ વੁਤ੍ਤਂ ਭਗવਤਾ – ‘‘ਲਾਭਾ વੋ, ਭਿਕ੍ਖવੇ, ਸੁਲਦ੍ਧਂ વੋ, ਭਿਕ੍ਖવੇ, ਖਣੋ વੋ ਪਟਿਲਦ੍ਧੋ 9 ਬ੍ਰਹ੍ਮਚਰਿਯવਾਸਾਯ! ਦਿਟ੍ਠਾ ਮਯਾ, ਭਿਕ੍ਖવੇ, ਛ ਫਸ੍ਸਾਯਤਨਿਕਾ ਨਾਮ ਨਿਰਯਾ। ਤਤ੍ਥ ਯਂ ਕਿਞ੍ਚਿ ਚਕ੍ਖੁਨਾ ਰੂਪਂ ਪਸ੍ਸਤਿ, ਅਨਿਟ੍ਠਰੂਪਞ੍ਞੇવ ਪਸ੍ਸਤਿ ਨੋ ਇਟ੍ਠਰੂਪਂ, ਅਕਨ੍ਤਰੂਪਞ੍ਞੇવ ਪਸ੍ਸਤਿ ਨੋ ਕਨ੍ਤਰੂਪਂ, ਅਮਨਾਪਰੂਪਞ੍ਞੇવ ਪਸ੍ਸਤਿ ਨੋ ਮਨਾਪਰੂਪਂ। ਯਂ ਕਿਞ੍ਚਿ ਸੋਤੇਨ ਸਦ੍ਦਂ ਸੁਣਾਤਿ…ਪੇ॰… ਘਾਨੇਨ ਗਨ੍ਧਂ ਘਾਯਤਿ… ਜਿવ੍ਹਾਯ ਰਸਂ ਸਾਯਤਿ… ਕਾਯੇਨ ਫੋਟ੍ਠਬ੍ਬਂ ਫੁਸਤਿ… ਮਨਸਾ ਧਮ੍ਮਂ વਿਜਾਨਾਤਿ, ਅਨਿਟ੍ਠਰੂਪਞ੍ਞੇવ વਿਜਾਨਾਤਿ ਨੋ ਇਟ੍ਠਰੂਪਂ, ਅਕਨ੍ਤਰੂਪਞ੍ਞੇવ વਿਜਾਨਾਤਿ ਨੋ ਕਨ੍ਤਰੂਪਂ, ਅਮਨਾਪਰੂਪਞ੍ਞੇવ વਿਜਾਨਾਤਿ ਨੋ ਮਨਾਪਰੂਪ’’ਨ੍ਤਿ 10। ਅਤ੍ਥੇવ ਸੁਤ੍ਤਨ੍ਤੋਤਿ? ਆਮਨ੍ਤਾ। ਤੇਨ ਹਿ વਤ੍ਤਬ੍ਬਂ 11 – ‘‘ਸਬ੍ਬੇ ਸਙ੍ਖਾਰਾ ਅਨੋਧਿਂ ਕਤ੍વਾ ਕੁਕ੍ਕੁਲ਼ਾ’’ਤਿ।
Na vattabbaṃ – ‘‘sabbe saṅkhārā anodhiṃ katvā kukkuḷā’’ti? Āmantā. Nanu vuttaṃ bhagavatā – ‘‘lābhā vo, bhikkhave, suladdhaṃ vo, bhikkhave, khaṇo vo paṭiladdho 12 brahmacariyavāsāya! Diṭṭhā mayā, bhikkhave, cha phassāyatanikā nāma nirayā. Tattha yaṃ kiñci cakkhunā rūpaṃ passati, aniṭṭharūpaññeva passati no iṭṭharūpaṃ, akantarūpaññeva passati no kantarūpaṃ, amanāparūpaññeva passati no manāparūpaṃ. Yaṃ kiñci sotena saddaṃ suṇāti…pe… ghānena gandhaṃ ghāyati… jivhāya rasaṃ sāyati… kāyena phoṭṭhabbaṃ phusati… manasā dhammaṃ vijānāti, aniṭṭharūpaññeva vijānāti no iṭṭharūpaṃ, akantarūpaññeva vijānāti no kantarūpaṃ, amanāparūpaññeva vijānāti no manāparūpa’’nti 13. Attheva suttantoti? Āmantā. Tena hi vattabbaṃ 14 – ‘‘sabbe saṅkhārā anodhiṃ katvā kukkuḷā’’ti.
ਸਬ੍ਬੇ ਸਙ੍ਖਾਰਾ ਅਨੋਧਿਂ ਕਤ੍વਾ ਕੁਕ੍ਕੁਲ਼ਾਤਿ? ਆਮਨ੍ਤਾ। ਨਨੁ વੁਤ੍ਤਂ ਭਗવਤਾ – ‘‘ਲਾਭਾ વੋ, ਭਿਕ੍ਖવੇ, ਸੁਲਦ੍ਧਂ વੋ, ਭਿਕ੍ਖવੇ, ਖਣੋ વੋ ਪਟਿਲਦ੍ਧੋ ਬ੍ਰਹ੍ਮਚਰਿਯવਾਸਾਯ! ਦਿਟ੍ਠਾ ਮਯਾ, ਭਿਕ੍ਖવੇ, ਛ ਫਸ੍ਸਾਯਤਨਿਕਾ ਨਾਮ ਸਗ੍ਗਾ। ਤਤ੍ਥ ਯਂ ਕਿਞ੍ਚਿ ਚਕ੍ਖੁਨਾ ਰੂਪਂ ਪਸ੍ਸਤਿ, ਇਟ੍ਠਰੂਪਞ੍ਞੇવ ਪਸ੍ਸਤਿ ਨੋ ਅਨਿਟ੍ਠਰੂਪਂ, ਕਨ੍ਤਰੂਪਞ੍ਞੇવ ਪਸ੍ਸਤਿ ਨੋ ਅਕਨ੍ਤਰੂਪਂ, ਮਨਾਪਰੂਪਞ੍ਞੇવ ਪਸ੍ਸਤਿ ਨੋ ਅਮਨਾਪਰੂਪਂ। ਯਂ ਕਿਞ੍ਚਿ ਸੋਤੇਨ ਸਦ੍ਦਂ ਸੁਣਾਤਿ…ਪੇ॰… ਘਾਨੇਨ ਗਨ੍ਧਂ ਘਾਯਤਿ… ਜਿવ੍ਹਾਯ ਰਸਂ ਸਾਯਤਿ… ਕਾਯੇਨ ਫੋਟ੍ਠਬ੍ਬਂ ਫੁਸਤਿ… ਮਨਸਾ ਧਮ੍ਮਂ વਿਜਾਨਾਤਿ, ਇਟ੍ਠਰੂਪਞ੍ਞੇવ વਿਜਾਨਾਤਿ ਨੋ ਅਨਿਟ੍ਠਰੂਪਂ, ਕਨ੍ਤਰੂਪਞ੍ਞੇવ વਿਜਾਨਾਤਿ ਨੋ ਅਕਨ੍ਤਰੂਪਂ, ਮਨਾਪਰੂਪਞ੍ਞੇવ વਿਜਾਨਾਤਿ ਨੋ ਅਮਨਾਪਰੂਪ’’ਨ੍ਤਿ 15। ਅਤ੍ਥੇવ ਸੁਤ੍ਤਨ੍ਤੋਤਿ? ਆਮਨ੍ਤਾ। ਤੇਨ ਹਿ ਨ વਤ੍ਤਬ੍ਬਂ – ‘‘ਸਬ੍ਬੇ ਸਙ੍ਖਾਰਾ ਅਨੋਧਿਂ ਕਤ੍વਾ ਕੁਕ੍ਕੁਲ਼ਾ’’ਤਿ।
Sabbe saṅkhārā anodhiṃ katvā kukkuḷāti? Āmantā. Nanu vuttaṃ bhagavatā – ‘‘lābhā vo, bhikkhave, suladdhaṃ vo, bhikkhave, khaṇo vo paṭiladdho brahmacariyavāsāya! Diṭṭhā mayā, bhikkhave, cha phassāyatanikā nāma saggā. Tattha yaṃ kiñci cakkhunā rūpaṃ passati, iṭṭharūpaññeva passati no aniṭṭharūpaṃ, kantarūpaññeva passati no akantarūpaṃ, manāparūpaññeva passati no amanāparūpaṃ. Yaṃ kiñci sotena saddaṃ suṇāti…pe… ghānena gandhaṃ ghāyati… jivhāya rasaṃ sāyati… kāyena phoṭṭhabbaṃ phusati… manasā dhammaṃ vijānāti, iṭṭharūpaññeva vijānāti no aniṭṭharūpaṃ, kantarūpaññeva vijānāti no akantarūpaṃ, manāparūpaññeva vijānāti no amanāparūpa’’nti 16. Attheva suttantoti? Āmantā. Tena hi na vattabbaṃ – ‘‘sabbe saṅkhārā anodhiṃ katvā kukkuḷā’’ti.
ਨ વਤ੍ਤਬ੍ਬਂ – ‘‘ਸਬ੍ਬੇ ਸਙ੍ਖਾਰਾ ਅਨੋਧਿਂ ਕਤ੍વਾ ਕੁਕ੍ਕੁਲ਼ਾ’’ਤਿ? ਆਮਨ੍ਤਾ। ਨਨੁ ‘‘ਯਦਨਿਚ੍ਚਂ ਤਂ ਦੁਕ੍ਖਂ 17,’’ વੁਤ੍ਤਂ ਭਗવਤਾ, ‘‘ਸਬ੍ਬੇ ਸਙ੍ਖਾਰਾ ਅਨਿਚ੍ਚਾ’’ਤਿ 18? ਆਮਨ੍ਤਾ। ਹਞ੍ਚਿ ‘‘ਯਦਨਿਚ੍ਚਂ ਤਂ ਦੁਕ੍ਖਂ,’’ વੁਤ੍ਤਂ ਭਗવਤਾ, ‘‘ਸਬ੍ਬੇ ਸਙ੍ਖਾਰਾ ਅਨਿਚ੍ਚਾ,’’ ਤੇਨ વਤ ਰੇ વਤ੍ਤਬ੍ਬੇ – ‘‘ਸਬ੍ਬੇ ਸਙ੍ਖਾਰਾ ਅਨੋਧਿਂ ਕਤ੍વਾ ਕੁਕ੍ਕੁਲ਼ਾ’’ਤਿ।
Na vattabbaṃ – ‘‘sabbe saṅkhārā anodhiṃ katvā kukkuḷā’’ti? Āmantā. Nanu ‘‘yadaniccaṃ taṃ dukkhaṃ 19,’’ vuttaṃ bhagavatā, ‘‘sabbe saṅkhārā aniccā’’ti 20? Āmantā. Hañci ‘‘yadaniccaṃ taṃ dukkhaṃ,’’ vuttaṃ bhagavatā, ‘‘sabbe saṅkhārā aniccā,’’ tena vata re vattabbe – ‘‘sabbe saṅkhārā anodhiṃ katvā kukkuḷā’’ti.
ਸਬ੍ਬੇ ਸਙ੍ਖਾਰਾ ਅਨੋਧਿਂ ਕਤ੍વਾ ਕੁਕ੍ਕੁਲ਼ਾਤਿ? ਆਮਨ੍ਤਾ। ਦਾਨਂ ਅਨਿਟ੍ਠਫਲਂ ਅਕਨ੍ਤਫਲਂ ਅਮਨੁਞ੍ਞਫਲਂ ਸੇਚਨਕਫਲਂ ਦੁਕ੍ਖੁਦ੍ਰਯਂ ਦੁਕ੍ਖવਿਪਾਕਨ੍ਤਿ? ਨ ਹੇવਂ વਤ੍ਤਬ੍ਬੇ।
Sabbe saṅkhārā anodhiṃ katvā kukkuḷāti? Āmantā. Dānaṃ aniṭṭhaphalaṃ akantaphalaṃ amanuññaphalaṃ secanakaphalaṃ dukkhudrayaṃ dukkhavipākanti? Na hevaṃ vattabbe.
ਸੀਲਂ…ਪੇ॰… ਉਪੋਸਥੋ…ਪੇ॰… ਭਾવਨਾ…ਪੇ॰… ਬ੍ਰਹ੍ਮਚਰਿਯਂ ਅਨਿਟ੍ਠਫਲਂ ਅਕਨ੍ਤਫਲਂ ਅਮਨੁਞ੍ਞਫਲਂ ਸੇਚਨਕਫਲਂ ਦੁਕ੍ਖੁਦ੍ਰਯਂ ਦੁਕ੍ਖવਿਪਾਕਨ੍ਤਿ? ਨ ਹੇવਂ વਤ੍ਤਬ੍ਬੇ।
Sīlaṃ…pe… uposatho…pe… bhāvanā…pe… brahmacariyaṃ aniṭṭhaphalaṃ akantaphalaṃ amanuññaphalaṃ secanakaphalaṃ dukkhudrayaṃ dukkhavipākanti? Na hevaṃ vattabbe.
ਨਨੁ ਦਾਨਂ ਇਟ੍ਠਫਲਂ ਕਨ੍ਤਫਲਂ ਮਨੁਞ੍ਞਫਲਂ ਅਸੇਚਨਕਫਲਂ ਸੁਖੁਦ੍ਰਯਂ ਸੁਖવਿਪਾਕਨ੍ਤਿ ? ਆਮਨ੍ਤਾ। ਹਞ੍ਚਿ ਦਾਨਂ ਇਟ੍ਠਫਲਂ ਕਨ੍ਤਫਲਂ ਮਨੁਞ੍ਞਫਲਂ ਅਸੇਚਨਕਫਲਂ ਸੁਖੁਦ੍ਰਯਂ ਸੁਖવਿਪਾਕਂ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਸਬ੍ਬੇ ਸਙ੍ਖਾਰਾ ਅਨੋਧਿਂ ਕਤ੍વਾ ਕੁਕ੍ਕੁਲ਼ਾ’’ਤਿ।
Nanu dānaṃ iṭṭhaphalaṃ kantaphalaṃ manuññaphalaṃ asecanakaphalaṃ sukhudrayaṃ sukhavipākanti ? Āmantā. Hañci dānaṃ iṭṭhaphalaṃ kantaphalaṃ manuññaphalaṃ asecanakaphalaṃ sukhudrayaṃ sukhavipākaṃ, no ca vata re vattabbe – ‘‘sabbe saṅkhārā anodhiṃ katvā kukkuḷā’’ti.
ਨਨੁ ਸੀਲਂ… ਉਪੋਸਥੋ… ਭਾવਨਾ… ਬ੍ਰਹ੍ਮਚਰਿਯਂ ਇਟ੍ਠਫਲਂ ਕਨ੍ਤਫਲਂ ਮਨੁਞ੍ਞਫਲਂ ਅਸੇਚਨਕਫਲਂ ਸੁਖੁਦ੍ਰਯਂ ਸੁਖવਿਪਾਕਨ੍ਤਿ? ਆਮਨ੍ਤਾ। ਹਞ੍ਚਿ ਬ੍ਰਹ੍ਮਚਰਿਯਂ ਇਟ੍ਠਫਲਂ ਕਨ੍ਤਫਲਂ ਮਨੁਞ੍ਞਫਲਂ ਅਸੇਚਨਕਫਲਂ ਸੁਖੁਦ੍ਰਯਂ ਸੁਖવਿਪਾਕਨ੍ਤਿ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਸਬ੍ਬੇ ਸਙ੍ਖਾਰਾ ਅਨੋਧਿਂ ਕਤ੍વਾ ਕੁਕ੍ਕੁਲ਼ਾ’’ਤਿ।
Nanu sīlaṃ… uposatho… bhāvanā… brahmacariyaṃ iṭṭhaphalaṃ kantaphalaṃ manuññaphalaṃ asecanakaphalaṃ sukhudrayaṃ sukhavipākanti? Āmantā. Hañci brahmacariyaṃ iṭṭhaphalaṃ kantaphalaṃ manuññaphalaṃ asecanakaphalaṃ sukhudrayaṃ sukhavipākanti, no ca vata re vattabbe – ‘‘sabbe saṅkhārā anodhiṃ katvā kukkuḷā’’ti.
ਸਬ੍ਬੇ ਸਙ੍ਖਾਰਾ ਅਨੋਧਿਂ ਕਤ੍વਾ ਕੁਕ੍ਕੁਲ਼ਾਤਿ? ਆਮਨ੍ਤਾ। ਨਨੁ વੁਤ੍ਤਂ ਭਗવਤਾ –
Sabbe saṅkhārā anodhiṃ katvā kukkuḷāti? Āmantā. Nanu vuttaṃ bhagavatā –
‘‘ਸੁਖੋ વਿવੇਕੋ ਤੁਟ੍ਠਸ੍ਸ, ਸੁਤਧਮ੍ਮਸ੍ਸ ਪਸ੍ਸਤੋ।
‘‘Sukho viveko tuṭṭhassa, sutadhammassa passato;
ਅਬ੍ਯਾਪਜ੍ਜਂ ਸੁਖਂ ਲੋਕੇ, ਪਾਣਭੂਤੇਸੁ ਸਂਯਮੋ॥
Abyāpajjaṃ sukhaṃ loke, pāṇabhūtesu saṃyamo.
‘‘ਸੁਖਾ વਿਰਾਗਤਾ ਲੋਕੇ, ਕਾਮਾਨਂ ਸਮਤਿਕ੍ਕਮੋ।
‘‘Sukhā virāgatā loke, kāmānaṃ samatikkamo;
‘‘ਤਂ ਸੁਖੇਨ ਸੁਖਂ ਪਤ੍ਤਂ, ਅਚ੍ਚਨ੍ਤਸੁਖਮੇવ ਤਂ।
‘‘Taṃ sukhena sukhaṃ pattaṃ, accantasukhameva taṃ;
ਤਿਸ੍ਸੋ વਿਜ੍ਜਾ ਅਨੁਪ੍ਪਤ੍ਤਾ, ਏਤਂ વੇ ਪਰਮਂ ਸੁਖ’’ਨ੍ਤਿ॥
Tisso vijjā anuppattā, etaṃ ve paramaṃ sukha’’nti.
ਅਤ੍ਥੇવ ਸੁਤ੍ਤਨ੍ਤੋਤਿ? ਆਮਨ੍ਤਾ। ਤੇਨ ਹਿ ਨ વਤ੍ਤਬ੍ਬਂ – ‘‘ਸਬ੍ਬੇ ਸਙ੍ਖਾਰਾ ਅਨੋਧਿਂ ਕਤ੍વਾ ਕੁਕ੍ਕੁਲ਼ਾ’’ਤਿ।
Attheva suttantoti? Āmantā. Tena hi na vattabbaṃ – ‘‘sabbe saṅkhārā anodhiṃ katvā kukkuḷā’’ti.
ਕੁਕ੍ਕੁਲ਼ਕਥਾ ਨਿਟ੍ਠਿਤਾ।
Kukkuḷakathā niṭṭhitā.
Footnotes:
Related texts:
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੮. ਕੁਕ੍ਕੁਲ਼ਕਥਾવਣ੍ਣਨਾ • 8. Kukkuḷakathāvaṇṇanā
