| Library / Tipiṭaka / তিপিটক • Tipiṭaka / পঞ্চপকরণ-অট্ঠকথা • Pañcapakaraṇa-aṭṭhakathā |
৮. কুক্কুল়কথাৰণ্ণনা
8. Kukkuḷakathāvaṇṇanā
৩৩৮. ইদানি কুক্কুল়কথা নাম হোতি। তত্থ যেসং ‘‘সব্বং, ভিক্খৰে, আদিত্তং (সং॰ নি॰ ৪.২৮; মহাৰ॰ ৫৪) সব্বে সঙ্খারা দুক্খা’’তিআদীনি (ধ॰ প॰ ২৭৮) সুত্তানি অযোনিসো গহেত্ৰা ‘‘নিপ্পরিযাযেনেৰ সব্বে সঙ্খারা কুক্কুল়া ৰীতচ্চিতঙ্গারসম্মিস্সা ছারিকনিরযসদিসা’’তি লদ্ধি, সেয্যথাপি এতরহি গোকুলিকানং; তেসং নানপ্পকারসুখসন্দস্সনেন তং লদ্ধিং ৰিৰেচেতুং পুচ্ছা সকৰাদিস্স, পটিঞ্ঞা পরৰাদিস্স। তত্থ অনোধিং কত্ৰাতি ওধিং মরিযাদং কোট্ঠাসং অকরিত্ৰা, অৰিসেসেন সব্বেযেৰাতি অত্থো। সেসং সব্বং পাল়িনযেনেৰ ৰেদিতব্বং সদ্ধিং সুত্তসাধনাযাতি।
338. Idāni kukkuḷakathā nāma hoti. Tattha yesaṃ ‘‘sabbaṃ, bhikkhave, ādittaṃ (saṃ. ni. 4.28; mahāva. 54) sabbe saṅkhārā dukkhā’’tiādīni (dha. pa. 278) suttāni ayoniso gahetvā ‘‘nippariyāyeneva sabbe saṅkhārā kukkuḷā vītaccitaṅgārasammissā chārikanirayasadisā’’ti laddhi, seyyathāpi etarahi gokulikānaṃ; tesaṃ nānappakārasukhasandassanena taṃ laddhiṃ vivecetuṃ pucchā sakavādissa, paṭiññā paravādissa. Tattha anodhiṃ katvāti odhiṃ mariyādaṃ koṭṭhāsaṃ akaritvā, avisesena sabbeyevāti attho. Sesaṃ sabbaṃ pāḷinayeneva veditabbaṃ saddhiṃ suttasādhanāyāti.
কুক্কুল়কথাৰণ্ণনা।
Kukkuḷakathāvaṇṇanā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / (১৭) ৮. কুক্কুল়কথা • (17) 8. Kukkuḷakathā
