| Library / Tipiṭaka / တိပိဋက • Tipiṭaka / ပဉ္စပကရဏ-အဋ္ဌကထာ • Pañcapakaraṇa-aṭṭhakathā |
၈. ကုက္ကုဠကထာဝဏ္ဏနာ
8. Kukkuḷakathāvaṇṇanā
၃၃၈. ဣဒာနိ ကုက္ကုဠကထာ နာမ ဟောတိ။ တတ္ထ ယေသံ ‘‘သဗ္ဗံ, ဘိက္ခဝေ, အာဒိတ္တံ (သံ. နိ. ၄.၂၈; မဟာဝ. ၅၄) သဗ္ဗေ သင္ခာရာ ဒုက္ခာ’’တိအာဒီနိ (ဓ. ပ. ၂၇၈) သုတ္တာနိ အယောနိသော ဂဟေတ္ဝာ ‘‘နိပ္ပရိယာယေနေဝ သဗ္ဗေ သင္ခာရာ ကုက္ကုဠာ ဝီတစ္စိတင္ဂာရသမ္မိသ္သာ ဆာရိကနိရယသဒိသာ’’တိ လဒ္ဓိ, သေယ္ယထာပိ ဧတရဟိ ဂောကုလိကာနံ; တေသံ နာနပ္ပကာရသုခသန္ဒသ္သနေန တံ လဒ္ဓိံ ဝိဝေစေတုံ ပုစ္ဆာ သကဝာဒိသ္သ, ပဋိညာ ပရဝာဒိသ္သ။ တတ္ထ အနောဓိံ ကတ္ဝာတိ ဩဓိံ မရိယာဒံ ကောဋ္ဌာသံ အကရိတ္ဝာ, အဝိသေသေန သဗ္ဗေယေဝာတိ အတ္ထော။ သေသံ သဗ္ဗံ ပာဠိနယေနေဝ ဝေဒိတဗ္ဗံ သဒ္ဓိံ သုတ္တသာဓနာယာတိ။
338. Idāni kukkuḷakathā nāma hoti. Tattha yesaṃ ‘‘sabbaṃ, bhikkhave, ādittaṃ (saṃ. ni. 4.28; mahāva. 54) sabbe saṅkhārā dukkhā’’tiādīni (dha. pa. 278) suttāni ayoniso gahetvā ‘‘nippariyāyeneva sabbe saṅkhārā kukkuḷā vītaccitaṅgārasammissā chārikanirayasadisā’’ti laddhi, seyyathāpi etarahi gokulikānaṃ; tesaṃ nānappakārasukhasandassanena taṃ laddhiṃ vivecetuṃ pucchā sakavādissa, paṭiññā paravādissa. Tattha anodhiṃ katvāti odhiṃ mariyādaṃ koṭṭhāsaṃ akaritvā, avisesena sabbeyevāti attho. Sesaṃ sabbaṃ pāḷinayeneva veditabbaṃ saddhiṃ suttasādhanāyāti.
ကုက္ကုဠကထာဝဏ္ဏနာ။
Kukkuḷakathāvaṇṇanā.
Related texts:
တိပိဋက (မူလ) • Tipiṭaka (Mūla) / အဘိဓမ္မပိဋက • Abhidhammapiṭaka / ကထာဝတ္ထုပာဠိ • Kathāvatthupāḷi / (၁၇) ၈. ကုက္ကုဠကထာ • (17) 8. Kukkuḷakathā
