| Library / Tipiṭaka / තිපිටක • Tipiṭaka / පඤ්‌චපකරණ-අට්‌ඨකථා • Pañcapakaraṇa-aṭṭhakathā |
8. කුක්‌කුළකථාවණ්‌ණනා
8. Kukkuḷakathāvaṇṇanā
338. ඉදානි කුක්‌කුළකථා නාම හොති. තත්‌ථ යෙසං ‘‘සබ්‌බං, භික්‌ඛවෙ, ආදිත්‌තං (සං. නි. 4.28; මහාව. 54) සබ්‌බෙ සඞ්‌ඛාරා දුක්‌ඛා’’තිආදීනි (ධ. ප. 278) සුත්‌තානි අයොනිසො ගහෙත්‌වා ‘‘නිප්‌පරියායෙනෙව සබ්‌බෙ සඞ්‌ඛාරා කුක්‌කුළා වීතච්‌චිතඞ්‌ගාරසම්‌මිස්‌සා ඡාරිකනිරයසදිසා’’ති ලද්‌ධි, සෙය්‍යථාපි එතරහි ගොකුලිකානං; තෙසං නානප්‌පකාරසුඛසන්‌දස්‌සනෙන තං ලද්‌ධිං විවෙචෙතුං පුච්‌ඡා සකවාදිස්‌ස, පටිඤ්‌ඤා පරවාදිස්‌ස. තත්‌ථ අනොධිං කත්‌වාති ඔධිං මරියාදං කොට්‌ඨාසං අකරිත්‌වා, අවිසෙසෙන සබ්‌බෙයෙවාති අත්‌ථො. සෙසං සබ්‌බං පාළිනයෙනෙව වෙදිතබ්‌බං සද්‌ධිං සුත්‌තසාධනායාති.
338. Idāni kukkuḷakathā nāma hoti. Tattha yesaṃ ‘‘sabbaṃ, bhikkhave, ādittaṃ (saṃ. ni. 4.28; mahāva. 54) sabbe saṅkhārā dukkhā’’tiādīni (dha. pa. 278) suttāni ayoniso gahetvā ‘‘nippariyāyeneva sabbe saṅkhārā kukkuḷā vītaccitaṅgārasammissā chārikanirayasadisā’’ti laddhi, seyyathāpi etarahi gokulikānaṃ; tesaṃ nānappakārasukhasandassanena taṃ laddhiṃ vivecetuṃ pucchā sakavādissa, paṭiññā paravādissa. Tattha anodhiṃ katvāti odhiṃ mariyādaṃ koṭṭhāsaṃ akaritvā, avisesena sabbeyevāti attho. Sesaṃ sabbaṃ pāḷinayeneva veditabbaṃ saddhiṃ suttasādhanāyāti.
කුක්‌කුළකථාවණ්‌ණනා.
Kukkuḷakathāvaṇṇanā.
Related texts:
තිපිටක (මූල) • Tipiṭaka (Mūla) / අභිධම්‌මපිටක • Abhidhammapiṭaka / කථාවත්‌ථුපාළි • Kathāvatthupāḷi / (17) 8. කුක්‌කුළකථා • (17) 8. Kukkuḷakathā
