| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
7. гуггуравад̇игасуд̇д̇ам̣
7. Kukkuravatikasuttaṃ
78. звам̣ мз суд̇ам̣ – згам̣ самаяам̣ бхаг̇аваа голиязсу вихарад̇и халид̣̇д̣̇авасанам̣ наама голияаанам̣ ниг̇амо. ат̇а ко бун̣н̣о жа голияабуд̇д̇о г̇овад̇иго ажзло жа сзнияо гуггуравад̇иго язна бхаг̇аваа д̇знубасан̇гамим̣су; убасан̇гамид̇ваа бун̣н̣о голияабуд̇д̇о г̇овад̇иго бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. ажзло бана сзнияо гуггуравад̇иго бхаг̇авад̇аа сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа гуггурова балигуж̇ж̇ид̇ваа 1 згаманд̇ам̣ нисийд̣̇и. згаманд̇ам̣ нисинно ко бун̣н̣о голияабуд̇д̇о г̇овад̇иго бхаг̇аванд̇ам̣ зд̇ад̣̇авожа – ‘‘аяам̣ , бханд̇з, ажзло сзнияо гуггуравад̇иго д̣̇уггарагаараго чамаанигкид̇д̇ам̣ бхож̇анам̣ бхун̃ж̇ад̇и. д̇асса д̇ам̣ гуггуравад̇ам̣ д̣̇ийгхарад̇д̇ам̣ самад̇д̇ам̣ самаад̣̇иннам̣. д̇асса гаа г̇ад̇и, го абхисамбарааяо’’д̇и? ‘‘алам̣, бун̣н̣а, д̇идтад̇зд̇ам̣; маа мам̣ зд̇ам̣ бужчий’’д̇и. д̣̇уд̇ияамби ко бун̣н̣о голияабуд̇д̇о г̇овад̇иго…бз… д̇ад̇ияамби ко бун̣н̣о голияабуд̇д̇о г̇овад̇иго бхаг̇аванд̇ам̣ зд̇ад̣̇авожа – ‘‘аяам̣, бханд̇з, ажзло сзнияо гуггуравад̇иго д̣̇уггарагаараго чамаанигкид̇д̇ам̣ бхож̇анам̣ бхун̃ж̇ад̇и. д̇асса д̇ам̣ гуггуравад̇ам̣ д̣̇ийгхарад̇д̇ам̣ самад̇д̇ам̣ самаад̣̇иннам̣. д̇асса гаа г̇ад̇и, го абхисамбарааяо’’д̇и?
78. Evaṃ me sutaṃ – ekaṃ samayaṃ bhagavā koliyesu viharati haliddavasanaṃ nāma koliyānaṃ nigamo. Atha kho puṇṇo ca koliyaputto govatiko acelo ca seniyo kukkuravatiko yena bhagavā tenupasaṅkamiṃsu; upasaṅkamitvā puṇṇo koliyaputto govatiko bhagavantaṃ abhivādetvā ekamantaṃ nisīdi. Acelo pana seniyo kukkuravatiko bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā kukkurova palikujjitvā 2 ekamantaṃ nisīdi. Ekamantaṃ nisinno kho puṇṇo koliyaputto govatiko bhagavantaṃ etadavoca – ‘‘ayaṃ , bhante, acelo seniyo kukkuravatiko dukkarakārako chamānikkhittaṃ bhojanaṃ bhuñjati. Tassa taṃ kukkuravataṃ dīgharattaṃ samattaṃ samādinnaṃ. Tassa kā gati, ko abhisamparāyo’’ti? ‘‘Alaṃ, puṇṇa, tiṭṭhatetaṃ; mā maṃ etaṃ pucchī’’ti. Dutiyampi kho puṇṇo koliyaputto govatiko…pe… tatiyampi kho puṇṇo koliyaputto govatiko bhagavantaṃ etadavoca – ‘‘ayaṃ, bhante, acelo seniyo kukkuravatiko dukkarakārako chamānikkhittaṃ bhojanaṃ bhuñjati. Tassa taṃ kukkuravataṃ dīgharattaṃ samattaṃ samādinnaṃ. Tassa kā gati, ko abhisamparāyo’’ti?
79. ‘‘ад̣̇д̇хаа ко д̇з ахам̣, бун̣н̣а, на лабхаами. алам̣, бун̣н̣а, д̇идтад̇зд̇ам̣; маа мам̣ зд̇ам̣ бужчийд̇и; аби жа д̇яаахам̣ б̣яаагариссаами. ид̇ха, бун̣н̣а, згажжо гуггуравад̇ам̣ бхаавзд̇и барибун̣н̣ам̣ аб̣б̣огин̣н̣ам̣, гуггурасийлам̣ бхаавзд̇и барибун̣н̣ам̣ аб̣б̣огин̣н̣ам̣, гуггуражид̇д̇ам̣ бхаавзд̇и барибун̣н̣ам̣ аб̣б̣огин̣н̣ам̣ , гуггураагаббам̣ бхаавзд̇и барибун̣н̣ам̣ аб̣б̣огин̣н̣ам̣. со гуггуравад̇ам̣ бхаавзд̇ваа барибун̣н̣ам̣ аб̣б̣огин̣н̣ам̣, гуггурасийлам̣ бхаавзд̇ваа барибун̣н̣ам̣ аб̣б̣огин̣н̣ам̣, гуггуражид̇д̇ам̣ бхаавзд̇ваа барибун̣н̣ам̣ аб̣б̣огин̣н̣ам̣, гуггураагаббам̣ бхаавзд̇ваа барибун̣н̣ам̣ аб̣б̣огин̣н̣ам̣ гааяасса бхзд̣̇аа барам̣ маран̣аа гуггураанам̣ сахаб̣яад̇ам̣ убабаж̇ж̇ад̇и. сажз ко банасса звам̣д̣̇идти ход̇и – ‘иминаахам̣ сийлзна ваа вад̇зна ваа д̇абзна ваа б̣рахмажариязна ваа д̣̇зво ваа бхависсаами д̣̇зван̃н̃ад̇аро ваа’д̇и, саасса 3 ход̇и мижчаад̣̇идти. мижчаад̣̇идтисса 4 ко ахам̣, бун̣н̣а, д̣̇виннам̣ г̇ад̇ийнам̣ ан̃н̃ад̇арам̣ г̇ад̇им̣ вад̣̇аами – нираяам̣ ваа д̇иражчаанаяоним̣ ваа. ид̇и ко, бун̣н̣а, самбаж̇ж̇амаанам̣ гуггуравад̇ам̣ гуггураанам̣ сахаб̣яад̇ам̣ убанзд̇и, вибаж̇ж̇амаанам̣ нираяа’’нд̇и. звам̣ вуд̇д̇з, ажзло сзнияо гуггуравад̇иго барод̣̇и, ассууни бавад̇д̇зси.
79. ‘‘Addhā kho te ahaṃ, puṇṇa, na labhāmi. Alaṃ, puṇṇa, tiṭṭhatetaṃ; mā maṃ etaṃ pucchīti; api ca tyāhaṃ byākarissāmi. Idha, puṇṇa, ekacco kukkuravataṃ bhāveti paripuṇṇaṃ abbokiṇṇaṃ, kukkurasīlaṃ bhāveti paripuṇṇaṃ abbokiṇṇaṃ, kukkuracittaṃ bhāveti paripuṇṇaṃ abbokiṇṇaṃ , kukkurākappaṃ bhāveti paripuṇṇaṃ abbokiṇṇaṃ. So kukkuravataṃ bhāvetvā paripuṇṇaṃ abbokiṇṇaṃ, kukkurasīlaṃ bhāvetvā paripuṇṇaṃ abbokiṇṇaṃ, kukkuracittaṃ bhāvetvā paripuṇṇaṃ abbokiṇṇaṃ, kukkurākappaṃ bhāvetvā paripuṇṇaṃ abbokiṇṇaṃ kāyassa bhedā paraṃ maraṇā kukkurānaṃ sahabyataṃ upapajjati. Sace kho panassa evaṃdiṭṭhi hoti – ‘imināhaṃ sīlena vā vatena vā tapena vā brahmacariyena vā devo vā bhavissāmi devaññataro vā’ti, sāssa 5 hoti micchādiṭṭhi. Micchādiṭṭhissa 6 kho ahaṃ, puṇṇa, dvinnaṃ gatīnaṃ aññataraṃ gatiṃ vadāmi – nirayaṃ vā tiracchānayoniṃ vā. Iti kho, puṇṇa, sampajjamānaṃ kukkuravataṃ kukkurānaṃ sahabyataṃ upaneti, vipajjamānaṃ niraya’’nti. Evaṃ vutte, acelo seniyo kukkuravatiko parodi, assūni pavattesi.
ат̇а ко бхаг̇аваа бун̣н̣ам̣ голияабуд̇д̇ам̣ г̇овад̇игам̣ зд̇ад̣̇авожа – ‘‘зд̇ам̣ ко д̇з ахам̣, бун̣н̣а, наалад̇т̇ам̣. алам̣, бун̣н̣а, д̇идтад̇зд̇ам̣; маа мам̣ зд̇ам̣ бужчий’’д̇и. ‘‘наахам̣, бханд̇з, зд̇ам̣ род̣̇аами яам̣ мам̣ бхаг̇аваа звамааха; аби жа мз ид̣̇ам̣, бханд̇з, гуггуравад̇ам̣ д̣̇ийгхарад̇д̇ам̣ самад̇д̇ам̣ самаад̣̇иннам̣. аяам̣, бханд̇з, бун̣н̣о голияабуд̇д̇о г̇овад̇иго. д̇асса д̇ам̣ г̇овад̇ам̣ д̣̇ийгхарад̇д̇ам̣ самад̇д̇ам̣ самаад̣̇иннам̣. д̇асса гаа г̇ад̇и, го абхисамбарааяо’’д̇и? ‘‘алам̣, сзнияа, д̇идтад̇зд̇ам̣; маа мам̣ зд̇ам̣ бужчий’’д̇и. д̣̇уд̇ияамби ко ажзло сзнияо…бз… д̇ад̇ияамби ко ажзло сзнияо гуггуравад̇иго бхаг̇аванд̇ам̣ зд̇ад̣̇авожа – ‘‘аяам̣, бханд̇з, бун̣н̣о голияабуд̇д̇о г̇овад̇иго. д̇асса д̇ам̣ г̇овад̇ам̣ д̣̇ийгхарад̇д̇ам̣ самад̇д̇ам̣ самаад̣̇иннам̣. д̇асса гаа г̇ад̇и, го абхисамбарааяо’’д̇и?
Atha kho bhagavā puṇṇaṃ koliyaputtaṃ govatikaṃ etadavoca – ‘‘etaṃ kho te ahaṃ, puṇṇa, nālatthaṃ. Alaṃ, puṇṇa, tiṭṭhatetaṃ; mā maṃ etaṃ pucchī’’ti. ‘‘Nāhaṃ, bhante, etaṃ rodāmi yaṃ maṃ bhagavā evamāha; api ca me idaṃ, bhante, kukkuravataṃ dīgharattaṃ samattaṃ samādinnaṃ. Ayaṃ, bhante, puṇṇo koliyaputto govatiko. Tassa taṃ govataṃ dīgharattaṃ samattaṃ samādinnaṃ. Tassa kā gati, ko abhisamparāyo’’ti? ‘‘Alaṃ, seniya, tiṭṭhatetaṃ; mā maṃ etaṃ pucchī’’ti. Dutiyampi kho acelo seniyo…pe… tatiyampi kho acelo seniyo kukkuravatiko bhagavantaṃ etadavoca – ‘‘ayaṃ, bhante, puṇṇo koliyaputto govatiko. Tassa taṃ govataṃ dīgharattaṃ samattaṃ samādinnaṃ. Tassa kā gati, ko abhisamparāyo’’ti?
80. ‘‘ад̣̇д̇хаа ко д̇з ахам̣, сзнияа, на лабхаами. алам̣, сзнияа, д̇идтад̇зд̇ам̣; маа мам̣ зд̇ам̣ бужчийд̇и; аби жа д̇яаахам̣ б̣яаагариссаами. ид̇ха, сзнияа, згажжо г̇овад̇ам̣ бхаавзд̇и барибун̣н̣ам̣ аб̣б̣огин̣н̣ам̣, г̇осийлам̣ бхаавзд̇и барибун̣н̣ам̣ аб̣б̣огин̣н̣ам̣, г̇ожид̇д̇ам̣ бхаавзд̇и барибун̣н̣ам̣ аб̣б̣огин̣н̣ам̣, г̇аваагаббам̣ 7 бхаавзд̇и барибун̣н̣ам̣ аб̣б̣огин̣н̣ам̣. со г̇овад̇ам̣ бхаавзд̇ваа барибун̣н̣ам̣ аб̣б̣огин̣н̣ам̣, г̇осийлам̣ бхаавзд̇ваа барибун̣н̣ам̣ аб̣б̣огин̣н̣ам̣, г̇ожид̇д̇ам̣ бхаавзд̇ваа барибун̣н̣ам̣ аб̣б̣огин̣н̣ам̣, г̇аваагаббам̣ бхаавзд̇ваа барибун̣н̣ам̣ аб̣б̣огин̣н̣ам̣ гааяасса бхзд̣̇аа барам̣ маран̣аа г̇уннам̣ сахаб̣яад̇ам̣ убабаж̇ж̇ад̇и. сажз ко банасса звам̣д̣̇идти ход̇и – ‘иминаахам̣ сийлзна ваа вад̇зна ваа д̇абзна ваа б̣рахмажариязна ваа д̣̇зво ваа бхависсаами д̣̇зван̃н̃ад̇аро ваа’д̇и , саасса ход̇и мижчаад̣̇идти. мижчаад̣̇идтисса ко ахам̣, сзнияа, д̣̇виннам̣ г̇ад̇ийнам̣ ан̃н̃ад̇арам̣ г̇ад̇им̣ вад̣̇аами – нираяам̣ ваа д̇иражчаанаяоним̣ ваа. ид̇и ко, сзнияа, самбаж̇ж̇амаанам̣ г̇овад̇ам̣ г̇уннам̣ сахаб̣яад̇ам̣ убанзд̇и, вибаж̇ж̇амаанам̣ нираяа’’нд̇и. звам̣ вуд̇д̇з, бун̣н̣о голияабуд̇д̇о г̇овад̇иго барод̣̇и, ассууни бавад̇д̇зси.
80. ‘‘Addhā kho te ahaṃ, seniya, na labhāmi. Alaṃ, seniya, tiṭṭhatetaṃ; mā maṃ etaṃ pucchīti; api ca tyāhaṃ byākarissāmi. Idha, seniya, ekacco govataṃ bhāveti paripuṇṇaṃ abbokiṇṇaṃ, gosīlaṃ bhāveti paripuṇṇaṃ abbokiṇṇaṃ, gocittaṃ bhāveti paripuṇṇaṃ abbokiṇṇaṃ, gavākappaṃ 8 bhāveti paripuṇṇaṃ abbokiṇṇaṃ. So govataṃ bhāvetvā paripuṇṇaṃ abbokiṇṇaṃ, gosīlaṃ bhāvetvā paripuṇṇaṃ abbokiṇṇaṃ, gocittaṃ bhāvetvā paripuṇṇaṃ abbokiṇṇaṃ, gavākappaṃ bhāvetvā paripuṇṇaṃ abbokiṇṇaṃ kāyassa bhedā paraṃ maraṇā gunnaṃ sahabyataṃ upapajjati. Sace kho panassa evaṃdiṭṭhi hoti – ‘imināhaṃ sīlena vā vatena vā tapena vā brahmacariyena vā devo vā bhavissāmi devaññataro vā’ti , sāssa hoti micchādiṭṭhi. Micchādiṭṭhissa kho ahaṃ, seniya, dvinnaṃ gatīnaṃ aññataraṃ gatiṃ vadāmi – nirayaṃ vā tiracchānayoniṃ vā. Iti kho, seniya, sampajjamānaṃ govataṃ gunnaṃ sahabyataṃ upaneti, vipajjamānaṃ niraya’’nti. Evaṃ vutte, puṇṇo koliyaputto govatiko parodi, assūni pavattesi.
ат̇а ко бхаг̇аваа ажзлам̣ сзнияам̣ гуггуравад̇игам̣ зд̇ад̣̇авожа – ‘‘зд̇ам̣ ко д̇з ахам̣, сзнияа , наалад̇т̇ам̣. алам̣, сзнияа, д̇идтад̇зд̇ам̣; маа мам̣ зд̇ам̣ бужчий’’д̇и. ‘‘наахам̣, бханд̇з, зд̇ам̣ род̣̇аами яам̣ мам̣ бхаг̇аваа звамааха; аби жа мз ид̣̇ам̣, бханд̇з, г̇овад̇ам̣ д̣̇ийгхарад̇д̇ам̣ самад̇д̇ам̣ самаад̣̇иннам̣. звам̣ басанно ахам̣, бханд̇з, бхаг̇авад̇и; баход̇и бхаг̇аваа д̇ат̇аа д̇хаммам̣ д̣̇зсзд̇ум̣ яат̇аа ахам̣ жзвимам̣ г̇овад̇ам̣ баж̇ахзяяам̣, аяан̃жзва ажзло сзнияо гуггуравад̇иго д̇ам̣ гуггуравад̇ам̣ баж̇ахзяяаа’’д̇и. ‘‘д̇зна хи, бун̣н̣а, сун̣аахи, саад̇хугам̣ манаси гарохи, бхаасиссаамий’’д̇и. ‘‘звам̣, бханд̇з’’д̇и ко бун̣н̣о голияабуд̇д̇о г̇овад̇иго бхаг̇авад̇о бажжассоси. бхаг̇аваа зд̇ад̣̇авожа –
Atha kho bhagavā acelaṃ seniyaṃ kukkuravatikaṃ etadavoca – ‘‘etaṃ kho te ahaṃ, seniya , nālatthaṃ. Alaṃ, seniya, tiṭṭhatetaṃ; mā maṃ etaṃ pucchī’’ti. ‘‘Nāhaṃ, bhante, etaṃ rodāmi yaṃ maṃ bhagavā evamāha; api ca me idaṃ, bhante, govataṃ dīgharattaṃ samattaṃ samādinnaṃ. Evaṃ pasanno ahaṃ, bhante, bhagavati; pahoti bhagavā tathā dhammaṃ desetuṃ yathā ahaṃ cevimaṃ govataṃ pajaheyyaṃ, ayañceva acelo seniyo kukkuravatiko taṃ kukkuravataṃ pajaheyyā’’ti. ‘‘Tena hi, puṇṇa, suṇāhi, sādhukaṃ manasi karohi, bhāsissāmī’’ti. ‘‘Evaṃ, bhante’’ti kho puṇṇo koliyaputto govatiko bhagavato paccassosi. Bhagavā etadavoca –
81. ‘‘жад̇д̇ааримаани, бун̣н̣а, гаммаани маяаа саяам̣ абхин̃н̃аа сажчигад̇ваа бавзд̣̇ид̇аани. гад̇амаани жад̇д̇аари? ад̇т̇и, бун̣н̣а, гаммам̣ ган̣хам̣ ган̣хавибаагам̣; ад̇т̇и, бун̣н̣а, гаммам̣ суггам̣ суггавибаагам̣; ад̇т̇и, бун̣н̣а, гаммам̣ ган̣хасуггам̣ ган̣хасуггавибаагам̣; ад̇т̇и, бун̣н̣а, гаммам̣ аган̣хам̣ асуггам̣ аган̣хаасуггавибаагам̣, гаммагкаяааяа сам̣вад̇д̇ад̇и .
81. ‘‘Cattārimāni, puṇṇa, kammāni mayā sayaṃ abhiññā sacchikatvā paveditāni. Katamāni cattāri? Atthi, puṇṇa, kammaṃ kaṇhaṃ kaṇhavipākaṃ; atthi, puṇṇa, kammaṃ sukkaṃ sukkavipākaṃ; atthi, puṇṇa, kammaṃ kaṇhasukkaṃ kaṇhasukkavipākaṃ; atthi, puṇṇa, kammaṃ akaṇhaṃ asukkaṃ akaṇhaasukkavipākaṃ, kammakkhayāya saṃvattati .
‘‘гад̇аман̃жа, бун̣н̣а, гаммам̣ ган̣хам̣ ган̣хавибаагам̣? ид̇ха, бун̣н̣а, згажжо саб̣яааб̣аж̇жхам̣ 9 гааяасан̇каарам̣ абхисан̇карод̇и, саб̣яааб̣аж̇жхам̣ важийсан̇каарам̣ абхисан̇карод̇и, саб̣яааб̣аж̇жхам̣ маносан̇каарам̣ абхисан̇карод̇и. со саб̣яааб̣аж̇жхам̣ гааяасан̇каарам̣ абхисан̇карид̇ваа, саб̣яааб̣аж̇жхам̣ важийсан̇каарам̣ абхисан̇карид̇ваа, саб̣яааб̣аж̇жхам̣ маносан̇каарам̣ абхисан̇карид̇ваа, саб̣яааб̣аж̇жхам̣ логам̣ убабаж̇ж̇ад̇и. д̇амзнам̣ саб̣яааб̣аж̇жхам̣ логам̣ убабаннам̣ самаанам̣ саб̣яааб̣аж̇жхаа пассаа пусанд̇и. со саб̣яааб̣аж̇жхзхи пассзхи пудто самаано саб̣яааб̣аж̇жхам̣ взд̣̇анам̣ взд̣̇зд̇и зганд̇ад̣̇угкам̣, сзяяат̇ааби сад̇д̇аа нзраяигаа . ид̇и ко, бун̣н̣а, бхууд̇аа бхууд̇асса убабад̇д̇и ход̇и; яам̣ гарод̇и д̇зна убабаж̇ж̇ад̇и, убабаннамзнам̣ пассаа пусанд̇и. звам̣баахам̣, бун̣н̣а, ‘гаммад̣̇ааяаад̣̇аа сад̇д̇аа’д̇и вад̣̇аами. ид̣̇ам̣ вужжад̇и, бун̣н̣а, гаммам̣ ган̣хам̣ ган̣хавибаагам̣.
‘‘Katamañca, puṇṇa, kammaṃ kaṇhaṃ kaṇhavipākaṃ? Idha, puṇṇa, ekacco sabyābajjhaṃ 10 kāyasaṅkhāraṃ abhisaṅkharoti, sabyābajjhaṃ vacīsaṅkhāraṃ abhisaṅkharoti, sabyābajjhaṃ manosaṅkhāraṃ abhisaṅkharoti. So sabyābajjhaṃ kāyasaṅkhāraṃ abhisaṅkharitvā, sabyābajjhaṃ vacīsaṅkhāraṃ abhisaṅkharitvā, sabyābajjhaṃ manosaṅkhāraṃ abhisaṅkharitvā, sabyābajjhaṃ lokaṃ upapajjati. Tamenaṃ sabyābajjhaṃ lokaṃ upapannaṃ samānaṃ sabyābajjhā phassā phusanti. So sabyābajjhehi phassehi phuṭṭho samāno sabyābajjhaṃ vedanaṃ vedeti ekantadukkhaṃ, seyyathāpi sattā nerayikā . Iti kho, puṇṇa, bhūtā bhūtassa upapatti hoti; yaṃ karoti tena upapajjati, upapannamenaṃ phassā phusanti. Evaṃpāhaṃ, puṇṇa, ‘kammadāyādā sattā’ti vadāmi. Idaṃ vuccati, puṇṇa, kammaṃ kaṇhaṃ kaṇhavipākaṃ.
‘‘гад̇аман̃жа, бун̣н̣а, гаммам̣ суггам̣ суггавибаагам̣? ид̇ха, бун̣н̣а, згажжо аб̣яааб̣аж̇жхам̣ гааяасан̇каарам̣ абхисан̇карод̇и, аб̣яааб̣аж̇жхам̣ важийсан̇каарам̣ абхисан̇карод̇и, аб̣яааб̣аж̇жхам̣ маносан̇каарам̣ абхисан̇карод̇и. со аб̣яааб̣аж̇жхам̣ гааяасан̇каарам̣ абхисан̇карид̇ваа, аб̣яааб̣аж̇жхам̣ важийсан̇каарам̣ абхисан̇карид̇ваа, аб̣яааб̣аж̇жхам̣ маносан̇каарам̣ абхисан̇карид̇ваа аб̣яааб̣аж̇жхам̣ логам̣ убабаж̇ж̇ад̇и. д̇амзнам̣ аб̣яааб̣аж̇жхам̣ логам̣ убабаннам̣ самаанам̣ аб̣яааб̣аж̇жхаа пассаа пусанд̇и. со аб̣яааб̣аж̇жхзхи пассзхи пудто самаано аб̣яааб̣аж̇жхам̣ взд̣̇анам̣ взд̣̇зд̇и зганд̇асукам̣, сзяяат̇ааби д̣̇зваа субхагин̣хаа. ид̇и ко , бун̣н̣а, бхууд̇аа бхууд̇асса убабад̇д̇и ход̇и; яам̣ гарод̇и д̇зна убабаж̇ж̇ад̇и, убабаннамзнам̣ пассаа пусанд̇и. звам̣баахам̣, бун̣н̣а, ‘гаммад̣̇ааяаад̣̇аа сад̇д̇аа’д̇и вад̣̇аами. ид̣̇ам̣ вужжад̇и, бун̣н̣а, гаммам̣ суггам̣ суггавибаагам̣.
‘‘Katamañca, puṇṇa, kammaṃ sukkaṃ sukkavipākaṃ? Idha, puṇṇa, ekacco abyābajjhaṃ kāyasaṅkhāraṃ abhisaṅkharoti, abyābajjhaṃ vacīsaṅkhāraṃ abhisaṅkharoti, abyābajjhaṃ manosaṅkhāraṃ abhisaṅkharoti. So abyābajjhaṃ kāyasaṅkhāraṃ abhisaṅkharitvā, abyābajjhaṃ vacīsaṅkhāraṃ abhisaṅkharitvā, abyābajjhaṃ manosaṅkhāraṃ abhisaṅkharitvā abyābajjhaṃ lokaṃ upapajjati. Tamenaṃ abyābajjhaṃ lokaṃ upapannaṃ samānaṃ abyābajjhā phassā phusanti. So abyābajjhehi phassehi phuṭṭho samāno abyābajjhaṃ vedanaṃ vedeti ekantasukhaṃ, seyyathāpi devā subhakiṇhā. Iti kho , puṇṇa, bhūtā bhūtassa upapatti hoti; yaṃ karoti tena upapajjati, upapannamenaṃ phassā phusanti. Evaṃpāhaṃ, puṇṇa, ‘kammadāyādā sattā’ti vadāmi. Idaṃ vuccati, puṇṇa, kammaṃ sukkaṃ sukkavipākaṃ.
‘‘гад̇аман̃жа, бун̣н̣а, гаммам̣ ган̣хасуггам̣ ган̣хасуггавибаагам̣? ид̇ха, бун̣н̣а, згажжо саб̣яааб̣аж̇жхамби аб̣яааб̣аж̇жхамби гааяасан̇каарам̣ абхисан̇карод̇и, саб̣яааб̣аж̇жхамби аб̣яааб̣аж̇жхамби важийсан̇каарам̣ абхисан̇карод̇и, саб̣яааб̣аж̇жхамби аб̣яааб̣аж̇жхамби маносан̇каарам̣ абхисан̇карод̇и. со саб̣яааб̣аж̇жхамби аб̣яааб̣аж̇жхамби гааяасан̇каарам̣ абхисан̇карид̇ваа, саб̣яааб̣аж̇жхамби аб̣яааб̣аж̇жхамби важийсан̇каарам̣ абхин̇карид̇ваа, саб̣яааб̣аж̇жхамби аб̣яааб̣аж̇жхамби маносан̇каарам̣ абхисан̇карид̇ваа саб̣яааб̣аж̇жхамби аб̣яааб̣аж̇жхамби логам̣ убабаж̇ж̇ад̇и. д̇амзнам̣ саб̣яааб̣аж̇жхамби аб̣яааб̣аж̇жхамби логам̣ убабаннам̣ самаанам̣ саб̣яааб̣аж̇жхааби аб̣яааб̣аж̇жхааби пассаа пусанд̇и. со саб̣яааб̣аж̇жхзхиби аб̣яааб̣аж̇жхзхиби пассзхи пудто самаано саб̣яааб̣аж̇жхамби аб̣яааб̣аж̇жхамби взд̣̇анам̣ взд̣̇зд̇и вогин̣н̣асукад̣̇угкам̣, сзяяат̇ааби мануссаа згажжз жа д̣̇зваа згажжз жа винибаад̇игаа. ид̇и ко, бун̣н̣а, бхууд̇аа бхууд̇асса убабад̇д̇и ход̇и; яам̣ гарод̇и д̇зна убабаж̇ж̇ад̇и. убабаннамзнам̣ пассаа пусанд̇и. звам̣баахам̣, бун̣н̣а, ‘гаммад̣̇ааяаад̣̇аа сад̇д̇аа’д̇и вад̣̇аами. ид̣̇ам̣ вужжад̇и, бун̣н̣а, гаммам̣ ган̣хасуггам̣ ган̣хасуггавибаагам̣.
‘‘Katamañca, puṇṇa, kammaṃ kaṇhasukkaṃ kaṇhasukkavipākaṃ? Idha, puṇṇa, ekacco sabyābajjhampi abyābajjhampi kāyasaṅkhāraṃ abhisaṅkharoti, sabyābajjhampi abyābajjhampi vacīsaṅkhāraṃ abhisaṅkharoti, sabyābajjhampi abyābajjhampi manosaṅkhāraṃ abhisaṅkharoti. So sabyābajjhampi abyābajjhampi kāyasaṅkhāraṃ abhisaṅkharitvā, sabyābajjhampi abyābajjhampi vacīsaṅkhāraṃ abhiṅkharitvā, sabyābajjhampi abyābajjhampi manosaṅkhāraṃ abhisaṅkharitvā sabyābajjhampi abyābajjhampi lokaṃ upapajjati. Tamenaṃ sabyābajjhampi abyābajjhampi lokaṃ upapannaṃ samānaṃ sabyābajjhāpi abyābajjhāpi phassā phusanti. So sabyābajjhehipi abyābajjhehipi phassehi phuṭṭho samāno sabyābajjhampi abyābajjhampi vedanaṃ vedeti vokiṇṇasukhadukkhaṃ, seyyathāpi manussā ekacce ca devā ekacce ca vinipātikā. Iti kho, puṇṇa, bhūtā bhūtassa upapatti hoti; yaṃ karoti tena upapajjati. Upapannamenaṃ phassā phusanti. Evaṃpāhaṃ, puṇṇa, ‘kammadāyādā sattā’ti vadāmi. Idaṃ vuccati, puṇṇa, kammaṃ kaṇhasukkaṃ kaṇhasukkavipākaṃ.
‘‘гад̇аман̃жа , бун̣н̣а, гаммам̣ аган̣хам̣ асуггам̣ аган̣хаасуггавибаагам̣, гаммагкаяааяа сам̣вад̇д̇ад̇и? д̇ад̇ра, бун̣н̣а, яамид̣̇ам̣ гаммам̣ ган̣хам̣ ган̣хавибаагам̣ д̇асса бахаанааяа яаа жзд̇анаа, яамид̣̇ам̣ 11 гаммам̣ суггам̣ суггавибаагам̣ д̇асса бахаанааяа яаа жзд̇анаа, яамид̣̇ам̣ 12 гаммам̣ ган̣хасуггам̣ ган̣хасуггавибаагам̣ д̇асса бахаанааяа яаа жзд̇анаа – ид̣̇ам̣ вужжад̇и, бун̣н̣а, гаммам̣ аган̣хам̣ асуггам̣ аган̣хаасуггавибаагам̣, гаммагкаяааяа сам̣вад̇д̇ад̇ийд̇и. имаани ко, бун̣н̣а, жад̇д̇аари гаммаани маяаа саяам̣ абхин̃н̃аа сажчигад̇ваа бавзд̣̇ид̇ааний’’д̇и.
‘‘Katamañca , puṇṇa, kammaṃ akaṇhaṃ asukkaṃ akaṇhaasukkavipākaṃ, kammakkhayāya saṃvattati? Tatra, puṇṇa, yamidaṃ kammaṃ kaṇhaṃ kaṇhavipākaṃ tassa pahānāya yā cetanā, yamidaṃ 13 kammaṃ sukkaṃ sukkavipākaṃ tassa pahānāya yā cetanā, yamidaṃ 14 kammaṃ kaṇhasukkaṃ kaṇhasukkavipākaṃ tassa pahānāya yā cetanā – idaṃ vuccati, puṇṇa, kammaṃ akaṇhaṃ asukkaṃ akaṇhaasukkavipākaṃ, kammakkhayāya saṃvattatīti. Imāni kho, puṇṇa, cattāri kammāni mayā sayaṃ abhiññā sacchikatvā paveditānī’’ti.
82. звам̣ вуд̇д̇з, бун̣н̣о голияабуд̇д̇о г̇овад̇иго бхаг̇аванд̇ам̣ зд̇ад̣̇авожа – ‘‘абхигганд̇ам̣, бханд̇з, абхигганд̇ам̣, бханд̇з! сзяяат̇ааби, бханд̇з…бз… убаасагам̣ мам̣ бхаг̇аваа д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и. ажзло бана сзнияо гуггуравад̇иго бхаг̇аванд̇ам̣ зд̇ад̣̇авожа – ‘‘абхигганд̇ам̣, бханд̇з, абхигганд̇ам̣, бханд̇з! сзяяат̇ааби, бханд̇з…бз… багаасид̇о. зсаахам̣, бханд̇з, бхаг̇аванд̇ам̣ саран̣ам̣ г̇ажчаами д̇хамман̃жа бхигкусан̇гхан̃жа. лабхзяяаахам̣, бханд̇з, бхаг̇авад̇о санд̇игз баб̣б̣аж̇ж̇ам̣, лабхзяяам̣ убасамбад̣̇а’’нд̇и. ‘‘яо ко, сзнияа , ан̃н̃ад̇ид̇т̇ияабуб̣б̣о имасмим̣ д̇хаммавинаяз ааган̇кад̇и баб̣б̣аж̇ж̇ам̣, ааган̇кад̇и убасамбад̣̇ам̣ со жад̇д̇ааро маасз баривасад̇и. жад̇уннам̣ маасаанам̣ ажжаязна аарад̣̇д̇хажид̇д̇аа бхигкуу баб̣б̣ааж̇знд̇и, убасамбаад̣̇знд̇и бхигкубхаавааяа. аби жа мзд̇т̇а буг̇г̇алавзмад̇д̇ад̇аа вид̣̇ид̇аа’’д̇и.
82. Evaṃ vutte, puṇṇo koliyaputto govatiko bhagavantaṃ etadavoca – ‘‘abhikkantaṃ, bhante, abhikkantaṃ, bhante! Seyyathāpi, bhante…pe… upāsakaṃ maṃ bhagavā dhāretu ajjatagge pāṇupetaṃ saraṇaṃ gata’’nti. Acelo pana seniyo kukkuravatiko bhagavantaṃ etadavoca – ‘‘abhikkantaṃ, bhante, abhikkantaṃ, bhante! Seyyathāpi, bhante…pe… pakāsito. Esāhaṃ, bhante, bhagavantaṃ saraṇaṃ gacchāmi dhammañca bhikkhusaṅghañca. Labheyyāhaṃ, bhante, bhagavato santike pabbajjaṃ, labheyyaṃ upasampada’’nti. ‘‘Yo kho, seniya , aññatitthiyapubbo imasmiṃ dhammavinaye ākaṅkhati pabbajjaṃ, ākaṅkhati upasampadaṃ so cattāro māse parivasati. Catunnaṃ māsānaṃ accayena āraddhacittā bhikkhū pabbājenti, upasampādenti bhikkhubhāvāya. Api ca mettha puggalavemattatā viditā’’ti.
‘‘сажз, бханд̇з, ан̃н̃ад̇ид̇т̇ияабуб̣б̣аа имасмим̣ д̇хаммавинаяз ааган̇канд̇аа баб̣б̣аж̇ж̇ам̣ ааган̇канд̇аа убасамбад̣̇ам̣ д̇з жад̇д̇ааро маасз баривасанд̇и жад̇уннам̣ маасаанам̣ ажжаязна аарад̣̇д̇хажид̇д̇аа бхигкуу баб̣б̣ааж̇знд̇и убасамбаад̣̇знд̇и бхигкубхаавааяа, ахам̣ жад̇д̇аари вассаани баривасиссаами. жад̇уннам̣ вассаанам̣ ажжаязна аарад̣̇д̇хажид̇д̇аа бхигкуу баб̣б̣ааж̇знд̇у, убасамбаад̣̇знд̇у бхигкубхаавааяаа’’д̇и. алад̇т̇а ко ажзло сзнияо гуггуравад̇иго бхаг̇авад̇о санд̇игз баб̣б̣аж̇ж̇ам̣, алад̇т̇а убасамбад̣̇ам̣. ажируубасамбанно ко банааяасмаа сзнияо зго вуубагадто аббамад̇д̇о аад̇аабий бахид̇ад̇д̇о вихаранд̇о нажирассзва – яассад̇т̇ааяа гулабуд̇д̇аа саммад̣̇зва аг̇аарасмаа анаг̇аарияам̣ баб̣б̣аж̇анд̇и д̇ад̣̇ануд̇д̇арам̣ – б̣рахмажарияабарияосаанам̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихааси. ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и аб̣бхан̃н̃ааси. ан̃н̃ад̇аро ко банааяасмаа сзнияо арахад̇ам̣ ахосийд̇и.
‘‘Sace, bhante, aññatitthiyapubbā imasmiṃ dhammavinaye ākaṅkhantā pabbajjaṃ ākaṅkhantā upasampadaṃ te cattāro māse parivasanti catunnaṃ māsānaṃ accayena āraddhacittā bhikkhū pabbājenti upasampādenti bhikkhubhāvāya, ahaṃ cattāri vassāni parivasissāmi. Catunnaṃ vassānaṃ accayena āraddhacittā bhikkhū pabbājentu, upasampādentu bhikkhubhāvāyā’’ti. Alattha kho acelo seniyo kukkuravatiko bhagavato santike pabbajjaṃ, alattha upasampadaṃ. Acirūpasampanno kho panāyasmā seniyo eko vūpakaṭṭho appamatto ātāpī pahitatto viharanto nacirasseva – yassatthāya kulaputtā sammadeva agārasmā anagāriyaṃ pabbajanti tadanuttaraṃ – brahmacariyapariyosānaṃ diṭṭheva dhamme sayaṃ abhiññā sacchikatvā upasampajja vihāsi. ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti abbhaññāsi. Aññataro kho panāyasmā seniyo arahataṃ ahosīti.
гуггуравад̇игасуд̇д̇ам̣ нидтид̇ам̣ сад̇д̇амам̣.
Kukkuravatikasuttaṃ niṭṭhitaṃ sattamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 7. гуггуравад̇игасуд̇д̇аван̣н̣анаа • 7. Kukkuravatikasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 7. гуггуравад̇игасуд̇д̇аван̣н̣анаа • 7. Kukkuravatikasuttavaṇṇanā
