| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
7. гуггуравад̇игасуд̇д̇аван̣н̣анаа
7. Kukkuravatikasuttavaṇṇanā
78. звам̣ мз суд̇анд̇и гуггуравад̇игасуд̇д̇ам̣. д̇ад̇т̇а голиязсууд̇и звам̣наамагз ж̇анабад̣̇з. со хи згоби голанаг̇арз бад̇идтид̇аанам̣ голияаанам̣ рааж̇агумаараанам̣ ниваасадтаанад̇д̇аа звам̣ вужжад̇и. д̇асмим̣ голиязсу ж̇анабад̣̇з. халид̣̇д̣̇авасананд̇и д̇асса гира ниг̇амасса маабид̇агаалз бийд̇агавад̇т̇анивад̇т̇аа мануссаа нагкад̇д̇ам̣ гийл̣им̣су. д̇з нагкад̇д̇агийл̣аавасаанз ниг̇амасса наамам̣ ааробзнд̇аа халид̣̇д̣̇авасананд̇и наамам̣ агам̣су. д̇ам̣ г̇ожараг̇аамам̣ гад̇ваа вихарад̇ийд̇и ад̇т̇о. вихааро банзд̇т̇а гин̃жааби на нияаамид̇о, д̇ат̇ааби б̣уд̣̇д̇хаанам̣ анужчавигз сзнаасанзязва вихаасийд̇и взд̣̇ид̇аб̣б̣о. г̇овад̇игод̇и самаад̣̇иннаг̇овад̇о, сийсз син̇г̇аани табзд̇ваа нан̇г̇удтам̣ б̣анд̇хид̇ваа г̇аавийхи сад̣̇д̇хим̣ д̇ин̣аани каад̣̇анд̇о вияа жарад̇и. ажзлод̇и наг̇г̇о нижжзло. сзнияод̇и д̇асса наамам̣.
78.Evaṃme sutanti kukkuravatikasuttaṃ. Tattha koliyesūti evaṃnāmake janapade. So hi ekopi kolanagare patiṭṭhitānaṃ koliyānaṃ rājakumārānaṃ nivāsaṭṭhānattā evaṃ vuccati. Tasmiṃ koliyesu janapade. Haliddavasananti tassa kira nigamassa māpitakāle pītakavatthanivatthā manussā nakkhattaṃ kīḷiṃsu. Te nakkhattakīḷāvasāne nigamassa nāmaṃ āropentā haliddavasananti nāmaṃ akaṃsu. Taṃ gocaragāmaṃ katvā viharatīti attho. Vihāro panettha kiñcāpi na niyāmito, tathāpi buddhānaṃ anucchavike senāsaneyeva vihāsīti veditabbo. Govatikoti samādinnagovato, sīse siṅgāni ṭhapetvā naṅguṭṭhaṃ bandhitvā gāvīhi saddhiṃ tiṇāni khādanto viya carati. Aceloti naggo niccelo. Seniyoti tassa nāmaṃ.
гуггуравад̇игод̇и самаад̣̇иннагуггуравад̇о, саб̣б̣ам̣ сунакагирияам̣ гарод̇и. убхобзд̇з сахабам̣сугийл̣игаа сахааяагаа. гуггурова балигуж̇ж̇ид̇ваад̇и сунако наама саамигасса санд̇игз нисийд̣̇анд̇о д̣̇вийхи баад̣̇зхи бхуумияам̣ вилзкид̇ваа гуггурагууж̇ид̇ам̣ гууж̇анд̇о нисийд̣̇ад̇и, аяамби ‘‘гуггурагирияам̣ гариссаамий’’д̇и бхаг̇авад̇аа сад̣̇д̇хим̣ саммод̣̇ид̇ваа д̣̇вийхи хад̇т̇зхи бхуумияам̣ вилзкид̇ваа сийсам̣ вид̇хунанд̇о ‘бхуу бхуу’д̇и гад̇ваа хад̇т̇абаад̣̇з самин̃ж̇ид̇ваа сунако вияа нисийд̣̇и. чамаанигкид̇д̇анд̇и бхуумияам̣ табид̇ам̣. самад̇д̇ам̣ самаад̣̇иннанд̇и барибун̣н̣ам̣ гад̇ваа г̇ахид̇ам̣. гаа г̇ад̇ийд̇и гаа нибпад̇д̇и. го абхисамбарааяод̇и абхисамбарааяамхи гад̇т̇а ниб̣б̣ад̇д̇и. аланд̇и д̇асса аббияам̣ бхависсад̇ийд̇и яаавад̇ад̇ияам̣ бадиб̣аахад̇и. гуггуравад̇анд̇и гуггуравад̇асамаад̣̇аанам̣.
Kukkuravatikoti samādinnakukkuravato, sabbaṃ sunakhakiriyaṃ karoti. Ubhopete sahapaṃsukīḷikā sahāyakā. Kukkurova palikujjitvāti sunakho nāma sāmikassa santike nisīdanto dvīhi pādehi bhūmiyaṃ vilekhitvā kukkurakūjitaṃ kūjanto nisīdati, ayampi ‘‘kukkurakiriyaṃ karissāmī’’ti bhagavatā saddhiṃ sammoditvā dvīhi hatthehi bhūmiyaṃ vilekhitvā sīsaṃ vidhunanto ‘bhū bhū’ti katvā hatthapāde samiñjitvā sunakho viya nisīdi. Chamānikkhittanti bhūmiyaṃ ṭhapitaṃ. Samattaṃ samādinnanti paripuṇṇaṃ katvā gahitaṃ. Kā gatīti kā nipphatti. Ko abhisamparāyoti abhisamparāyamhi kattha nibbatti. Alanti tassa appiyaṃ bhavissatīti yāvatatiyaṃ paṭibāhati. Kukkuravatanti kukkuravatasamādānaṃ.
79. бхаавзд̇ийд̇и вад̣дхзд̇и. барибун̣н̣анд̇и ануунам̣. аб̣б̣огин̣н̣анд̇и ниранд̇арам̣. гуггурасийланд̇и гуггураажаарам̣. гуггуражид̇д̇анд̇и ‘‘аж̇ж̇а бадтааяа гуггурзхи гаад̇аб̣б̣ам̣ гариссаамий’’д̇и звам̣ уббаннажид̇д̇ам̣. гуггураагаббанд̇и гуггураанам̣ г̇аманаагааро ад̇т̇и, д̇идтанаагааро ад̇т̇и, нисийд̣̇анаагааро ад̇т̇и, саяанаагааро ад̇т̇и, ужжаарабассаавагаран̣аагааро ад̇т̇и, ан̃н̃з гуггурз д̣̇исваа д̣̇анд̇з виварид̇ваа г̇аманаагааро ад̇т̇и, аяам̣ гуггураагаббо наама, д̇ам̣ бхаавзд̇ийд̇и ад̇т̇о . иминаахам̣ сийлзнаад̇иаад̣̇ийсу ахам̣ иминаа аажаарзна ваа вад̇асамаад̣̇аанзна ваа д̣̇уггарад̇абажаран̣зна ваа мзт̇унавирад̇иб̣рахмажариязна ваад̇и ад̇т̇о. д̣̇звод̇и саггасуяаамаад̣̇ийсу ан̃н̃ад̇аро. д̣̇зван̃н̃ад̇арод̇и д̇зсам̣ д̣̇уд̇ияад̇ад̇ияадтаанаад̣̇ийсу ан̃н̃ад̇арад̣̇зво. мижчаад̣̇идтийд̇и ад̣̇звалогаг̇аамимаг̇г̇амзва д̣̇звалогаг̇аамимаг̇г̇од̇и г̇ахзд̇ваа уббаннад̇ааяа саа асса мижчаад̣̇идти наама ход̇и. ан̃н̃ад̇арам̣ г̇ад̇им̣ вад̣̇аамийд̇и д̇асса хи нираяад̇о ваа д̇иражчаанаяонид̇о ваа ан̃н̃аа г̇ад̇и над̇т̇и, д̇асмаа звамааха. самбаж̇ж̇амаананд̇и д̣̇идтияаа асаммиссам̣ худ̇ваа нибаж̇ж̇амаанам̣.
79.Bhāvetīti vaḍḍheti. Paripuṇṇanti anūnaṃ. Abbokiṇṇanti nirantaraṃ. Kukkurasīlanti kukkurācāraṃ. Kukkuracittanti ‘‘ajja paṭṭhāya kukkurehi kātabbaṃ karissāmī’’ti evaṃ uppannacittaṃ. Kukkurākappanti kukkurānaṃ gamanākāro atthi, tiṭṭhanākāro atthi, nisīdanākāro atthi, sayanākāro atthi, uccārapassāvakaraṇākāro atthi, aññe kukkure disvā dante vivaritvā gamanākāro atthi, ayaṃ kukkurākappo nāma, taṃ bhāvetīti attho . Imināhaṃ sīlenātiādīsu ahaṃ iminā ācārena vā vatasamādānena vā dukkaratapacaraṇena vā methunaviratibrahmacariyena vāti attho. Devoti sakkasuyāmādīsu aññataro. Devaññataroti tesaṃ dutiyatatiyaṭṭhānādīsu aññataradevo. Micchādiṭṭhīti adevalokagāmimaggameva devalokagāmimaggoti gahetvā uppannatāya sā assa micchādiṭṭhi nāma hoti. Aññataraṃ gatiṃ vadāmīti tassa hi nirayato vā tiracchānayonito vā aññā gati natthi, tasmā evamāha. Sampajjamānanti diṭṭhiyā asammissaṃ hutvā nipajjamānaṃ.
наахам̣, бханд̇з, зд̇ам̣ род̣̇аами, яам̣ мам̣ бхаг̇аваа звамаахаад̇и яам̣ мам̣, бханд̇з, бхаг̇аваа звамааха, ахамзд̇ам̣ бхаг̇авад̇о б̣яаагаран̣ам̣ на род̣̇аами на барид̣̇зваами, на ануд̇т̇унаамийд̇и ад̇т̇о. звам̣ сагаммагавасзнзд̇т̇а ад̇т̇о взд̣̇ид̇аб̣б̣о, на ассумун̃жанамад̇д̇зна.
Nāhaṃ, bhante, etaṃ rodāmi, yaṃ maṃ bhagavā evamāhāti yaṃ maṃ, bhante, bhagavā evamāha, ahametaṃ bhagavato byākaraṇaṃ na rodāmi na paridevāmi, na anutthunāmīti attho. Evaṃ sakammakavasenettha attho veditabbo, na assumuñcanamattena.
‘‘мад̇ам̣ ваа амма род̣̇анд̇и, яо ваа ж̇ийвам̣ на д̣̇иссад̇и;
‘‘Mataṃ vā amma rodanti, yo vā jīvaṃ na dissati;
ж̇ийванд̇ам̣ амма бассанд̇ий, гасмаа мам̣ амма род̣̇асий’’д̇и. (сам̣. ни. 1.239) –
Jīvantaṃ amma passantī, kasmā maṃ amma rodasī’’ti. (saṃ. ni. 1.239) –
аяан̃жзд̇т̇а баяог̇о. абижа мз ид̣̇ам̣, бханд̇зд̇и абижа ко мз ид̣̇ам̣, бханд̇з, гуггуравад̇ам̣ д̣̇ийгхарад̇д̇ам̣ самаад̣̇иннам̣, д̇асмим̣ самбаж̇ж̇анд̇зби вуд̣̇д̇хи над̇т̇и, вибаж̇ж̇анд̇зби. ид̇и ‘‘зд̇д̇агам̣ гаалам̣ маяаа гад̇агаммам̣ могхам̣ ж̇аад̇а’’нд̇и ад̇д̇ано вибад̇д̇им̣ бажжавзгкамаано род̣̇аами, бханд̇зд̇и.
Ayañcettha payogo. Apica me idaṃ, bhanteti apica kho me idaṃ, bhante, kukkuravataṃ dīgharattaṃ samādinnaṃ, tasmiṃ sampajjantepi vuddhi natthi, vipajjantepi. Iti ‘‘ettakaṃ kālaṃ mayā katakammaṃ moghaṃ jāta’’nti attano vipattiṃ paccavekkhamāno rodāmi, bhanteti.
80. г̇овад̇анд̇иаад̣̇ийни гуггуравад̇аад̣̇ийсу вуд̇д̇анаязнзва взд̣̇ид̇аб̣б̣аани. г̇аваагаббанд̇и г̇оаагаббам̣. сзсам̣ гуггураагаббз вуд̇д̇асад̣̇исамзва. яат̇аа бана д̇ад̇т̇а ан̃н̃з гуггурз д̣̇исваа д̣̇анд̇з виварид̇ваа г̇аманаагааро, звамид̇ха ан̃н̃з г̇ааво д̣̇исваа ган̣н̣з угкибид̇ваа г̇аманаагааро взд̣̇ид̇аб̣б̣о. сзсам̣ д̇аад̣̇исамзва.
80.Govatantiādīni kukkuravatādīsu vuttanayeneva veditabbāni. Gavākappanti goākappaṃ. Sesaṃ kukkurākappe vuttasadisameva. Yathā pana tattha aññe kukkure disvā dante vivaritvā gamanākāro, evamidha aññe gāvo disvā kaṇṇe ukkhipitvā gamanākāro veditabbo. Sesaṃ tādisameva.
81. жад̇д̇ааримаани бун̣н̣а гаммаанийд̇и гасмаа имам̣ д̣̇зсанам̣ аарабхи? аяан̃хи д̣̇зсанаа згажжагаммагирияавасзна ааг̇ад̇аа, имасмин̃жа гаммажад̇уггз гат̇ид̇з имзсам̣ гирияаа баагадаа бхависсад̇ийд̇и имам̣ д̣̇зсанам̣ аарабхи. абижа имам̣ гаммажад̇уггамзва д̣̇зсияамаанам̣ имз сан̃ж̇ааниссанд̇и , д̇ад̇о зго саран̣ам̣ г̇амиссад̇и, зго баб̣б̣аж̇ид̇ваа арахад̇д̇ам̣ баабун̣иссад̇ийд̇и аяамзва зд̇зсам̣ саббааяаад̇и н̃ад̇вааби имам̣ д̣̇зсанам̣ аарабхи.
81.Cattārimānipuṇṇa kammānīti kasmā imaṃ desanaṃ ārabhi? Ayañhi desanā ekaccakammakiriyavasena āgatā, imasmiñca kammacatukke kathite imesaṃ kiriyā pākaṭā bhavissatīti imaṃ desanaṃ ārabhi. Apica imaṃ kammacatukkameva desiyamānaṃ ime sañjānissanti , tato eko saraṇaṃ gamissati, eko pabbajitvā arahattaṃ pāpuṇissatīti ayameva etesaṃ sappāyāti ñatvāpi imaṃ desanaṃ ārabhi.
д̇ад̇т̇а ган̣ханд̇и гаал̣агам̣ д̣̇асаагусалагаммабат̇агаммам̣. ган̣хавибааганд̇и абааяз ниб̣б̣ад̇д̇анад̇о гаал̣агавибаагам̣. сугганд̇и бан̣д̣арам̣ д̣̇асагусалагаммабат̇агаммам̣. суггавибааганд̇и саг̇г̇з ниб̣б̣ад̇д̇анад̇о бан̣д̣аравибаагам̣. ган̣хасугганд̇и вомиссагагаммам̣. ган̣хасуггавибааганд̇и сукад̣̇угкавибаагам̣. миссагагамман̃хи гад̇ваа агусалзна д̇иражчаанаяонияам̣ ман̇г̇алахад̇т̇идтаанаад̣̇ийсу уббанно гусалзна бавад̇д̇з сукам̣ взд̣̇ияад̇и. гусалзна рааж̇агулзби ниб̣б̣ад̇д̇о агусалзна бавад̇д̇з д̣̇угкам̣ взд̣̇ияад̇и. аган̣хам̣ асугганд̇и гаммагкаяагарам̣ жад̇умаг̇г̇ажзд̇анаагаммам̣ ад̇хиббзд̇ам̣. д̇ан̃хи яад̣̇и ган̣хам̣ бхавзяяа, ган̣хавибаагам̣ д̣̇ад̣̇зяяа. яад̣̇и суггам̣ бхавзяяа, суггавибаагам̣ д̣̇ад̣̇зяяа. убхаяавибаагасса бана ад̣̇аанад̇о аган̣хаасуггавибаагад̇д̇аа ‘‘аган̣хам̣ асугга’’нд̇и вуд̇д̇ам̣. аяам̣ д̇аава уд̣̇д̣̇зсз ад̇т̇о.
Tattha kaṇhanti kāḷakaṃ dasaakusalakammapathakammaṃ. Kaṇhavipākanti apāye nibbattanato kāḷakavipākaṃ. Sukkanti paṇḍaraṃ dasakusalakammapathakammaṃ. Sukkavipākanti sagge nibbattanato paṇḍaravipākaṃ. Kaṇhasukkanti vomissakakammaṃ. Kaṇhasukkavipākanti sukhadukkhavipākaṃ. Missakakammañhi katvā akusalena tiracchānayoniyaṃ maṅgalahatthiṭṭhānādīsu uppanno kusalena pavatte sukhaṃ vediyati. Kusalena rājakulepi nibbatto akusalena pavatte dukkhaṃ vediyati. Akaṇhaṃ asukkanti kammakkhayakaraṃ catumaggacetanākammaṃ adhippetaṃ. Tañhi yadi kaṇhaṃ bhaveyya, kaṇhavipākaṃ dadeyya. Yadi sukkaṃ bhaveyya, sukkavipākaṃ dadeyya. Ubhayavipākassa pana adānato akaṇhāsukkavipākattā ‘‘akaṇhaṃ asukka’’nti vuttaṃ. Ayaṃ tāva uddese attho.
нид̣̇д̣̇зсз бана саб̣яааб̣аж̇жханд̇и сад̣̇угкам̣. гааяасан̇каараад̣̇ийсу гааяад̣̇ваарз г̇ахан̣аад̣̇ивасзна жобанаббад̇д̇аа д̣̇ваад̣̇аса агусалажзд̇анаа саб̣яааб̣аж̇жхагааяасан̇кааро наама. важийд̣̇ваарз ханусан̃жобанавасзна важийбхзд̣̇абавад̇д̇игаа д̇ааязва д̣̇ваад̣̇аса важийсан̇кааро наама. убхаяажобанам̣ аббад̇д̇аа рахо жинд̇аяанд̇асса манод̣̇ваарз бавад̇д̇аа маносан̇кааро наама. ид̇и д̇ийсуби д̣̇ваарзсу гааяад̣̇ужжарид̇аад̣̇ибхзд̣̇аа агусалажзд̇анаава сан̇каараад̇и взд̣̇ид̇аб̣б̣аа. имасмин̃хи суд̇д̇з жзд̇анаа д̇хурам̣, убаалисуд̇д̇з гаммам̣. абхисан̇карид̇ваад̇и сан̇гад̣дхид̇ваа, бин̣д̣ам̣ гад̇ваад̇и ад̇т̇о. саб̣яааб̣аж̇жхам̣ логанд̇и сад̣̇угкам̣ логам̣ убабаж̇ж̇анд̇и. саб̣яааб̣аж̇жхаа пассаа пусанд̇ийд̇и сад̣̇угкаа вибаагапассаа пусанд̇и. зганд̇ад̣̇угканд̇и ниранд̇арад̣̇угкам̣. бхууд̇аад̇и хзд̇вад̇т̇з ниссаггаважанам̣, бхууд̇агаммад̇о бхууд̇асса сад̇д̇асса уббад̇д̇и ход̇и. ид̣̇ам̣ вуд̇д̇ам̣ ход̇и – яат̇аабхууд̇ам̣ гаммам̣ сад̇д̇аа гаронд̇и, д̇ат̇аабхууд̇зна гаммзна гаммасабхааг̇авасзна д̇зсам̣ убабад̇д̇и ход̇и. д̇знзвааха ‘‘яам̣ гарод̇и д̇зна убабаж̇ж̇ад̇ий’’д̇и. зд̇т̇а жа д̇знаад̇и гаммзна вияа вуд̇д̇аа, убабад̇д̇и жа наама вибаагзна ход̇и. яасмаа бана вибаагасса гаммам̣ хзд̇у, д̇асмаа д̇зна муулахзд̇убхууд̇зна гаммзна ниб̣б̣ад̇д̇ад̇ийд̇и аяамзд̇т̇а ад̇т̇о. пассаа пусанд̇ийд̇и язна гаммавибаагзна ниб̣б̣ад̇д̇о, д̇ам̣гаммавибаагапассаа пусанд̇и. гаммад̣̇ааяаад̣̇аад̇и гаммад̣̇ааяаж̇ж̇аа гаммамзва нзсам̣ д̣̇ааяаж̇ж̇ам̣ санд̇аганд̇и вад̣̇аами.
Niddese pana sabyābajjhanti sadukkhaṃ. Kāyasaṅkhārādīsu kāyadvāre gahaṇādivasena copanappattā dvādasa akusalacetanā sabyābajjhakāyasaṅkhāro nāma. Vacīdvāre hanusañcopanavasena vacībhedapavattikā tāyeva dvādasa vacīsaṅkhāro nāma. Ubhayacopanaṃ appattā raho cintayantassa manodvāre pavattā manosaṅkhāro nāma. Iti tīsupi dvāresu kāyaduccaritādibhedā akusalacetanāva saṅkhārāti veditabbā. Imasmiñhi sutte cetanā dhuraṃ, upālisutte kammaṃ. Abhisaṅkharitvāti saṅkaḍḍhitvā, piṇḍaṃ katvāti attho. Sabyābajjhaṃ lokanti sadukkhaṃ lokaṃ upapajjanti. Sabyābajjhā phassā phusantīti sadukkhā vipākaphassā phusanti. Ekantadukkhanti nirantaradukkhaṃ. Bhūtāti hetvatthe nissakkavacanaṃ, bhūtakammato bhūtassa sattassa uppatti hoti. Idaṃ vuttaṃ hoti – yathābhūtaṃ kammaṃ sattā karonti, tathābhūtena kammena kammasabhāgavasena tesaṃ upapatti hoti. Tenevāha ‘‘yaṃ karoti tena upapajjatī’’ti. Ettha ca tenāti kammena viya vuttā, upapatti ca nāma vipākena hoti. Yasmā pana vipākassa kammaṃ hetu, tasmā tena mūlahetubhūtena kammena nibbattatīti ayamettha attho. Phassā phusantīti yena kammavipākena nibbatto, taṃkammavipākaphassā phusanti. Kammadāyādāti kammadāyajjā kammameva nesaṃ dāyajjaṃ santakanti vadāmi.
аб̣яааб̣аж̇жханд̇и нид̣̇д̣̇угкам̣ . имасмим̣ ваарз гааяад̣̇ваарз бавад̇д̇аа адта гаамааважарагусалажзд̇анаа гааяасан̇кааро наама. д̇ааязва важийд̣̇ваарз бавад̇д̇аа важийсан̇кааро наама. манод̣̇ваарз бавад̇д̇аа д̇ааязва адта, д̇иссо жа хздтимажхаанажзд̇анаа аб̣яааб̣аж̇жхаманосан̇кааро наама. жхаанажзд̇анаа д̇аава ход̇у, гаамааважараа гинд̇и аб̣яааб̣аж̇жхаманосан̇кааро наама ж̇аад̇аад̇и. гасин̣асаж̇ж̇анагаалз жа гасин̣аасзванагаалз жа лаб̣бханд̇и. гаамааважаражзд̇анаа батамаж̇жхаанажзд̇анааяа гхадид̇аа, жад̇уд̇т̇аж̇жхаанажзд̇анаа д̇ад̇ияаж̇жхаанажзд̇анааяа гхадид̇аа. ид̇и д̇ийсуби д̣̇ваарзсу гааяасужарид̇аад̣̇ибхзд̣̇аа гусалажзд̇анаава сан̇каараад̇и взд̣̇ид̇аб̣б̣о. д̇ад̇ияавааро убхаяамиссагавасзна взд̣̇ид̇аб̣б̣аа.
Abyābajjhanti niddukkhaṃ . Imasmiṃ vāre kāyadvāre pavattā aṭṭha kāmāvacarakusalacetanā kāyasaṅkhāro nāma. Tāyeva vacīdvāre pavattā vacīsaṅkhāro nāma. Manodvāre pavattā tāyeva aṭṭha, tisso ca heṭṭhimajhānacetanā abyābajjhamanosaṅkhāro nāma. Jhānacetanā tāva hotu, kāmāvacarā kinti abyābajjhamanosaṅkhāro nāma jātāti. Kasiṇasajjanakāle ca kasiṇāsevanakāle ca labbhanti. Kāmāvacaracetanā paṭhamajjhānacetanāya ghaṭitā, catutthajjhānacetanā tatiyajjhānacetanāya ghaṭitā. Iti tīsupi dvāresu kāyasucaritādibhedā kusalacetanāva saṅkhārāti veditabbo. Tatiyavāro ubhayamissakavasena veditabbā.
сзяяат̇ааби мануссаад̇иаад̣̇ийсу мануссаанам̣ д̇аава гаалзна сукам̣ гаалзна д̣̇угкам̣ баагадамзва, д̣̇звзсу бана бхуммад̣̇звад̇аанам̣, винибаад̇игзсу взмаанигабзд̇аанам̣ гаалзна сукам̣ гаалзна д̣̇угкам̣ ход̇ийд̇и взд̣̇ид̇аб̣б̣ам̣. хад̇т̇иаад̣̇ийсу д̇иражчаанзсуби лаб̣бхад̇иязва.
Seyyathāpi manussātiādīsu manussānaṃ tāva kālena sukhaṃ kālena dukkhaṃ pākaṭameva, devesu pana bhummadevatānaṃ, vinipātikesu vemānikapetānaṃ kālena sukhaṃ kālena dukkhaṃ hotīti veditabbaṃ. Hatthiādīsu tiracchānesupi labbhatiyeva.
д̇ад̇раад̇и д̇зсу д̇ийсу гаммзсу. д̇асса бахаанааяа яаа жзд̇анаад̇и д̇асса бахаанад̇т̇ааяа маг̇г̇ажзд̇анаа. гаммам̣ бад̇ваава маг̇г̇ажзд̇анааяа ан̃н̃о бан̣д̣арад̇аро д̇хаммо наама над̇т̇и. ид̣̇ам̣ бана гаммажад̇уггам̣ бад̇ваа д̣̇ваад̣̇аса агусалажзд̇анаа ган̣хаа наама, д̇збхуумагагусалажзд̇анаа суггаа наама, маг̇г̇ажзд̇анаа аган̣хаа асуггаад̇и ааг̇ад̇аа.
Tatrāti tesu tīsu kammesu. Tassa pahānāya yā cetanāti tassa pahānatthāya maggacetanā. Kammaṃ patvāva maggacetanāya añño paṇḍarataro dhammo nāma natthi. Idaṃ pana kammacatukkaṃ patvā dvādasa akusalacetanā kaṇhā nāma, tebhūmakakusalacetanā sukkā nāma, maggacetanā akaṇhā asukkāti āgatā.
82. ‘‘лабхзяяаахам̣, бханд̇з’’д̇и ид̣̇ам̣ со ‘‘жирам̣ вад̇а мз анияяаанигабагкз яож̇зд̇ваа ад̇д̇аа гиламид̇о, ‘сугканад̣̇ийд̇ийрз нхааяиссаамий’д̇и самбаривад̇д̇знд̇зна вияа т̇усз годдзнд̇зна вияа жа на гожи ад̇т̇о нибпаад̣̇ид̇о, ханд̣̇аахам̣ ад̇д̇аанам̣ яог̇з яож̇змий’’д̇и жинд̇зд̇ваа ааха. ат̇а бхаг̇аваа яонзна канд̇хагз д̇ид̇т̇ияабариваасо бан̃н̃ад̇д̇о, яам̣ ан̃н̃ад̇ид̇т̇ияабуб̣б̣о сааман̣зрабхуумияам̣ тид̇о – ‘‘ахам̣, бханд̇з, ид̇т̇аннаамо ан̃н̃ад̇ид̇т̇ияабуб̣б̣о имасмим̣ д̇хаммавинаяз ааган̇каами убасамбад̣̇ам̣, сваахам̣, бханд̇з, сан̇гхам̣ жад̇д̇ааро маасз бариваасам̣ яаажаамий’’д̇иаад̣̇инаа (махаава. 86) наязна самаад̣̇ияид̇ваа баривасад̇и, д̇ам̣ санд̇хааяа ‘‘яо ко, сзнияа, ан̃н̃ад̇ид̇т̇ияабуб̣б̣о’’д̇иаад̣̇имааха.
82.‘‘Labheyyāhaṃ, bhante’’ti idaṃ so ‘‘ciraṃ vata me aniyyānikapakkhe yojetvā attā kilamito, ‘sukkhanadītīre nhāyissāmī’ti samparivattentena viya thuse koṭṭentena viya ca na koci attho nipphādito, handāhaṃ attānaṃ yoge yojemī’’ti cintetvā āha. Atha bhagavā yonena khandhake titthiyaparivāso paññatto, yaṃ aññatitthiyapubbo sāmaṇerabhūmiyaṃ ṭhito – ‘‘ahaṃ, bhante, itthannāmo aññatitthiyapubbo imasmiṃ dhammavinaye ākaṅkhāmi upasampadaṃ, svāhaṃ, bhante, saṅghaṃ cattāro māse parivāsaṃ yācāmī’’tiādinā (mahāva. 86) nayena samādiyitvā parivasati, taṃ sandhāya ‘‘yo kho, seniya, aññatitthiyapubbo’’tiādimāha.
д̇ад̇т̇а баб̣б̣аж̇ж̇анд̇и важанасилидтад̇аавасзнзва вуд̇д̇ам̣. абаривасид̇вааязва хи баб̣б̣аж̇ж̇ам̣ лабхад̇и. убасамбад̣̇ад̇т̇игзна бана наад̇игаалзна г̇аамаббавзсанаад̣̇ийни адта вад̇д̇аани буурзнд̇зна баривасид̇аб̣б̣ам̣ . аарад̣̇д̇хажид̇д̇аад̇и адтавад̇д̇абууран̣зна д̇удтажид̇д̇аа. аяамзд̇т̇а сан̇кзбо. вид̇т̇аарад̇о банзса д̇ид̇т̇ияабариваасо саманд̇абаасаад̣̇игааяа винаяадтагат̇ааяа баб̣б̣аж̇ж̇аканд̇хагаван̣н̣анааяам̣ (махаава. адта. 86) вуд̇д̇анаязнзва взд̣̇ид̇аб̣б̣о . абижа мзд̇т̇аад̇и абижа мз зд̇т̇а. буг̇г̇алавзмад̇д̇ад̇аа вид̣̇ид̇аад̇и буг̇г̇аланаанад̇д̇ам̣ вид̣̇ид̇ам̣. аяам̣ буг̇г̇ало бариваасаарахо, аяам̣ на бариваасаараход̇и ид̣̇ам̣ маяхам̣ баагаданд̇и д̣̇ассзд̇и.
Tattha pabbajjanti vacanasiliṭṭhatāvaseneva vuttaṃ. Aparivasitvāyeva hi pabbajjaṃ labhati. Upasampadatthikena pana nātikālena gāmappavesanādīni aṭṭha vattāni pūrentena parivasitabbaṃ . Āraddhacittāti aṭṭhavattapūraṇena tuṭṭhacittā. Ayamettha saṅkhepo. Vitthārato panesa titthiyaparivāso samantapāsādikāya vinayaṭṭhakathāya pabbajjakhandhakavaṇṇanāyaṃ (mahāva. aṭṭha. 86) vuttanayeneva veditabbo . Apica metthāti apica me ettha. Puggalavemattatā viditāti puggalanānattaṃ viditaṃ. Ayaṃ puggalo parivāsāraho, ayaṃ na parivāsārahoti idaṃ mayhaṃ pākaṭanti dasseti.
д̇ад̇о сзнияо жинд̇зси – ‘‘ахо ажчарияам̣ б̣уд̣̇д̇хасаасанам̣, яад̇т̇а звам̣ гхам̣сид̇ваа годдзд̇ваа яуд̇д̇амзва г̇ан̣ханд̇и, аяуд̇д̇ам̣ чад̣д̣знд̇ий’’д̇и. д̇ад̇о судтуд̇арам̣ баб̣б̣аж̇ж̇ааяа сан̃ж̇аад̇уссаахо сажз, бханд̇зд̇иаад̣̇имааха. ат̇а бхаг̇аваа д̇асса д̇иб̣б̣ажчанд̣̇ад̇ам̣ вид̣̇ид̇ваа на сзнияо бариваасам̣ арахад̇ийд̇и ан̃н̃ад̇арам̣ бхигкум̣ ааманд̇зси – ‘‘г̇ажча д̇вам̣, бхигку, сзнияам̣ нхаабзд̇ваа баб̣б̣ааж̇зд̇ваа аанзхий’’д̇и. со д̇ат̇аа гад̇ваа д̇ам̣ баб̣б̣ааж̇зд̇ваа бхаг̇авад̇о санд̇игам̣ аанаяи. бхаг̇аваа г̇ан̣з нисийд̣̇ид̇ваа убасамбаад̣̇зси. д̇зна вуд̇д̇ам̣ – ‘‘алад̇т̇а ко ажзло сзнияо бхаг̇авад̇о санд̇игз баб̣б̣аж̇ж̇ам̣ алад̇т̇а убасамбад̣̇а’’нд̇и.
Tato seniyo cintesi – ‘‘aho acchariyaṃ buddhasāsanaṃ, yattha evaṃ ghaṃsitvā koṭṭetvā yuttameva gaṇhanti, ayuttaṃ chaḍḍentī’’ti. Tato suṭṭhutaraṃ pabbajjāya sañjātussāho sace, bhantetiādimāha. Atha bhagavā tassa tibbacchandataṃ viditvā na seniyo parivāsaṃ arahatīti aññataraṃ bhikkhuṃ āmantesi – ‘‘gaccha tvaṃ, bhikkhu, seniyaṃ nhāpetvā pabbājetvā ānehī’’ti. So tathā katvā taṃ pabbājetvā bhagavato santikaṃ ānayi. Bhagavā gaṇe nisīditvā upasampādesi. Tena vuttaṃ – ‘‘alattha kho acelo seniyo bhagavato santike pabbajjaṃ alattha upasampada’’nti.
ажируубасамбаннод̇и убасамбанно худ̇ваа нажирамзва. вуубагадтод̇и вад̇т̇угаамагилзсагаамзхи гааязна жа жид̇д̇зна жа вуубагадто. аббамад̇д̇од̇и гаммадтаанз сад̇им̣ авиж̇аханд̇о. аад̇аабийд̇и гааяигажзд̇асигасан̇каад̇зна вийрияаад̇аабзна аад̇аабий. бахид̇ад̇д̇од̇и гааяз жа ж̇ийвид̇з жа анабзгкад̇ааяа бзсид̇ад̇д̇о виссадтаад̇д̇абхааво. яассад̇т̇ааяаад̇и яасса ад̇т̇ааяа. гулабуд̇д̇аад̇и аажаарагулабуд̇д̇аа. саммад̣̇зваад̇и хзд̇унаава гааран̣знзва. д̇ад̣̇ануд̇д̇аранд̇и д̇ам̣ ануд̇д̇арам̣. б̣рахмажарияабарияосаананд̇и маг̇г̇аб̣рахмажарияабарияосаанабхууд̇ам̣ арахад̇д̇апалам̣. д̇асса хи ад̇т̇ааяа гулабуд̇д̇аа баб̣б̣аж̇анд̇и. д̣̇идтзва д̇хаммзд̇и имасмим̣язва ад̇д̇абхаавз. саяам̣ абхин̃н̃аа сажчигад̇ваад̇и ад̇д̇анааязва бан̃н̃ааяа бажжагкам̣ гад̇ваа, абараббажжаяам̣ н̃ад̇ваад̇и ад̇т̇о. убасамбаж̇ж̇а вихаасийд̇и баабун̣ид̇ваа самбаад̣̇зд̇ваа вихааси. звам̣ вихаранд̇ова кийн̣аа ж̇аад̇и…бз… аб̣бхан̃н̃ааси.
Acirūpasampannoti upasampanno hutvā nacirameva. Vūpakaṭṭhoti vatthukāmakilesakāmehi kāyena ca cittena ca vūpakaṭṭho. Appamattoti kammaṭṭhāne satiṃ avijahanto. Ātāpīti kāyikacetasikasaṅkhātena vīriyātāpena ātāpī. Pahitattoti kāye ca jīvite ca anapekkhatāya pesitatto vissaṭṭhaattabhāvo. Yassatthāyāti yassa atthāya. Kulaputtāti ācārakulaputtā. Sammadevāti hetunāva kāraṇeneva. Tadanuttaranti taṃ anuttaraṃ. Brahmacariyapariyosānanti maggabrahmacariyapariyosānabhūtaṃ arahattaphalaṃ. Tassa hi atthāya kulaputtā pabbajanti. Diṭṭheva dhammeti imasmiṃyeva attabhāve. Sayaṃ abhiññā sacchikatvāti attanāyeva paññāya paccakkhaṃ katvā, aparappaccayaṃ ñatvāti attho. Upasampajja vihāsīti pāpuṇitvā sampādetvā vihāsi. Evaṃ viharantova khīṇā jāti…pe… abbhaññāsi.
звамасса бажжавзгкан̣абхуумим̣ д̣̇ассзд̇ваа арахад̇д̇анигуудзнзва д̣̇зсанам̣ нидтаабзд̇ум̣ ‘‘ан̃н̃ад̇аро ко банааяасмаа сзнияо арахад̇ам̣ ахосий’’д̇и вуд̇д̇ам̣. д̇ад̇т̇а ан̃н̃ад̇арод̇и зго. арахад̇анд̇и араханд̇аанам̣, бхаг̇авад̇о саавагаанам̣ араханд̇аанам̣ аб̣бханд̇аро ахосийд̇и аяамзвад̇т̇а ад̇хиббааяо. сзсам̣ саб̣б̣ад̇т̇а уд̇д̇аанамзваад̇и.
Evamassa paccavekkhaṇabhūmiṃ dassetvā arahattanikūṭeneva desanaṃ niṭṭhāpetuṃ ‘‘aññataro kho panāyasmā seniyo arahataṃ ahosī’’ti vuttaṃ. Tattha aññataroti eko. Arahatanti arahantānaṃ, bhagavato sāvakānaṃ arahantānaṃ abbhantaro ahosīti ayamevattha adhippāyo. Sesaṃ sabbattha uttānamevāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
гуггуравад̇игасуд̇д̇аван̣н̣анаа нидтид̇аа.
Kukkuravatikasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 7. гуггуравад̇игасуд̇д̇ам̣ • 7. Kukkuravatikasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 7. гуггуравад̇игасуд̇д̇аван̣н̣анаа • 7. Kukkuravatikasuttavaṇṇanā
