| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
7. гуггуравад̇игасуд̇д̇аван̣н̣анаа
7. Kukkuravatikasuttavaṇṇanā
78. голиязсууд̇и б̣ахуважанавасзнааяам̣ баал̣и ааг̇ад̇аа. звам̣наамагз ж̇анабад̣̇зд̇и ад̇т̇аважанам̣ гасмаа вуд̇д̇анд̇и ааха ‘‘со хий’’д̇иаад̣̇и. на нияамид̇од̇и ‘‘асугамхи наама вихаарз’’д̇и на нияамзд̇ваа вуд̇д̇о. сзнаасанзязваад̇и ааваасзязва, на ругкамуулаад̣̇игз. взсагирияаа гхаасаг̇г̇ахан̣аад̣̇инаа самаад̣̇аад̇аб̣б̣адтзна г̇овад̇ам̣, д̇асмим̣ нияуд̇д̇о г̇овад̇иго. д̇знааха ‘‘самаад̣̇иннаг̇овад̇о’’д̇и. яам̣ санд̇хааяааху взд̣̇авзд̣̇ино – ‘‘г̇ажчам̣ бхагкзд̇и, д̇идтам̣ муд̇д̇зд̇и, убаахаа уд̣̇агам̣ д̇хуубзд̇и, д̇ин̣аани чинд̣̇ад̇ий’’д̇иаад̣̇и. аяам̣ ажзлод̇и ажзлагабаб̣б̣аж̇ж̇аавасзна ажзло, буримо бана г̇овад̇иго гуггуравад̇игод̇и зд̇т̇а вуд̇д̇анаяаанусаарзна ад̇т̇о вад̇д̇аб̣б̣о. балигун̣тид̇ваад̇и убхо хад̇т̇з убхо баад̣̇з жа самин̃ж̇ид̇ваа. ‘‘уггудиго худ̇ваа’’д̇иби вад̣̇анд̇и. г̇аманам̣ нибпаж̇ж̇анам̣ г̇ад̇ийд̇и ааха – ‘‘гаа г̇ад̇ийд̇и гаа нибпад̇д̇ий’’д̇и. нибпад̇д̇ибарияосаанаа хи вибаагад̇хаммаббавад̇д̇и. гад̇уубажид̇агаммавасзна абхисамбарзд̇и зд̇т̇аад̇и абхисамбарааяо, баралого. д̇ад̇т̇асса жа нибпад̇д̇им̣ бужчад̇ийд̇и ааха – ‘‘абхисамбарааяамхи гад̇т̇а ниб̣б̣ад̇д̇ий’’д̇и. гуггуравад̇асамаад̣̇аананд̇и гуггурабхаавасамаад̣̇аанам̣, ‘‘аж̇ж̇а бадтааяа ахам̣ гуггуро’’д̇и гуггурабхааваад̇хидтаанам̣.
78.Koliyesūti bahuvacanavasenāyaṃ pāḷi āgatā. Evaṃnāmake janapadeti atthavacanaṃ kasmā vuttanti āha ‘‘so hī’’tiādi. Na niyamitoti ‘‘asukamhi nāma vihāre’’ti na niyametvā vutto. Senāsaneyevāti āvāseyeva, na rukkhamūlādike. Vesakiriyā ghāsaggahaṇādinā samādātabbaṭṭhena govataṃ, tasmiṃ niyutto govatiko. Tenāha ‘‘samādinnagovato’’ti. Yaṃ sandhāyāhu vedavedino – ‘‘gacchaṃ bhakkheti, tiṭṭhaṃ mutteti, upāhā udakaṃ dhūpeti, tiṇāni chindatī’’tiādi. Ayaṃ aceloti acelakapabbajjāvasena acelo, purimo pana govatiko kukkuravatikoti ettha vuttanayānusārena attho vattabbo. Palikuṇṭhitvāti ubho hatthe ubho pāde ca samiñjitvā. ‘‘Ukkuṭiko hutvā’’tipi vadanti. Gamanaṃ nipphajjanaṃ gatīti āha – ‘‘kāgatīti kā nipphattī’’ti. Nipphattipariyosānā hi vipākadhammappavatti. Katūpacitakammavasena abhisampareti etthāti abhisamparāyo, paraloko. Tatthassa ca nipphattiṃ pucchatīti āha – ‘‘abhisamparāyamhi kattha nibbattī’’ti. Kukkuravatasamādānanti kukkurabhāvasamādānaṃ, ‘‘ajja paṭṭhāya ahaṃ kukkuro’’ti kukkurabhāvādhiṭṭhānaṃ.
79. барибун̣н̣анд̇и яад̇д̇агаа гуггуравигаараа, д̇зхи барибун̣н̣ам̣. д̇знааха ‘‘анууна’’нд̇и. аб̣б̣огин̣н̣анд̇и д̇зхи авомиссам̣. гуггураажааранд̇и гуггураанам̣ г̇аманаагаарод̇иаад̣̇иаажаарзна гуггурабхааваад̇хидтаанажид̇д̇амааха. д̇ат̇аа д̇ат̇аа аагаббзд̇аб̣б̣ад̇о аагаббо, бавад̇д̇иаагааро. со банзд̇т̇а г̇аманаад̣̇игод̇и ааха ‘‘гуггураанам̣ г̇аманаагааро’’д̇иаад̣̇и. аажаарзнаад̇и гуггурасийлаажаарзна. вад̇асамаад̣̇аанзнаад̇и гуггуравад̇аад̇хидтаанзна. гуггуражарияаад̣̇иязва д̣̇уггарад̇абажаран̣ам̣. д̇зна г̇ад̇ивибариязсаагаарзна бавад̇д̇аа лад̣̇д̇хи. асса гуггуравад̇игасса ан̃н̃аа г̇ад̇и над̇т̇ийд̇и ид̇араг̇ад̇им̣ бадигкибад̇и, ид̇араасам̣ бана самбхаво зва над̇т̇ийд̇и. нибаж̇ж̇амаананд̇и вад̇асийлаад̣̇ийнам̣ сам̣г̇обанавасзна сиж̇жхамаанам̣. яат̇аа сагаммагад̇хаад̇усад̣̇д̣̇аа ад̇т̇ависзсавасзна агаммагаа хонд̇и ‘‘виб̣уд̣̇д̇хо бурисо виб̣уд̣̇д̇хо гамаласан̣д̣о’’д̇и, звам̣ ад̇т̇ависзсавасзна агаммагааби сагаммагаа хонд̇ийд̇и д̣̇ассзнд̇о ‘‘на барид̣̇зваами на ануд̇т̇унаамий’’д̇иаад̣̇имааха. ануд̇т̇унасад̣̇д̣̇о жа сагаммагавасзна баяуж̇ж̇ад̇и ‘‘бураан̣аани ануд̇т̇уна’’нд̇иаад̣̇ийсу. аяан̃жзд̇т̇а баяог̇од̇и иминаа г̇аат̇ааяан̃жа ануд̇т̇унанарод̣̇анам̣ ад̇хиббзд̇анд̇и д̣̇ассзд̇и.
79.Paripuṇṇanti yattakā kukkuravikārā, tehi paripuṇṇaṃ. Tenāha ‘‘anūna’’nti. Abbokiṇṇanti tehi avomissaṃ. Kukkurācāranti kukkurānaṃ gamanākārotiādiācārena kukkurabhāvādhiṭṭhānacittamāha. Tathā tathā ākappetabbato ākappo, pavattiākāro. So panettha gamanādikoti āha ‘‘kukkurānaṃ gamanākāro’’tiādi. Ācārenāti kukkurasīlācārena. Vatasamādānenāti kukkuravatādhiṭṭhānena. Kukkuracariyādiyeva dukkaratapacaraṇaṃ. Tena gativipariyesākārena pavattā laddhi. Assa kukkuravatikassa aññā gati natthīti itaragatiṃ paṭikkhipati, itarāsaṃ pana sambhavo eva natthīti. Nipajjamānanti vatasīlādīnaṃ saṃgopanavasena sijjhamānaṃ. Yathā sakammakadhātusaddā atthavisesavasena akammakā honti ‘‘vibuddho puriso vibuddho kamalasaṇḍo’’ti, evaṃ atthavisesavasena akammakāpi sakammakā hontīti dassento ‘‘na paridevāmi na anutthunāmī’’tiādimāha. Anutthunasaddo ca sakammakavasena payujjati ‘‘purāṇāni anutthuna’’ntiādīsu. Ayañcettha payogoti iminā gāthāyañca anutthunanarodanaṃ adhippetanti dasseti.
80. вуд̇д̇анаязнзваад̇и иминаа г̇овад̇анд̇и г̇овад̇асамаад̣̇аанам̣. г̇осийланд̇и г̇аваажаарам̣. г̇ожид̇д̇анд̇и ‘‘аж̇ж̇а бадтааяа г̇охи гаад̇аб̣б̣ам̣ гариссаамий’’д̇и уббаннажид̇д̇анд̇и имамад̇т̇ам̣ ад̇ид̣̇исад̇и. г̇ваагаббз бана вад̇д̇аб̣б̣ам̣ авасидтам̣ ‘‘гуггураагаббз вуд̇д̇асад̣̇исамзваа’’д̇и иминаава ад̇ид̣̇идтам̣, висидтан̃жа яат̇аа бана д̇ад̇т̇аад̇иаад̣̇инаа вуд̇д̇амзва. яам̣ банзд̇т̇а вад̇д̇аб̣б̣ам̣, д̇ам̣ гуггуравад̇аад̣̇ийсу вуд̇д̇анаяамзва.
80.Vuttanayenevāti iminā govatanti govatasamādānaṃ. Gosīlanti gavācāraṃ. Gocittanti ‘‘ajja paṭṭhāya gohi kātabbaṃ karissāmī’’ti uppannacittanti imamatthaṃ atidisati. Gvākappe pana vattabbaṃ avasiṭṭhaṃ ‘‘kukkurākappe vuttasadisamevā’’ti imināva atidiṭṭhaṃ, visiṭṭhañca yathā pana tatthātiādinā vuttameva. Yaṃ panettha vattabbaṃ, taṃ kukkuravatādīsu vuttanayameva.
81. згажжагаммагирияаавасзнаад̇и згажжасса агусалагаммасса гусалагаммасса гаран̣аббасан̇г̇зна. имзсанд̇и г̇овад̇игагуггуравад̇игаанам̣. гирияаад̇и г̇овад̇абхааванаад̣̇ивасзна бавад̇д̇аа гирияаа. баагадаа бхависсад̇ийд̇и ‘‘имасмим̣ гаммажад̇уггз ид̣̇ам̣ наама гаммам̣ бхаж̇ад̇ий’’д̇и баагадаа бхависсад̇и.
81.Ekaccakammakiriyāvasenāti ekaccassa akusalakammassa kusalakammassa karaṇappasaṅgena. Imesanti govatikakukkuravatikānaṃ. Kiriyāti govatabhāvanādivasena pavattā kiriyā. Pākaṭā bhavissatīti ‘‘imasmiṃ kammacatukke idaṃ nāma kammaṃ bhajatī’’ti pākaṭā bhavissati.
гаал̣аганд̇и (а. ни. дий. 2.4.232) малийнам̣, жид̇д̇асса абабхассарабхаавагаран̣анд̇и ад̇т̇о. д̇ам̣ банзд̇т̇а гаммабат̇асамбад̇д̇амзва ад̇хиббзд̇анд̇и ааха ‘‘д̣̇асаагусалагаммабат̇а’’нд̇и. ган̣ханд̇и ган̣хаабхиж̇аад̇ихзд̇уд̇о ваа ган̣хам̣. д̇знааха ‘‘ган̣хавибаага’’нд̇и. абааяуубабад̇д̇и мануссзсу жа д̣̇обхаг̇г̇ияам̣ ган̣хавибааго, яат̇аа д̇амабхааво вуд̇д̇о, згад̇д̇анид̣̇д̣̇зсзна бана ‘‘абааяз ниб̣б̣ад̇д̇анад̇о’’д̇и вуд̇д̇ам̣, ниб̣б̣ад̇д̇аабанад̇од̇и ад̇т̇о. сугганд̇и од̣̇аад̇ам̣, жид̇д̇асса бабхассарабхаавагаран̣анд̇и ад̇т̇о, суггаабхиж̇аад̇ихзд̇уд̇о ваа суггам̣. д̇знааха ‘‘суггавибаага’’нд̇и. саг̇г̇уубабад̇д̇и мануссалогз собхаг̇г̇ияан̃жа суггавибааго, яат̇аа жа ж̇од̇ибхааво вуд̇д̇о, згад̇д̇анид̣̇д̣̇зсзна бана ‘‘саг̇г̇з ниб̣б̣ад̇д̇анад̇о’’д̇и вуд̇д̇ам̣, ниб̣б̣ад̇д̇аабанад̇од̇и ад̇т̇о, вомиссагагамманд̇и гаалзна ган̣хам̣, гаалзна сугганд̇и звам̣ миссагавасзна гад̇агаммам̣. ‘‘сукад̣̇угкавибаага’’нд̇и вад̇ваа сукад̣̇угкаанам̣ бавад̇д̇иаагаарам̣ д̣̇ассзд̇ум̣ ‘‘миссагагамман̃хий’’д̇иаад̣̇и вуд̇д̇ам̣. гаммасса ган̣хасуггасаман̃н̃аа ган̣хасуггаабхиж̇аад̇ихзд̇уд̇ааяаад̇и, абажжаяаг̇аамид̇ааяа д̇ад̣̇убхаяавинимуд̇д̇асса гаммагкаяагарагаммасса ид̇ха суггабарияааяоби на ижчид̇од̇и ааха – ‘‘убхаяа…бз… асугганд̇и вуд̇д̇а’’нд̇и. д̇ад̇т̇а убхаяавибаагассаад̇и яат̇аад̇хиг̇ад̇асса вибаагасса. самбад̇д̇ибхавабарияаабанно хи вибааго ид̇ха ‘‘суггавибааго’’д̇и ад̇хиббзд̇о, на ажжанд̇абарисуд̣̇д̇хо.
Kāḷakanti (a. ni. ṭī. 2.4.232) malīnaṃ, cittassa apabhassarabhāvakaraṇanti attho. Taṃ panettha kammapathasampattameva adhippetanti āha ‘‘dasaakusalakammapatha’’nti. Kaṇhanti kaṇhābhijātihetuto vā kaṇhaṃ. Tenāha ‘‘kaṇhavipāka’’nti. Apāyūpapatti manussesu ca dobhaggiyaṃ kaṇhavipāko, yathā tamabhāvo vutto, ekattaniddesena pana ‘‘apāye nibbattanato’’ti vuttaṃ, nibbattāpanatoti attho. Sukkanti odātaṃ, cittassa pabhassarabhāvakaraṇanti attho, sukkābhijātihetuto vā sukkaṃ. Tenāha ‘‘sukkavipāka’’nti. Saggūpapatti manussaloke sobhaggiyañca sukkavipāko, yathā ca jotibhāvo vutto, ekattaniddesena pana ‘‘sagge nibbattanato’’ti vuttaṃ, nibbattāpanatoti attho, vomissakakammanti kālena kaṇhaṃ, kālena sukkanti evaṃ missakavasena katakammaṃ. ‘‘Sukhadukkhavipāka’’nti vatvā sukhadukkhānaṃ pavattiākāraṃ dassetuṃ ‘‘missakakammañhī’’tiādi vuttaṃ. Kammassa kaṇhasukkasamaññā kaṇhasukkābhijātihetutāyāti, apaccayagāmitāya tadubhayavinimuttassa kammakkhayakarakammassa idha sukkapariyāyopi na icchitoti āha – ‘‘ubhaya…pe… asukkanti vutta’’nti. Tattha ubhayavipākassāti yathādhigatassa vipākassa. Sampattibhavapariyāpanno hi vipāko idha ‘‘sukkavipāko’’ti adhippeto, na accantaparisuddho.
сад̣̇угканд̇и ад̇д̇анаа уббаад̣̇зд̇аб̣б̣зна д̣̇угкзна сад̣̇угкам̣, д̣̇угкасам̣вад̇д̇аниганд̇и ад̇т̇о. ‘‘имасмим̣ суд̇д̇з жзд̇анаа д̇хурам̣, убаалисуд̇д̇з (ма. ни. 2.56) гамма’’нд̇и хздтаа вуд̇д̇амби ад̇т̇ам̣ ид̇ха саад̇хаяад̇и виж̇аананад̇т̇ам̣. абхисан̇карид̇ваад̇и ааяуухид̇ваа. д̇ам̣ бана бажжаяасамавааяасид̣̇д̇хид̇о сам̣гад̣дханам̣ бин̣д̣анам̣ вияа ход̇ийд̇и ааха – ‘‘сан̇гад̣дхид̇ваа, бин̣д̣ам̣ гад̇ваад̇и ад̇т̇о’’д̇и, сад̣̇угкам̣ логанд̇и абааяалогамааха. вибаагапассаад̇и пассасийсзна д̇ад̇т̇а вибаагабавад̇д̇амааха. бхууд̇агаммад̇од̇и ниб̣б̣ад̇д̇агаммад̇о ад̇д̇анаа гад̇уубажид̇агаммад̇о. яат̇аабхууд̇анд̇и яаад̣̇исам̣. гаммасабхааг̇авасзнаад̇и гаммасаригкагавасзна. убабад̇д̇и ход̇ийд̇и абад̣̇аад̣̇ибхзд̣̇аа убабад̇д̇и. гаммзна вияа вуд̇д̇аад̇и яам̣ гарод̇и, д̇зна убабаж̇ж̇ад̇ийд̇и згагаммзнзва ж̇ааяамаанаа вияа вуд̇д̇аа абад̣̇аад̣̇ибхзд̣̇аа. убабад̇д̇и жа наама вибаагзна ход̇и вибаагз самбхаванд̇з згам̣сзна д̇з убабад̇д̇ивисзсаа самбхаванд̇и. яад̣̇и звам̣ гасмаа ‘‘д̇зна убабаж̇ж̇ад̇ий’’д̇и убабад̇д̇игаммахзд̇угаа вуд̇д̇аад̇и ааха ‘‘яасмаа банаа’’д̇иаад̣̇и. язна гаммавибаагзна ниб̣б̣ад̇д̇од̇и язна гаммавибаагзна вибажжамаанзна аяам̣ сад̇д̇о ниб̣б̣ад̇д̇од̇и вужжад̇и. д̇ам̣гаммавибаагапассаад̇и д̇асса д̇асса гаммасса вибаагабхууд̇аа пассаа. гаммзна д̣̇аад̇аб̣б̣ам̣ д̣̇ааяам̣ д̇аб̣б̣ибаагам̣ аад̣̇ияанд̇ийд̇и гаммад̣̇ааяаад̣̇аа, пассаа. гаммасса д̣̇ааяаж̇ж̇ад̇аа гаммапаласса д̣̇ааяаж̇ж̇ам̣, д̇асмаа вуд̇д̇ам̣ ‘‘гаммад̣̇ааяаж̇ж̇аа’’д̇и. д̇знааха ‘‘гаммамзва нзсам̣ д̣̇ааяаж̇ж̇ам̣ санд̇ага’’нд̇и.
Sadukkhanti attanā uppādetabbena dukkhena sadukkhaṃ, dukkhasaṃvattanikanti attho. ‘‘Imasmiṃ sutte cetanā dhuraṃ, upālisutte (ma. ni. 2.56) kamma’’nti heṭṭhā vuttampi atthaṃ idha sādhayati vijānanatthaṃ. Abhisaṅkharitvāti āyūhitvā. Taṃ pana paccayasamavāyasiddhito saṃkaḍḍhanaṃ piṇḍanaṃ viya hotīti āha – ‘‘saṅkaḍḍhitvā, piṇḍaṃ katvāti attho’’ti, sadukkhaṃ lokanti apāyalokamāha. Vipākaphassāti phassasīsena tattha vipākapavattamāha. Bhūtakammatoti nibbattakammato attanā katūpacitakammato. Yathābhūtanti yādisaṃ. Kammasabhāgavasenāti kammasarikkhakavasena. Upapatti hotīti apadādibhedā upapatti. Kammena viya vuttāti yaṃ karoti, tena upapajjatīti ekakammeneva jāyamānā viya vuttā apadādibhedā. Upapatti ca nāma vipākena hoti vipāke sambhavante ekaṃsena te upapattivisesā sambhavanti. Yadi evaṃ kasmā ‘‘tena upapajjatī’’ti upapattikammahetukā vuttāti āha ‘‘yasmā panā’’tiādi. Yena kammavipākena nibbattoti yena kammavipākena vipaccamānena ayaṃ satto nibbattoti vuccati. Taṃkammavipākaphassāti tassa tassa kammassa vipākabhūtā phassā. Kammena dātabbaṃ dāyaṃ tabbipākaṃ ādiyantīti kammadāyādā, phassā. Kammassa dāyajjatā kammaphalassa dāyajjaṃ, tasmā vuttaṃ ‘‘kammadāyajjā’’ti. Tenāha ‘‘kammameva nesaṃ dāyajjaṃ santaka’’nti.
д̇иссо жа хздтимаж̇жхаанажзд̇анаад̇и ид̣̇ам̣ аб̣яааб̣аж̇жхавзд̣̇анам̣ взд̣̇ияаназганд̇асукуббад̇д̇ияаа хзд̇убхаавасаад̇ханам̣. яад̣̇и звам̣ яат̇аавуд̇д̇аа жхаанажзд̇анаа д̇аава ход̇у зганд̇асукуббад̇д̇ихзд̇убхаавад̇о. гаамааважараа гинд̇ийд̇и гаамааважараа бана гусалажзд̇анаа д̇ам̣сабхааваабхаавад̇о гинд̇и гзна багаарзна аб̣яааб̣аж̇жхаманосан̇кааро наама ж̇аад̇од̇и жод̣̇зд̇и, ид̇аро бана на саб̣б̣аа гаамааважарагусалажзд̇анаа д̇ат̇аа г̇ахид̇аа, ат̇а ко згажжаа жхаанажзд̇анаанугуулаад̇и д̣̇ассзнд̇о ‘‘гасин̣асаж̇ж̇анагаалз гасин̣аасзванагаалз лаб̣бханд̇ий’’д̇и ааха. д̇ад̇т̇а гасин̣аасзванажзд̇анаа г̇ахзд̇аб̣б̣аа, саа убажаараж̇жхаанасса саад̇хигаа. д̇зна гаамааважаражзд̇анаа батамаж̇жхаанажзд̇анааяа гхадид̇аад̇и гасин̣асаж̇ж̇анажзд̇анааби гад̣̇аажи д̇аад̣̇исаа ход̇ийд̇и г̇ахид̇аа. баригаммаад̣̇ивасзна хи бавад̇д̇аа бхааванаамаяаа гаамааважарагусалажзд̇анаа батамаж̇жхаанасса аасаннад̇ааяа вуд̇д̇аа. жад̇уд̇т̇аж̇жхаанажзд̇анаа д̇ад̇ияаж̇жхаанажзд̇анааяа гхадид̇аад̇и ид̣̇ам̣ згад̇д̇агааяазгад̇д̇асан̃н̃ийсад̇д̇ааваасавад̇ааяа д̇ам̣саригкагаа убзгкааби ийд̣̇исзсу таанзсу сукасаригкад̇аа, звам̣ санд̇асабхаавад̇аа н̃аан̣асахид̇ад̇аа жа. гзжи бана жад̇уд̇т̇аж̇жхаанажзд̇анаануг̇ун̣аад̇и нид̣̇ассзнд̇аа гасин̣асаж̇ж̇анагаалз гасин̣аж̇жхаанагаалз гасин̣аасзванагаалз лаб̣бхад̇ийд̇и д̇ад̇ияаж̇жхаанажзд̇анааяа аасаннагхадид̇ад̇аа вуд̇д̇аад̇и вад̣̇анд̇и, д̇ам̣ д̇зсам̣ мад̇имад̇д̇ам̣, вуд̇д̇анаязнзва д̇аасам̣ гхадид̇ад̇аа взд̣̇ид̇аб̣б̣аа. убхаяамиссагавасзнаад̇и убхаязсам̣ гусалаагусаласан̇каараанам̣ сукад̣̇угкаанан̃жа миссагабхаававасзна. взмаанигабзд̇аананд̇и ид̣̇ам̣ б̣аахуллад̇о вуд̇д̇ам̣, ид̇арзсамби винибаад̇игаанам̣ гаалзна д̣̇угкам̣ ход̇иязва.
Tisso ca heṭṭhimajjhānacetanāti idaṃ abyābajjhavedanaṃ vediyanaekantasukhuppattiyā hetubhāvasādhanaṃ. Yadi evaṃ yathāvuttā jhānacetanā tāva hotu ekantasukhuppattihetubhāvato. Kāmāvacarā kintīti kāmāvacarā pana kusalacetanā taṃsabhāvābhāvato kinti kena pakārena abyābajjhamanosaṅkhāro nāma jātoti codeti, itaro pana na sabbā kāmāvacarakusalacetanā tathā gahitā, atha kho ekaccā jhānacetanānukūlāti dassento ‘‘kasiṇasajjanakāle kasiṇāsevanakāle labbhantī’’ti āha. Tattha kasiṇāsevanacetanā gahetabbā, sā upacārajjhānassa sādhikā. Tena kāmāvacaracetanā paṭhamajjhānacetanāya ghaṭitāti kasiṇasajjanacetanāpi kadāci tādisā hotīti gahitā. Parikammādivasena hi pavattā bhāvanāmayā kāmāvacarakusalacetanā paṭhamajjhānassa āsannatāya vuttā. Catutthajjhānacetanā tatiyajjhānacetanāya ghaṭitāti idaṃ ekattakāyaekattasaññīsattāvāsavatāya taṃsarikkhakā upekkhāpi īdisesu ṭhānesu sukhasarikkhatā, evaṃ santasabhāvatā ñāṇasahitatā ca. Keci pana catutthajjhānacetanānuguṇāti nidassentā kasiṇasajjanakāle kasiṇajjhānakāle kasiṇāsevanakāle labbhatīti tatiyajjhānacetanāya āsannaghaṭitatā vuttāti vadanti, taṃ tesaṃ matimattaṃ, vuttanayeneva tāsaṃ ghaṭitatā veditabbā. Ubhayamissakavasenāti ubhayesaṃ kusalākusalasaṅkhārānaṃ sukhadukkhānañca missakabhāvavasena. Vemānikapetānanti idaṃ bāhullato vuttaṃ, itaresampi vinipātikānaṃ kālena dukkhaṃ hotiyeva.
д̇асса бахаанааяаад̇и д̇асса яат̇аавуд̇д̇асса гаммасса ануббад̇д̇ид̇хаммад̇аабаад̣̇анааяа. яаа жзд̇анаад̇и яаа абажаяаг̇ааминижзд̇анаа. гаммам̣ бад̇ваад̇и сукагамманд̇и вужжамаанз маг̇г̇ажзд̇анааяа ан̃н̃о бан̣д̣арад̇аро д̇хаммо наама над̇т̇и ажжанд̇абаарисуд̣̇д̇хибхаавад̇о. аган̣хаа асуггаад̇и ааг̇ад̇аад̇и зд̇т̇а суггабхаавабадигкзбагааран̣ам̣ хздтаа вуд̇д̇анаяамзва. д̇знааха ‘‘ид̣̇ам̣ бана гаммажад̇уггам̣ бад̇ваа’’д̇иаад̣̇и.
Tassapahānāyāti tassa yathāvuttassa kammassa anuppattidhammatāpādanāya. Yā cetanāti yā apacayagāminicetanā. Kammaṃ patvāti sukhakammanti vuccamāne maggacetanāya añño paṇḍarataro dhammo nāma natthi accantapārisuddhibhāvato. Akaṇhā asukkāti āgatāti ettha sukkabhāvapaṭikkhepakāraṇaṃ heṭṭhā vuttanayameva. Tenāha ‘‘idaṃ pana kammacatukkaṃ patvā’’tiādi.
82. анияяаанигабагкзд̇и ажзл̣агабаб̣б̣аж̇ж̇ааяа гуггуравад̇з жа. яог̇зд̇и н̃ааяад̇хаммабадибад̇д̇ияанд̇и ад̇т̇о. яонзнаад̇и яо д̇ид̇т̇ияабариваасо д̇зна бхаг̇авад̇аа бан̃н̃ад̇д̇о. яам̣ д̇ид̇т̇ияабариваасам̣ самаад̣̇ияид̇ваад̇и аяамзд̇т̇а яож̇анаа. гхам̣сид̇ваа суван̣н̣ам̣ вияа нигхам̣соббалз. годдзд̇ваа хад̇т̇зна вияа гулаалабхааж̇анам̣.
82.Aniyyānikapakkheti aceḷakapabbajjāya kukkuravate ca. Yogeti ñāyadhammapaṭipattiyanti attho. Yonenāti yo titthiyaparivāso tena bhagavatā paññatto. Yaṃ titthiyaparivāsaṃ samādiyitvāti ayamettha yojanā. Ghaṃsitvā suvaṇṇaṃ viya nighaṃsoppale. Koṭṭetvā hatthena viya kulālabhājanaṃ.
вуубагадтод̇и вивид̇д̇о згийбхууд̇о. бзсид̇ад̇д̇од̇и ниб̣б̣аанам̣ бад̇и бзсид̇ад̇д̇о. гаамам̣ д̇ад̣̇ануд̇д̇арам̣ б̣рахмажарияабарияосаанам̣…бз… вихаасийд̇и иминаава арахад̇д̇анигуудзна д̣̇зсанаа нидтаабид̇аа ход̇и, ааяасмад̇о бана сзнияасса бадибад̇д̇игид̇д̇анабарамзд̇ам̣ уж̇угам̣ аабаннаарахад̇д̇абхаавад̣̇ийбанам̣, яад̣̇ид̣̇ам̣ ‘‘ан̃н̃ад̇аро ко банаа’’д̇иаад̣̇иважананд̇и ааха ‘‘арахад̇д̇анигуудзнзваа’’д̇и. арахад̇д̇аад̇хиг̇амоязва д̇асса д̇зсам̣ аб̣бханд̇арад̇аа. сзсам̣ саб̣б̣ам̣ сувин̃н̃зяяамзва.
Vūpakaṭṭhoti vivitto ekībhūto. Pesitattoti nibbānaṃ pati pesitatto. Kāmaṃ tadanuttaraṃ brahmacariyapariyosānaṃ…pe… vihāsīti imināva arahattanikūṭena desanā niṭṭhāpitā hoti, āyasmato pana seniyassa paṭipattikittanaparametaṃ ujukaṃ āpannaarahattabhāvadīpanaṃ, yadidaṃ ‘‘aññataro kho panā’’tiādivacananti āha ‘‘arahattanikūṭenevā’’ti. Arahattādhigamoyeva tassa tesaṃ abbhantaratā. Sesaṃ sabbaṃ suviññeyyameva.
гуггуравад̇игасуд̇д̇аван̣н̣анааяа лийнад̇т̇аббагаасанаа самад̇д̇аа.
Kukkuravatikasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 7. гуггуравад̇игасуд̇д̇ам̣ • 7. Kukkuravatikasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 7. гуггуравад̇игасуд̇д̇аван̣н̣анаа • 7. Kukkuravatikasuttavaṇṇanā
